إرْمِيا 22:7 - الكتاب المقدس بالعربي الدارجي هنا تشاد

⁷ أَنَا جَهَّزْت نَاسْ مُخَرِّبِينْ لِيَخَرْبُوكْ وَ أَيِّ وَاحِدْ عِنْدَهْ فِي إِيدَهْ آلَاتْ هَنَا قَطِعْ. وَ يَقْطَعَوْا حَطَبَكْ هَنَا الْأَرْز الْجَمِيلْ وَ يَزْقُلُوهْ فِي النَّارْ.

إرْمِيا 22:7 Referenca të Kryqëzuara

إشَعْيا 37:24

بِوَاسِطَةْ خَدَّامِينَكْ الرَّسَّلْتُهُمْ، إِنْتَ عَيَّرْت الرَّبّ وَ قُلْت: ”بِكَتَرَةْ عَرَبَاتِي، أَنَا طَلَعْت فِي رُوسَيْ الْجِبَالْ لَحَدِّي دَخَلْت فِي لُبْنَانْ دَاخَلْ لِنَقْطَعْ شَدَرْهَا هَنَا الْأَرْز الطُّوَالْ وَ شَدَرْهَا هَنَا السَّرْوِي السَّمَحْ. وَ نَمْشِي لَحَدِّي نَلْحَقْ الْجَبَلْ الْعَالِي مَرَّةْ وَاحِدْ وَ فِي أُسُطْ غَابَاتْهَا الضُّلُمْ.

إرْمِيا 21:14

وَ لَاكِنْ أَنَا نُقُمّ نِعَاقِبْكُو حَسَبْ نَتِيجَةْ عَمَلْكُو. وَ نِقَبِّضْ نَارْ فِي الْغَابَةْ وَ النَّارْ دِي تَاكُلْ كُلَّ الْحَوَالَيْهَا.» وَ دَا كَلَامْ اللّٰهْ.

مَتَّى 22:7

وَ الْمَلِكْ زِعِلْ مَرَّةْ وَاحِدْ وَ رَسَّلْ عَسْكَرَهْ وَ كَتَلَوْا الْكَتَّالِينْ دَوْل وَ تَشَّوْا حِلِّتْهُمْ.

زَكَرِيَّا 11:1

يَا لُبْنَانْ، أَفْتَحَيْ بِيبَانْكِ وَ خَلِّي النَّارْ تَحْرِقْ شَدَرْكِ هَنَا الْأَرْز!

إرْمِيا 5:15

يَا بَنِي إِسْرَائِيلْ! دَاهُو أَنَا نِجِيبْ أُمَّةْ مِنْ بَعِيدْ وَ هِي تُقُمّ ضِدُّكُو. وَ الْأُمَّةْ دِي قَوِيَّةْ وَ قَدِيمَةْ فِي الْأُمَمْ. وَ إِنْتُو مَا تَعَرْفُوا لُغِّتْهُمْ وَ لَا تَفْهَمَوْا كَلَامْهُمْ. وَ دَا كَلَامْ اللّٰهْ.

إرْمِيا 15:8

أَنَا سَوَّيْت أَرَامِلْهُمْ كَتِيرَاتْ زِيَادَةْ مِنْ رَمْلَةْ هَنَا خَشُمْ الْبَحَرْ. وَ بِنَهَارْ بَسْ، أَنَا جِبْت الْمُدَمِّرْ فِي أَمَّهَاتْ الصُّبْيَانْ لِيِدَمِّرْ صُبْيَانْهِنْ وَ فَجْأَةً جِبْت فَوْقهِنْ الْخَوْف الشَّدِيدْ.