إرْمِيا 23:9 - الكتاب المقدس بالعربي الدارجي هنا تشاد

⁹ وَ فِي الْأَنْبِيَاء دَوْل، إِرْمِيَا قَالْ: «قَلْبِي أَنْقَطَعْ فِي دَاخِلِي وَ كُلَّ عُضَامِي مَاعَوْا. وَ بِقِيتْ مِثِلْ السَّكْرَانْ أَوْ مِثِلْ نَادُمْ الْمَرِيسَةْ فَاتَتْ قُدُرْتَهْ. وَ دَا فِي شَانْ اللّٰهْ وَ فِي شَانْ كَلَامَهْ الْمُقَدَّسْ.

إرْمِيا 23:9 Referenca të Kryqëzuara

حَبَقُوق 3:16

مِنْ أَنَا سِمِعْت بِجَيْتَكْ، قَلْبِي رَجَفْ وَ مِنْ سِمِعْت حِسَّكْ، شَلَالِيفِي رَجَفَوْا وَ عُضَامِي مَاعَوْا. وَ أَنَا وَقَفْت بَكَانْ وَاحِدْ وَ قَاعِدْ نَرْجِفْ. وَ هَسَّعْ، نَرْجَى يَوْم الضِّيقَةْ الْيَجِي فَوْق عَدُونَا.

دَنْيال 8:27

وَ أَنَا دَنْيَالْ ضِعِفْت وَ مِرِضْت مُدَّةْ أَيَّامْ. وَ بَعَدَيْن لِقِيتْ الْعَافَيْ وَ قَمَّيْت نِسَوِّي خِدْمَةْ الْمَلِكْ. وَ بَيْدَا كُلَ، أَنَا هَمَّيْت زِيَادَةْ مِنْ الرُّؤْيَةْ الشِّفْتَهَا وَ مَا فِهِمْت مَعَنَاتْهَا.

مَراثِي إرْمِيا 3:15

وَ هُو شَبَّعْنِي بِالْحَمْضَلْ وَ رَوَانِي بِمَرَارْ الصِّبِرْ.

إشَعْيا 51:21

وَ فِي شَانْ دَا، أَسْمَعَيْ الْكَلَامْ دَا، إِنْتِ التَّعْبَانَةْ، إِنْتِ السَّكْرَانَةْ لَاكِنْ مَا بِمَرِيسَةْ.

زَبُور 60:3

إِنْتَ شَوَّفْت الْمُرّ لَيْنَا أَنِحْنَ شَعَبَكْ، أَيْوَى، شَرَّبْتِنَا خَمَرْ الْيِلِفّ الرَّاسْ.

رَوْمَا 7:9

أَوَّلْ أَنَا حَيّ وَ مَا عِرِفْت شُرُوطْ التَّوْرَاةْ لَاكِنْ الْوَصِيَّةْ جَاتْ لَيِّ وَ الذَّنِبْ حِيِي فَوْقِي

حِزْقِيال 9:6

خَرُّبُوا وَ أَكْتُلُوا الشِّيَّابْ وَ الصُّبْيَانْ وَ الْبَنَاتْ وَ الْأَطْفَالْ وَ الْعَوِينْ. وَ لَاكِنْ مَا تِلَمُّسُوا أَيِّ نَادُمْ الْعِنْدَهْ عَلَامَةْ فِي جَبْهِتَهْ. وَ أَبْدَوْا مِنْ هِنِي، مِنْ بَيْتِي الْمُقَدَّسْ.» وَ خَلَاصْ، بَدَوْا بِالْكَتِلْ هَنَا الشُّيُوخْ الْقَاعِدِينْ قِدَّامْ بَيْت اللّٰهْ.

حِزْقِيال 9:4

وَ اللّٰهْ قَالْ لَيَّهْ: «أَمْشِي فِي أُسْط مَدِينَةْ الْقُدُسْ وَ سَوِّي عَلَامَةْ فِي جَبْهَاتْ النَّاسْ الْقَاعِدِينْ يَقُنْتُوا وَ يَشْكُوا بِسَبَبْ كُلَّ الْمُحَرَّمَاتْ الْقَاعِدِينْ يِسَوُّوهُمْ فِي لُبَّهَا.»

