إرْمِيا 23:5 - الكتاب المقدس بالعربي الدارجي هنا تشاد

⁵ وَ دَاهُو كَلَامْ اللّٰهْ: «أَكِيدْ يَجِي يَوْم وَاحِدْ، أَنَا نِقَوِّمْ نَادُمْ صَالِحْ مِنْ ذُرِّيَّةْ دَاوُدْ مِثِلْ بِذْرَةْ. وَ النَّادُمْ دَا، أَنَا بَسْ نِدَرِّجَهْ مَلِكْ وَ هُو يَحْكِمْ بِحِكْمَةْ وَ يِجِيبْ الْحَقّ وَ الْعَدَالَةْ فِي الْبَلَدْ.

إرْمِيا 23:5 Referenca të Kryqëzuara

إشَعْيا 4:2

وَ فِي الْيَوْم دَا، بِذْرَةْ اللّٰهْ تِجِيبْ الْمَجْد وَ الشَّرَفْ لِلْفَضَّلَوْا مِنْ بَنِي إِسْرَائِيلْ. وَ إِنْتَاجْ الْأَرْض يِجِيبْ الْفَرَحْ وَ الشَّرَفْ.

إشَعْيا 52:13

«دَاهُو عَبْدِي يَنْجَحْ وَ يِنْرَفِعْ وَ يَبْقَى عَالِي وَ يَلْقَى شَرَفْ مَرَّةْ وَاحِدْ.

إشَعْيا 9:7

وَ يِكَبِّرْ سُلْطِتَهْ وَ سَلَامْ بَلَا حَدّ فِي كُرْسِي الْمُلُكْ هَنَا دَاوُدْ. وَ مَمْلَكَتَهْ تَثْبِتْ وَ تَبْقَى قَوِيَّةْ فِي الْحَقّ وَ الْعَدَالَةْ مِنْ الْيَوْم وَ إِلَى الْأَبَدْ. وَ بِمَحَبِّتَهْ الشَّدِيدَةْ، اللّٰهْ الْقَادِرْ يِسَوِّي الشَّيّءْ دَا.

زَكَرِيَّا 3:8

«أَسْمَعْ، يَا يَشُوعْ كَبِيرْ رُجَالْ الدِّينْ وَ كُلَّ رُجَالْ الدِّينْ التِّحْتَكْ. إِنْتُو ذَاتْكُو عَلَامَةْ هَنَا الشَّيّءْ الْيُكُونْ. دَاهُو قَرِيبْ أَنَا نِرَسِّلْ عَبْدِي الْبِنَادُوهْ بِذْرَةْ.

إشَعْيا 53:2

عَبْد اللّٰهْ كِبِرْ قِدَّامَهْ مِثِلْ بِذْرَةْ وَ مِثِلْ عِرِقْ الْمَرَقْ مِنْ أَرْض جَفَافْ. هُو مَا عِنْدَهْ شَكِلْ وَ لَا عَظَمَةْ لِنِشِيفُوهْ وَ لَا عِنْدَهْ شَبَهْ الْيَعَجِبْ.

زَكَرِيَّا 9:9

«يَا صَهْيُون الْمِثِلْ بِنَيَّةْ، أَفْرَحَيْ زِيَادَةْ! عِيطِي بِفَرَحْ، يَا مَدِينَةْ الْقُدُسْ الْمِثِلْ بِنَيَّةْ! دَاهُو مَلِكِّ جَايِ لَيْكِ. هُو عَادِلْ وَ مُنَّصِرْ. هُو مِسْكِينْ وَ رَاكِبْ فِي حُمَارْ، فِي دَحَشْ وِلَيْد حُمَارَةْ.

