إرْمِيا 21:2 - الكتاب المقدس بالعربي الدارجي هنا تشاد

² «مِنْ فَضْلَكْ، أَسْأَلْ اللّٰهْ فِي شَانَّا أَشَانْ نَبُوخَدْنَصَرْ مَلِكْ بَابِلْ قَمَّ يِحَارِبْنَا. وَ أَكُونْ اللّٰهْ يِرَسِّلْ لَيْنَا وَاحِدْ مِنْ عَجَايْبَهْ وَ يِبَعِّدْ مِنِّنَا الْمَلِكْ دَا.»

إرْمِيا 21:2 Referenca të Kryqëzuara

إرْمِيا 37:3

وَ بَيْدَا كُلَ، الْمَلِكْ صِدْقِيَّا رَسَّلْ يَهُوكَلْ وِلَيْد شَلَمْيَا وَ صَفَنْيَا وِلَيْد مَعَسِيَّا رَاجِلْ الدِّينْ أَشَانْ يُقُولُوا لِلنَّبِي إِرْمِيَا: «مِنْ فَضْلَكْ، أَسْأَلْ اللّٰهْ إِلٰـهْنَا فِي شَانَّا!»

إرْمِيا 37:7

«حَجِّي لِلْمُرَسَّلِينْ دَوْل وَ قُولْ لَيْهُمْ: ‹دَاهُو اللّٰهْ إِلٰـهْ بَنِي إِسْرَائِيلْ قَالْ: أَمْشُوا لِمَلِكْ يَهُوذَا الرَّسَّلَاكُو لَيِّ لِتَسْأَلَوْنِي. وَ قُولُوا لَيَّهْ: ”دَاهُو دَيْش فِرْعَوْن الْمَرَقْ لِيَفْزَعْكُو يِقَبِّلْ فِي بَلَدَهْ مَصِرْ.

1 صَمُوِيل 28:15

وَ صَمُوِيلْ قَالْ لِشَاوُولْ: «مَالَا تِبَرْجِلْ مَرْقَدِي وَ تِقَوِّمْنِي؟» وَ شَاوُولْ قَالْ: «أَنَا أَضَّايَقْت مَرَّةْ وَاحِدْ. الْفِلِسْطِيِّينْ جَوْا لِيِحَارُبُونِي وَ الرَّبّ أَبَانِي وَ مَا رَدَّ لَيِّ وَ لَا بِالْأَنْبِيَاء وَ لَا بِرُؤْيَةْ. أَشَانْ دَا بَسْ، أَنَا نَادَيْتَكْ لِتِعَرِّفْنِي الشَّيّءْ الْوَاجِبْ نِسَوِّيهْ.»

1 صَمُوِيل 28:6

وَ شَاوُولْ سَأَلْ اللّٰهْ لَاكِنْ اللّٰهْ مَا رَدَّ لَيَّهْ وَ لَا بِرُؤْيَةْ وَ لَا بِأُرِيمْ وَ لَا بِالْأَنْبِيَاء.

إرْمِيا 32:24

وَ هَسَّعْ، عَسْكَرْ بَابِلْ سَوَّوْا رَدْمِيَّةْ الْيِحَاصُرُوا بَيْهَا الْمَدِينَةْ وَ يِشِيلُوهَا. هُمَّنْ يِحَارُبُوهَا أَشَانْ الْحَرِبْ وَ الْجُوعْ وَ الْوَبَاءْ الْإِنْتَ قَرَّرْتُهُمْ جَوْا فَوْقهَا خَلَاصْ. وَ إِنْتَ قَاعِدْ تِشِيفْ الشَّيّءْ دَا.

إرْمِيا 32:17

«يَا اللّٰهْ رَبِّي! إِنْتَ بَسْ الْخَلَقْت السَّمَاوَاتْ وَ الْأَرْض بِقُدُرْتَكْ الْكَبِيرَةْ وَ بِدُرَاعَكْ الْقَوِي. شَيّءْ قَاسِي لَيْك إِنْتَ كَيْ مَا فِيهْ.

2 أخبار 32:21

وَ خَلَاصْ، اللّٰهْ رَسَّلْ مَلَكْ وَ دَمَّرْ كُلَّ الرُّجَالْ الْفُرَّاسْ وَ الْكُبَارَاتْ وَ الْقُيَّادْ الْفِي الْمُعَسْكَرْ هَنَا مَلِكْ بَلَدْ أَشُورْ. وَ خَلَاصْ، مَلِكْ بَلَدْ أَشُورْ قَمَّ قَبَّلْ بَلَدَهْ بِعَيْب. وَكِتْ وِصِلْ هِنَاكْ، مَشَى لِبَيْت إِلٰـهَهْ وَ وَاحِدِينْ مِنْ عِيَالَهْ حَلَالَهْ مَشَوْا وَرَايَهْ وَ كَتَلَوْه بِالْسَّيْف.

