إرْمِيا 23:11 - الكتاب المقدس بالعربي الدارجي هنا تشاد

¹¹ وَ دَاهُو كَلَامْ اللّٰهْ: «الْأَنْبِيَاء وَ رُجَالْ الدِّينْ كُلُّهُمْ أَنَّجَّسَوْا لَحَدِّي فِي بَيْتِي الْمُقَدَّسْ كُلَ أَنَا لِقِيتْ عَلَامَةْ فَسَالِتْهُمْ.

إرْمِيا 23:11 Referenca të Kryqëzuara

صَفَنْيا 3:4

وَ أَنْبِيَائْهَا مُسْتَكْبِرِينْ وَ خَايْنِينْ وَ رُجَالْ دِينْهَا مَا يِحْتَرُمُوا الْمُقَدَّسْ وَ يُقُمُّوا بِعُنُفْ ضِدّ شُرُوطْ التَّوْرَاةْ.

إرْمِيا 6:13

مِنْ الضَّعِيفْ لَحَدِّي الْقَادِرْ، كُلُّهُمْ جَارِيِينْ وَرَاءْ مَالْ الْحَرَامْ. وَ الْأَنْبِيَاء وَ رُجَالْ الدِّينْ كُلُّهُمْ غَشَّاشِينْ.

حِزْقِيال 23:39

وَ وَكِتْ دَبَحَنْ عِيَالْهِنْ لِأَصْنَامْهِنْ، فِي نَفْس الْيَوْم دَا، دَخَلَنْ فِي بَيْتِي الْمُقَدَّسْ وَ مَا أَحْتَرَمَنَّهْ. وَ دَا بَسْ الشَّيّءْ السَّوَّنَّهْ فِي لُبّ بَيْتِي.

إرْمِيا 32:34

هُمَّنْ جَابَوْا أَصْنَامْهُمْ الْمُحَرَّمِينْ فِي بَيْتِي الْفَوْقَهْ أُسْمِي أَشَانْ يِنَجُّسُوهْ.

حِزْقِيال 8:16

وَ هُو وَدَّانِي دَاخَلْ فِي فَضَايَةْ بَيْت اللّٰهْ الدَّخْلَانِيَّةْ. وَ دَاهُو فِي خَشُمْ بَيْت اللّٰهْ أَمْبَيْن غُرْفَةْ الْمَدَخَلْ وَ الْمَدْبَحْ، فِيَّهْ حَوَالَيْ 25 رَاجِلْ. أَنْطَوْا ضُهُورْهُمْ لِبَيْت اللّٰهْ وَ وَجَّهَوْا صَبَاحْ عَلَيْ الْحَرَّايْ وَ سَجَدَوْا لَيْهَا.

إرْمِيا 11:15

«وَ شَعَبِي الْمَحْبُوبِينْ، نِيِّتْهُمْ فَسْلَةْ وَ يَجُوا فِي بَيْتِي دَا يِدَوْرُوا شُنُو؟ هَلْ النَّذِرْ الْوَاعَدَوْنِي بَيَّهْ أَوْ اللَّحَمْ الْخَصَّصَوْه دَا، يَقْدَرْ يِنَجِّيهُمْ مِنْ الْفَسَالَةْ الْجَايَةْ لَيْهُمْ وَلَّا؟ وَ بَيْدَا، يَقْدَرَوْا يَنْجَوْا وَلَّا؟

إرْمِيا 8:10

وَ اللّٰهْ قَالْ: «وَ بِسَبَبْ دَا، نَنْطِي عَوِينْهُمْ لِنَاسْ آخَرِينْ وَ زِرَاعِتْهُمْ كُلَ لِلْيِشِيلُوهُمْ. أَشَانْ مِنْ الضَّعِيفْ لَحَدِّي الْقَادِرْ كُلُّهُمْ جَارِيِينْ وَرَاءْ مَالْ الْحَرَامْ. وَ الْأَنْبِيَاء وَ رُجَالْ الدِّينْ كُلُّهُمْ غَشَّاشِينْ.

إرْمِيا 7:30

وَ دَاهُو كَلَامْ اللّٰهْ: «بَنِي يَهُوذَا قَاعِدِينْ يِسَوُّوا الْفَسِلْ قِدَّامِي وَ يِجِيبُوا مُحَرَّمَاتْهُمْ فِي بَيْتِي الْفَوْقَهْ أُسْمِي وَ يِنَجُّسُوهْ.

2 أخبار 36:14

وَ زِيَادَةْ مِنْ دَا، كُلَّ كُبَارَاتْ رُجَالْ الدِّينْ وَ كُبَارَاتْ الشَّعَبْ عِصَوْا مَرَّةْ وَاحِدْ. سَوَّوْا نَفْس الْمُحَرَّمَاتْ السَّوَّوْهُمْ الْأُمَمْ الْآخَرِينْ وَ نَجَّسَوْا بَيْت اللّٰهْ الْهُو قَدَّسَهْ فِي مَدِينَةْ الْقُدُسْ.

حِزْقِيال 8:11

وَ 70 رَاجِلْ مِنْ شُيُوخْ بَنِي إِسْرَائِيلْ الْفِي أُسُطْهُمْ يَزَنْيَا وِلَيْد شَافَانْ وَاقْفِينْ قِدَّامْ الْأَصْنَامْ الْمَرْسُومِينْ دَوْل. وَ أَيِّ وَاحِدْ عِنْدَهْ مُخْبَرْ فِي إِيدَهْ وَ رِيحَةْ الدُّخَّانْ قَاعِدَةْ تَطْلَعْ.

