إرْمِيا 26:9 - الكتاب المقدس بالعربي الدارجي هنا تشاد

⁹ وَ إِنْتَ تِتْنَبَّأْ لَحَدِّي تُقُولْ بَيْت اللّٰهْ يِدَّمَّرْ وَ يَبْقَى مِثِلْ مَسْكَنَهْ الْأَوَّلْ قَاعِدْ فِي شِيلَوْه وَ الْحِلَّةْ دِي تَخْرَبْ وَ تَبْقَى فَاضِيَةْ مِنْ سُكَّانْهَا!» وَ كُلَّ النَّاسْ لَمَّوْا وَ حَوَّقَوْه لِإِرْمِيَا فِي بَيْت اللّٰهْ.

إرْمِيا 26:9 Referenca të Kryqëzuara

أعمال الرُسُل 22:22

وَ النَّاسْ قَاعِدِينْ يَسْمَعَوْا كَلَامَهْ. لَاكِنْ وَكِتْ هُو حَجَّى بِالنَّاسْ الْمَا يَهُودْ، خَلَاصْ قَمَّوْا عَاطَوْا فَوْقَهْ وَ قَالَوْا: «أَكْتُلُوهْ لِلنَّادُمْ دَا! مَا تِخَلُّوهْ يِعِيشْ!»

أعمال الرُسُل 21:30

وَ كُلَّ نَاسْ الْمَدِينَةْ بَرْجَلَوْا بِلْحَيْن وَ جَرَوْا مِنْ أَيِّ جِيهَةْ. وَ كَرَبَوْه لِبُولُسْ وَ كَرَّوْه بَرَّا مِنْ بَيْت اللّٰهْ وَ طَوَّالِي سَدَّوْا الْبِيبَانْ.

أعمال الرُسُل 13:50

وَ لَاكِنْ الْيَهُودْ حَرَّشَوْا كُبَارَاتْ الْحِلَّةْ وَ الْعَوِينْ الْعَابِدَاتْ اللّٰهْ أَشَانْ يِتَعُّبُوا بُولُسْ وَ بَرْنَابَا. وَ طَرَدَوْهُمْ مِنْ الْبَلَدْ.

أعمال الرُسُل 6:14

وَ سِمِعْنَا هُو قَالْ عِيسَى الْمِنْ النَّاصِرَةْ يِدَمِّرْ بَيْت اللّٰهْ وَ يِغَيِّرْ عَادَاتْنَا الْمُوسَى أَنْطَاهُمْ لَيْنَا.»

أعمال الرُسُل 5:28

وَ قَالْ: «أَنِحْنَ أَمَرْنَاكُو بِكَلَامْ شَدِيدْ وَ قُلْنَا لَيْكُو مَا تِعَلُّمُوا النَّاسْ بِأُسُمْ عِيسَى. لَاكِنْ إِنْتُو مَلَيْتُوا مَدِينَةْ الْقُدُسْ بِتَعْلِيمْكُو وَ النَّاسْ قَاعِدِينْ يِحَجُّوا فَوْقَهْ. وَ إِنْتُو تِدَوْرُوا تُخُطُّوا فِي رَاسْنَا دِمَّةْ الرَّاجِلْ دَا!»

يُوحَنَّا 8:59

وَ بَتَّانْ شَالَوْا حُجَارْ وَ دَوَّرَوْا يَرْجُمُوهْ وَ لَاكِنْ هُو أَلَّبَّدْ مِنْهُمْ وَ مَرَقْ مِنْ بَيْت اللّٰهْ.

يُوحَنَّا 8:20

وَ عِيسَى قَالْ الْكَلَامْ دَا وَكِتْ هُو قَاعِدْ يِعَلِّمْ النَّاسْ فِي فَضَايَةْ بَيْت اللّٰهْ جَنْب صَنْدُوقْ الْمَالْ. وَ مَا كَرَبَوْه أَشَانْ الْوَكِتْ الْاللّٰهْ قَطَعَهْ لَيَّهْ لِسَّاعْ مَا جَاءْ.

مَرْخُوس 15:11

وَ لَاكِنْ كُبَارَاتْ رُجَالْ الدِّينْ حَرَّشَوْا النَّاسْ أَشَانْ يَسْأَلَوْا بِلَاطُسْ يَطْلِقْ بَرَابَاسْ فِي بَدَلْ عِيسَى.

مَتَّى 27:20

وَ لَاكِنْ كُبَارَاتْ رُجَالْ الدِّينْ وَ الشُّيُوخْ حَرَّشَوْا النَّاسْ اللَّمَّوْا أَشَانْ يَسْأَلَوْا بِلَاطُسْ يَمْرُقْ بَرَابَاسْ وَ يَكْتُلْ عِيسَى.

مَتَّى 21:23

وَ وَكِتْ عِيسَى دَخَلْ بَيْت اللّٰهْ، بَدَا يِعَلِّمْ النَّاسْ. وَ كُبَارَاتْ رُجَالْ الدِّينْ وَ الشُّيُوخْ جَوْا لَيَّهْ وَ سَأَلَوْه وَ قَالَوْا: «تِسَوِّي الْخِدْمَةْ دِي بِإِذِنْ يَاتُو؟ وَ يَاتُو الْأَنْطَاكْ الْإِذِنْ دَا؟»

مِيخا 2:6

وَ نَاسْ وَاحِدِينْ قَالَوْا لَيِّ: «مَا تِتْنَبَّأْ مِثِلْ دَا! مَا تُقُولْ كَدَرْ نَلْقَوْا الْعَيْب. لَا! وَدِّرِينْ الشَّرَفْ مَا يَبْقَى.»

