إرْمِيا 25:11 - الكتاب المقدس بالعربي الدارجي هنا تشاد

¹¹ وَ الْبَلَدْ دِي كُلَّهَا نِسَوِّيهَا كَوْم هَنَا تُرَابْ وَ أَرْض خَرَابْ. وَ كُلَّ الْأُمَمْ دَوْل يَبْقَوْا عَبِيدْ لِمَلِكْ بَابِلْ لِمُدَّةْ 70 سَنَةْ.

إرْمِيا 25:11 Referenca të Kryqëzuara

دَنْيال 9:2

وَ فِي أَوَّلْ سَنَةْ هَنَا حُكْمَهْ، أَنَا دَنْيَالْ فِهِمْت مِنْ كُتُبْ الْأَنْبِيَاء كَدَرْ اللّٰهْ حَجَّى لِلنَّبِي إِرْمِيَا وَ قَالْ خَرَابْ مَدِينَةْ الْقُدُسْ يَقْعُدْ 70 سَنَةْ لَحَدِّي الْوَكِتْ دَا يِتِمّ.

زَكَرِيَّا 1:12

وَ مَلَكْ اللّٰهْ حَجَّى وَ قَالْ: «يَا اللّٰهْ الْقَادِرْ، مِنْ مُدَّةْ 70 سَنَةْ إِنْتَ غِضِبْت لِمَدِينَةْ الْقُدُسْ وَ حِلَّالْ بَلَدْ يَهُوذَا. مَتَى تَرْحَمْهُمْ؟»

زَكَرِيَّا 7:5

«قُولْ لِكُلَّ شَعَبْ الْبَلَدْ وَ لِرُجَالْ الدِّينْ: ‹وَكِتْ صُمْتُوا وَ حِزِنْتُوا فِي الشَّهَرْ الْخَامِسْ وَ السَّابِعْ، وَ دَا مِنْ مُدَّةْ 70 سَنَةْ، صِيَامْكُو دَا لَيِّ أَنَا وَلَّا؟

إرْمِيا 25:12

«وَ لَاكِنْ بَعَدْ السَّبْعِينْ سَنَةْ دَوْل يِكَمُّلُوا، أَنَا نِعَاقِبْ مَلِكْ بَابِلْ وَ أُمَّتَه فِي شَانْ خَطَاهُمْ. وَ نُقُمّ ضِدّ بَلَدْ الْبَابِلِيِّينْ وَ نِسَوِّيهَا بَلَدْ خَرَابْ إِلَى الْأَبَدْ. وَ دَا كَلَامْ اللّٰهْ.

إرْمِيا 4:27

وَ دَاهُو اللّٰهْ قَالْ: «كُلَّ الْأَرْض تَخْرَبْ وَ لَاكِنْ بَيْدَا كُلَ، أَنَا مَا نِدَمِّرْهَا مَرَّةْ وَاحِدْ.

لاوِيِّين 26:32

وَ أَنَا ذَاتِي نِجِيبْ الْحِزِنْ فِي الْبَلَدْ وَ عُدْوَانْكُو الْيَسْكُنُوهَا يِنْبَهْتُوا.

إشَعْيا 5:6

الْجِنَيْنَةْ دِي، أَنَا نَخْرِبْهَا وَ لَا نِعَدِّلْهَا وَ لَا نِجَنْكِبْهَا وَ الشَّوْك وَ أَنْدِرَيْسَةْ يُقُمُّوا فَوْقهَا. وَ نَنْطِي أَمُرْ لِلسَّحَابْ مَا يِنَزِّلْ الْمَطَرَةْ فَوْقهَا.»

إرْمِيا 27:22

«الْمُعِدَّاتْ دَوْل يِوَدُّوهُمْ فِي بَابِلْ وَ هُمَّنْ يَقْعُدُوا هِنَاكْ لَحَدِّي الْيَوْم الْأَنَا نُقُمّ وَ نِشِيلْهُمْ مِنْ هِنَاكْ وَ نِقَبِّلْهُمْ هِنِي فِي الْبَكَانْ دَا.» وَ دَا كَلَامْ اللّٰهْ.

إرْمِيا 28:14

أَشَانْ اللّٰهْ الْقَادِرْ إِلٰـهْ بَنِي إِسْرَائِيلْ قَالْ: ‹أَنَا خَطَّيْت دَامِي هَنَا حَدِيدْ فِي كَتَافَيْ كُلَّ الْأُمَمْ دَوْل لِيَخْدُمُوا لِنَبُوخَدْنَصَرْ مَلِكْ بَابِلْ. وَ سَلَّمْت لَيَّهْ حَيْوَانَاتْ الْكَدَادَةْ كُلَ لِيَقْعُدُوا تِحِتْ سُلْطِتَهْ.›»

إرْمِيا 29:10

دَاهُو اللّٰهْ قَالْ بَتَّانْ: «مَمْلَكَةْ بَابِلْ تَقْعُدْ 70 سَنَةْ. وَ بَعَدْ دَا، أَنَا نُقُمّ وَ نِفَكِّرْ فَوْقكُو وَ نِحَقِّقْ كَلَامِي الْعَدِيلْ وَ نِقَبِّلْكُو هِنِي فِي مَدِينَةْ الْقُدُسْ.

