إرْمِيا 20:2 - الكتاب المقدس بالعربي الدارجي هنا تشاد

² وَ خَلَاصْ، فَشْحُورْ قَمَّ كَرَبَهْ لِلنَّبِي إِرْمِيَا وَ فَرَشَهْ وَ قَيَّدَهْ فِي الْبَابْ الْعَالِي الْأُسْمَهْ بَنْيَامِينْ فِي بَيْت اللّٰهْ.

إرْمِيا 20:2 Referenca të Kryqëzuara

إرْمِيا 37:13

وَ وَكِتْ هُو جَاءْ فِي بَابْ الْمَدِينَةْ الْأُسْمَهْ بَنْيَامِينْ، هُو لِقِي كَبِيرْ الْحُرَّاسْ الْأُسْمَهْ يِرِيَا وِلَيْد شَلَمْيَا وِلَيْد حَنَنْيَا قَاعِدْ فِي الْبَابْ دَا. وَ يِرِيَا لَزَمَهْ لِلنَّبِي إِرْمِيَا وَ قَالْ لَيَّهْ: «تِدَوْر تِنْضَمَّ لِدَيْش الْبَابِلِيِّينْ وَلَّا شُنُو؟»

زَكَرِيَّا 14:10

وَ كُلَّ الْبَلَدْ تِغَيِّرْ وَ تَبْقَى مُسْتَوِيَةْ وَ خَضْرَةْ مِنْ قَبَعْ فِي الْمُنْشَاقْ لَحَدِّي رِمُّونْ جُنُوبْ مَدِينَةْ الْقُدُسْ. وَ لَاكِنْ مَدِينَةْ الْقُدُسْ تُكُونْ فِي الْعَالِي فِي بَكَانْهَا. وَ حُدُودْهَا يَمْشُوا مِنْ بَابْ بَنْيَامِينْ لَحَدِّي الْبَابْ الْقَدِيمْ وَ لَحَدِّي بَابْ الرُّكُنْ. وَ يَمْشُوا مِنْ بَيْت الْمُرَاقَبَةْ هَنَا حَنَنِيلْ لَحَدِّي عَصَّارَاتْ الْعِنَبْ هَنَا الْمَلِكْ.

إرْمِيا 1:19

هُمَّنْ يِحَارُبُوكْ وَ لَاكِنْ مَا يِسَوُّوا لَيْك شَيّءْ أَشَانْ أَنَا نُكُونْ مَعَاكْ وَ نَحْمِيكْ.» وَ دَا كَلَامْ اللّٰهْ.

2 أخبار 16:10

وَ آسَا زِعِلْ فِي النَّبِي وَ قَيَّدَهْ فِي السِّجِنْ وَ هُو غِضِبْ زِيَادَةْ بِسَبَبْ الْكَلَامْ دَا. وَ فِي الْوَكِتْ دَا، هُو قَمَّ يِتَعِّبْ وَاحِدِينْ مِنْ الشَّعَبْ كُلَ.

إرْمِيا 36:26

وَ الْمَلِكْ أَمَرْ يَرْحَمِيلْ مِنْ ذُرِّيَّةْ الْمَمْلَكَةْ وَ سَرَايَا وِلَيْد عَزْرِيِيلْ وَ شَلَمْيَا وِلَيْد عَبْدِيلْ لِيَكُرْبُوا بَرُوكْ الْكَاتِبْ وَ إِرْمِيَا النَّبِي. وَ لَاكِنْ اللّٰهْ لَبَّدَاهُمْ.

إرْمِيا 29:26

اللّٰهْ سَوَّاكْ رَاجِلْ دِينْ فِي بَدَلْ يَهُويَدَعْ رَاجِلْ الدِّينْ أَشَانْ تِرَاقِبْ فِي بَيْت اللّٰهْ. وَ أَيِّ نَادُمْ الْيِشَوْطِنْ وَ يِتْنَبَّأْ، إِنْتَ تِقّيِّدَهْ وَ تِدِسّ لَيَّهْ جِنْزِيرْ فِي رَقَبَتَهْ.

2 أخبار 24:21

وَ الشَّعَبْ قَمَّوْا ضِدّ زَكَرِيَّا وَ رَجَمَوْه فِي فَضَايَةْ بَيْت اللّٰهْ حَسَبْ أَمُرْ الْمَلِكْ.

1 مُلوك 22:27

وَ قُولُوا لَيْهُمْ: ‹دَاهُو كَلَامْ الْمَلِكْ هُو قَالْ: ”دِسُّوا النَّادُمْ دَا فِي السِّجِنْ وَ أَنْطُوهْ خُبْزَةْ وَ أَلْمِي شِيَّةْ شِيَّةْ بَسْ لَحَدِّي أَنَا نِقَبِّلْ بِالصِّحَّةْ وَ السَّلَامَةْ.“›»

رُؤية 17:6

وَ شِفْت الْمَرَةْ دِي سَكْرَانَةْ أَشَانْ هِي شِرْبَتْ دَمّ الصَّالِحِينْ زِيَادَةْ وَ دَمّ النَّاسْ الشَّهَدَوْا لِعِيسَى. وَ وَكِتْ شِفْتَهَا، أَنَا عَجَّبْت مَرَّةْ وَاحِدْ.