رُؤية 19:11

وَ فِي الْبَكَانْ دَا، أَنَا شِفْت السَّمَاءْ فَاتِحْ. وَ شِفْت جُوَادْ أَبْيَضْ. وَ الرَّاكِبْ فَوْقَهْ أُسْمَهْ الْأَمِينْ وَ الصَّادِقْ وَ هُو يِحَارِبْ عَدُوهْ وَ يَحْكِمْ النَّاسْ بِحَالْ صَالْحَةْ.

عَمُوس 9:11

«وَ فِي الْيَوْم دَا، نَبْنِي مِنْ جَدِيدْ مَدِينَةْ دَاوُدْ الْمُكَسَّرَةْ. وَ نِكَدِّكْ نُقَارْهَا وَ نِعَدِّلْ دَرَادِرْهَا وَ هِي تَبْقَى مِثِلْ أَوَّلْ.

إرْمِيا 30:9

وَ لَاكِنْ يَعَبُدُونِي أَنَا اللّٰهْ إِلٰـهُّمْ. وَ يَخْدُمُوا لِمَلِكْ مِنْ ذُرِّيَّةْ دَاوُدْ النِّثَبِّتَهْ فَوْقهُمْ.»

إرْمِيا 30:3

وَ يَجِي يَوْم وَاحِدْ، أَنَا نِقَبِّلْ شَعَبِي بَنِي إِسْرَائِيلْ وَ بَنِي يَهُوذَا مِنْ الْغُرْبَةْ.›» وَ دَا كَلَامْ اللّٰهْ. وَ اللّٰهْ قَالْ بَتَّانْ: «أَنَا نِجِيبْ شَعَبِي فِي الْبَلَدْ الْأَنَا أَنْطَيْتهَا لِجُدُودْهُمْ وَ يَقْعُدُوا فِي أَرْض وَرَثَتْهُمْ.»

إرْمِيا 23:6

وَ فِي وَكِتْ حُكْمَهْ، بَنِي يَهُوذَا يَلْقَوْا النَّجَاةْ وَ بَنِي إِسْرَائِيلْ يَسْكُنُوا بِأَمَانْ. وَ دَاهُو الْأُسُمْ الْيِسَمُّوهْ بَيَّهْ، اللّٰهْ هُو بَسْ الْيِجِيبْ لَيْنَا الْعَدَالَةْ.»

عِبْرَانِيِّين 8:8

وَ لَاكِنْ اللّٰهْ حَجَّى بِعَيْب النَّاسْ وَكِتْ هُو هَرَجْ لِلشَّعَبْ وَ قَالْ: <يَجِي يَوْم وَاحِدْ، نِسَوِّي مُعَاهَدَةْ جَدِيدَةْ مَعَ بَنِي إِسْرَائِيلْ وَ مَعَ بَنِي يَهُوذَا. وَ دَا كَلَامْ اللّٰهْ.

يُوحَنَّا 1:45

وَ فِلِبُّسْ مَشَى لِقِي نَتَنَايِلْ وَ قَالْ لَيَّهْ: «لِقِينَا النَّادُمْ الْمُوسَى كَتَبْ بِسَبَبَهْ فِي التَّوْرَاةْ وَ الْأَنْبِيَاء كَتَبَوْا فَوْقَهْ فِي كُتُبْهُمْ. وَ هُو عِيسَى وِلَيْد يُوسُفْ مِنْ حِلَّةْ النَّاصِرَةْ.»

هُوشَع 3:5

وَ بَعَدْ دَا، بَنِي إِسْرَائِيلْ يِقَبُّلُوا يِتَابُعُوا اللّٰهْ إِلٰـهُّمْ وَ مَلِكْهُمْ الْمِنْ ذُرِّيَّةْ دَاوُدْ. وَ فِي آخِرْ الْوَكِتْ، يَخَافَوْا مِنْ اللّٰهْ وَ يَلْقَوْا خَيْرَهْ.