إرْمِيا 43:10

وَ قُولْ لَيْهُمْ: ‹دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: ”أَنَا نِرَسِّلْ نِجِيبْ عَبْدِي نَبُوخَدْنَصَرْ مَلِكْ بَابِلْ وَ نُخُطّ كُرْسِيهْ هَنَا الْمُلُكْ فِي الْحُجَارْ الْمُلَبَّدِينْ دَوْل. وَ هُو يُخُطّ ضَلَّالْتَهْ فِي الْبَكَانْ دَا.

إرْمِيا 44:22

اللّٰهْ أَبَى مَا يَحْمَلَهْ بَتَّانْ بِسَبَبْ عَمَلْكُو الْفَسِلْ وَ الْمُحَرَّمَاتْ السَّوَّيْتُوهُمْ. وَ فِي شَانْ دَا، بَلَدْكُو بِقَتْ كَوْم هَنَا تُرَابْ وَ خَرَابْ وَ مَلْعُونْ وَ فَاضِيَةْ مِنْ سُكَّانْهَا لَحَدِّي الْيَوْم.

مِيخا 7:13

وَ الْأَرْض تَبْقَى خَرَابْ بِسَبَبْ سُكَّانْهَا وَ دَا بِسَبَبْ نَتِيجَةْ عَمَلْهُمْ الْفَسِلْ.

2 أخبار 36:20

وَ بَعَدْ دَا، وَدَّى فِي الْغُرْبَةْ فِي بَابِلْ كُلَّ النَّاسْ الْفَضَّلَوْا مِنْ الْكَتِلْ. وَ هُو سَوَّاهُمْ عَبِيدْ لَيَّهْ هُو وَ لِعِيَالَهْ لَحَدِّي مُلُوكْ بَلَدْ فَارِسْ جَوْا شَالَوْا مِنْهُمْ الْحُكُمْ.

إرْمِيا 4:26

أَنَا شِفْت. دَاهُو الْبَلَدْ الْخَضْرَةْ بِقَتْ صَحَرَاء وَ كُلَّ الْمُدُنْ أَلْهَدَّمَوْا وَ دَا مِنْ غَضَبْ اللّٰهْ الْمُحْرِقْ.

إرْمِيا 25:38

وَ اللّٰهْ أَبَى بَكَانَهْ مِثِلْ الدُّودْ الْأَبَى نُقُرْتَهْ. أَشَانْ الْبَلَدْ خِرْبَتْ بِسَبَبْ الْحَرِبْ الْمُدَمِّرْ وَ بِسَبَبْ غَضَبْ اللّٰهْ الْمُحْرِقْ.

إرْمِيا 27:7

وَ كُلَّ الْأُمَمْ يَخْدُمُوا لَيَّهْ هُو وَ لِوِلَيْدَهْ وَ لِوِلَيْد وِلَيْدَهْ. وَ لَحَدِّي بَابِلْ تِنْهَزِمْ وَ أُمَمْ كَتِيرِينْ وَ مُلُوكْ كُبَارْ يِخَدُّمُوهَا هِي كُلَ.

حِزْقِيال 6:14

أَنَا نِمِدّ إِيدِي ضِدُّهُمْ وَ ضِدّ أَيِّ بَكَانْ الْيَسْكُنُوا فَوْقَهْ. وَ الْبَلَدْ دِي مِنْ الصَّحَرَاءْ لَحَدِّي دِبْلَةْ، نِسَوِّيهَا خَرَابْ وَ جَفَافْ. وَ بَيْدَا، يَعَرْفُوا كَدَرْ أَنَا بَسْ اللّٰهْ.»

حِزْقِيال 12:19

وَ تُقُولْ لِشَعَبْ الْبَلَدْ: ‹دَاهُو اللّٰهْ الرَّبّ حَجَّى لِسُكَّانْ مَدِينَةْ الْقُدُسْ الْقَاعِدِينْ فِي بَلَدْ إِسْرَائِيلْ وَ قَالْ: ”هُمَّنْ يَاكُلُوا مَعَاشْهُمْ بِهَمّ وَ يَشَرْبَوْا أَلْمِيهُمْ بِخَوْف أَشَانْ الْأَرْض تَخْرَبْ وَ تَبْقَى فَاضِيَةْ مِنْ كُلَّ شَيّءْ الْفَوْقهَا بِسَبَبْ الْعُنُفْ هَنَا كُلَّ سُكَّانْهَا.

حِزْقِيال 29:11

وَ لِمُدَّةْ 40 سَنَةْ، وَ لَا رِجِلْ إِنْسَانْ وَ لَا رِجِلْ بَهِيمَةْ مَا تُشُقّ الْبَكَانْ دَا.