إرْمِيا 25:25 - الكتاب المقدس بالعربي الدارجي هنا تشاد

²⁵ وَ كُلَّ مُلُوكْ زِمْرِي وَ عِلَامْ وَ الْمَادِيِّينْ

إرْمِيا 25:25 Referenca të Kryqëzuara

إشَعْيا 11:11

وَ فِي الْيَوْم دَا، الرَّبّ يِمِدّ إِيدَهْ لِتَانِي مَرَّةْ لِيَفْدَى الْفَضَّلَوْا مِنْ شَعَبَهْ الْقَاعِدِينْ فِي بُلْدَانْ أَشُورْ وَ مَصِرْ وَ فَتْرُوسْ وَ الْحَبَشَةْ وَ عِلَامْ وَ شِنْعَارْ وَ حَمَاتْ وَ فِي جَزَايِرْ الْبَحَرْ.

تكوين 10:22

وَ أَوْلَادْ سَامْ هُمَّنْ عِلَامْ وَ أَشُورْ وَ أَرْفَكْشَادْ وَ لُودْ وَ أَرَامْ.

إرْمِيا 51:28

وَ خَصُّصُوا الْأُمَمْ ضِدّ بَابِلْ وَ رَسُّلُوا ضِدَّهَا مُلُوكْ مَادِي وَ حُكَّامْهُمْ وَ كُلَّ مَسَائِيلْهُمْ وَ كُلَّ الْبُلْدَانْ الْهُمَّنْ يَحْكُمُوهُمْ.

إرْمِيا 51:11

طَرُّقُوا نَشَاشِيبْكُو وَ أَمْلَوْا كَلَوْتَاتْكُو. اللّٰهْ حَرَّشْ مُلُوكْ مَادِي ضِدّ بَابِلْ أَشَانْ هُو قَرَّرْ يِدَمِّرْ بَابِلْ. يِشِيلْ فَوْقهَا التَّارْ وَ دَا تَارْ بَيْتَهْ الْمُقَدَّسْ الدَّمَّرَوْه.

إشَعْيا 13:17

وَ الرَّبّ قَالْ: «دَاهُو نِقَوِّمْ الْمَادِيِّينْ ضِدُّهُمْ الْمَا يِفَكُّرُوا فِي الْفُضَّةْ وَ الدَّهَبْ كُلَ مَا يَعَجِبْهُمْ.

دَنْيال 8:2

وَ فِي الرُّؤْيَةْ دِي، أَنَا شِفْت نَفْسِي قَاعِدْ فِي مَدِينَةْ شُوشَةْ الْقَوِيَّةْ فِي بَلَدْ عِلَامْ وَ أَنَا وَاقِفْ فِي خَشُمْ بَحَرْ أُولَايْ.

دَنْيال 5:28

‹فَارْسِينْ› يَعْنِي كَسَّرَوْه. مَعَنَاتَهْ مُلْكَكْ أَنْكَسَرْ وَ مَمْلَكَتَكْ أَنْطَوْهَا لِمَمْلَكَةْ الْمَادِيِّينْ وَ الْفَارِسِيِّينْ.»

حِزْقِيال 32:24

«وَ مَلِكْ عِلَامْ قَاعِدْ فِي الْبَكَانْ دَا مَعَ كُلَّ عَسْكَرَهْ. وَ هُو مُحَوَّقْ بِقُبُورْ عَسْكَرَهْ الْمَاتَوْا فِي الْحَرِبْ. هُمَّنْ الْمَا مُطَهَّرِينْ الْأَوَّلْ جَابَوْا الرُّعُبْ فِي أَرْض الْحَيِّينْ. وَ هَسَّعْ بِإِهَانَةْ، نَزَلَوْا تِحِتْ الْأَرْض مَعَ كُلَّ النَّزَلَوْا فِي الْقُبُورْ.

إشَعْيا 22:6

نَاسْ بَلَدْ عِلَامْ شَايْلِينْ كَلَوْتَاتْهُمْ وَ عَرَبَاتْ الْحَرِبْ وَ سِيَادْ الْخَيْل جَايِينْ وَ نَاسْ حِلَّةْ قِيرْ جَهَّزَوْا دُرُوعْهُمْ.

تكوين 25:2

وَ هِي جَابَتْ لَيَّهْ عِيَالْ وَ هُمَّنْ زِمْرَانْ وَ يَقْشَانْ وَ مَدَانْ وَ مِدْيَانْ وَ يَشْبَاقْ وَ شُوَحْ.

تكوين 14:1

وَ فِي الْوَكِتْ دَاكْ، فِيَّهْ مَجْمُوعْتَيْن هَنَا مُلُوكْ الْقَاعِدِينْ يِلْحَارَبَوْا أَمْبَيْنَاتْهُمْ. الْمَجْمُوعَةْ الْأَوَّلَانِيَّةْ، مُلُوكْهَا هُمَّنْ أَمْرَافَلْ مَلِكْ شِنْعَارْ وَ أَرْيُوكْ مَلِكْ أَلَسَارْ وَ كَدَرْلَعَوْمَرْ مَلِكْ عِلَامْ وَ تِدْعَالْ مَلِكْ قُويِمْ. وَ الْمَجْمُوعَةْ التَّانِيَةْ، مُلُوكْهَا هُمَّنْ بَارَعْ مَلِكْ سَدُومْ وَ بِرْشَعْ مَلِكْ عَمُورَةْ وَ شِنَابْ مَلِكْ أَدْمَةْ وَ شِمِيبَرْ مَلِكْ صَبُويِيمْ وَ مَلِكْ بَالَعْ الْبِنَادُوهَا صُوغَرْ.

أعمال الرُسُل 2:9

وَ فِي نَاسْ أُسُطْنَا مِنْ بُلْدَانْ كَتِيرِينْ مِثِلْ الْفَرْتِيَة وَ الْمَادِي وَ عِلَامْ. وَ فِي سُكَّانْ هَنَا بَلَدْ بَيْن الْنَّهْرَيْن وَ نَاسْ مِنْ دَارْ الْيَهُودِيَّةْ وَ مِنْ كَبَّدُوكِيَّةْ وَ بُنْطُسْ وَ آسِيَا

إشَعْيا 21:2

رُؤْيَةْ مُخِيفَةْ بَانَتْ لَيِّ. نِشِيفْ الْخَايِنْ يُخُونْ وَ الْمُدَمِّرْ يِدَمِّرْ. وَ اللّٰهْ قَالْ: «يَلَّا أَهْجُمُوا الْمَدِينَةْ، يَا نَاسْ عِلَامْ! وَ حَاصُرُوهَا، يَا نَاسْ مَادِي! أَنَا نِوَقِّفْ كُلَّ الْقَنِتِينْ الْهِي ثَبَّتَتَهْ.»