إرْمِيا 27:13 - الكتاب المقدس بالعربي الدارجي هنا تشاد

¹³ وَ مَالَا تُمُوتُوا، إِنْتَ وَ شَعَبَكْ، بِالْحَرِبْ وَ الْجُوعْ وَ الْوَبَاءْ؟ وَ دَا قَرَارْ الْعِقَابْ الْاللّٰهْ قَالْ يِنَزِّلَهْ فِي الْأُمَّةْ الْأَبَتْ مَا تَخْدِمْ لِمَلِكْ بَابِلْ.

إرْمِيا 27:13 Referenca të Kryqëzuara

حِزْقِيال 18:31

خَلُّوا مِنْكُو عِصْيَانْكُو وَ غَيَّرَوْا قَلِبْكُو بِقَلِبْ جَدِيدْ وَ غَيَّرَوْا رُوحْكُو بِرُوحْ جَدِيدَةْ. مَالَا تُمُوتُوا، يَا بَنِي إِسْرَائِيلْ؟

إرْمِيا 27:8

«‹”وَ هَسَّعْ، أَيِّ أُمَّةْ أَوْ مَمْلَكَةْ التَّابَى مَا تَخْدِمْ لِنَبُوخَدْنَصَرْ مَلِكْ بَابِلْ وَ لَا تِدَنْقِرْ رَقَبَتْهَا لِتَقَلَةْ دَامِي الْمَلِكْ، أَنَا نِعَاقِبْ الْأُمَّةْ دِي بِالْحَرِبْ وَ بِالْجُوعْ وَ بِالْوَبَاءْ لَحَدِّي نِكَمِّلْهَا مَرَّةْ وَاحِدْ بِإِيدْ الْمَلِكْ. وَ دَا كَلَامْ اللّٰهْ.

أمْثال 8:36

وَ لَاكِنْ الْيَعَصَانِي، يَجْرَحْ نَفْسَهْ وَ الْيَكْرَهْنِي، يِحِبّ الْمَوْت.»

حِزْقِيال 33:11

وَ قُولْ لَيْهُمْ: ‹دَاهُو كَلَامْ اللّٰهْ الرَّبّ: ”نَحْلِفْ بِأُسْمِي الْحَيّ، أَنَا مَا نَفْرَحْ بِمَوْت الْعَاصِي. لَاكِنْ خَلِّي يِقَبِّلْ مِنْ دَرْبَهْ الْفَسِلْ وَ يَحْيَى. قَبُّلُوا! قَبُّلُوا مِنْ دُرُوبْكُو الْفَسْلِينْ. مَالَا تِدَوْرُوا الْمَوْت، يَا بَنِي إِسْرَائِيلْ؟“›

حِزْقِيال 18:24

وَ لَاكِنْ كَنْ الصَّالِحْ يِخَلِّي عَدَالْتَهْ وَ يِسَوِّي الظُّلُمْ وَ يِسَوِّي كُلَّ الْمُحَرَّمَاتْ السَّوَّاهُمْ الْعَاصِي، هَلْ يَحْيَى وَلَّا؟ وَ كُلَّ الْعَدَالَةْ السَّوَّاهَا أَوَّلْ، مَا يِذَّكَّرَوْهَا بَتَّانْ. هُو يُمُوتْ بِسَبَبْ الْخِيَانَةْ وَ الذُّنُوبْ السَّوَّاهُمْ.

حِزْقِيال 14:21

وَ دَاهُو اللّٰهْ الرَّبّ قَالْ: «حَتَّى كَانْ رَسَّلْت ضِدّ مَدِينَةْ الْقُدُسْ عِقَابِي الْأَرْبَعَةْ الشَّدِيدْ، وَ هُمَّنْ الْحَرِبْ وَ الْجُوعْ وَ الْحَيْوَانَاتْ الْفَسْلِينْ وَ الْوَبَاءْ لِيَكْتُلُوا النَّاسْ وَ الْبَهَايِمْ،

إرْمِيا 38:20

وَ إِرْمِيَا رَدَّ لَيَّهْ وَ قَالْ: «الْبَابِلِيِّينْ مَا يِسَلُّمُوكْ لَيْهُمْ. يَا الْمَلِكْ! أَسْمَعْ كُلَّ كَلَامْ اللّٰهْ الْقَاعِدْ نُقُولَهْ لَيْك! وَ بَيْدَا، إِنْتَ تُكُونْ بِخَيْر وَ حَيَاتَكْ كُلَ تَنْجَى.

إرْمِيا 38:2

«دَاهُو اللّٰهْ قَالْ: ‹النَّادُمْ الْيَقْعُدْ فِي الْمَدِينَةْ دِي يُمُوتْ بِالْحَرِبْ وَ بِالْجُوعْ وَ بِالْوَبَاءْ. وَ لَاكِنْ الْيَمْرُقْ مِنْهَا وَ يِسَلِّمْ نَفْسَهْ لِعَسْكَرْ بَابِلْ، هُو دَا يِعِيشْ وَ يَبْقَى فَرْحَانْ أَشَانْ هُو لِقِي الْحَيَاةْ.›

إرْمِيا 24:9

وَ يَبْقَوْا مَثَلْ الْبِخَوِّفْ كُلَّ مَمَالِكْ الْأَرْض وَ فِي كُلَّ بَكَانْ النِّشَتِّتْهُمْ فَوْقَهْ، هُمَّنْ يَبْقَوْا حِجَّيَّة وَ مَضْحَكَةْ لِلنَّاسْ وَ مُعْيَارْ وَ لَعَنَةْ.

إرْمِيا 17:4

وَ إِنْتُو بِنُفُوسْكُو تِخَلُّوا أَرْض وَرَثَتْكُو الْأَنَا أَنْطَيْتهَا لَيْكُو. وَ نِسَوِّيكُو عَبِيدْ لِعُدْوَانْكُو فِي بَلَدْ الْأَوَّلْ مَا تَعَرْفُوهَا أَشَانْ إِنْتُو قَبَّضْتُوا نَارْ غَضَبِي وَ تَاكُلْكُو دَايْماً.»

إرْمِيا 38:23

«وَ كُلَّ عَوِينَكْ وَ عِيَالَكْ يَكُرْبُوهُمْ وَ يِوَدُّوهُمْ لِلْبَابِلِيِّينْ. وَ إِنْتَ ذَاتَكْ مَا تَنْجَى مِنْ مَلِكْ بَابِلْ. هُو يَكُرْبَكْ وَ يِحَرِّقْ الْمَدِينَةْ دِي.»