إرْمِيا 27:3 - الكتاب المقدس بالعربي الدارجي هنا تشاد

³ وَ خَبِّرْ مُلُوكْ أَدَوْم وَ مُوَابْ وَ بَنِي عَمُّونْ وَ صُورْ وَ صَيْدَا بِوَاسِطَةْ مُرَسَّلِينْهُمْ الْجَوْا فِي مَدِينَةْ الْقُدُسْ لِصِدْقِيَّا مَلِكْ يَهُوذَا.

إرْمِيا 27:3 Referenca të Kryqëzuara

عَمُوس 1:9

وَ دَاهُو اللّٰهْ قَالْ: «بِسَبَبْ نَاسْ مَدِينَةْ صُورْ عِصَوْا تَلَاتَةْ وَ أَرْبَعَةْ مَرَّاتْ، أَنَا أَبَداً مَا نِخَلِّي الْقَرَارْ الشِّلْتَهْ ضِدُّهُمْ. أَشَانْ سَلَّمَوْا كُلَّ الشَّعَبْ مِثِلْ عَبِيدْ لِنَاسْ بَلَدْ أَدَوْم وَ مَا فَكَّرَوْا فِي الْعَلَاقَةْ الْأَخَوِيَّةْ الْأَمْبَيْنَاتْهُمْ.

حِزْقِيال 29:18

«يَا إِبْن آدَمْ، نَبُوخَدْنَصَرْ مَلِكْ بَابِلْ كَلَّفْ عَسْكَرَهْ بِخِدْمَةْ تَقِيلَةْ ضِدّ مَدِينَةْ صُورْ لَحَدِّي رُوسَيْهُمْ صَلَّعَوْا وَ كَتَافَيْهُمْ أَنْجَرَحَوْا. وَ لَاكِنْ مَا لِقَوْا فَايْدَةْ التَّكْفِي لِلْمَلِكْ وَ لَا لِعَسْكَرَهْ بِكُلَّ الْخِدْمَةْ السَّوَّوْهَا ضِدّ مَدِينَةْ صُورْ.»

2 أخبار 36:13

وَ الْمَلِكْ نَبُوخَدْنَصَرْ حَلَّفَهْ بِسَمَاءْ وَ بَيْدَا كُلَ، صِدْقِيَّا قَمَّ أَتْمَرَّدْ ضِدَّهْ. وَ قَوَّى رَاسَهْ وَ أَبَى مَا يَسْمَعْ وَ لَا يِقَبِّلْ لِلّٰهْ إِلٰـهْ بَنِي إِسْرَائِيلْ.

إشَعْيا 23:4

يَا صَيْدَا، أَخْجَلَيْ! يَا الْمَدِينَةْ الْقَوِيَّةْ الْجَنْب الْبَحَرْ! أَشَانْ الْبَحَرْ قَالْ: «أَنَا مَا طَالَقْت وَ لَا وِلِدْت وَ لَا كَبَّرْت وُلَادْ وَ لَا رَبَّيْت بَنَاتْ.»

إرْمِيا 27:4

«وَ إِنْتَ آمُرْهُمْ يِقَبُّلُوا لِمُلُوكْهُمْ وَ يُقُولُوا: ‹دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ:

إرْمِيا 27:12

وَ أَنَا إِرْمِيَا حَجَّيْت بِنَفْس الْكَلَامْ لِصِدْقِيَّا مَلِكْ يَهُوذَا وَ قُلْت لَيَّهْ: «إِنْتَ وَ شَعَبَكْ وَاجِبْ تِدَنْقُرُوا رَقَبَتْكُو لِتَقَلَةْ دَامِي مَلِكْ بَابِلْ وَ تَخْدُمُوا لَيَّهْ هُو وَ لِشَعَبَهْ. وَ بَيْدَا، تِنَجُّوا حَيَاتْكُو.

إرْمِيا 28:1

وَ فِيَّهْ نَبِي وَاحِدْ أُسْمَهْ حَنَنْيَا وِلَيْد عَزُّورْ مِنْ حِلَّةْ قِبْعُونْ. فِي الشَّهَرْ الْخَامِسْ فِي السَّنَةْ الرَّابْعَةْ فِي بِدَايَةْ حُكُمْ صِدْقِيَّا مَلِكْ يَهُوذَا، حَنَنْيَا جَاءْ وَ حَجَّى لِإِرْمِيَا فِي بَيْت اللّٰهْ قِدَّامْ رُجَالْ الدِّينْ وَ كُلَّ الشَّعَبْ. وَ قَالْ: