إرْمِيا 22:2 - الكتاب المقدس بالعربي الدارجي هنا تشاد

² إِنْتَ قُولْ: ‹أَسْمَعْ كَلَامْ اللّٰهْ، يَا مَلِكْ يَهُوذَا، إِنْتَ الْقَاعِدْ فِي كُرْسِي الْمُلُكْ هَنَا دَاوُدْ، إِنْتَ وَ خَدَّامِينَكْ وَ شَعَبَكْ الْيُفُوتُوا بِالْبِيبَانْ دَوْل.

إرْمِيا 22:2 Referenca të Kryqëzuara

لُوقا 1:32

وَ هُو يَبْقَى عَظِيمْ وَ يِنَادُوهْ إِبْن اللّٰهْ الْعَالِي. وَ رَبِّنَا اللّٰهْ يُخُطَّهْ فِي كُرْسِي الْمَلِكْ دَاوُدْ الْهُو مِنْ جُدُودَهْ.

إرْمِيا 22:4

وَ كَنْ تِسَوُّوا مِثِلْ دَا، خَلَاصْ يَدْخُلُوا بِبِيبَانْ الْقَصِرْ دَا مُلُوكْ الْيَقْعُدُوا فِي كُرْسِي الْمُلُكْ هَنَا دَاوُدْ الرَّاكْبِينْ فِي عَرَبَاتْ حَرِبْ وَ خَيْل. وَ يَدْخُلُوا هُمَّنْ وَ خَدَّامِينْهُمْ وَ شَعَبْهُمْ كُلَ.

إشَعْيا 9:7

وَ يِكَبِّرْ سُلْطِتَهْ وَ سَلَامْ بَلَا حَدّ فِي كُرْسِي الْمُلُكْ هَنَا دَاوُدْ. وَ مَمْلَكَتَهْ تَثْبِتْ وَ تَبْقَى قَوِيَّةْ فِي الْحَقّ وَ الْعَدَالَةْ مِنْ الْيَوْم وَ إِلَى الْأَبَدْ. وَ بِمَحَبِّتَهْ الشَّدِيدَةْ، اللّٰهْ الْقَادِرْ يِسَوِّي الشَّيّءْ دَا.

إشَعْيا 1:10

يَا بَنِي يَهُوذَا، قُيَّادْكُو فَسْلِينْ مِثِلْ قُيَّادْ سَدُومْ. أَسْمَعَوْا كَلَامْ اللّٰهْ الْيُقُولَهْ لَيْكُو! يَا بَنِي يَهُوذَا، شَعَبْكُو فَسْلِينْ مِثِلْ نَاسْ عَمُورَةْ. خُطُّوا أَدَانْكُو لِوَصَايَا إِلٰـهْنَا!

عَمُوس 7:16

وَ هَسَّعْ دَا، يَا أَمَصْيَا، أَسْمَعْ كَلَامْ اللّٰهْ. إِنْتَ قُلْت لَيِّ أَنَا مَا نِتْنَبَّأْ فِي بَنِي إِسْرَائِيلْ وَ لَا نِحَجِّي لِذُرِّيَّةْ إِسْحَاقْ.

حِزْقِيال 34:7

وَ فِي شَانْ دَا، يَا الرُّعْيَانْ، أَسْمَعَوْا كَلَامْ اللّٰهْ! هُو قَالْ:

إرْمِيا 36:30

«وَ فِي شَانْ دَا، دَاهُو كَلَامِي أَنَا اللّٰهْ الْبُخُصّ يَهُويَقِمْ مَلِكْ يَهُوذَا. أَنَا قُلْت: ‹مَا فِي وَاحِدْ مِنْ ذُرِّيّتَهْ يَقْعُدْ فِي كُرْسِي الْمُلُكْ هَنَا دَاوُدْ. وَ وَكِتْ يُمُوتْ، يَزْقُلُوا جَنَازْتَهْ بَرَّا وَ تَقْعُدْ فِي الْحَمُو طُولْ النَّهَارْ وَ فِي الْبَرِدْ طُولْ اللَّيْل.

إرْمِيا 29:20

وَ لَاكِنْ إِنْتُو كُلُّكُو الْفِي الْغُرْبَةْ، إِنْتُو الْأَنَا مَرَقْتُكُو مِنْ مَدِينَةْ الْقُدُسْ وَ وَدَّيْتكُو فِي بَابِلْ، أَسْمَعَوْا كَلَامِي أَنَا اللّٰهْ.»

إرْمِيا 19:3

«وَ قُولْ: ‹يَا مُلُوكْ بَلَدْ يَهُوذَا وَ يَا سُكَّانْ مَدِينَةْ الْقُدُسْ، أَسْمَعَوْا كَلَامْ اللّٰهْ. دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: ”أَنَا نِجِيبْ فِي الْبَكَانْ دَا فَسَالَةْ وَ أَيِّ نَادُمْ الْيَسْمَعْ بَيْهَا يِنْبَهِتْ.

إرْمِيا 13:18

وَ اللّٰهْ قَالْ: «قُولْ لِلْمَلِكْ وَ لِلْمَلِكَةْ الْأُمّ: ‹أَنْزُلُوا مِنْ كُرْسِي الْمُلُكْ وَ أَقْعُدُوا فِي الْأَرْض أَشَانْ تَاجْ الْمُلُكْ الْعَظِيمْ وَقَعْ مِنْ رَاسْكُو.

إرْمِيا 7:2

أَمْشِي وَ أَقِيفْ فِي مَدَخَلْ بَيْت اللّٰهْ وَ قُولْ الْكَلَامْ دَا: «يَا نَاسْ يَهُوذَا التَّدْخُلُوا بِالْمَدَخَلْ دَا لِتَسْجُدُوا قِدَّامْ اللّٰهْ. إِنْتُو كُلُّكُو، أَسْمَعَوْا كَلَامْ اللّٰهْ.

إشَعْيا 28:14

وَ فِي شَانْ دَا، أَسْمَعَوْا كَلَامْ اللّٰهْ، يَا الشَّمَّاتِينْ، إِنْتُو الْقَاعِدِينْ تَحْكُمُوا فِي الشَّعَبْ دَا فِي مَدِينَةْ الْقُدُسْ.

1 مُلوك 22:19

وَ خَلَاصْ، مِيكَا قَالْ لَيَّهْ: «هَسَّعْ دَا، أَسْمَعْ كَلَامْ اللّٰهْ! أَنَا شِفْت اللّٰهْ قَاعِدْ فِي عَرْشَهْ وَ كُلَّ قُوَّاتْ السَّمَاءْ وَاقْفِينْ جَنْبَهْ بِنُصَّهْ الزَّيْنَايْ وَ الْإِسْرَايْ.

إرْمِيا 22:1

دَاهُو اللّٰهْ قَالْ لِإِرْمِيَا: «قُمّ أَمْشِي فِي قَصِرْ مَلِكْ يَهُوذَا وَ هِنَاكْ إِنْتَ تُقُولْ لَيْهُمْ الْكَلَامْ دَا.

إرْمِيا 34:2

وَ دَاهُو اللّٰهْ إِلٰـهْ بَنِي إِسْرَائِيلْ قَالْ لَيَّهْ: «أَمْشِي وَ حَجِّي لِصِدْقِيَّا مَلِكْ يَهُوذَا. وَ قُولْ لَيَّهْ: ‹دَاهُو اللّٰهْ قَالْ: أَكِيدْ أَنَا نِسَلِّمْ الْمَدِينَةْ دِي لِمَلِكْ بَابِلْ وَ يِحَرِّقْهَا بِنَارْ.