إرْمِيا 20:12 - الكتاب المقدس بالعربي الدارجي هنا تشاد

¹² يَا اللّٰهْ الْقَادِرْ! إِنْتَ بَسْ التَّكْشِفْ الصَّالِحْ وَ تِشِيفْ الْفِي قَلِبْ الْإِنْسَانْ وَ الْفِي دَاخِلَهْ. خَلِّي إِنْتَ تِشِيلْ لَيِّ التَّارْ فَوْقهُمْ أَشَانْ أَنَا خَطَّيْت شَكْوِتِي فِي إِيدَيْنَكْ.

إرْمِيا 20:12 Referenca të Kryqëzuara

إرْمِيا 11:20

يَا اللّٰهْ الْقَادِرْ، إِنْتَ التَّحْكِمْ بِالْعَدِلْ وَ تَكْشِفْ الْفِي الْقُلُوبْ وَ تَعَرِفْ الْفِي الْأَفْكَارْ! أَنَا نِدَوْر إِنْتَ تِشِيلْ فَوْقهُمْ التَّارْ وَ فِي شَانْ دَا، أَنَا شَكَيْت لَيْك.

زَبُور 62:8

يَا الشَّعَبْ! أَتْوَكَّلَوْا عَلَيَّهْ فِي كُلَّ وَكِتْ وَ أَفْتَحَوْا قُلُوبْكُو لَيَّهْ. الرَّبّ هُو مَلْجَئْنَا. وَقْفَةْ.

زَبُور 54:7

أَشَانْ إِنْتَ نَجَّيْتنِي مِنْ كُلَّ ضِيقَةْ وَ أَنَا قَاعِدْ نِلْفَرَّجْ فِي عُدْوَانِي.

إرْمِيا 17:10

إِلَّا أَنَا اللّٰهْ نِجَرِّبْ قَلِبْ الْإِنْسَانْ وَ نَكْشِفْ دَاخِلَهْ. وَ نِكَفِّيهْ نَتِيجَةْ عَمَلَهْ حَسَبْ دَرْبَهْ الْيِشِيلَهْ.

زَبُور 59:10

إِنْتَ الرَّحِيمْ تَمْشِي قِدَّامِي وَ تِشَوِّفْنِي هَزِيمَةْ عُدْوَانِي.

زَبُور 139:23

يَا رَبّ! أَكْشِفْ دَاخِلِي وَ أَعَرِفْ قَلْبِي وَ جَرِّبْنِي وَ أَعَرِفْ هَمِّي.

زَبُور 7:9

وَقِّفْ فَسَالَةْ الْعَاصِيِينْ! وَ ثَبِّتْ نَاسْ الصَّالِحِينْ! يَا الْإِلٰـهْ الصَّادِقْ! إِنْتَ التَّكْشِفْ الْقَلِبْ وَ فِكِرْ الْإِنْسَانْ.

إرْمِيا 17:18

وَ الْيِطَارُدُونِي، خَلِّي الْعَيْب يَكْرُبْهُمْ وَ لَاكِنْ مَا يَكْرُبْنِي أَنَا. وَ خَلِّي هُمَّنْ يِبَرْجُلُوا وَ لَاكِنْ أَنَا مَا نِبَرْجِلْ. وَ جِيبْ فَوْقهُمْ يَوْم الْفَسَالَةْ وَ دَمِّرْهُمْ مَرَّةْ وَاحِدْ.

إشَعْيا 37:14

وَ حِزْقِيَّا شَالْ الْجَوَابْ مِنْ إِيدَيْ الْمُرَسَّلِينْ وَ قَرَاهْ. وَ مَشَى لِبَيْت اللّٰهْ وَ فَتَحْ الْجَوَابْ دَا قِدَّامْ اللّٰهْ.

زَبُور 17:3

إِنْتَ كَشَفْت قَلْبِي وَ بِاللَّيْل، رَاقَبْتِنِي وَ جَرَّبْتِنِي وَ لَاكِنْ مَا لِقِيتْ فَوْقِي شَيّءْ فَسِلْ. حَتَّى كَنْ أَنَا فَكَّرْت فِي الْفَسَالَةْ كُلَ، مَا مَرَقْتَهَا مِنْ خَشْمِي.

زَبُور 11:5

اللّٰهْ يِجَرِّبْ الصَّالِحْ وَ الْعَاصِي وَ يَكْرَهْ الْيِحِبّ الْعُنُفْ.

