إرْمِيا 22:15 - الكتاب المقدس بالعربي الدارجي هنا تشاد

¹⁵ يَا الْمَلِكْ، بِمِثِلْ دَا، تِوَصِّفْ مُلْكَكْ وَلَّا؟ وَ بِحَطَبْ الْأَرْز دَا تِسَوِّي بَيْتَكْ سَمَحْ مِنْ هَنَا النَّاسْ وَلَّا؟ أَبُوكْ أَكَلْ وَ شِرِبْ مِثِلْ النَّاسْ الْآخَرِينْ. وَ بَيْدَا كُلَ، هُو دَافَعْ لِلْحَقّ وَ الْعَدَالَةْ وَ عَاشْ عِيشَةْ حَلُوَّةْ.

إرْمِيا 22:15 Referenca të Kryqëzuara

2 مُلوك 23:25

وَ مَا فِي مَلِكْ مِثِلْ يُوشِيَّا التَّابَعْ لِلّٰهْ بِكُلَّ قَلْبَهْ وَ كُلَّ فِكْرَهْ وَ كُلَّ قُدُرْتَهْ حَسَبْ تَوْرَاةْ مُوسَى. وَ بَعَدَهْ مَا فِي مَلِكْ مِثْلَهْ.

إشَعْيا 3:10

قُولُوا: «الصَّالِحِينْ يَفْرَحَوْا أَشَانْ يَاكُلُوا مِنْ إِنْتَاجْ عَمَلْهُمْ.»

جامِعة 10:17

مَبْرُوكْ لِلْبَلَدْ الْمَلِكْهَا مِنْ عِيَالْ الشُّيُوخْ وَ كُبَارَاتْهَا يَاكُلُوا فِي وَكِتْ مُنَاسِبْ لِيَلْقَوْا قُدْرَةْ بَلَا سَكَرْ!

أمْثال 25:5

أَمْرُقْ الْعَاصِي مِنْ جَنْب الْمَلِكْ وَ بَيْدَا، مُلْكَهْ يَثْبِتْ فِي الْعَدَالَةْ.

أمْثال 29:4

الْمَلِكْ الْيَحْكِمْ بِالْعَدَالَةْ يَعَمِرْ بَلَدَهْ وَ الْيِكَتِّرْ الْمِيرِي فِي شَعَبَهْ يِدَمِّرْهَا.

2 مُلوك 22:2

وَ يُوشِيَّا سَوَّى الْعَدِيلْ قِدَّامْ اللّٰهْ. هُو تَابَعْ الدَّرِبْ الْعَدِيلْ هَنَا جِدَّهْ دَاوُدْ وَ مَا بَارَى مِنَّهْ وَ لَا عَلَيْ الزَّيْنَةْ وَ لَا عَلَيْ الْإِسْرَةْ.

إرْمِيا 42:6

الْكَلَامْ دَا كَنْ خَيْر أَوْ شَرّ كُلَ أَنِحْنَ نِتَابُعُوهْ أَشَانْ دَا كَلَامْ اللّٰهْ إِلٰـهْنَا الْأَنِحْنَ كَلَّفْنَاكْ تَمْشِي تَسْأَلَهْ. وَ وَكِتْ نَسْمَعَوْا كَلَامْ اللّٰهْ إِلٰـهْنَا، دَا يَبْقَى لَيْنَا عَدِيلْ.»

إرْمِيا 21:12

وَ يَا ذُرِّيَّةْ دَاوُدْ، دَاهُو اللّٰهْ قَالْ: «سَوُّوا الْعَدَالَةْ كُلَّ يَوْم وَ نَجُّوا الْمَظْلُومْ مِنْ إِيدَيْن الظَّالِمْ. كَنْ مَا كَيْ دَا، غَضَبِي يَنْزِلْ مِثِلْ النَّارْ التَّحْرِقْ وَ مَا فِي نَادُمْ الْيَقْدَرْ يَكْتُلْهَا أَشَانْ دَا بِسَبَبْ عَمَلْكُو الْفَسِلْ.»

أمْثال 21:3

طَبِّقِينْ الْحَقّ وَ الْعَدَالَةْ أَخَيْر لِلّٰهْ مِنْ قَدِّمِينْ الضَّحَايَا.

