إرْمِيا 20:9 - الكتاب المقدس بالعربي الدارجي هنا تشاد

⁹ وَ كَنْ نُقُولْ فِي نَفْسِي مَا نِفَكِّرْ لِلّٰهْ وَ لَا نِحَجِّي بَتَّانْ بِكَلَامَهْ الْأَمَرَانِي بَيَّهْ، خَلَاصْ دَا يَبْقَى لَيِّ مِثِلْ نَارْ تَحْرِقْنِي فِي دَاخِلِي وَ مِثِلْ جَمُرْ فِي عُضَامِي. وَ دَا فَاتَانِي، مَا نَقْدَرْ نَحْمَلَهْ.

إرْمِيا 20:9 Referenca të Kryqëzuara

زَبُور 39:3

قَلْبِي حِرِقْ فِي دَخَلْ صَدْرِي وَ ضَلِيمْتِي بِقَتْ مِثِلْ نَارْ. وَ خَلَاصْ لِسَانِي كَلَّمْ وَ قَالْ:

أعمال الرُسُل 4:20

وَ أَنِحْنَ مَا نَقْدَرَوْا نَقْعُدُوا سَاكِتْ. وَاجِبْ نِحَجُّوا بِالشَّيّءْ الشِّفْنَاهْ وَ بِالْكَلَامْ السِّمِعْنَاهْ.»

حِزْقِيال 3:14

وَ الرُّوحْ رَفَعَانِي فَوْق وَ وَدَّانِي وَ أَنَا مَشَيْت بِغَضَبْ شَدِيدْ فِي نَفْسِي. وَ قُدْرَةْ اللّٰهْ قَاعِدَةْ فَوْقِي بِشِدَّةْ.

أعمال الرُسُل 17:16

وَ وَكِتْ بُولُسْ قَاعِدْ يَرْجَاهُمْ فِي مَدِينَةْ أَتِينَا، هُو شَافْ أَصْنَامْ فِي أَيِّ بَكَانْ. وَ دَا بِقِي لَيَّهْ قَاسِي بِلْحَيْن.

إرْمِيا 6:11

وَ هَسَّعْ، أَنَا أَنْمَلَيْت بِغَضَبْ اللّٰهْ وَ عِيِيتْ مَا نَقْدَرْ نَحْمَلَهْ.» وَ اللّٰهْ قَالْ: «خَلِّي غَضَبِي يَنْزِلْ فِي الْعِيَالْ الْفِي الشَّوَارِعْ وَ فِي كُلَّ مَجْمُوعَةْ الشَّبَابْ. وَ الرُّجَالْ وَ الْعَوِينْ يِنْكَرْبُوا وَ النَّاسْ الْكُبَارْ وَ الشِّيَّابْ كُلَ.

لُوقا 9:62

وَ عِيسَى قَالْ لَيَّهْ: «كَنْ نَادُمْ بَدَا يَخْدِمْ بِالْحَرَّاتَةْ وَ يِشِيفْ وَرَايَهْ، هُو مَا جَاهِزْ لِمَمْلَكَةْ اللّٰهْ.»

أعمال الرُسُل 18:5

وَ وَكِتْ سِيلَا وَ تِمُوتَاوُسْ جَوْا مِنْ بَلَدْ مَقِدُونِيَةْ، بُولُسْ خَلَّى خِدِمْتَهْ وَ قَمَّ يِبَلِّغْ الْبِشَارَةْ كُلَّ يَوْم. وَ يِحَجِّي لِلْيَهُودْ وَ يَشْهَدْ كَدَرْ عِيسَى بَسْ الْمَسِيحْ.

إرْمِيا 4:19

وَ إِرْمِيَا قَالْ: «بُطُونِي! بُطُونِي حِرْقَوْا! أَنَا نِتَّنَّ مِنْ الْوَجَعْ وَ قَلْبِي يَضْرُبْ. وَ نَفْسِي مُبَرْجَلَةْ وَ مَا نَقْدَرْ نَسْكُتْ. أَشَانْ أَنَا سِمِعْت حِسّ الْبُوقْ وَ كُرَوْرَاكْ الْحَرِبْ.

إرْمِيا 23:9

وَ فِي الْأَنْبِيَاء دَوْل، إِرْمِيَا قَالْ: «قَلْبِي أَنْقَطَعْ فِي دَاخِلِي وَ كُلَّ عُضَامِي مَاعَوْا. وَ بِقِيتْ مِثِلْ السَّكْرَانْ أَوْ مِثِلْ نَادُمْ الْمَرِيسَةْ فَاتَتْ قُدُرْتَهْ. وَ دَا فِي شَانْ اللّٰهْ وَ فِي شَانْ كَلَامَهْ الْمُقَدَّسْ.

إرْمِيا 23:29

«وَ كَلَامِي هُو مِثِلْ نَارْ وَ مِثِلْ مِطْرَقَةْ التِّكَسِّرْ الْحَجَرْ.» وَ دَا كَلَامْ اللّٰهْ.

حِزْقِيال 3:3

وَ قَالْ لَيِّ: «يَا إِبْن آدَمْ، أَمْلَا بَطْنَكْ وَ أَشْبِعْ نَفْسَكْ بِالْكِتَابْ الْمَلْفُوفْ الْأَنَا قَاعِدْ نَنْطِيهْ لَيْك دَا.» وَ أَنَا أَكَلْتَهْ وَ دَا بِقِي لَيِّ حَلُو فِي خَشْمِي مِثِلْ عَسَلْ.

عَمُوس 3:8

الدُّودْ كَنْ كَرَّ، يَاتُو الْمَا يَخَافْ؟ اللّٰهْ الرَّبّ كَنْ كَلَّمْ، يَاتُو الْمَا يِبَلِّغْ كَلَامَهْ؟

يُونُس 1:2

«قُمّ أَمْشِي فِي نِينَوَى، الْمَدِينَةْ الْكَبِيرَةْ دِي. وَ خَبِّرْ نَاسْ الْمَدِينَةْ كَدَرْ الْفَسَالَةْ الْهُمَّنْ قَاعِدِينْ يِسَوُّوهَا دِي، أَنَا شِفْتَهَا. خَلِّي يِنْقَرْعُوا!»

يُونُس 1:3

خَلَاصْ، يُونُسْ قَمَّ عَرَّدْ وَ أَبَى مَا يِشِيلْ دَرِبْ هَنَا نِينَوَى لَاكِنْ شَالْ دَرِبْ هَنَا حِلَّةْ تَرْشِيشْ أَشَانْ يِدَوْر يَجْرِي مِنْ اللّٰهْ. وَ وِصِلْ فِي حِلَّةْ يَافَا فِي خَشُمْ الْبَحَرْ الْأَبْيَضْ الْمُتَوَسِّطْ وَ لِقِي سَفِينَةْ مَاشَةْ تَرْشِيشْ. خَلَاصْ كَفَّى أُجُرْتَهْ وَ رِكِبْ مَعَ خَدَّامِينْ السَّفِينَةْ لِيَمْشِي تَرْشِيشْ، بَعِيدْ مِنْ اللّٰهْ.