دَنْيال 9:24

«أَعَرِفْ كَدَرْ اللّٰهْ قَرَّرْ وَكِتْ مُحَدَّدْ لِشَعَبَكْ وَ لِمَدِينَةْ الْقُدُسْ. وَ الْعَدَدْ دَا 70 فِي 7 سَنَةْ يَعْنِي 490 سَنَةْ. وَ حَدَّدْ لَيْهُمْ الْوَكِتْ دَا أَشَانْ يِخَلُّوا مِنْهُمْ الْعِصْيَانْ وَ الذَّنِبْ وَ يَلْقَوْا كَفَّارَةْ لِخَطَايَاهُمْ وَ يِعِيشُوا دَايْماً فِي الْعَدَالَةْ. وَ الرُّؤْيَةْ وَ كَلَامْ الْأَنْبِيَاء يِلْحَقَّقَوْا وَ الْبَيْت الْمُقَدَّسْ كُلَ بَتَّانْ يَمْسَحَوْه لِيِخَصُّصُوهْ.

إرْمِيا 31:27

وَ دَاهُو كَلَامْ اللّٰهْ: «يَجِي يَوْم وَاحِدْ الْفَوْقَهْ أَنَا نَمْلَا أَرْض بَنِي إِسْرَائِيلْ وَ بَنِي يَهُوذَا بِالنَّاسْ وَ الْبَهَايِمْ.

إرْمِيا 22:3

دَاهُو اللّٰهْ قَالْ: ”سَوُّوا الْحَقّ وَ الْعَدَالَةْ وَ نَجُّوا الْمَظْلُومْ مِنْ إِيدَيْن الظَّالِمْ. مَا تَظُلْمُوا وَ لَا تِتَعُّبُوا الْأَجْنَبِي وَ الْأَتِيمْ وَ الْأَرْمَلَةْ وَ مَا تِدَفُّقُوا دَمّ الْبَرِي فِي الْبَكَانْ دَا.

إشَعْيا 53:10

وَ اللّٰهْ رِضِي يَرْحَكَهْ بِالتَّعَبْ وَ كَنْ حَيَاتَهْ بِقَتْ ضَحِيَّةْ لِكَفَّارَةْ الْخَطَا، خَلَاصْ هُو يِشِيفْ ذُرِّيّتَهْ. هُو يِطَوِّلْ أَيَّامْ عُمْرَهْ وَ نِيَّةْ اللّٰهْ تِلْحَقَّقْ بَيَّهْ هُو.

يُوحَنَّا 1:49

وَ نَتَنَايِلْ قَالْ: «سَيِّدْنَا، إِنْتَ إِبْن اللّٰهْ! إِنْتَ مَلِكْ هَنَا إِسْرَائِيلْ!»

مَتَّى 2:2

وَ سَأَلَوْا النَّاسْ وَ قَالَوْا: «وَيْن مَلِكْ الْيَهُودْ الدَّهَابَهْ وِلْدَوْه؟ شِفْنَا نَجْمَتَهْ عَلَيْ الصَّبَاحْ وَ جِينَا أَشَانْ نَسْجُدُوا لَيَّهْ.»

حِزْقِيال 34:29

وَ نِقَوِّمْ لَيْهُمْ زِرَاعَةْ مَعْرُوفَةْ بِكَتَرَةْ الْإِنْتَاجْ. وَ الْجُوعْ بَتَّانْ مَا يَكْتُلْهُمْ فِي الْبَلَدْ وَ مَا يَبْقَوْا مُعْيَارْ فِي أُسْط الْأُمَمْ.

زَبُور 80:15

أَحْمِي الْمَقَّنَتْهَا إِيدَكْ الزَّيْنَةْ أَيْوَى، أَحْفَضْ الْمَقَنْ الْعَدَّلْتَهْ لِنَفْسَكْ.

زَبُور 45:4

وَ بِعَظَمَتَكْ، أَرْكَبْ جُوَادَكْ وَ أَنَّصِرْ بِسَبَبْ الْحَقّ وَ الْعَدَالَةْ وَ التَّوَاضُعْ! وَ بِإِيدَكْ الزَّيْنَةْ، تِسَوِّي أَشْيَاءْ يِخَوُّفُوا!

