إرْمِيا 20:10 - الكتاب المقدس بالعربي الدارجي هنا تشاد

¹⁰ أَنَا سِمِعْت مُعْيَارْ مِنْ نَاسْ كَتِيرِينْ الْيِنَادُونِي بِأُسُمْ الْمُخِيفْ فِي كُلَّ بَكَانْ. وَ بُقُولُوا: «بَيُّنُوهْ! أَيْوَى، بَيُّنُوهْ!» وَ كُلَّ رُفْقَانِي قَاعِدِينْ يَرْجَوْا وَقَعَانِي. وَ بُقُولُوا: «مُمْكِنْ بَلَا رَايْه، أَنِحْنَ نَغَلْبُوهْ وَ نِشِيلُوا فَوْقَهْ التَّارْ.»

إرْمِيا 20:10 Referenca të Kryqëzuara

زَبُور 41:9

حَتَّى رَفِيقِي الْمُنْتَكِلْ عَلَيَّهْ وَ يَاكُلْ مَعَايِ خُبْزِتِي، هُو أَنْقَلَبْ ضِدِّي.

زَبُور 31:13

أَنَا سِمِعْت كَتِيرْ قُوَالَةْ النَّاسْ لَحَدِّي الرُّعُبْ جَانِي مِنْ كُلَّ بَكَانْ وَكِتْ هُمَّنْ يِشَّاوَرَوْا سَوَا ضِدِّي وَ يِخَطُّطُوا لِيَكْتُلُونِي.

إشَعْيا 29:21

وَ الْيَتْهَمَوْا النَّاسْ فِي الْكَلَامْ وَ الْيُكُجُّوا شَرَكْ لِيَرْمُوا النَّاسْ فِي الشَّرِيعَةْ وَ الْيَرْمُوا الصَّالِحْ فِي الْفَاضِي، كُلُّهُمْ يِدَّمَّرَوْا.

إرْمِيا 18:18

وَ نَاسْ وَاحِدِينْ قَالَوْا: «يَلَّا خَلِّي نُقُمُّوا بِمُؤآمَرَةْ ضِدّ إِرْمِيَا. بَلَايَهْ كُلَ عِنْدِنَا رُجَالْ دِينْ كَتِيرِينْ الْيِقَرُّونَا شُرُوطْ التَّوْرَاةْ وَ عِنْدِنَا حُكُمَاءْ الْيِوَصُّونَا وَ عِنْدِنَا أَنْبِيَاء الْيِحَجُّوا لَيْنَا كَلَامْ اللّٰهْ. يَلَّا نَمْشُوا نَهْجُمُوهْ بِكَلَامْ الْيِعَيِّبَهْ وَ مَا نَجْعَلَوْا كَلَامَهْ الْيُقُولَهْ.»

أعمال الرُسُل 24:13

وَ هُمَّنْ مَا يَقْدَرَوْا يِثَبُّتُوا الْكَلَامْ التَّهَمَوْنِي بَيَّهْ.

حِزْقِيال 22:9

وَ فِي لُبِّكِ، فِيَّهْ نَاسْ الْيَنْقُلُوا الْكَلَامْ لِيَكْتُلُوا دِمَّةْ. وَ فِيكِ، يَاكُلُوا مِنْ ضَحَايَا الْأَصْنَامْ فِي رُوسَيْ الْجِبَالْ. وَ فِي أُسُطْكِ، يِسَوُّوا فِعِلْ شَيْن.

إرْمِيا 6:25

وَ بُقُولُوا أَمْبَيْنَاتْهُمْ: «مَا تَمْشُوا فِي الْكَدَادَةْ وَ مَا تُرُوغُوا فِي الدُّرُوبْ. أَشَانْ سَيْف الْعَدُو مُخِيفْ فِي كُلَّ بَكَانْ.»

أمْثال 10:18

الْيِلَبِّدْ كَرَاهِيّتَهْ كَدَّابْ وَ الْيَقْطَعْ النَّاسْ مَطْمُوسْ.