رُؤية 18:20

يَا سُكَّانْ السَّمَاوَاتْ، أَفْرَحَوْا بِدَمَارْهَا. يَا الرُّسُلْ وَ الْأَنْبِيَاء وَ الصَّالِحِينْ، أَفْرَحَوْا! أَشَانْ اللّٰهْ قَطَعْ لَيْكُو شَرِيعَةْ وَ عَاقَبَاهَا خَلَاصْ.»

رُؤية 6:10

وَ صَرَخَوْا بِحِسّ شَدِيدْ وَ قَالَوْا: «يَا رَبِّنَا الْحَقّ وَ الْقُدُّوسْ. نَرْجَوْا كَمْ يَوْم حَتَّى إِنْتَ تِعَاقِبْ وَ تِشِيلْ لَيْنَا التَّارْ فِي سُكَّانْ الْأَرْض الدَّفَّقَوْا دَمِّنَا؟»

رُؤية 2:23

وَ نَضْرُبْ تَلَامِيذْهَا وَ يُمُوتُوا. وَ بَيْدَا، كُلَّ جَمَاعَاتْ الْمُؤمِنِينْ يَعَرْفُوا كَدَرْ أَنَا نَكْشِفْ قَلِبْ هَنَا أَيِّ نَادُمْ وَ نَعَرِفْ فِكْرَهْ. وَ يَعَرْفُوا كَدَرْ أَيِّ وَاحِدْ مِنْكُو نِجَازِيهْ.

1 بُطْرُس 4:19

وَ بِمِثِلْ دَا، خَلِّي النَّاسْ الْيَتْعَبَوْا حَسَبْ الْاللّٰهْ يِدَوْرَهْ يِسَوُّوا دَايْماً الْخَيْر وَ يِتْوَكَّلَوْا عَلَيْ خَالِقْهُمْ الصَّادِقْ.

1 بُطْرُس 2:23

وَكِتْ عَيَّرَوْه، هُو مَا رَدَّ لَيْهُمْ بِمُعْيَارْ. وَكِتْ تَعَّبَوْه، هُو مَا هَدَّدَاهُمْ. فِي بَدَلَهْ، هُو أَتْوَكَّلْ عَلَيْ اللّٰهْ الْيِحَاسِبْ بِالْحَقّ.

إرْمِيا 12:8

وَ شَعَبِي بِقِي لَيِّ مِثِلْ دُودْ فِي لُبّ الْغَابَةْ. هُو يِكِرّ ضِدِّي وَ بَيْدَا، أَنَا مَا نِحِبَّهْ.

إشَعْيا 38:14

وَ مِثِلْ أَبُنْ جَرَارِي، أَنَا نَبْكِي وَ مِثِلْ قِمْرِيَّةْ، أَنَا نِزَقِّي. وَ عُيُونِي ضِعْفَوْا وَ يِصَنْقُعُوا عَلَيْك. يَا رَبّ، أَضَّايَقْت! قُمّ وَ أَضْمَنِّي!

زَبُور 86:4

يَا رَبّ، فَرِّحْ قَلِبْ عَبْدَكْ أَشَانْ أَنَا نِوَجِّهْ عَلَيْك.

2 أخبار 24:22

وَ الْمَلِكْ يُوَاشْ نِسِي كُلَّ الْخَيْر السَّوَّاهْ لَيَّهْ يَهُويَدَعْ أَبُو لِزَكَرِيَّا وَ قَمَّ كَتَلَهْ لِوِلَيْدَهْ زَكَرِيَّا. وَ وَكِتْ زَكَرِيَّا قَاعِدْ يُمُوتْ، هُو قَالْ: «خَلِّي اللّٰهْ يِشِيفْ خِدِمْتَكْ وَ يِعَاقِبَكْ!»

1 صَمُوِيل 1:15

وَ حِنَّةْ رَدَّتْ لَيَّهْ وَ قَالَتْ: «لَا، يَا سَيِّدِي! أَنَا مَرَةْ حَزْنَانَةْ. وَ لَا شِرِبْت خَمَرْ وَ لَا شَيّءْ الْبِسَكِّرْ. لَاكِنْ أَنَا قُلْت كُلَّ هَمّ قَلْبِي قِدَّامْ اللّٰهْ.

زَبُور 58:10

وَ الصَّالِحْ يَفْرَحْ أَشَانْ هُو شَافْ شَيْلِينْ التَّارْ وَ هُو يِغَسِّلْ رِجِلَيْنَهْ فِي دَمّ الْعَاصِيِينْ.