إرْمِيا 24:1 - الكتاب المقدس بالعربي الدارجي هنا تشاد

¹ وَ نَبُوخَدْنَصَرْ مَلِكْ بَابِلْ شَالْ يُيَكِينْ وِلَيْد يَهُويَقِمْ مَلِكْ يَهُوذَا وَ كُبَارَاتْ يَهُوذَا وَ الصِّنَاعِيِينْ وَ الْحَدَّادْ وَ وَدَّاهُمْ فِي الْغُرْبَةْ فِي بَابِلْ. وَ بَعَدْ دَا، اللّٰهْ شَوَّفَانِي إِتْنَيْن قُفَفْ مَلَانِينْ بِفَوَاكِهْ التِّينْ وَ قَاعِدِينْ قِدَّامْ بَيْت اللّٰهْ.

إرْمِيا 24:1 Referenca të Kryqëzuara

إرْمِيا 29:2

وَ الْجَوَابْ دَا رَسَّلَهْ بَعَدْ مَرَقَوْهُمْ مِنْ مَدِينَةْ الْقُدُسْ لِلْمَلِكْ يُيَكِينْ وَ الْمَلِكَةْ الْأُمّ وَ الْمَسَائِيلْ وَ الْكُبَارَاتْ هَنَا بَلَدْ يَهُوذَا وَ مَدِينَةْ الْقُدُسْ وَ الصِّنَاعِيِينْ وَ الْحَدَّادْ.

2 أخبار 36:10

وَ فِي السَّنَةْ الْجَدِيدَةْ، الْمَلِكْ نَبُوخَدْنَصَرْ رَسَّلْ نَاسْ وَ شَالَوْا يُيَكِينْ وَ خُمَامْ غَالِيِّينْ مِنْ بَيْت اللّٰهْ وَ وَدَّوْهُمْ بَابِلْ. وَ دَرَّجْ صِدْقِيَّا قَرِيبَهْ لِيُيَكِينْ مَلِكْ فِي بَلَدْ يَهُوذَا وَ مَدِينَةْ الْقُدُسْ.

زَكَرِيَّا 3:1

وَ بَعَدْ دَا، اللّٰهْ شَوَّفَانِي يَشُوعْ كَبِيرْ رُجَالْ الدِّينْ وَاقِفْ قِدَّامْ مَلَكْ اللّٰهْ. وَ إِبْلِيسْ التَّهَّامْ وَاقِفْ بِنُصّ الزَّيْنَةْ هَنَا يَشُوعْ لِيَتْهَمَهْ.

زَكَرِيَّا 1:20

وَ بَعَدْ دَا، اللّٰهْ شَوَّفَانِي أَرْبَعَةْ حَدَّادْ.

عَمُوس 7:7

وَ دَاهُو أَنَا شِفْت بَتَّانْ فِي الرُّؤْيَةْ الرَّبّ وَاقِفْ جَنْب دُرْدُرْ وَ فِي إِيدَهْ عِنْدَهْ حَبِلْ الْيِقَاوُسُوا بَيَّهْ الْبُنَى.

عَمُوس 7:4

وَ دَاهُو الشَّيّءْ الْوَصَّفَهْ لَيِّ اللّٰهْ الرَّبّ. هُو أَمَرْ النَّارْ تَنْزِلْ لِيِعَاقِبْ بَيْهَا النَّاسْ. وَ تِيَبِّسْ الْأَلْمِي الْفِي تِحِتْ الْأَرْض وَ تَاكُلْ كُلَّ أَرْض إِسْرَائِيلْ.

عَمُوس 7:1

دَاهُو الشَّيّءْ الْاللّٰهْ الرَّبّ وَصَّفَهْ لَيِّ أَنَا عَمُوسْ. اللّٰهْ قَاعِدْ يِجَهِّزْ جَرَادْ وَكِتْ الْكِشَّيْب بَدَا يَمْرُقْ وَ دَا بَعَدْ الْقَنَادِيلْ الْأَوَّلْ قَطَعَوْهُمْ لِلْمَلِكْ.