لُوقا 20:20

وَ أَشَانْ دَا، قَمَّوْا يُخُطُّوا بَالْهُمْ فَوْقَهْ. وَ بَدَوْا يِرَسُّلُوا لَيَّهْ جَوَاسِيسْ السَّوَّوْا نُفُوسْهُمْ مِثِلْ نَاسْ صَالِحِينْ أَشَانْ يَلْقَوْا فُرْصَةْ يَرْمُوهْ بِكَلَامَهْ. وَ دَوَّرَوْا يِوَدُّوهْ فِي مَحْكَمَةْ الْوَالِي الرَّوْمَانِي.

أيُّوب 19:19

وَ كُلَّ رُفْقَانِي جَعَلَوْنِي مِثِلْ مُحَرَّمْ وَ النِّرِيدْهُمْ كُلَ قَبَّلَوْا ضِدِّي.

1 مُلوك 21:20

وَ أَخَابْ قَالْ لِإِلِيَاسْ: «إِنْتَ جِيتْ لِقِيتْنِي وَلَّا، يَا عَدُويِ؟» وَ إِلِيَاسْ قَالْ لَيَّهْ: «أَيْوَى! أَنَا جِيتْ لِقِيتَكْ أَشَانْ إِنْتَ شِلْت نِيَّةْ تِسَوِّي الْفَسَالَةْ قِدَّامْ اللّٰهْ.

1 مُلوك 19:2

وَ خَلَاصْ، إِزَبِيلْ رَسَّلَتْ لِإِلِيَاسْ وَ قَالَتْ: «خَلِّي الْإِلٰـهَاتْ يِعَاقُبُونِي كَدَرْ لِأَمْبَاكِرْ فِي نَفْس السَّاعَةْ دِي كَنْ مَا سَوَّيْت فِي حَيَاتَكْ مِثِلْ إِنْتَ سَوَّيْت فِي حَيَاةْ الْأَنْبِيَاء دَوْل.»

أعمال الرُسُل 7:54

وَ وَكِتْ نَاسْ الْمَجْلَسْ سِمْعَوْا كَلَامْ إِسْتِفَانْ، غِضْبَوْا غَضَبْ شَدِيدْ وَ عَضَّوْا سُنُونْهُمْ مِنْ الزَّعَلْ ضِدَّهْ.

أعمال الرُسُل 5:33

وَ وَكِتْ نَاسْ الْمَجْلَسْ سِمْعَوْا الْكَلَامْ دَا، زِعِلَوْا زَعَلْ شَدِيدْ وَ دَوَّرَوْا يَكْتُلُوا الرُّسُلْ.

زَبُور 57:4

أَنَا رَاقِدْ فِي أُسْط النَّاسْ الْمِثِلْ دِيدَانْ الْيَاكُلُوا الْإِنْسَانْ. سُنُونْهُمْ مِثِلْ حُرَابْ وَ نَشَاشِيبْ وَ لِسَانْهُمْ مِثِلْ سَيْف طَرِينْ.

1 مُلوك 22:27

وَ قُولُوا لَيْهُمْ: ‹دَاهُو كَلَامْ الْمَلِكْ هُو قَالْ: ”دِسُّوا النَّادُمْ دَا فِي السِّجِنْ وَ أَنْطُوهْ خُبْزَةْ وَ أَلْمِي شِيَّةْ شِيَّةْ بَسْ لَحَدِّي أَنَا نِقَبِّلْ بِالصِّحَّةْ وَ السَّلَامَةْ.“›»

1 مُلوك 22:8

وَ مَلِكْ مَمْلَكَةْ إِسْرَائِيلْ قَالْ لِيَهُوشَفَطْ: «فِيَّهْ نَادُمْ وَاحِدْ الْيَقْدَرْ يَسْأَلْ لَيْنَا اللّٰهْ. وَ لَاكِنْ أَنَا نَكْرَهَهْ أَشَانْ هُو مَا يِتْنَبَّأْ بَيِّ بِالْخَيْر لَاكِنْ دَايْماً يِتْنَبَّأْ بَيِّ بِالْفَسَالَةْ. وَ النَّادُمْ دَا، هُو مِيكَا وِلَيْد يِمْلَا.» وَ يَهُوشَفَطْ قَالْ: «خَلِّي الْمَلِكْ مَا يِحَجِّي كَلَامْ مِثِلْ دَا!»