عَمُوس 5:10

إِنْتُو تَبْغُضُوا الشَّاهِدْ الْيُقُولْ الصَّحِيحْ فِي الشَّرِيعَةْ وَ تَجْعَلْ النَّادُمْ الْيُقُولْ الصَّحِيحْ مِثِلْ مُحَرَّمْ.

إرْمِيا 9:11

وَ اللّٰهْ قَالْ: «أَنَا نِسَوِّي مَدِينَةْ الْقُدُسْ كَوْم هَنَا تُرَابْ وَ مَرْقَدْ هَنَا بَعَاشِيمْ. وَ حِلَّالْ بَلَدْ يَهُوذَا يَخْرَبَوْا وَ يَفْضَوْا مِنْ سُكَّانْهُمْ.»

إشَعْيا 29:21

وَ الْيَتْهَمَوْا النَّاسْ فِي الْكَلَامْ وَ الْيُكُجُّوا شَرَكْ لِيَرْمُوا النَّاسْ فِي الشَّرِيعَةْ وَ الْيَرْمُوا الصَّالِحْ فِي الْفَاضِي، كُلُّهُمْ يِدَّمَّرَوْا.

2 أخبار 25:16

وَ لَاكِنْ وَكِتْ النَّبِي قَاعِدْ يِحَجِّي لَيَّهْ، أَمَصْيَا قَطَعْ كَلَامَهْ وَ قَالْ: «يَاتُو خَطَّاكْ مُسْتَشَارْ هَنَايِ أَنَا الْمَلِكْ؟ أَسْكُتْ كَنْ مَا تِدَوْر يُدُقَّكْ!» وَ النَّبِي قَالْ: «أَنَا نَعَرِفْ كَدَرْ الرَّبّ قَرَّرْ لِيِدَمِّرَكْ أَشَانْ إِنْتَ سَوَّيْت الشَّيّءْ دَا وَ أَبَيْت مَا تَسْمَعْ وَصِيّتِي.» وَ بَعَدْ دَا، سَكَتْ.

أعمال الرُسُل 3:11

وَ بُطْرُسْ وَ يُوحَنَّا جَوْا فِي بَكَانْ وَاحِدْ فِي فَضَايَةْ بَيْت اللّٰهْ الْأُسْمَهْ رَاكُوبَةْ سُلَيْمَانْ وَ الرَّاجِلْ قَاعِدْ يَمْسُكْهُمْ وَ نَاسْ كَتِيرِينْ لَمَّوْا فَوْقهُمْ وَ أَلْعَجَّبَوْا مَرَّةْ وَاحِدْ.

أعمال الرُسُل 5:12

وَ الرُّسُلْ سَوَّوْا عَجَايِبْ وَ عَلَامَةْ كَتِيرِينْ فِي أُسْط النَّاسْ. وَ كُلَّ الْمُؤمِنِينْ عِنْدُهُمْ قَلِبْ وَاحِدْ وَ قَاعِدِينْ يِلِمُّوا فِي رَاكُوبَةْ سُلَيْمَانْ فِي فَضَايَةْ بَيْت اللّٰهْ.

يَشُوع 18:1

وَ بَعَدْ خَطَّوْا كُلَّ الْبَلَدْ تِحِتْ حُكُمْهُمْ، كُلَّ مُجْتَمَعْ بَنِي إِسْرَائِيلْ لَمَّوْا فِي شِيلَوْه وَ بَنَوْا خَيْمَةْ الْإِجْتِمَاعْ.

إرْمِيا 32:3

وَ صِدْقِيَّا مَلِكْ يَهُوذَا الْكَرَبْ إِرْمِيَا قَالْ لَيَّهْ: «مَالَا تِتْنَبَّأْ وَ تُقُولْ مِثِلْ كَيْ: ‹دَاهُو اللّٰهْ قَالْ: ”أَنَا نِسَلِّمْ الْمَدِينَةْ دِي لِمَلِكْ بَابِلْ وَ هُو يِشِيلْهَا.

إرْمِيا 33:10

وَ دَاهُو اللّٰهْ قَالْ: «إِنْتُو قُلْتُوا الْمَدِينَةْ دِي خِرْبَتْ وَ بِقَتْ فَاضِيَةْ مِنْ النَّاسْ وَ الْبَهَايِمْ. وَ بَتَّانْ قُلْتُوا حِلَّالْ بَلَدْ يَهُوذَا وَ شَوَارِعْ مَدِينَةْ الْقُدُسْ خِرْبَوْا، مَا عِنْدُهُمْ نَاسْ وَ لَا سُكَّانْ وَ لَا بَهَايِمْ. وَ لَاكِنْ أَنَا نُقُولْ بَتَّانْ يِنْسَمِعْ فِي الْمَدِينَةْ دِي

إرْمِيا 36:29

وَ لِيَهُويَقِمْ مَلِكْ يَهُوذَا قُولْ: ‹دَاهُو اللّٰهْ قَالْ: إِنْتَ بَسْ حَرَّقْت الْكِتَابْ دَا وَ قُلْت: ”مَالَا، يَا إِرْمِيَا، إِنْتَ كَتَبْت الْكَلَامْ الْبُقُولْ كَدَرْ أَكِيدْ مَلِكْ بَابِلْ يَجِي وَ يَخْرِبْ الْبَلَدْ دِي وَ يِكَمِّلْ كُلَّ نَاسْهَا وَ بَهَايِمْهَا“؟›

مَراثِي إرْمِيا 4:13

وَ دَا بِسَبَبْ ذَنِبْ الْأَنْبِيَاء وَ خَطَا رُجَالْ الدِّينْ الدَّفَّقَوْا دَمّ الصَّالِحِينْ فِي أُسْط الْمَدِينَةْ.