إرْمِيا 20:7 - الكتاب المقدس بالعربي الدارجي هنا تشاد

⁷ يَا اللّٰهْ! إِنْتَ بَسْ سَوَّيْتنِي نَبِي بَلَا رَايّ وَ أَنَا مَا نَعَرِفْ شَيّءْ وَ قَصَّدْت. إِنْتَ قَوِي مِنِّي وَ غَلَبْتِنِي! وَ دَاهُو، طُولْ النَّهَارْ، أَنَا بِقِيتْ مَضْحَكَةْ وَ كُلَّ النَّاسْ يِشَّمَّتَوْا فَوْقِي.

إرْمِيا 20:7 Referenca të Kryqëzuara

هُوشَع 9:7

يَوْم الْعِقَابْ جَاءْ وَ يَوْم الْحِسَابْ وَصَّلْ. خَلِّي بَنِي إِسْرَائِيلْ يَعَرْفُوهْ! هُمَّنْ قَالَوْا: «النَّبِي مُنَافِقْ وَ النَّادُمْ النَّزَلْ فَوْقَهْ رُوحْ اللّٰهْ دَا، مُشَوْطِنْ.» خَطَايَاهُمْ بِقَوْا كَتِيرِينْ وَ عَدَاوِتْهُمْ بِقَتْ شَدِيدَةْ.

مَراثِي إرْمِيا 3:14

أَنَا بِقِيتْ مَضْحَكَةْ لِكُلَّ شَعَبِي وَ دَايْماً يِغَنُّوا وَ يِشَّمَّتَوْا فَوْقِي.

حِزْقِيال 3:14

وَ الرُّوحْ رَفَعَانِي فَوْق وَ وَدَّانِي وَ أَنَا مَشَيْت بِغَضَبْ شَدِيدْ فِي نَفْسِي. وَ قُدْرَةْ اللّٰهْ قَاعِدَةْ فَوْقِي بِشِدَّةْ.

إرْمِيا 20:9

وَ كَنْ نُقُولْ فِي نَفْسِي مَا نِفَكِّرْ لِلّٰهْ وَ لَا نِحَجِّي بَتَّانْ بِكَلَامَهْ الْأَمَرَانِي بَيَّهْ، خَلَاصْ دَا يَبْقَى لَيِّ مِثِلْ نَارْ تَحْرِقْنِي فِي دَاخِلِي وَ مِثِلْ جَمُرْ فِي عُضَامِي. وَ دَا فَاتَانِي، مَا نَقْدَرْ نَحْمَلَهْ.

عِبْرَانِيِّين 11:36

وَ مُؤمِنِينْ وَاحِدِينْ أَشَّمَّتَوْا لَيْهُمْ وَ جَلَدَوْهُمْ وَ وَاحِدِينْ جَنْزَرَوْهُمْ وَ سَجَنَوْهُمْ.

1 كُرُنْتُس 9:6

أَنَا وَ بَرْنَابَا نِعِيشُوا بِخِدْمَةْ دُرَاعْنَا. هَلْ أَنِحْنَ وِحَيْدنَا بَسْ مَا عِنْدِنَا حَقّ نِشِيلُوا مَعَاشْنَا مِنْ الْمُؤمِنِينْ وَلَّا؟

أعمال الرُسُل 17:32

وَ وَكِتْ سِمْعَوْا بِالْبُعَاثْ، وَاحِدِينْ مِنْهُمْ أَشَّمَّتَوْا لِبُولُسْ لَاكِنْ وَاحِدِينْ قَالَوْا: «نِدَوْرُوا إِنْتَ تِحَجِّي لَيْنَا بَتَّانْ بِالْكَلَامْ دَا.»

أعمال الرُسُل 17:18

وَ عُلَمَاءْ وَاحِدِينْ هَنَا الْفَلْسَفَةْ مِنْ الْأَبِقُورِيِّينْ وَ مِنْ الرِّوَاقِيِّينْ قَمَّوْا يِنَاقُشُوا مَعَ بُولُسْ. وَ وَاحِدِينْ قَالَوْا: «شُنُو كَلَامْ هَنَا الْحَجَّايْ الْجَاهِلْ دَا؟ مَعَنَاتَهْ شُنُو؟» وَ وَاحِدِينْ قَالَوْا: «أَكُونْ يِكَلِّمْ بِإِلٰـهَاتْ هَنَا بُلْدَانْ آخَرِينْ.» هُمَّنْ حَجَّوْا مِثِلْ دَا أَشَانْ سِمْعَوْا بُولُسْ يِبَشِّرْ بِعِيسَى وَ بُعَاثَهْ.

لُوقا 23:11

وَ هِرُودُسْ وَ عَسْكَرَهْ حَقَرَوْا عِيسَى وَ أَشَّمَّتَوْا لَيَّهْ. وَ فِي شَمَاتِتْهُمْ دِي، لَبَّسَوْه خَلَقْ سَمَحْ بِلْحَيْن مِنْ خُلْقَانْ الْمَلِكْ. وَ خَلَاصْ، قَبَّلَوْه لِبِلَاطُسْ.

لُوقا 16:14

الْفَرِيزِيِّينْ سِمْعَوْا الْكَلَامْ دَا وَ أَشَّمَّتَوْا لِعِيسَى أَشَانْ هُمَّنْ يِحِبُّوا الْمَالْ.