2 مُلوك 1:3

وَ لَاكِنْ مَلَكْ اللّٰهْ جَاءْ لِلنَّبِي إِلِيَاسْ الْمِنْ التِّشْبِي وَ قَالْ لَيَّهْ: «قُمّ أَمْشِي قَابِلْ نَاسْ مَلِكْ مَمْلَكَةْ إِسْرَائِيلْ الرَّسَّلَاهُمْ مِنْ مَدِينَةْ السَّامِرَةْ وَ قُولْ لَيْهُمْ: ‹مَا فِي إِلٰـهْ فِي بَلَدْ إِسْرَائِيلْ وَلَّا؟ مَالَا إِنْتُو مَاشِينْ تَسْأَلَوْا بَعَلْ زَبُوبْ إِلٰـهْ مَدِينَةْ عَقْرُونْ؟

1 صَمُوِيل 10:22

وَ هُمَّنْ سَأَلَوْا اللّٰهْ بَتَّانْ وَ قَالَوْا: «الرَّاجِلْ دَا قَاعِدْ مَعَانَا هِنِي وَلَّا؟» وَ اللّٰهْ قَالْ: «أَيْوَى! شِيفُوهْ! مُلَّبِّدْ جَنْب الْخُمَامْ.»

قُضياء 20:27

بَنِي إِسْرَائِيلْ سَأَلَوْا اللّٰهْ أَشَانْ فِي الْوَكِتْ دَاكْ، صَنْدُوقْ مُعَاهَدَةْ الرَّبّ قَاعِدْ فِي بَيْت إِيلْ.

تكوين 10:10

وَ هُو بَدَا يَمْلُكْ مِنْ مَدِينَةْ بَابِلْ وَ أَرَكْ وَ أَكَّدْ وَ كَلْنَةْ فِي تُرَابْ شِنْعَارْ.

خُروج 9:28

أَسْأَلَوْا لَيِّ اللّٰهْ أَشَانْ الدَّقْدَاقْ وَ الْبَرَدْ يَقِيفُوا. وَ أَنَا نِخَلِّيكُو تَمُرْقُوا وَ بَتَّانْ مَا نَدْحَرْكُو.»

2 مُلوك 17:24

وَ مَلِكْ بَلَدْ أَشُورْ جَابْ نَاسْ مِنْ مَدِينَةْ بَابِلْ وَ مِنْ حِلَّالْ كُوتَةْ وَ عَوَّا وَ حَمَاتْ وَ سَفَرْوَايِمْ وَ سَكَّنَاهُمْ فِي الْحِلَّالْ هَنَا مَدِينَةْ السَّامِرَةْ فِي بَدَلْ نَاسْ مَمْلَكَةْ إِسْرَائِيلْ. وَ النَّاسْ دَوْل شَالَوْا مَدِينَةْ السَّامِرَةْ وَ سَكَنَوْا فِي حِلَّالْهَا.

إشَعْيا 48:2

يِنَادُوكُو نَاسْ الْمَدِينَةْ الْمُقَدَّسَةْ الْمُتَوَكِّلِينْ عَلَيْ إِلٰـهْ بَنِي إِسْرَائِيلْ وَ هُو أُسْمَهْ اللّٰهْ الْقَادِرْ.

إرْمِيا 15:11

وَ اللّٰهْ قَالْ: «أَكِيدْ أَنَا نِنَجِّيكْ لِلْخَيْر. وَ أَكِيدْ أَنَا نِجِيبْ لَيْك عُدْوَانَكْ يَشْحَدَوْك فِي وَكْت التَّعَبْ وَ الضِّيقَةْ.

إرْمِيا 21:3

وَ إِرْمِيَا قَالْ لَيْهُمْ: «دَاهُو الْكَلَامْ التُّقُولُوهْ لِصِدْقِيَّا:

إرْمِيا 37:17

وَ الْمَلِكْ صِدْقِيَّا رَسَّلْ جَابَوْه لِإِرْمِيَا فِي قَصْرَهْ لِيَسْأَلَهْ بِعَشِيرْ. وَ سَأَلَهْ وَ قَالْ لَيَّهْ: «فِيَّهْ كَلَامْ مِنْ اللّٰهْ وَلَّا؟» وَ إِرْمِيَا قَالْ: «أَيْوَى فِي! وَ الْكَلَامْ دَا بُقُولْ، إِنْتَ تَقَعْ فِي إِيدْ مَلِكْ بَابِلْ.»

حِزْقِيال 7:26

وَ تَجِي مَصِيبَةْ وَرَاءْ مَصِيبَةْ وَ خَبَرْ شَيْن وَرَاءْ خَبَرْ شَيْن. كَنْ يِفَتُّشُوا رُؤْيَةْ مِنْ نَبِي كُلَ، مَا يَلْقَوْهَا وَ رَاجِلْ الدِّينْ مَا يِعَلِّمْ شُرُوطْ التَّوْرَاةْ وَ الشُّيُوخْ كُلَ مَا عِنْدُهُمْ شَوْرَةْ.

إرْمِيا 34:1

وَ نَبُوخَدْنَصَرْ مَلِكْ بَابِلْ قَمَّ لِيِحَارِبْ مَدِينَةْ الْقُدُسْ وَ كُلَّ الْحِلَّالْ التَّابْعِينْ لَيْهَا. وَ هُو جَاءْ بِكُلَّ عَسْكَرَهْ وَ عَسْكَرْ مَمَالِكْ الْأَرْض وَ دَوْل كُلَّ الشُّعُوبْ الْهُو يَحْكِمْ فَوْقهُمْ. وَ فِي الْوَكِتْ دَاكْ، اللّٰهْ حَجَّى لِإِرْمِيَا.