إرْمِيا 2:7 - الكتاب المقدس بالعربي الدارجي هنا تشاد7 «وَ اللّٰهْ قَالْ بَتَّانْ: ‹أَنَا جِبْتُكُو فِي الْبَلَدْ الْخَضْرَةْ أَشَانْ تُدُوقُوا إِنْتَاجْهَا وَ تَفْرَحَوْا بِجَمَالْهَا. وَ لَاكِنْ وَكِتْ دَخَلْتُوا فَوْقهَا، نَجَّسْتُوا بَلَدِي وَ أَرْضِي الْأَنْطَيْتهَا لَيْكُو وَرَثَةْ، حَرَّمْتُوهَا. Shih kapitullin |
إرْمِيا 2:7
28 Referenca të Kryqëzuara
وَ دَاهُو كَلَامْ اللّٰهْ: «كَنْ رَاجِلْ طَلَّقْ مَرْتَهْ وَ الْمَرَةْ دِي مَشَتْ أَخَدَتْ رَاجِلْ آخَرْ، هَلْ رَاجِلْهَا الْأَوَّلْ دَا، يَقْدَرْ يِقَبِّلْهَا وَلَّا؟ هَلْ هِي مَا أَنَّجَّسَتْ مِثِلْ الْأَرْض النَّجَاسِتْهَا مَا عِنْدَهَا عِلَاجْ؟ يَا مَدِينَةْ الْقُدُسْ، إِنْتِ أَشَّرْمَطْتِ مَعَ نَاسْ كَتِيرِينْ. هَسَّعْ دَا، تَقْدَرَيْ تِقَبِّلِي لَيِّ أَنَا وَلَّا؟
وَ هُمَّنْ شَالَوْا مُدُنْ قَوِيِّينْ الْمُحَوَّقِينْ بِدَرَادِرْ وَ شَالَوْا أَرْض التِّقَوِّمْ مَعَاشْ عَدِيلْ وَ بُيُوتْ بِكُلَّ خُمَامْهُمْ السَّمَحْ وَ قَعَدَوْا فَوْقهُمْ. وَ شَالَوْا بِيَارْ وَ جِنَيْنَاتْ هَنَا عِنَبْ وَ شَدَرْ هَنَا زَيْتُونْ وَ شَدَرْ كَتِيرْ الْيَنْطِي أَكِلْ. وَ أَكَلَوْا وَ شِبْعَوْا وَ بِقَوْا سُمَانْ وَ عَاشَوْا فِي الرَّاحَةْ. وَ دَا كُلَّ كَيْ بِنِعْمَتَكْ الْكَبِيرَةْ.
خَلَاصْ مَا تِخَلُّوا جَنَازْتَهْ مُعَلَّقَةْ فِي الشَّدَرَةْ طُولْ اللَّيْل. وَ لَاكِنْ أَدْفُنُوهَا فِي نَفْس الْيَوْم أَشَانْ الْجَنَازَةْ الْمُعَلَّقَةْ فِي الشَّدَرَةْ تِجِيبْ لَعَنَةْ اللّٰهْ فِي الْبَلَدْ. وَ مَا وَاجِبْ تِنَجُّسُوا بَلَدْكُو الْاللّٰهْ إِلٰـهْكُو يَنْطِيهَا لَيْكُو وَرَثَةْ.
أَنَا وَدَّيْتهُمْ فِي الْبَلَدْ الْحَلَفْت وَ قُلْت نَنْطِيهَا لَيْهُمْ. وَ وَكِتْ هُمَّنْ شَافَوْا أَيِّ جَبَلْ عَالِي وَ أَيِّ شَدَرَةْ خَضْرَةْ، قَدَّمَوْا فِي الْبَكَانْ دَا ضَحَايَاهُمْ. وَ غَضَّبَوْنِي بِهَدَايَاهُمْ وَ بِالْبَخُورْ الرِّيحْتَهْ تَعَجِبْ وَ بِهَدَايَاهُمْ هَنَا الشَّرَابْ الْقَدَّمَوْهُمْ فِي الْبَكَانْ دَا.
Reklamat