إرْمِيا 22:30

وَ دَاهُو اللّٰهْ قَالْ: «سَجُّلُوا الرَّاجِلْ دَا مِثِلْ نَادُمْ مَا وِلِدْ وَ مَا نَجَحْ فِي حَيَاتَهْ. وَ مِنْ عِيَالَهْ كُلَ، مَا فِي وَاحِدْ يَنْجَحْ لِيَقْعُدْ فِي كُرْسِي الْمُلُكْ هَنَا دَاوُدْ وَ يَحْكِمْ فِي يَهُوذَا.»

إرْمِيا 22:15

يَا الْمَلِكْ، بِمِثِلْ دَا، تِوَصِّفْ مُلْكَكْ وَلَّا؟ وَ بِحَطَبْ الْأَرْز دَا تِسَوِّي بَيْتَكْ سَمَحْ مِنْ هَنَا النَّاسْ وَلَّا؟ أَبُوكْ أَكَلْ وَ شِرِبْ مِثِلْ النَّاسْ الْآخَرِينْ. وَ بَيْدَا كُلَ، هُو دَافَعْ لِلْحَقّ وَ الْعَدَالَةْ وَ عَاشْ عِيشَةْ حَلُوَّةْ.

1 كُرُنْتُس 1:30

وَ اللّٰهْ بَسْ الْأَنْطَاكُو الْعَلَاقَةْ الْعِنْدُكُو مَعَ الْمَسِيحْ عِيسَى. وَ بِالْمَسِيحْ بَسْ، نَلْقَوْا حِكْمَةْ اللّٰهْ. وَ بِالْمَسِيحْ بَسْ، اللّٰهْ جَعَلَانَا صَالِحِينْ وَ خَصَّصَانَا وَ فَدَانَا.

إشَعْيا 42:6

«أَنَا اللّٰهْ نَادَيْتَكْ لِلْعَدَالَةْ وَ كَرَبْت إِيدَكْ. أَنَا حَفَضْتَكْ وَ ثَبَّتَّكْ لِنِسَوِّيكْ تَبْقَى مُعَاهَدَةْ لِلشَّعَبْ وَ نُورْ لِلْأُمَمْ.

إرْمِيا 29:11

أَنَا نَعَرِفْ الْفِكْرَةْ الْجَهَّزْتَهَا لَيْكُو وَ هِي مَا فِكْرَةْ هِنْت فَسَالَةْ وَ لَاكِنْ فِكْرَةْ هِنْت سَلَامْ الْبَيْهَا تَلْقَوْا مُسْتَقْبَلْ مَلَانْ بِعَشَمْ. وَ دَا كَلَامْ اللّٰهْ.

حِزْقِيال 21:27

خَرَابْ، خَرَابْ! نِسَوِّي خَرَابْ الْأَبَداً مَا بِقِي مِثْلَهْ! وَ دَا، لَحَدِّي يَجِي سِيدْ الشَّرِيعَةْ الْأَنَا نَنْطِيهَا لَيَّهْ.›

حِزْقِيال 45:8

وَ الْأَرْض دِي بَسْ تَبْقَى لِلْمَلِكْ وَرَثَتَهْ فِي بَلَدْ إِسْرَائِيلْ. وَ الْمُلُوكْ أَبَداً مَا يَظُلْمُوا الشَّعَبْ لَاكِنْ هُمَّنْ يِخَلُّوا الْبَلَدْ لِبَنِي إِسْرَائِيلْ حَسَبْ قَبَايِلْهُمْ.