حِزْقِيال 7:20

أَيْوَى، أَوَّلْ هُمَّنْ أَسْتَكْبَرَوْا بِسَبَبْ جَمَالْ زِينِتْهُمْ. وَ بِزِينِتْهُمْ، سَوَّوْا أَصْنَامْهُمْ الْمُحَرَّمِينْ الْيِجِيبُوا لَيْهُمْ الْكَرَاهِيَّةْ وَ فِي شَانْ دَا، نِسَوِّي زِينِتْهُمْ نِجْسَةْ.

إرْمِيا 23:15

وَ فِي شَانْ دَا، دَاهُو اللّٰهْ الْقَادِرْ حَجَّى كَلَامْ بُخُصّ الْأَنْبِيَاء دَوْل. هُو قَالْ: «أَكِيدْ أَنَا نِأَكِّلْهُمْ الْحَمْضَلْ وَ نَزْقِيهُمْ أَلْمِي مُسَمَّمْ. أَشَانْ بِأَنْبِيَاء مَدِينَةْ الْقُدُسْ دَوْل بَسْ النَّجَاسَةْ دَخَلَتْ فِي الْبَلَدْ دِي وَ مَلَتْهَا.»

إرْمِيا 5:31

الْأَنْبِيَاء يِتْنَبَّأَوْا بِكِدِبْ وَ رُجَالْ الدِّينْ يِفَتُّشُوا مَصَالِحْهُمْ. وَ إِنْتُو شَعَبِي رَضْيَانِينْ بِالْحَرَامْ دَا وَ لَاكِنْ فِي الأَخِيرْ، تِسَوُّوا شُنُو؟›»

2 أخبار 33:7

وَ هُو خَطَّ فِي بَيْت اللّٰهْ صَنَمْ الْهُو نَجَرَهْ. وَ دَا فِي لُبّ الْبَيْت الْحَجَّى فَوْقَهْ الرَّبّ لِدَاوُدْ وَ لِوِلَيْدَهْ سُلَيْمَانْ وَ قَالْ: «أَنَا نُخُطّ أُسْمِي إِلَى الْأَبَدْ فَوْق الْبَيْت دَا وَ فِي مَدِينَةْ الْقُدُسْ الْمَدِينَةْ الْأَنَا عَزَلْتَهَا مِنْ كُلَّ مُدُنْ قَبَايِلْ بَنِي إِسْرَائِيلْ.

2 أخبار 33:5

وَ بَتَّانْ كُلَ بَنَى مَدَابِحْ لِكُلَّ قُوَّاتْ السَّمَاءْ فِي الْفَضَايَاتْ الْإِتْنَيْن هَنَا بَيْت اللّٰهْ.

إرْمِيا 50:6

«شَعَبِي مِثِلْ غَنَمْ مُوَدِّرِينْ الرُّعْيَانْهُمْ وَدَّرَوْهُمْ فِي الْجِبَالْ. يِلِفُّوا بَيْهُمْ مِنْ جَبَلْ لِآخَرْ لَحَدِّي الْغَنَمْ دَوْل نَسَّوْهُمْ زَرِيبِتْهُمْ.

مَراثِي إرْمِيا 2:20

أَسْمَعْ وَ شِيفْ، يَا اللّٰهْ! لِيَاتُو إِنْتَ سَوَّيْت الْمَصِيبَةْ دِي؟ مَالَا الْعَوِينْ أَكَلَنْ عِيَالْهِنْ الْيِرِيدَنْهُمْ؟ وَ مَالَا كَتَلَوْهُمْ لِرُجَالْ الدِّينْ وَ الْأَنْبِيَاء فِي بَيْتَكْ الْمُقَدَّسْ؟

عَزْرا 10:18

دَاهُو أَسَامَيْ رُجَالْ الدِّينْ الْأَخَدَوْا عَوِينْ أَجْنَبِيَّاتْ مِنْ شُعُوبْ الْبَلَدْ، اللِّقَوْهُمْ فِي وَكْت التَّسْجِيلْ. وَ كُلُّهُمْ شَالَوْا نِيَّةْ أَشَانْ يَطُرْدُوا عَوِينْهُمْ وَ يِجِيبُوا كُبْشَانْ لِكَفَّارَةْ خَطَاهُمْ. مِنْ ذُرِّيَّةْ يَشُوعْ وِلَيْد يُوصَادِقْ وَ أَخْوَانَهْ، مَعَسِيَّا وَ أَلِعَازَرْ وَ يَرِيبْ وَ قَدَالْيَا.

حِزْقِيال 44:10

«وَ كَنْ لِلَّاوِيِّينْ الْبَعَّدَوْا مِنِّي وَكِتْ بَنِي إِسْرَائِيلْ أَبَوْنِي وَ قَبَّلَوْا تَابَعَوْا إِلٰـهَاتْهُمْ، هَسَّعْ هُمَّنْ يِلْحَمَّلَوْا نَتِيجَةْ خَطَاهُمْ.

صَفَنْيا 3:3

وَ فِي أُسُطْهَا، كُبَارَاتْهَا مِثِلْ الدِّيدَانْ الْيِكِرُّوا وَ قُضْيَاهَا مِثِلْ مَرَافْعِينْ اللَّيْل الْمَا يِخَلُّوا شَيّءْ لِلْفَجُرْ.