إرْمِيا 27:7 - الكتاب المقدس بالعربي الدارجي هنا تشاد

⁷ وَ كُلَّ الْأُمَمْ يَخْدُمُوا لَيَّهْ هُو وَ لِوِلَيْدَهْ وَ لِوِلَيْد وِلَيْدَهْ. وَ لَحَدِّي بَابِلْ تِنْهَزِمْ وَ أُمَمْ كَتِيرِينْ وَ مُلُوكْ كُبَارْ يِخَدُّمُوهَا هِي كُلَ.

إرْمِيا 27:7 Referenca të Kryqëzuara

إرْمِيا 52:31

وَ فِي سَنِةْ 37 مِنْ وَدَّوْا يُيَكِينْ مَلِكْ مَمْلَكَةْ يَهُوذَا فِي الْغُرْبَةْ فِي بَابِلْ، دَرَّجَوْا أَوِيلْ مَرُودَكْ مَلِكْ فِي بَابِلْ. وَ فِي يَوْم 25 هَنَا شَهْرِي 12 هَنَا السَّنَةْ دِي، أَوِيلْ مَرُودَكْ عَفَا يُيَكِينْ مَلِكْ مَمْلَكَةْ يَهُوذَا وَ طَلَقَهْ مِنْ السِّجِنْ.

رُؤية 16:19

وَ الْمَدِينَةْ الْكَبِيرَةْ أَنْشَقَّتْ عَلَيْ تَلَاتَةْ بَكَانْ. وَ كُلَّ مُدُنْ الْأُمَمْ أَدَّمَّرَوْا مَرَّةْ وَاحِدْ وَ مِثِلْ دَا اللّٰهْ عَاقَبْ مَدِينَةْ بَابِلْ الْكَبِيرَةْ بِذُنُوبْهَا. وَ اللّٰهْ جَبَرَاهَا تَشْرَبْ خَمَرْ مِنْ كَاسَهْ وَ الْخَمَرْ دَا يِمَثِّلْ غَضَبَهْ الشَّدِيدْ بِلْحَيْن.

رُؤية 14:8

وَ مَلَكْ آخَرْ جَاءْ وَرَاءْ الْأَوَّلْ وَ هُو الْمَلَكْ التَّانِي وَ قَالْ: «وَقَعَتْ، وَقَعَتْ. بَابِلْ الْمَدِينَةْ الْكَبِيرَةْ وَقَعَتْ. دِي هِي الزَّقَتْ كُلَّ الْأُمَمْ خَمَرْهَا. وَ خَمَرْهَا، هُو شَهْوِتْهَا الْفَاسْدَةْ.»

حَبَقُوق 2:7

وَ فَجْأَةً، النَّاسْ الْإِنْتَ قَلَعْت مَالْهُمْ يُقُمُّوا مِنْ نَوْمهُمْ وَ يِرَجُّفُوكْ وَ إِنْتَ تَبْقَى غَنِيمَةْ فِي إِيدَيْهُمْ.

إشَعْيا 21:9

وَ دَاهُو! نَادُمْ رَاكِبْ فِي عَرَبَةْ الْيُكُرُّوهَا خَيْل إِتْنَيْن جَايِ وَ يُقُولْ: ‹وَقَعَتْ! بَابِلْ وَقَعَتْ! وَ كُلَّ أَصْنَامْ إِلٰـهَاتْهَا كَسَّرَوْهُمْ فِي التُّرَابْ!›»

إشَعْيا 13:1

مُحَاكَمَةْ بَابِلْ الشَّافْهَا إِشَعْيَا وِلَيْد أَمُّوصْ فِي رُؤْيَةْ.

زَبُور 37:13

وَ لَاكِنْ الرَّبّ يَضْحَكْ لَيَّهْ أَشَانْ هُو يَعَرِفْ كَدَرْ يَوْمَهْ يَجِي.

