إرْمِيا 27:20 - الكتاب المقدس بالعربي الدارجي هنا تشاد

²⁰ وَ دَوْل الْخُمَامْ النَّبُوخَدْنَصَرْ مَلِكْ بَابِلْ مَا شَالَاهُمْ وَكِتْ جَاءْ وَ وَدَّى مِنْ مَدِينَةْ الْقُدُسْ لِبَابِلْ يُيَكِينْ وِلَيْد يَهُويَقِمْ مَلِكْ يَهُوذَا وَ كُلَّ كُبَارَاتْ بَلَدْ يَهُوذَا وَ مَدِينَةْ الْقُدُسْ.

إرْمِيا 27:20 Referenca të Kryqëzuara

إرْمِيا 24:1

وَ نَبُوخَدْنَصَرْ مَلِكْ بَابِلْ شَالْ يُيَكِينْ وِلَيْد يَهُويَقِمْ مَلِكْ يَهُوذَا وَ كُبَارَاتْ يَهُوذَا وَ الصِّنَاعِيِينْ وَ الْحَدَّادْ وَ وَدَّاهُمْ فِي الْغُرْبَةْ فِي بَابِلْ. وَ بَعَدْ دَا، اللّٰهْ شَوَّفَانِي إِتْنَيْن قُفَفْ مَلَانِينْ بِفَوَاكِهْ التِّينْ وَ قَاعِدِينْ قِدَّامْ بَيْت اللّٰهْ.

2 أخبار 36:10

وَ فِي السَّنَةْ الْجَدِيدَةْ، الْمَلِكْ نَبُوخَدْنَصَرْ رَسَّلْ نَاسْ وَ شَالَوْا يُيَكِينْ وَ خُمَامْ غَالِيِّينْ مِنْ بَيْت اللّٰهْ وَ وَدَّوْهُمْ بَابِلْ. وَ دَرَّجْ صِدْقِيَّا قَرِيبَهْ لِيُيَكِينْ مَلِكْ فِي بَلَدْ يَهُوذَا وَ مَدِينَةْ الْقُدُسْ.

إرْمِيا 22:28

مَالَا الْمَلِكْ دَا بِقِي مِثِلْ جَرّ مُكَسَّرْ مَا يَنْفَعْ؟ وَ مَالَا يُيَكِينْ بِقِي مِثِلْ مَاعُونْ الْمَا يِدَوْرُوهْ؟ وَ مَالَا هُو وَ عِيَالَهْ وَدَّوْهُمْ بَعِيدْ وَ زَقَلَوْهُمْ فِي بَلَدْ الْأَوَّلْ مَا يَعَرْفُوهَا؟

2 أخبار 36:18

وَ نَبُوخَدْنَصَرْ شَالْ كُلَّ الْمُعِدَّاتْ هَنَا بَيْت اللّٰهْ، كُبَارْ وَ دُقَاقْ، وَ كُلَّ الْكَنْز مِنْ بَيْت اللّٰهْ وَ مِنْ قَصِرْ الْمَلِكْ وَ مِنْ بُيُوتْ كُبَارَاتَهْ. وَ وَدَّى كُلَّ الْخُمَامْ دَا فِي بَابِلْ.

مَتَّى 1:11

وَ يُوشِيَّا وِلِدْ يُيَكِينْ وَ أَخْوَانَهْ وَ دَا فِي الزَّمَنْ الْفَوْقَهْ وَدَّوْا بَنِي إِسْرَائِيلْ فِي الْغُرْبَةْ فِي بَلَدْ بَابِلْ.

مَتَّى 1:12

وَ بَعَدْ وَدَّوْهُمْ فِي بَابِلْ، يُيَكِينْ وِلِدْ شَلْتِيِيلْ. وَ شَلْتِيِيلْ وِلِدْ زَرُبَابِلْ.

مَتَّى 1:17

وَ خَلَاصْ مِنْ إِبْرَاهِيمْ لَحَدِّي دَاوُدْ، حَسَبَوْا 14 جُدُودْ. وَ مِنْ دَاوُدْ لَحَدِّي الْوَكِتْ الْوَدَّوْا فَوْقَهْ الْيَهُودْ فِي بَابِلْ، حَسَبَوْا 14 جُدُودْ. وَ مِنْ وَكِتْ وَدَّوْا الْيَهُودْ فِي بَابِلْ لَحَدِّي وَالُودَةْ الْمَسِيحْ، حَسَبَوْا 14 جُدُودْ.

2 مُلوك 24:12

وَ خَلَاصْ، يُيَكِينْ مَلِكْ مَمْلَكَةْ يَهُوذَا مَرَقْ ضِدّ مَلِكْ بَابِلْ وَ شَالْ مَعَ أَمَّهْ وَ مَسَائِيلَهْ وَ كُبَارَاتَهْ وَ خَدَّامِينَهْ. وَ مَلِكْ بَابِلْ كَرَبَهْ وَ وَدَّاهْ مَسْجُونْ وَ دَا فِي السَّنَةْ التَّامْنَةْ هَنَا حُكْمَهْ.

إشَعْيا 34:12

وَ مَا فِي كُبَارَاتْ الْيِدَرُّجُوا مَلِكْ وَ كُلَّ مَسَائِيلْهَا يَبْقَوْا مَا فِيهُمْ.

إرْمِيا 27:21

وَ دَاهُو كَلَامْ اللّٰهْ الْقَادِرْ إِلٰـهْ بَنِي إِسْرَائِيلْ الْبُخُصّ الْمُعِدَّاتْ الْفَضَّلَوْا فِي بَيْت اللّٰهْ وَ فِي بَيْت مَلِكْ يَهُوذَا فِي مَدِينَةْ الْقُدُسْ. هُو قَالْ:

إرْمِيا 29:2

وَ الْجَوَابْ دَا رَسَّلَهْ بَعَدْ مَرَقَوْهُمْ مِنْ مَدِينَةْ الْقُدُسْ لِلْمَلِكْ يُيَكِينْ وَ الْمَلِكَةْ الْأُمّ وَ الْمَسَائِيلْ وَ الْكُبَارَاتْ هَنَا بَلَدْ يَهُوذَا وَ مَدِينَةْ الْقُدُسْ وَ الصِّنَاعِيِينْ وَ الْحَدَّادْ.

إرْمِيا 35:1

وَ فِي أَيَّامْ حُكُمْ يَهُويَقِمْ وِلَيْد يُوشِيَّا مَلِكْ يَهُوذَا، اللّٰهْ حَجَّى لَيِّ أَنَا إِرْمِيَا وَ قَالْ:

دَنْيال 1:2

وَ الرَّبّ سَلَّمْ يَهُويَقِمْ مَلِكْ يَهُوذَا فِي إِيدَيْن نَبُوخَدْنَصَرْ. وَ نَبُوخَدْنَصَرْ كَرَبْ الْمَلِكْ وَ شَالْ مِنْ الْمَوَاعِينْ الْقَاعِدِينْ فِي بَيْت اللّٰهْ وَ وَدَّاهُمْ فِي بَابِلْ فِي بَيْت إِلٰـهَاتَهْ. وَ خَطَّ الْمَوَاعِينْ دَوْل فِي الْمَخَزَنْ هَنَا بَيْت إِلٰـهَاتَهْ.