مِيخا 3:8

وَ لَاكِنْ أَنَا مَلَانْ بِقُدْرَةْ أَشَانْ رُوحْ اللّٰهْ نَزَلْ فَوْقِي. وَ عِنْدِي الْعَدَالَةْ وَ الْفَحَالِيَّةْ لِنِخَبِّرْ ذُرِّيَّةْ يَعْقُوبْ بِعِصْيَانْهُمْ وَ بَنِي إِسْرَائِيلْ بِذَنِبْهُمْ.

إرْمِيا 29:26

اللّٰهْ سَوَّاكْ رَاجِلْ دِينْ فِي بَدَلْ يَهُويَدَعْ رَاجِلْ الدِّينْ أَشَانْ تِرَاقِبْ فِي بَيْت اللّٰهْ. وَ أَيِّ نَادُمْ الْيِشَوْطِنْ وَ يِتْنَبَّأْ، إِنْتَ تِقّيِّدَهْ وَ تِدِسّ لَيَّهْ جِنْزِيرْ فِي رَقَبَتَهْ.

إرْمِيا 17:16

أَنَا مَا طَلَبْت تِنَزِّلْ فَوْقهُمْ الْفَسَالَةْ وَ لَا أَتْمَنَّيْت يَوْم الضِّيقَةْ يَنْزِلْ فَوْقهُمْ. الْيَمْرُقْ مِنْ خَشْمِي دَايْماً إِنْتَ تَسْمَعَهْ وَ تَعَرْفَهْ، يَا اللّٰهْ!

إرْمِيا 15:18

مَالَا تَعَبِي قَاعِدْ فَوْقِي دَايْماً؟ وَ مَالَا جِرَاحِي مَا يِلْعَالَجْ وَ أَبَى مَا يَبْرَى؟ أَكِيدْ إِنْتَ بِقِيتْ لَيِّ مِثِلْ عَيْن أَلْمِي الْمَا تِجِمّ عَدِيلْ وَ أَلْمِيهَا مَا مُؤَكَّدْ.»

إرْمِيا 15:10

وَ إِرْمِيَا قَالْ: «يَا خَسَارْتِي! مَالَا أَمِّي وِلْدَتْنِي لِنُكُونْ رَاجِلْ هَنَا مَشَاكِلْ وَ خِلَافْ فِي كُلَّ الْبَلَدْ. أَنَا وَ لَا دَيَّنْت فُضَّةْ وَ لَا دَيَّنَوْنِي وَ بَيْدَا كُلَ، النَّاسْ يَلْعَنَوْنِي.»

2 مُلوك 2:23

وَ أَلْيَسَعْ قَمَّ مِنْ أَرِيحَا وَ مَشَى بَيْت إِيلْ. وَ وَكِتْ مَاشِي فِي الدَّرِبْ، عِيَالْ وَاحِدِينْ مَرَقَوْا مِنْ الْحِلَّةْ وَ أَشَّمَّتَوْا لَيَّهْ وَ قَالَوْا: «أَمْشِي، يَا أَبُو صَلَعَةْ! أَمْشِي، يَا أَبُو صَلَعَةْ!»

أيُّوب 12:4

أَنَا بِقِيتْ مَضْحَكَةْ لِرُفْقَانِي حَتَّى كَانْ نَرْجَى الرَّدّ مِنْ الرَّبّ. أَيْوَى، بِقِيتْ مَضْحَكَةْ، أَنَا الصَّالِحْ وَ التَّمَامْ!

زَبُور 119:51

الْمُسْتَكْبِرِينْ أَشَّمَّتَوْا فَوْقِي كَتِيرْ مَرَّةْ وَاحِدْ لَاكِنْ أَنَا مَا بَارَيْت بَعِيدْ مِنْ تَوْرَاتَكْ.

إرْمِيا 38:19

وَ مَلِكْ صِدْقِيَّا قَالْ لِإِرْمِيَا: «أَنَا خَايِفْ مِنْ الْيَهُودْ الْأَنْضَمَّوْا مَعَ الْبَابِلِيِّينْ. نَخَافْ يِسَلُّمُونِي لَيْهُمْ وَ هُمَّنْ يِعَذُّبُونِي.»

يُونُس 4:2

وَ صَلَّى لِلّٰهْ وَ قَالْ: «عَجَبْ، يَا اللّٰهْ. دَا مَا الشَّيّءْ الْأَنَا قُلْتَهْ وَكِتْ أَنَا لِسَّاعْنِي فِي بَلَدِي وَلَّا؟ أَشَانْ دَا بَسْ أَنَا عَرَّدْت لِنَمْشِي تَرْشِيشْ. يَا اللّٰهْ، نَعَرِفْ كَدَرْ إِنْتَ الرَّحْمـٰنْ الرَّحِيمْ وَ الصَّبُورْ وَ الْمُحِبّ زِيَادَةْ وَ تِخَلِّي الْغَضَبْ الْأَوَّلْ قَرَّرْت تِنَزِّلَهْ فِي النَّاسْ.

أيُّوب 30:9

وَ هَسَّعْ، عِيَالْهُمْ الصُّبْيَانْ دَوْل يِسَوُّونِي غِنَّيَّةْ وَ يَضُرْبُوا بَيِّ مَثَلْ.

إشَعْيا 8:11

وَ دَاهُو كَلَامْ اللّٰهْ لَيِّ وَكِتْ إِيدَهْ كَرَبَتْنِي وَ حَذَّرْنِي مَا نِشِيلْ دَرِبْ الشَّعَبْ دَا. هُو قَالْ: