إرْمِيا 23:1 - الكتاب المقدس بالعربي الدارجي هنا تشاد

¹ وَ دَاهُو كَلَامْ اللّٰهْ: «الْعَذَابْ لِكُبَارَاتْ شَعَبِي الْمِثِلْ رُعْيَانْ هَوَانِينْ. يِشَتُّتُوا وَ يِدَمُّرُوا شَعَبِي الْمِثِلْ غَنَمْ.»

إرْمِيا 23:1 Referenca të Kryqëzuara

إرْمِيا 10:21

وَ إِرْمِيَا قَالْ: «وَ دَا أَشَانْ الْكُبَارَاتْ الْيُقُودُوا النَّاسْ مُغَفَّلِينْ وَ مَا وَجَّهَوْا لِلّٰهْ. وَ فِي شَانْ دَا، هُمَّنْ مَا نَجَحَوْا وَ خَلَّوْا شَعَبْهُمْ مُشَتَّتِينْ مِثِلْ الرَّاعِي الْخَلَّى بَهَايْمَهْ.

حِزْقِيال 13:3

دَاهُو اللّٰهْ الرَّبّ قَالْ: الْعَذَابْ لِلْأَنْبِيَاء الْمَطَامِيسْ الْيِتَابُعُوا أَفْكَارْهُمْ بَلَا مَا شَافَوْا رُؤْيَةْ.

مَتَّى 9:36

وَ عِيسَى شَافْ نَاسْ كَتِيرِينْ مَرَّةْ وَاحِدْ جَايِينْ لَيَّهْ وَ حَنَّ فَوْقهُمْ أَشَانْ هُمَّنْ تَعْبَانِينْ وَ عَيَّانِينْ مِثِلْ غَنَمْ الْمَا عِنْدُهُمْ رَاعِي.

إرْمِيا 22:22

وَ هَسَّعْ خَلَاصْ، كُلَّ رُعْيَانْكِ يُرُوحُوا فِي الرِّيحْ وَ دَوْل كُبَارَاتْكِ الْيِشِتُّوا فِي أَيِّ بَكَانْ. وَ صُدْقَانْكِ يَكُرْبُوهُمْ وَ يِوَدُّوهُمْ مَسَاجِينْ. وَ إِنْتِ تَقْعُدِي فِي الْعَيْب وَ الْإِهَانَةْ وَ دَا بِسَبَبْ فَسَالِتْكِ.

إرْمِيا 12:10

وَ كُبَارَاتْ الْعَدُو جَوْا دَمَّرَوْا بَلَدِي مِثِلْ رُعْيَانْ بِمَالْهُمْ يِدَمُّرُوا جِنَيْنِتِي هَنَا الْعِنَبْ. وَ فَجَّقَوْهَا وَ سَوَّوْهَا صَحَرَاء خَرَابْ، هِي الْأَوَّلْ مِثِلْ زَرْعِي الْجَمِيلْ.

إرْمِيا 50:6

«شَعَبِي مِثِلْ غَنَمْ مُوَدِّرِينْ الرُّعْيَانْهُمْ وَدَّرَوْهُمْ فِي الْجِبَالْ. يِلِفُّوا بَيْهُمْ مِنْ جَبَلْ لِآخَرْ لَحَدِّي الْغَنَمْ دَوْل نَسَّوْهُمْ زَرِيبِتْهُمْ.

إرْمِيا 2:8

وَ رُجَالْ الدِّينْ مَا سَأَلَوْا وَ قَالَوْا: ”وَيْن اللّٰهْ؟“ وَ عُلَمَاءْ شُرُوطْ التَّوْرَاةْ مَا يَعَرْفُونِي. وَ الْمَسَائِيلْ أَتْمَرَّدَوْا ضِدِّي وَ الْأَنْبِيَاء أَتْنَبَّأَوْا بِأُسُمْ إِلٰـهْ بَعَلْ وَ جَرَوْا وَرَاءْ الْأَصْنَامْ الْمَا يَنْفَعَوْهُمْ.

يُوحَنَّا 10:12

الْخَدَّامْ الْيَسْرَحْ بِالْغَنَمْ أَشَانْ يَلْقَى قُرُسْ بَسْ، هُو مَا الرَّاعِي الصَّحِيحْ وَ الْغَنَمْ مَا حَقَّهْ حَلَالَهْ. وَ كَنْ يِشِيفْ الْمَرْفَعِينْ جَايِ، هُو يَجْرِي مِنَّهْ وَ يِخَلِّي الْغَنَمْ وِحَيْدهُمْ. وَ الْمَرْفَعِينْ يَخْطِفْ غَنَمَايْ مِنْ أُسُطْهُمْ وَ يِشَتِّتْهُمْ.