رُؤية 2:10

مَا تَخَافْ مِنْ الضِّيقَةْ الْقَرِيبْ تَجِيكْ. خُطُّوا بَالْكُو! إِبْلِيسْ يَكْرُبْ وَاحِدِينْ مِنْكُو فِي السِّجِنْ وَ إِيمَانْكُو يِجَرُّبُوهْ. وَ فِي مُدَّةْ عَشَرَةْ يَوْم، تِضَيُّقُوا ضِيقَةْ شَدِيدَةْ. أَقْعُدُوا ثَابْتِينْ فِي إِيمَانْكُو لَحَدِّي الْمَوْت وَ خَلَاصْ نَنْطِيكُو تَاجْ هَنَا الْحَيَاةْ الْأَبَدِيَّةْ.

أعمال الرُسُل 7:52

وَيْن النَّبِي الْجُدُودْكُو مَا تَعَّبَوْه؟ هُمَّنْ كَتَلَوْا الْأَنْبِيَاء الْبَلَّغَوْا لَيْهُمْ بِجَيَّةْ عَبْدَهْ الصَّالِحْ الْمَسِيحْ وَ وَكِتْ الْمَسِيحْ جَاءْ خَلَاصْ، إِنْتُو خُنْتُوهْ وَ كَتَلْتُوهْ!

أعمال الرُسُل 5:40

وَ نَادَوْا الرُّسُلْ دَاخَلْ وَ فَرَشَوْهُمْ. وَ مَنَعَوْهُمْ مَا يِعَلُّمُوا النَّاسْ بِأُسُمْ عِيسَى بَتَّانْ وَ خَلَاصْ طَلَقَوْهُمْ.

أعمال الرُسُل 5:18

وَ كَرَبَوْا الرُّسُلْ وَ دَسَّوْهُمْ فِي السِّجِنْ.

أعمال الرُسُل 4:3

وَ كَرَبَوْا بُطْرُسْ وَ يُوحَنَّا وَ دَسَّوْهُمْ فِي السِّجِنْ لَحَدِّي فَجُرْ أَشَانْ اللَّيْل قَرَّبْ.

مَتَّى 21:35

وَ الْحَرَّاتِينْ كَرَبَوْا عَبِيدَهْ وَ الْوَاحِدْ دَقَّوْه وَ الْآخَرْ كَتَلَوْه وَ آخَرْ بَتَّانْ، رَجَمَوْه.

إرْمِيا 26:8

وَ وَكِتْ إِرْمِيَا كَمَّلْ كَلَامْ اللّٰهْ الْهُو أَمَرَهْ لِيُقُولَهْ لِكُلَّ الشَّعَبْ، طَوَّالِي رُجَالْ الدِّينْ وَ الْأَنْبِيَاء كَرَبَوْه وَ قَالَوْا لَيَّهْ: «إِنْتَ فَتَّشْت مَوْتَكْ!

أيُّوب 13:27

وَ تِقّيِّدْنِي بِقُيُودْ وَ تِرَاقِبْ كُلَّ دُرُوبِي وَ تِرَاقِبْ خَطْوَاتِي.

2 أخبار 18:23

وَ طَوَّالِي فِي الْبَكَانْ دَا، صِدْقِيَّا وِلَيْد كَنْعَانَا قَرَّبْ لِمِيكَا وَ شَدَّقَهْ وَ قَالْ لَيَّهْ: «كِكَّيْف رُوحْ اللّٰهْ مَرَقْ مِنِّي وَ حَجَّى لَيْك؟»

أيُّوب 33:11

هُو دَسَّ رِجِلَيْنِي فِي قُيُودْ وَ يِرَاقِبْنِي فِي كُلَّ دُرُوبِي.»

1 مُلوك 13:4

وَ وَكِتْ الْمَلِكْ يَرُبَعَامْ سِمِعْ كَلَامْ نَبِي اللّٰهْ الْقَالَهْ ضِدّ الْمَدْبَحْ هَنَا بَيْت إِيلْ دَا، هُو مَدَّ إِيدَهْ مِنْ الْمَدْبَحْ وَ قَالْ بِحِسّ عَالِي: «أَكُرْبُوا الرَّاجِلْ دَا!» وَ فِي الْبَكَانْ دَا، إِيدَهْ الْمَدَّاهَا عَلَيْ النَّبِي دِي يِبْسَتْ وَ مَا يَقْدَرْ يِجِيبْهَا عَلَيَّهْ.

إرْمِيا 26:10

وَ وَكِتْ كُبَارَاتْ يَهُوذَا سِمْعَوْا بِالْخَبَرْ دَا، مَرَقَوْا مِنْ قَصِرْ الْمَلِكْ وَ جَوْا قَعَدَوْا فِي خَشُمْ الْبَابْ الْجَدِيدْ هَنَا بَيْت اللّٰهْ لِيِشِيفُوا الْكَلَامْ دَا.

إرْمِيا 37:21

وَ خَلَاصْ، الْمَلِكْ صِدْقِيَّا أَنْطَى أَمُرْ يُخُطُّوا إِرْمِيَا فِي فَضَايَةْ الْحُرَّاسْ وَ كُلَّ يَوْم يِجِيبُوا لَيَّهْ خُبْزَةْ مِنْ شَارِعْ الْخَبَّازِينْ لَحَدِّي كُلَّ الْخُبْزَةْ هِنْت الْمَدِينَةْ تِكَمِّلْ. وَ بِمِثِلْ دَا، إِرْمِيَا قَعَدْ فِي فَضَايَةْ الْحُرَّاسْ.