1 مُلوك 10:9

بَارَكْ اللّٰهْ إِلٰـهَكْ الرِّضِي بَيْك وَ خَطَّاكْ فِي كُرْسِي الْمُلُكْ لِتَمْلُكْ فِي بَنِي إِسْرَائِيلْ أَشَانْ اللّٰهْ قَاعِدْ يِحِبّ بَنِي إِسْرَائِيلْ إِلَى الْأَبَدْ. وَ فِي شَانْ دَا بَسْ، هُو خَطَّاكْ مَلِكْ فَوْقهُمْ لِتَحْكِمْ بِالْحَقّ وَ الْعَدَالَةْ.»

2 صَمُوِيل 8:15

وَ دَاوُدْ مَلَكْ فِي كُلَّ بَلَدْ إِسْرَائِيلْ. وَ حَكَمْ فِي كُلَّ شَعَبَهْ بِالْحَقّ وَ الْعَدَالَةْ.

1 كُرُنْتُس 10:31

وَ خَلَاصْ، فِي كُلِّ شَيّءْ التَّاكُلُوهْ وَ تَشَرْبَوْه وَ تِسَوُّوهْ، مَجُّدُوا اللّٰهْ. مَجُّدُوهْ فِي كُلِّ شَيّءْ.

أعمال الرُسُل 2:46

وَ كُلَّ يَوْم، قَاعِدِينْ يِلِمُّوا فِي بَيْت اللّٰهْ وَ يِلْعَشَّوْا سَوَا فِي بُيُوتْهُمْ بِفَرَحْ وَ قَلِبْ مُخْلِصْ.

لُوقا 11:41

أَنْطُوا الْخُمَامْ الْقَاعِدْ دَاخَلْ فِي صُفْرِتْكُو وَ خَلِّي يَبْقَى صَدَقَةْ لِلْمَسَاكِينْ وَ كُلَّ شَيّءْ يَبْقَى لَيْكُو طَاهِرْ.

إرْمِيا 23:5

وَ دَاهُو كَلَامْ اللّٰهْ: «أَكِيدْ يَجِي يَوْم وَاحِدْ، أَنَا نِقَوِّمْ نَادُمْ صَالِحْ مِنْ ذُرِّيَّةْ دَاوُدْ مِثِلْ بِذْرَةْ. وَ النَّادُمْ دَا، أَنَا بَسْ نِدَرِّجَهْ مَلِكْ وَ هُو يَحْكِمْ بِحِكْمَةْ وَ يِجِيبْ الْحَقّ وَ الْعَدَالَةْ فِي الْبَلَدْ.

إرْمِيا 22:18

وَ فِي شَانْ دَا، دَاهُو اللّٰهْ حَجَّى كَلَامْ الْبُخُصّ يَهُويَقِمْ وِلَيْد يُوشِيَّا مَلِكْ يَهُوذَا. هُو قَالْ: «وَكِتْ يُمُوتْ، مَا يُنُوحُوا لَيَّهْ وَ يُقُولُوا: ‹كَلَوَاةْ، يَا أَخُويِ، كَلَوَاةْ، يَا أَخْتِي.› وَ بَتَّانْ، مَا يُنُوحُوا لَيَّهْ وَ يُقُولُوا: ‹يَا خَسَارَةْ سِيدِي، يَا خَسَارَةْ الْمَلِكْ الْعَظِيمْ.›

إرْمِيا 22:3

دَاهُو اللّٰهْ قَالْ: ”سَوُّوا الْحَقّ وَ الْعَدَالَةْ وَ نَجُّوا الْمَظْلُومْ مِنْ إِيدَيْن الظَّالِمْ. مَا تَظُلْمُوا وَ لَا تِتَعُّبُوا الْأَجْنَبِي وَ الْأَتِيمْ وَ الْأَرْمَلَةْ وَ مَا تِدَفُّقُوا دَمّ الْبَرِي فِي الْبَكَانْ دَا.

إشَعْيا 33:16

النَّادُمْ دَا يَسْكُنْ فِي الْبَكَانْ الْعَالِي وَ الْجِبَالْ الْقَوِيِّينْ يَبْقَوْا مَلْجَئَهْ. وَ يَنْطُوهْ أَكِلْ وَ يَضْمَنَوْا لَيَّهْ الْأَلْمِي.

