إرْمِيا 23:10 - الكتاب المقدس بالعربي الدارجي هنا تشاد

¹⁰ أَشَانْ الْبَلَدْ مَلَانَةْ بِنَاسْ الْيِسَوُّوا الزِّنَى. وَ الْبَلَدْ بِقَتْ جَفَافْ بِسَبَبْ اللَّعَنَةْ وَ بَكَانَاتْ السَّرْحَةْ يِبْسَوْا. وَ نِيِّتْهُمْ إِلَّا يِسَوُّوا الْفَسَالَةْ وَ عِنْدُهُمْ الْقُدْرَةْ لِيِسَوُّوا الظُّلُمْ بَسْ.»

إرْمِيا 23:10 Referenca të Kryqëzuara

زَبُور 107:34

وَ الْأَرْض الْعَدِيلَةْ بِأَرْض مِلِحْ. وَ دَا بِسَبَبْ فَسَالَةْ سُكَّانْهَا.

إرْمِيا 9:10

فِي الْجِبَالْ، أَنَا نَحْزَنْ وَ نَبْكِي وَ فِي مَرَاعِي الْكَدَادَةْ، أَنَا نُنُوحْ أَشَانْ الْأَرْض حِرْقَتْ وَ مَا فِي نَادُمْ الْيَجِي فَوْقهَا. وَ حِسّ هَنَا بَهِيمَةْ كُلَ مَا يِنْسَمِعْ وَ الطُّيُورْ وَ الْوُحُوشْ كُلُّهُمْ عَرَّدَوْا مِنْهَا.

إرْمِيا 9:2

وَ كَنْ فِيَّهْ لِقْدَابَةْ فِي الصَّحَرَاء لِلْمُسَافِرِينْ، أَنَا نَجْرِي نَقْعُدْ فَوْقهَا بَعِيدْ مِنْ شَعَبِي وَ نِخَلِّيهُمْ. أَشَانْ كُلُّهُمْ زَنَّايِينْ وَ خَايْنِينْ.

مَلاخِـي 3:5

«وَ أَنَا نِقَرِّبْ لَيْكُو لِلشَّرِيعَةْ. وَ طَوَّالِي، نَشْهَدْ فِي السَّحَّارِينْ وَ الزَّنَّايِينْ وَ الْيَحَلْفُوا بِكِدِبْ وَ الْيَظُلْمُوا الْخَدَّامْ وَ الْأَرْمَلَةْ وَ الْأَتِيمْ وَ الْيَخْطَوْا فِي الْأَجْنَبِي. وَ هُمَّنْ دَوْل كُلُّهُمْ مَا يَخَافَوْا مِنِّي.» وَ دَا، اللّٰهْ الْقَادِرْ بَسْ قَالَهْ.

إشَعْيا 24:6

وَ سُكَّانْ الْأَرْض يِلْعَاقَبَوْا بِسَبَبْ خَطَاهُمْ وَ فِي شَانْ دَا بَسْ، اللَّعَنَةْ تَلْحَقْ الْأَرْض. وَ بَيْدَا، سُكَّانْ الْأَرْض يَحْرَقَوْا وَ يِفَضُّلُوا مِنْهُمْ شِيَّةْ بَسْ.

يَعْقُوب 4:4

إِنْتُو شَعَبْ مُنَافِقِينْ! مَا تَعَرْفُوا كَدَرْ النَّاسْ الْيِحِبُّوا الدُّنْيَا عُدْوَانْ اللّٰهْ؟ وَ النَّادُمْ الْيِحِبّ الدُّنْيَا سَوَّى نَفْسَهْ عَدُو اللّٰهْ.

عِبْرَانِيِّين 13:4

كُلُّكُو أَحْتَرُمُوا الْأَخِيدَةْ. مَا تِخَلُّوا الزِّنَى يِنَجِّسْ سَرَايِرْكُو الزَّوْجِيَّةْ أَشَانْ تَعَرْفُوا كَدَرْ اللّٰهْ يِحَاسِبْ كُلَّ الزَّنَّايِينْ، كَنْ مَاخْدِينْ وَلَّا مَا مَاخْدِينْ كُلَ.

1 تِمُوتَاوُس 1:10

وَ شُرُوطْ التَّوْرَاةْ، اللّٰهْ أَنْطَاهُمْ لِلزَّنَّايِينْ وَ الشَّمَارِيخْ وَ تُجَّارْ الْعَبِيدْ وَ الْكَدَّابِينْ وَ الْيَحَلْفُوا بِالْبَاطِلْ وَ لِكُلَّ النَّاسْ الْيِسَوُّوا أَيِّ شَيّءْ آخَرْ الْيِخَالِفْ التَّعْلِيمْ الْعَدِيلْ.

يُوِيل 1:10

وَ الزِّرَاعَةْ أَدَّمَّرَتْ وَ الْأَرْض يِبْسَتْ مِثِلْ مَرَةْ حَزْنَانَةْ. أَشَانْ الْقَمَحْ أَدَّمَّرْ وَ الْخَمَرْ كَمَّلْ وَ الدِّهِنْ بِقِي مَا فِيهْ.