إرْمِيا 27:22

«الْمُعِدَّاتْ دَوْل يِوَدُّوهُمْ فِي بَابِلْ وَ هُمَّنْ يَقْعُدُوا هِنَاكْ لَحَدِّي الْيَوْم الْأَنَا نُقُمّ وَ نِشِيلْهُمْ مِنْ هِنَاكْ وَ نِقَبِّلْهُمْ هِنِي فِي الْبَكَانْ دَا.» وَ دَا كَلَامْ اللّٰهْ.

إرْمِيا 34:1

وَ نَبُوخَدْنَصَرْ مَلِكْ بَابِلْ قَمَّ لِيِحَارِبْ مَدِينَةْ الْقُدُسْ وَ كُلَّ الْحِلَّالْ التَّابْعِينْ لَيْهَا. وَ هُو جَاءْ بِكُلَّ عَسْكَرَهْ وَ عَسْكَرْ مَمَالِكْ الْأَرْض وَ دَوْل كُلَّ الشُّعُوبْ الْهُو يَحْكِمْ فَوْقهُمْ. وَ فِي الْوَكِتْ دَاكْ، اللّٰهْ حَجَّى لِإِرْمِيَا.

إرْمِيا 44:30

وَ دَاهُو اللّٰهْ قَالْ: ‹أَنَا نِسَلِّمْ فِرْعَوْن حُفْرَعْ مَلِكْ مَصِرْ لِعُدْوَانَهْ الْيِدَوْرُوا مَوْتَهْ مِثِلْ سَلَّمْت صِدْقِيَّا مَلِكْ يَهُوذَا لِنَبُوخَدْنَصَرْ مَلِكْ بَابِلْ عَدُوهْ الدَّوَّرْ مَوْتَهْ.›»

إرْمِيا 46:13

وَ وَكِتْ نَبُوخَدْنَصَرْ مَلِكْ بَابِلْ جَاءْ يِحَارِبْ بَلَدْ مَصِرْ، دَاهُو كَلَامْ اللّٰهْ الْقَالَهْ لِلنَّبِي إِرْمِيَا:

دَنْيال 2:37

يَا الْمَلِكْ، إِنْتَ مَلِكْ الْمُلُوكْ وَ لَيْك إِنْتَ اللّٰهْ رَبّ السَّمَاوَاتْ أَنْطَاكْ الْمَمْلَكَةْ وَ الْقُوَّةْ وَ الْقُدْرَةْ وَ الشَّرَفْ.

دَنْيال 4:22

وَ الشَّدَرَةْ دِي، هِي إِنْتَ يَا الْمَلِكْ! إِنْتَ كِبِرْت وَ بِقِيتْ قَوِي مِثِلْهَا وَ عَظَمَتَكْ بِقَتْ كَبِيرَةْ لَحَدِّي لِحْقَتْ السَّمَاءْ وَ سُلْطِتَكْ لِحْقَتْ كُلَّ الْأَرْض.

حَبَقُوق 2:8

وَ مِثِلْ إِنْتَ نَهَبْت أُمَمْ كَتِيرِينْ، الشُّعُوبْ الْفَضَّلَوْا كُلُّهُمْ يَنْهَبَوْك. وَ دَا، أَشَانْ إِنْتَ كَتَلْت دِمَّةْ وَ جِبْت الْعُنُفْ فِي الْبَلَدْ وَ فِي الْحِلَّالْ وَ كُلَّ سُكَّانْهُمْ.

حِزْقِيال 30:24

وَ نِقَوِّي إِيدْ مَلِكْ بَابِلْ وَ نَنْطِيهْ سَيْفِي فِي إِيدَهْ. وَ لَاكِنْ نِكَسِّرْ إِيدَيْن فِرْعَوْن وَ يَقْنِتْ قِدَّامْ مَلِكْ بَابِلْ مِثِلْ قَنِيتْ الْمَجْرُوحْ الْيِدَوْر يُمُوتْ.