هُوشَع 1:11

بَنِي يَهُوذَا وَ بَنِي إِسْرَائِيلْ يِلِمُّوا سَوَا وَ يِدَرُّجُوا نَادُمْ وَاحِدْ كَبِيرْ فَوْقهُمْ. وَ يَكْتَرَوْا فِي أَرْضُهُمْ فِي يَوْم كَبِيرْ الْبِنَادُوهْ يَزْرَعِيلْ (مَعَنَاتَهْ اللّٰهْ يَزْرَعْ).

2 صَمُوِيل 23:3

اللّٰهْ إِلٰـهْ بَنِي إِسْرَائِيلْ حَجَّى، أَيْوَى، مَلْجَأْ بَنِي إِسْرَائِيلْ قَالْ لَيِّ: ‹الْمَلِكْ الْيَحْكِمْ بِالْعَدَالَةْ وَ يُقُودْ النَّاسْ بِخَوْف اللّٰهْ،

زَبُور 99:4

قُدْرَةْ الْمَلِكْ، هِي حُبّ الْعَدَالَةْ وَ إِنْتَ ثَبَّتّْ الْحَقّ. الْحَقّ وَ الْعَدَالَةْ فِي أُسُطْ ذُرِّيَّةْ يَعْقُوبْ وَ إِنْتَ بَسْ سَوَّيْتهُمْ.

إشَعْيا 9:5

وَ أَيِّ نَعَالْ عَدُو التَّفْجَقْ وَ تِرَجِّفْ وَ أَيِّ خَلَقْ الدَّسَّوْه فِي دَمّ، خَلَاصْ يَزْقُلُوهُمْ فِي أَمْ بَلْبَالَةْ وَ النَّارْ تَاكُلْهُمْ.

إشَعْيا 9:6

أَشَانْ وِلْدَوْا لَيْنَا صَغِيرْ وَ الْوِلَيْد دَا، أَنْطَوْه لَيْنَا. وَ السُّلْطَةْ تَبْقَى فِي إِيدَيْنَهْ وَ يِنَادُوهْ بِالْأَسَامَيْ دَوْل، الْمُسْتَشَارْ الْعَجِيبْ وَ الْإِلٰـهْ الْقَادِرْ وَ الْأَبُو الدَّايِمْ وَ مَلِكْ السَّلَامْ.

إشَعْيا 33:5

اللّٰهْ عَظِيمْ أَشَانْ قَاعِدْ فَوْق وَ مَلَا صَهْيُون بِالْحَقّ وَ الْعَدَالَةْ.

إشَعْيا 45:24

وَ يِحَجُّوا بَيِّ وَ يُقُولُوا: ‹فِي اللّٰهْ بَسْ يِنْلَقُوا النَّصُرْ وَ الْقُدْرَةْ.› كُلَّ الْقَمَّوْا بِزَعَلْ ضِدِّي يَجُوا قِدَّامِي عَايْبِينْ.

حِزْقِيال 34:16

الْغَنَمَايْ الرَّايْحَةْ، نِفَتِّشْهَا وَ الْمُوَدِّرَةْ، نِجِيبْهَا وَ الرِّجِلْهَا مَكْسُورَةْ، نَرْبُطْهَا وَ الضَّعِيفَةْ، نِقَوِّيهَا. وَ لَاكِنْ التِّسَمِّنْ نَفِسْهَا أَوْ التِّوَصِّفْ قُدْرِتْهَا، نِدَمِّرْهَا. وَ نَسْرَحْ بِغَنَمِي بِعَدَالَةْ.»

مِيخا 5:3

وَ اللّٰهْ يِخَلِّي شَعَبَهْ لِوَكِتْ شِيَّةْ لَحَدِّي الْمَرَةْ الْغَلْبَانَةْ تَلْدَ وِلَيْدهَا. وَ أَخْوَانَّا الْفَضَّلَوْا فِي الْغُرْبَةْ يِقَبُّلُوا مِنْ هِنَاكْ وَ يِلِمُّوا مَعَ بَنِي إِسْرَائِيلْ.