إرْمِيا 14:2

وَ هُو قَالْ: «بَلَدْ يَهُوذَا يِبْسَتْ وَ مُدُنْهَا بِقَوْا مِثِلْ الْعَقَيْق الْعِطِشْ وَ جَفَّ وَ دَفَّقْ. وَ سُكَّانْهُمْ، الْحِزِنْ كَرَبْهُمْ وَ وَقَعَوْا فِي التُّرَابْ وَ كُرَوْرَاكْ نَاسْ مَدِينَةْ الْقُدُسْ أَنْسَمَعْ.

إرْمِيا 7:9

إِنْتُو تَسُرْقُوا وَ تَكْتُلُوا وَ تَزْنَوْا وَ تَحَلْفُوا بِكِدِبْ وَ تِحَرُّقُوا بَخُورْ لِإِلٰـهْ بَعَلْ وَ تَجْرُوا وَرَاءْ إِلٰـهَاتْ آخَرِينْ الْأَوَّلْ مَا تَعَرْفُوهُمْ.

لاوِيِّين 5:1

«وَكِتْ إِنْسَانْ حِضِرْ فِي مُشْكِلَةْ أَوْ يَعَرِفْ الْمُشْكِلَةْ دِي وَ حَلَّفَوْه لِيَشْهَدْ، كَنْ هُو لَبَّدْ نَفْسَهْ وَ أَبَى مَا يَشْهَدْ، النَّادُمْ دَا يُكُونْ مُذْنِبْ وَ يِلْحَمَّلْ نَتِيجَةْ خَطَايَهْ.

إشَعْيا 5:18

الْعَذَابْ لَيْهُمْ! هُمَّنْ الْيُكُرُّوا خَطَاهُمْ بِحُبَالْ الْكِدِبْ مِثِلْ كَارَّوْ، يُكُرُّوا وَرَاهُمْ ذُنُوبْهُمْ.

إرْمِيا 9:12

وَ هَلْ فِي نَادُمْ حَكِيمْ يَفْهَمْ الشَّيّءْ دَا؟ كَنْ اللّٰهْ حَجَّى لَيَّهْ، خَلِّي يِفَسِّرَهْ. مَالَا الْبَلَدْ دِي أَدَّمَّرَتْ؟ وَ مَالَا هِي خِرْبَتْ وَ بِقَتْ صَحَرَاء وَ مَا فِي نَادُمْ الْيَجِي فَوْقَهْ؟

إرْمِيا 12:11

هُمَّنْ سَوَّوْهَا خَرَابْ وَ دَاهُو هِي قِدَّامِي يَابْسَةْ وَ خَرْبَانَةْ. أَيْوَى، الْبَلَدْ كُلَّهَا كَيْ خَرْبَانَةْ وَ مَا فِي نَادُمْ الْيِحِنّ فَوْقهَا.»

هُوشَع 7:4

هُمَّنْ كُلُّهُمْ زَنَّايِينْ وَ شَهْوِتْهُمْ مِثِلْ فُرُنْ مُقَبَّضْ. سِيدْ الْفُرُنْ مَا يِرَاقِبَهْ مِنْ عَجَّنْ دَقِيقَهْ لَحَدِّي عَجِينَهْ يُقُمّ.

عَزْرا 10:18

دَاهُو أَسَامَيْ رُجَالْ الدِّينْ الْأَخَدَوْا عَوِينْ أَجْنَبِيَّاتْ مِنْ شُعُوبْ الْبَلَدْ، اللِّقَوْهُمْ فِي وَكْت التَّسْجِيلْ. وَ كُلُّهُمْ شَالَوْا نِيَّةْ أَشَانْ يَطُرْدُوا عَوِينْهُمْ وَ يِجِيبُوا كُبْشَانْ لِكَفَّارَةْ خَطَاهُمْ. مِنْ ذُرِّيَّةْ يَشُوعْ وِلَيْد يُوصَادِقْ وَ أَخْوَانَهْ، مَعَسِيَّا وَ أَلِعَازَرْ وَ يَرِيبْ وَ قَدَالْيَا.

إرْمِيا 6:13

مِنْ الضَّعِيفْ لَحَدِّي الْقَادِرْ، كُلُّهُمْ جَارِيِينْ وَرَاءْ مَالْ الْحَرَامْ. وَ الْأَنْبِيَاء وَ رُجَالْ الدِّينْ كُلُّهُمْ غَشَّاشِينْ.

صَفَنْيا 3:4

وَ أَنْبِيَائْهَا مُسْتَكْبِرِينْ وَ خَايْنِينْ وَ رُجَالْ دِينْهَا مَا يِحْتَرُمُوا الْمُقَدَّسْ وَ يُقُمُّوا بِعُنُفْ ضِدّ شُرُوطْ التَّوْرَاةْ.