إشَعْيا 9:7

وَ يِكَبِّرْ سُلْطِتَهْ وَ سَلَامْ بَلَا حَدّ فِي كُرْسِي الْمُلُكْ هَنَا دَاوُدْ. وَ مَمْلَكَتَهْ تَثْبِتْ وَ تَبْقَى قَوِيَّةْ فِي الْحَقّ وَ الْعَدَالَةْ مِنْ الْيَوْم وَ إِلَى الْأَبَدْ. وَ بِمَحَبِّتَهْ الشَّدِيدَةْ، اللّٰهْ الْقَادِرْ يِسَوِّي الشَّيّءْ دَا.

جامِعة 2:24

وَ الْعَدِيلْ لِلْإِنْسَانْ يَاكُلْ وَ يَشْرَبْ وَ يِشِيفْ الْحَلُو فِي خِدِمْتَهْ. وَ أَنَا شِفْت دَا كُلَ يَجِي مِنْ الرَّبّ.

أمْثال 31:9

أَفْتَحْ خَشْمَكْ وَ شَارِعْ بِالْحَقّ وَ دَافِعْ لِحُقُوقْ الْفَقْرَانِينْ وَ التَّعْبَانِينْ.»

أمْثال 20:28

الْخَيْر وَ الْأَمَانْ يَحْمُوا الْمَلِكْ وَ بِخَيْرَهْ يِقَوِّي مُلْكَهْ.

2 أخبار 34:2

وَ هُو سَوَّى الْعَدِيلْ قِدَّامْ اللّٰهْ. هُو تَابَعْ الدَّرِبْ الْعَدِيلْ هَنَا جِدَّهْ دَاوُدْ وَ مَا بَارَى مِنَّهْ وَ لَا عَلَيْ الزَّيْنَةْ وَ لَا عَلَيْ الْإِسْرَةْ.

1 أخبار 3:15

وَ عِيَالْ يُوشِيَّا هُمَّنْ الْبِكِرْ يُوحَنَانْ وَ التَّانِي يَهُويَقِمْ وَ التَّالِتْ صِدْقِيَّا وَ الرَّابِعْ شَلُّومْ.

تَثْنِية 4:40

وَ إِنْتُو وَ لِعِيَالْكُو، أَحْفَضَوْا الشُّرُوطْ وَ الْوَصَايَا النَّامُرْكُو بَيْهُمْ الْيَوْم أَشَانْ تَلْقَوْا الْخَيْر وَ عُمُرْكُو كُلَ يَبْقَى طَوِيلْ فِي الْأَرْض الْأَنْطَاهَا لَيْكُو اللّٰهْ إِلٰـهْكُو لِلْأَبَدْ.

إرْمِيا 7:5

بَدَلْ الْكَلَامْ دَا، سَلُّحُوا حَالْكُو وَ عَمَلْكُو وَ سَوُّوا الْعَدَالَةْ بَيْن النَّاسْ.

2 أخبار 35:22

وَ لَاكِنْ يُوشِيَّا مَا خَلَّى مِنَّهْ فِكْرَهْ هَنَا الْحَرِبْ وَ أَبَى مَا يَسْمَعْ كَلَامْ نَكُو الْجَايِ مِنْ الرَّبّ. وَ خَلَاصْ، هُو غَيَّرْ خُلْقَانَهْ هَنَا الْمُلُكْ أَشَانْ مَا يَعَرْفُوهْ وَ مَشَى فِي كَدَادَةْ مَقِدُّو لِيِحَارِبْ نَكُو.

2 أخبار 35:26

وَ الْبَاقِي مِنْ عَمَلْ يُوشِيَّا مِنْ الْبِدَايَةْ لِلنِّهَايَةْ وَ عَمَلَهْ هَنَا الْخَيْر حَسَبْ الْمَكْتُوبْ فِي تَوْرَاةْ اللّٰهْ، كُلَّ الشَّيّءْ دَا مَكْتُوبْ فِي كِتَابْ مُلُوكْ بَنِي إِسْرَائِيلْ وَ بَنِي يَهُوذَا.