يُوحَنَّا 10:10

السَّرَّاقْ مَا يَجِي فِي أُسْط الْغَنَمْ إِلَّا لِيَسْرِقْهُمْ وَ يَدْبَحْهُمْ وَ يَهْلِكْهُمْ. وَ لَاكِنْ أَنَا جِيتْ أَشَانْ هُمَّنْ يَلْقَوْا الْحَيَاةْ وَ نَنْطِيهُمْ الْحَيَاةْ الْأَفْضَلْ.

إرْمِيا 23:2

وَ فِي شَانْ دَا، دَاهُو اللّٰهْ إِلٰـهْ بَنِي إِسْرَائِيلْ حَجَّى كَلَامْ بُخُصّ كُبَارَاتْ شَعَبَهْ الْيَسْرَحَوْا بَيْهُمْ. هُو قَالْ: «يَا الْكُبَارَاتْ! إِنْتُو بَسْ طَرَدْتُوا شَعَبِي وَ شَتَّتُّوهُمْ وَ مَا خَطَّيْتُوا بَالْكُو فَوْقهُمْ. وَ فِي شَانْ دَا، أَنَا نُخُطّ بَالِي فَوْقكُو وَ نِعَاقِبْكُو بِعَمَلْكُو الْفَسِلْ. وَ دَا كَلَامْ اللّٰهْ.

مَتَّى 15:14

خَلُّوهُمْ! هُمَّنْ عَمْيَانِينْ وَ يُقُودُوا عَمْيَانِينْ. كَنْ نَادُمْ عَمْيَانْ يُقُودْ عَمْيَانْ آخَرْ، كُلُّهُمْ يَقَعَوْا فِي نُقْرَةْ.»

حِزْقِيال 34:31

وَ إِنْتُو شَعَبِي الْمِثِلْ غَنَمِي الْأَنَا نَسْرَحْ بَيْكُو وَ أَنَا إِلٰـهْكُو.» وَ دَا كَلَامْ اللّٰهْ الرَّبّ.

حِزْقِيال 34:21

إِنْتُو لَزَّيْتُوا كُلَّ الضَّعِيفِينْ بِنَوَايِطْكُو وَ كَتَافَيْكُو وَ ضَرَبْتُوهُمْ بِقُرُونْكُو لَحَدِّي شَتَّتُّوهُمْ بَرَّا مِنْ الْمَرْعَى.

إرْمِيا 2:26

وَ اللّٰهْ قَالْ: «إِنْتُو يَا بَنِي إِسْرَائِيلْ، الْعَيْب يَكْرُبْكُو، إِنْتُو وَ مُلُوكُّو وَ كُبَارَاتْكُو وَ رُجَالْ دِينْكُو وَ أَنْبِيَائْكُو، مِثِلْ عَيْب السَّرَّاقْ الْكَرَبَوْه قَاعِدْ يَسْرِقْ.

يُوحَنَّا 10:8

أَيِّ نَادُمْ الْجَاءْ قُبَّالِي وَ سَوَّى نَفْسَهْ الرَّاعِي الصَّحِيحْ، هُو سَرَّاقْ وَ مُجْرِمْ. وَ لَاكِنْ الْغَنَمْ مَا سِمْعَوْا حِسَّهْ.

إرْمِيا 13:17

وَ كَنْ مَا تَسْمَعَوْا الْكَلَامْ دَا، أَنَا نَحْزَنْ فِي قَلْبِي دَاخَلْ بِسَبَبْ إِسْتِكْبَارْكُو. وَ نَبْكِي دَايْماً وَ دُمُوعِي يِسِيلُوا أَشَانْ غَنَمْ اللّٰهْ الْهُمَّنْ بَنِي إِسْرَائِيلْ كَرَبَوْهُمْ مَسَاجِينْ.»

حِزْقِيال 36:38

الْمُدُنْ الْمُكَسَّرِينْ يِنْمَلُوا بِنَاسْ مِثِلْ الْغَنَمْ الْكَتِيرِينْ هَنَا الْبَيْت الْمُقَدَّسْ وَ هَنَا مَدِينَةْ الْقُدُسْ فِي وَكِتْ أَعْيَادْهَا. وَ بَيْدَا، يَعَرْفُوا كَدَرْ أَنَا بَسْ اللّٰهْ.»

حِزْقِيال 34:1

وَ اللّٰهْ حَجَّى لَيِّ وَ قَالْ:

زَكَرِيَّا 10:3

«غَضَبِي يَنْزِلْ ضِدّ رُعْيَانْهُمْ وَ نِعَاقِبْ كُبَارَاتْهُمْ الْمِثِلْ تُيُوسْ. أَيْوَى، أَنَا اللّٰهْ الْقَادِرْ نِدَافِعْ لِبَنِي يَهُوذَا الْمِثِلْ غَنَمِي. وَ أَنَا نِسَوِّيهُمْ مِثِلْ جُوَادْ عَظِيمْ فِي الْحَرِبْ.