إرْمِيا 28:14 - الكتاب المقدس بالعربي الدارجي هنا تشاد

¹⁴ أَشَانْ اللّٰهْ الْقَادِرْ إِلٰـهْ بَنِي إِسْرَائِيلْ قَالْ: ‹أَنَا خَطَّيْت دَامِي هَنَا حَدِيدْ فِي كَتَافَيْ كُلَّ الْأُمَمْ دَوْل لِيَخْدُمُوا لِنَبُوخَدْنَصَرْ مَلِكْ بَابِلْ. وَ سَلَّمْت لَيَّهْ حَيْوَانَاتْ الْكَدَادَةْ كُلَ لِيَقْعُدُوا تِحِتْ سُلْطِتَهْ.›»

إرْمِيا 28:14 Referenca të Kryqëzuara

تَثْنِية 28:48

إِنْتُو تَبْقَوْا عَبِيدْ. أَيْوَى، تَبْقَوْا عَبِيدْ لِعُدْوَانْكُو الْيِجِيبْهُمْ لَيْكُو اللّٰهْ فِي أُسْط الْجُوعْ وَ الْعَطَشْ وَ الْعِرَيْ وَ مُقَصِّرِينْ مِنْ كُلَّ شَيّءْ. وَ اللّٰهْ يُخُطّ فَوْقكُو دَامِي هَنَا حَدِيدْ فِي رِقَابْكُو لَحَدِّي يِدَمِّرْكُو.

دَنْيال 2:38

وَ هُو خَطَّ تِحِتْ سُلْطِتَكْ كُلَّ النَّاسْ وَ حَيْوَانَاتْ الْكَدَادَةْ وَ طُيُورْ السَّمَاءْ، كَنْ قَاعِدِينْ وَيْن كُلَّ، أَشَانْ إِنْتَ تَحْكِمْ فَوْقهُمْ. وَ الرَّاسْ هَنَا الدَّهَبْ دَا يِمَثِّلَكْ إِنْتَ.

إرْمِيا 40:4

وَ هَسَّعْ، دَاهُو أَنَا فَكَّيْت مِنَّكْ الْجَنَازِيرْ وَ خَلَّيْتَكْ. كَنْ إِنْتَ تِدَوْر تَمْشِي مَعَايِ فِي بَابِلْ، تَعَالْ أَنَا نِشِيلْ مَسْؤُولِيّتَكْ. وَ كَنْ مَا تِدَوْر تَمْشِي مَعَايِ فِي بَابِلْ، خَلَاصْ أَمْشِي فِي أَيِّ بَكَانْ التِّدَوْرَهْ وَ الْيَعَجِبَكْ فِي الْبَلَدْ دِي.»

إرْمِيا 27:4

«وَ إِنْتَ آمُرْهُمْ يِقَبُّلُوا لِمُلُوكْهُمْ وَ يُقُولُوا: ‹دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ:

تَثْنِية 4:20

وَ لَاكِنْ إِنْتُو بِقِيتُوا هِنَيْ اللّٰهْ، هُو الشَّالَاكُو وَ مَرَقَاكُو مِنْ بَلَدْ مَصِرْ وَ هِي بَلَدْ الْمِثِلْ جَهَنَّمْ التَّقْطَعْ الْحَدِيدْ. وَ دَا، أَشَانْ تَبْقَوْا شَعَبَهْ وَ وَرَثَتَهْ مِثِلْ إِنْتُو بِقِيتُوا لَيَّهْ الْيَوْم.

إرْمِيا 15:12

هَلْ الْحَدِيدْ يِنْكَسِرْ وَلَّا؟ خَاصَّةً الْحَدِيدْ الْقَوِي الْجَايِ مِنْ مُنْشَاقْ وَ النَّحَاسْ؟

إرْمِيا 27:8

«‹”وَ هَسَّعْ، أَيِّ أُمَّةْ أَوْ مَمْلَكَةْ التَّابَى مَا تَخْدِمْ لِنَبُوخَدْنَصَرْ مَلِكْ بَابِلْ وَ لَا تِدَنْقِرْ رَقَبَتْهَا لِتَقَلَةْ دَامِي الْمَلِكْ، أَنَا نِعَاقِبْ الْأُمَّةْ دِي بِالْحَرِبْ وَ بِالْجُوعْ وَ بِالْوَبَاءْ لَحَدِّي نِكَمِّلْهَا مَرَّةْ وَاحِدْ بِإِيدْ الْمَلِكْ. وَ دَا كَلَامْ اللّٰهْ.

مَراثِي إرْمِيا 1:14

هُو ذَاتَهْ شَالْ ذُنُوبِي وَ سَوَّاهُمْ مِثِلْ دَامِي. وَ رَبَطَاهُمْ لَيِّ فِي رَقَبَتِي وَ بَيْدَا، وَدَّرْت قُدُرْتِي. وَ الرَّبّ سَلَّمَانِي لِإِيدْ عُدْوَانِي وَ مَا نَقْدَرْ نُقُمّ مِنْ تِحِتْهُمْ.

هُوشَع 10:11

قَبِيلَةْ أَفْرَايِمْ مِثِلْ بَقَرَةْ مُؤَدَّبَةْ التِّحِبّ تِفَجِّقْ الْمَعَاشْ فِي الْمَدَقّ لِتُدُقَّهْ. وَ وَكِتْ نَجِي، نُخُطّ عُودْ الْحَرَّاتَةْ فِي رَقَبَتْهَا الْجَمِيلَةْ. وَ قَبِيلَةْ أَفْرَايِمْ تُكُرّ الْحَرَّاتَةْ وَ بَنِي يَهُوذَا يَحَرْتُوا وَ ذُرِّيَّةْ يَعْقُوبْ يِشَقْلُبُوا الْأَرْض.