إرْمِيا 9:1

خَلِّي رَاسِي يَبْقَى خَزَّانْ هَنَا دُمُوعْ وَ دُمُوعْ عُيُونِي يِسِيلُوا مِثِلْ عُيُونْ أَلْمِي أَشَانْ نَبْكِي لَيْل وَ نَهَارْ لِضَحَايَا أُمَّتِي الْمِثِلْ بِنْت أَمِّي.

إرْمِيا 5:31

الْأَنْبِيَاء يِتْنَبَّأَوْا بِكِدِبْ وَ رُجَالْ الدِّينْ يِفَتُّشُوا مَصَالِحْهُمْ. وَ إِنْتُو شَعَبِي رَضْيَانِينْ بِالْحَرَامْ دَا وَ لَاكِنْ فِي الأَخِيرْ، تِسَوُّوا شُنُو؟›»

إشَعْيا 29:9

أَلْعَجَّبَوْا وَ أَنْبَهَتَوْا! أَبْقَوْا عَمْيَانِينْ مَا تِشِيفُوا! أَسْكَرَوْا وَ لَاكِنْ مَا بِخَمَرْ وَ أَتَّرْتَعَوْا وَ لَاكِنْ مَا بِمَرِيسَةْ.

إشَعْيا 28:1

الْعَذَابْ لِمَدِينَةْ السَّامِرَةْ، هِي مِثِلْ تَاجْ الْإِسْتِكْبَارْ هَنَا سَكَّارَى أَفْرَايِمْ. الْعَذَابْ لَيْهَا هِي، الْجَمَالْهَا وَ زِينِتْهَا مِثِلْ زُهُورْ الْيَابْسِينْ. الْمَدِينَةْ دِي فِي رَاسْ الْوَادِي الْأَخْضَرْ، وَ دَا بَكَانْكُو إِنْتُو الْغِمِرْتُوا مِنْ الْخَمَرْ.

إشَعْيا 6:5

وَ خَلَاصْ، أَنَا قُلْت: «الْعَذَابْ لَيِّ! أَنَا وَدَّرْت! أَشَانْ أَنَا نَادُمْ خَشْمِي مَا طَاهِرْ وَ سَاكِنْ فِي أُسُطْ شَعَبْ خُشُومْهُمْ مَا طَاهِرِينْ. وَ عُيُونِي شَافَوْا الْمَلِكْ وَ هُو اللّٰهْ الْقَادِرْ!»

زَبُور 69:20

الْمُعْيَارْ شَقَّ قَلْبِي وَ أَنَا بِقِيتْ مَرْضَانْ. وَ قُلْت أَكُونْ نَلْقَى مِنْهُمْ مَحَنَّةْ لَاكِنْ مَا شِفْت شَيّءْ. وَ الْيِصَبُّرُونِي كُلَ، أَنَا مَا لِقِيتْهُمْ.

إرْمِيا 8:18

قَلْبِي فِي دَاخِلِي حَزْنَانْ وَ لَاكِنْ حِزْنِي مَا عِنْدَهْ عِلَاجْ.

إرْمِيا 20:9

وَ كَنْ نُقُولْ فِي نَفْسِي مَا نِفَكِّرْ لِلّٰهْ وَ لَا نِحَجِّي بَتَّانْ بِكَلَامَهْ الْأَمَرَانِي بَيَّهْ، خَلَاصْ دَا يَبْقَى لَيِّ مِثِلْ نَارْ تَحْرِقْنِي فِي دَاخِلِي وَ مِثِلْ جَمُرْ فِي عُضَامِي. وَ دَا فَاتَانِي، مَا نَقْدَرْ نَحْمَلَهْ.

إرْمِيا 36:16

وَ وَكِتْ هُمَّنْ سِمْعَوْا كُلَّ الْكَلَامْ دَا، هُمَّنْ خَافَوْا خَوْف شَدِيدْ وَ أَشَّاوَفَوْا أَمْبَيْنَاتْهُمْ. وَ قَالَوْا لِبَرُوكْ: «خَلِّي نِوَدُّوا كُلَّ الْكَلَامْ دَا قِدَّامْ الْمَلِكْ.»

حِزْقِيال 13:3

دَاهُو اللّٰهْ الرَّبّ قَالْ: الْعَذَابْ لِلْأَنْبِيَاء الْمَطَامِيسْ الْيِتَابُعُوا أَفْكَارْهُمْ بَلَا مَا شَافَوْا رُؤْيَةْ.