إرْمِيا 11:19

وَ أَنَا مِثِلْ حَمَلْ مِسْكِينْ الْيِوَدُّوا لِلْجَزَّارَةْ. وَ أَنَا مَا عِرِفْت كَدَرْ نِيِّتْهُمْ الْفَسْلَةْ دِي تُخُصِّنِي وَ هُمَّنْ بُقُولُوا: «خَلِّي نِدَمُّرُوهْ مِثِلْ شَدَرَةْ خَضْرَةْ وَ نُقُشُّوهْ مِنْ أَرْض الْحَيِّينْ! وَ بَتَّانْ أُسْمَهْ كُلَ مَا يِنَادُوهْ.»

إرْمِيا 11:21

وَ فِي شَانْ دَا، دَاهُو كَلَامْ اللّٰهْ ضِدّ نَاسْ عَنَتُوتْ الْيِدَوْرُوا يَكْتُلُونِي. هُمَّنْ قَالَوْا: «مَا تِتْنَبَّأْ بِأُسُمْ اللّٰهْ! كَنْ أَتْنَبَّأْت، نَكْتُلُوكْ.»

إرْمِيا 20:3

وَ أَمْبَاكِرْ فَجُرْ وَكِتْ فَشْحُورْ جَاءْ حَلَّ الْقَيْد مِنْ إِرْمِيَا، إِرْمِيَا قَالْ: «اللّٰهْ قَالْ بَتَّانْ مَا يِنَادُوكْ فَشْحُورْ لَاكِنْ يِنَادُوكْ الْمُخِيفْ فِي كُلَّ بَكَانْ.

إرْمِيا 37:13

وَ وَكِتْ هُو جَاءْ فِي بَابْ الْمَدِينَةْ الْأُسْمَهْ بَنْيَامِينْ، هُو لِقِي كَبِيرْ الْحُرَّاسْ الْأُسْمَهْ يِرِيَا وِلَيْد شَلَمْيَا وِلَيْد حَنَنْيَا قَاعِدْ فِي الْبَابْ دَا. وَ يِرِيَا لَزَمَهْ لِلنَّبِي إِرْمِيَا وَ قَالْ لَيَّهْ: «تِدَوْر تِنْضَمَّ لِدَيْش الْبَابِلِيِّينْ وَلَّا شُنُو؟»

دَنْيال 6:4

وَ خَلَاصْ، الْوُزَرَاء وَ الْمُوَكَّلِينْ قَمَّوْا يِفَتُّشُوا عَيْب فِي خِدِمْتَهْ هَنَا الْمَمْلَكَةْ لِيِعَيُّبُوا بَيَّهْ دَنْيَالْ. لَاكِنْ مَا لِقَوْا فَوْقَهْ أَيِّ عَيْب وَ لَا خَطَا أَشَانْ هُو أَمِينْ وَ يِرَاقِبْ عَدِيلْ وَ خَطَا كُلَ مَا سَوَّاهْ.

زَبُور 31:14

لَاكِنْ أَنَا أَتْوَكَّلْ عَلَيْك، يَا اللّٰهْ، وَ قُلْت: «إِنْتَ بَسْ إِلٰـهِي.»

زَبُور 41:10

لَاكِنْ إِنْتَ، يَا اللّٰهْ، بِرَحْمَتَكْ أَشْفِينِي وَ نِلْكَفَّى فَوْقهُمْ!

إرْمِيا 1:19

هُمَّنْ يِحَارُبُوكْ وَ لَاكِنْ مَا يِسَوُّوا لَيْك شَيّءْ أَشَانْ أَنَا نُكُونْ مَعَاكْ وَ نَحْمِيكْ.» وَ دَا كَلَامْ اللّٰهْ.