عَمُوس 3:7

وَ مِثِلْ دَا، اللّٰهْ الرَّبّ مَا يِسَوِّي أَيِّ شَيّءْ كَنْ مَا بَيَّنْ سِرَّهْ لِعَبِيدَهْ الْأَنْبِيَاء.

حِزْقِيال 19:9

وَ بِزُمَامْ، خَطَّوْه فِي لُبّ قَفَصْ وَ وَدَّوْه لِمَلِكْ بَابِلْ. وَ دَسَّوْه فِي لُبّ سِجِنْ أَشَانْ حِسَّهْ بَتَّانْ مَا يِنْسَمِعْ فِي جِبَالْ بَنِي إِسْرَائِيلْ.»

2 مُلوك 24:10

وَ فِي الْوَكِتْ دَا بَسْ، رُجَالْ نَبُوخَدْنَصَرْ مَلِكْ بَابِلْ جَوْا وَ حَاصَرَوْا مَدِينَةْ الْقُدُسْ.

إشَعْيا 13:1

مُحَاكَمَةْ بَابِلْ الشَّافْهَا إِشَعْيَا وِلَيْد أَمُّوصْ فِي رُؤْيَةْ.

إرْمِيا 27:20

وَ دَوْل الْخُمَامْ النَّبُوخَدْنَصَرْ مَلِكْ بَابِلْ مَا شَالَاهُمْ وَكِتْ جَاءْ وَ وَدَّى مِنْ مَدِينَةْ الْقُدُسْ لِبَابِلْ يُيَكِينْ وِلَيْد يَهُويَقِمْ مَلِكْ يَهُوذَا وَ كُلَّ كُبَارَاتْ بَلَدْ يَهُوذَا وَ مَدِينَةْ الْقُدُسْ.

إرْمِيا 28:4

وَ أَنَا نِقَبِّلْ يُيَكِينْ وِلَيْد يَهُويَقِمْ مَلِكْ يَهُوذَا وَ كُلَّ نَاسْ يَهُوذَا الْوَدَّوْهُمْ فِي الْغُرْبَةْ فِي بَابِلْ وَ نِجِيبْهُمْ فِي الْبَكَانْ دَا. وَ بَيْدَا، أَنَا نِكَسِّرْ دَامِي مَلِكْ بَابِلْ لِنِنَزِّلْ تَقَلَتَهْ مِنْ كَتَافَيْكُو.›» وَ دَا كَلَامْ اللّٰهْ.

إرْمِيا 29:1

وَ النَّبِي إِرْمِيَا كَتَبْ جَوَابْ مِنْ مَدِينَةْ الْقُدُسْ لِلْفَضَّلَوْا فِي بَابِلْ مِنْ الْكُبَارَاتْ وَ رُجَالْ الدِّينْ وَ الْأَنْبِيَاء وَ كُلَّ الشَّعَبْ النَّبُوخَدْنَصَرْ شَالَاهُمْ مِنْ مَدِينَةْ الْقُدُسْ وَ وَدَّاهُمْ فِي الْغُرْبَةْ.

إرْمِيا 37:1

صِدْقِيَّا وِلَيْد يُوشِيَّا بِقِي مَلِكْ فِي بَدَلْ يُيَكِينْ وِلَيْد يَهُويَقِمْ. وَ دَا نَبُوخَدْنَصَرْ مَلِكْ بَابِلْ بَسْ الدَّرَّجَهْ مَلِكْ فِي بَلَدْ يَهُوذَا.

إرْمِيا 13:19

مُدُنْ الْجُنُوبْ أَلْحَاصَرَوْا وَ مَا فِي نَادُمْ الْيُفُكّ حِصَارْهُمْ. وَ كُلَّ بَنِي يَهُوذَا يِوَدُّوهُمْ فِي الْغُرْبَةْ وَ دَا الْوَدِّيِينْ فِي الْغُرْبَةْ بِالْكَامِلْ.›»

حِزْقِيال 17:4

أَيْوَى، هُو قَطَعْ فِرِعْ وَ وَدَّاهْ فِي بَلَدْ كَنْعَانْ وَ خَطَّاهْ فِي مَدِينَةْ التُّجَّارْ.