إرْمِيا 27:11 - الكتاب المقدس بالعربي الدارجي هنا تشاد

¹¹ وَ لَاكِنْ لِلْأُمَّةْ التِّدَنْقِرْ رَقَبَتْهَا لِتَقَلَةْ دَامِي مَلِكْ بَابِلْ وَ تَخْدِمْ لَيَّهْ، أَنَا نَنْطِيهَا الرَّاحَةْ فِي أَرْضَهَا أَشَانْ نَاسْهَا يَسْكُنُوا فَوْقهَا وَ يَخْدُمُوهَا.“›» وَ دَا كَلَامْ اللّٰهْ.

إرْمِيا 27:11 Referenca të Kryqëzuara

إرْمِيا 27:8

«‹”وَ هَسَّعْ، أَيِّ أُمَّةْ أَوْ مَمْلَكَةْ التَّابَى مَا تَخْدِمْ لِنَبُوخَدْنَصَرْ مَلِكْ بَابِلْ وَ لَا تِدَنْقِرْ رَقَبَتْهَا لِتَقَلَةْ دَامِي الْمَلِكْ، أَنَا نِعَاقِبْ الْأُمَّةْ دِي بِالْحَرِبْ وَ بِالْجُوعْ وَ بِالْوَبَاءْ لَحَدِّي نِكَمِّلْهَا مَرَّةْ وَاحِدْ بِإِيدْ الْمَلِكْ. وَ دَا كَلَامْ اللّٰهْ.

إرْمِيا 27:2

وَ دَاهُو اللّٰهْ قَالْ لَيِّ: «أَفْتُلْ لَيْك حُبَالْ وَ أَقْطَعْ لَيْك عُودْ هَنَا دَامِي وَ خُطَّهْ فِي كَتَافَيْك.

إرْمِيا 21:9

وَ دَاهُو الْخِيَارْ. النَّادُمْ الْيَقْعُدْ فِي الْمَدِينَةْ دِي يُمُوتْ بِالْحَرِبْ أَوْ بِالْجُوعْ أَوْ بِالْوَبَاءْ. وَ لَاكِنْ الْيَمْرُقْ مِنْهَا وَ يِسَلِّمْ نَفْسَهْ لِعَسْكَرْ بَابِلْ الْمُحَاصِرِينْكُو، هُو دَا يِعِيشْ وَ يَبْقَى فَرْحَانْ أَشَانْ هُو لِقِي الْحَيَاةْ.

إرْمِيا 38:2

«دَاهُو اللّٰهْ قَالْ: ‹النَّادُمْ الْيَقْعُدْ فِي الْمَدِينَةْ دِي يُمُوتْ بِالْحَرِبْ وَ بِالْجُوعْ وَ بِالْوَبَاءْ. وَ لَاكِنْ الْيَمْرُقْ مِنْهَا وَ يِسَلِّمْ نَفْسَهْ لِعَسْكَرْ بَابِلْ، هُو دَا يِعِيشْ وَ يَبْقَى فَرْحَانْ أَشَانْ هُو لِقِي الْحَيَاةْ.›

إرْمِيا 27:12

وَ أَنَا إِرْمِيَا حَجَّيْت بِنَفْس الْكَلَامْ لِصِدْقِيَّا مَلِكْ يَهُوذَا وَ قُلْت لَيَّهْ: «إِنْتَ وَ شَعَبَكْ وَاجِبْ تِدَنْقُرُوا رَقَبَتْكُو لِتَقَلَةْ دَامِي مَلِكْ بَابِلْ وَ تَخْدُمُوا لَيَّهْ هُو وَ لِشَعَبَهْ. وَ بَيْدَا، تِنَجُّوا حَيَاتْكُو.

حِزْقِيال 28:25

وَ دَاهُو اللّٰهْ الرَّبّ قَالْ: ‹وَكِتْ نِلِمّ بَنِي إِسْرَائِيلْ مِنْ أُسْط الشُّعُوبْ الْهُمَّنْ مُشَتَّتِينْ فِي لُبُّهُمْ، بَيْهُمْ أَنَا نِوَصِّفْ قَدَاسْتِي قِدَّامْ الْأُمَمْ. وَ بَنِي إِسْرَائِيلْ يَسْكُنُوا بَتَّانْ فِي أَرْضُهُمْ الْأَنَا أَنْطَيْتهَا لِجِدُّهُمْ يَعْقُوبْ.