إرْمِيا 2:26 - الكتاب المقدس بالعربي الدارجي هنا تشاد

²⁶ وَ اللّٰهْ قَالْ: «إِنْتُو يَا بَنِي إِسْرَائِيلْ، الْعَيْب يَكْرُبْكُو، إِنْتُو وَ مُلُوكُّو وَ كُبَارَاتْكُو وَ رُجَالْ دِينْكُو وَ أَنْبِيَائْكُو، مِثِلْ عَيْب السَّرَّاقْ الْكَرَبَوْه قَاعِدْ يَسْرِقْ.

إرْمِيا 2:26 Referenca të Kryqëzuara

إرْمِيا 32:32

وَ بَنِي إِسْرَائِيلْ وَ بَنِي يَهُوذَا غَضَّبَوْنِي بِسَبَبْ الْعَمَلْ الْفَسِلْ الْقَاعِدِينْ يِسَوُّوهْ، هُمَّنْ وَ مُلُوكْهُمْ وَ كُبَارَاتْهُمْ وَ رُجَالْ دِينْهُمْ وَ أَنْبِيَائْهُمْ وَ كُلَّ نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ.

عَزْرا 9:7

وَ مِنْ وَكِتْ جُدُودْنَا لَحَدِّي الْيَوْم، خَطَايَانَا بِقَوْا زِيَادَةْ. وَ فِي شَانْ ذُنُوبْنَا، أَنِحْنَ وَ مُلُوكْنَا وَ رُجَالْ دِينَّا، سَلَّمَوْنَا فِي إِيدَيْن مُلُوكْ هَنَا شُعُوبْ آخَرِينْ. وَ هُمَّنْ كَتَلَوْنَا بِالْسَّيْف وَ كَرَبَوْنَا وَ بِقِينَا غَنِيمَةْ وَ عَيَّبَوْنَا مِثِلْ الْيَوْم.

رَوْمَا 6:21

وَ وَيْن النَّتِيجَةْ اللِّقِيتُوهَا مِنْ الذُّنُوبْ الْأَوَّلْ سَوَّيْتُوهُمْ دَوْل؟ هَسَّعْ الْعَيْب كَرَبَاكُو بِسَبَبْهُمْ أَشَانْ الذُّنُوبْ دَوْل يِوَدُّوا النَّاسْ لِلْمَوْت.

إرْمِيا 48:27

وَ إِنْتِ، يَا مُوَابْ، مَا ضِحِكْتِ لِبَنِي إِسْرَائِيلْ وَلَّا؟ هَلْ لِقِيتِ بَنِي إِسْرَائِيلْ مَعَ السَّرَارِيقْ وَلَّا؟ وَ كَنْ لَا! مَالَا كُلَّ وَكِتْ تِحَجِّي بَيْهُمْ وَ تِهِزِّي رَاسْكِ؟

إرْمِيا 2:36

وَ بِسُهُولَةْ بَسْ تِغَيُّرُوا عَلَاقِتْكُو. وَ لَاكِنْ مَصِرْ تِعَيِّبْكُو مِثِلْ أَشُورْ عَيَّبَتْكُو زَمَانْ.

إشَعْيا 1:29

أَيْوَى، إِنْتُو تَلْقَوْا عَيْب مِنْ شَدَرْكُو الْكُبَارْ الْقَاعِدِينْ تِتْمَنَّوْه. وَ تَبْقَوْا خَجْلَانِينْ فِي شَانْ الْجِنَيْنَاتْ الْعَزَلْتُوهُمْ لِعِبَادَةْ أَصْنَامْكُو.

حِزْقِيال 16:54

فِي الْيَوْم دَا، تِلْحَمَّلَيْ عَيْبكِ وَ تَخْجَلَيْ فِي كُلَّ شَيّءْ السَّوَّيْتِيهْ وَ دَا يِصَبِّرْهِنْ.

حِزْقِيال 22:26

رُجَالْ الدِّينْ مَا طَبَّقَوْا شُرُوطِي الْفِي التَّوْرَاةْ وَ مَا أَحْتَرَمَوْا كُلَّ شَيّءْ مُقَدَّسْ هَنَايِ. وَ مَا فَرَّقَوْا بَيْن الْمُقَدَّسْ وَ الْمَا مُقَدَّسْ. وَ مَا عَلَّمَوْا النَّاسْ الْفَرَقَةْ بَيْن الْحَلَالْ وَ الْمَا حَرَامْ. وَ أَبَوْا مَا يِكَرُّمُوا يَوْمِي هَنَا السَّبْت وَ مَا جَعَلَوْنِي مُقَدَّسْ فِي أُسُطْهُمْ.

زَكَرِيَّا 5:4

وَ دَاهُو كَلَامْ اللّٰهْ الْقَادِرْ: ‹أَنَا نَزَّلْت اللَّعَنَةْ دِي أَشَانْ تَدْخُلْ وَ تَسْكُنْ فِي بَيْت السَّرَّاقْ وَ فِي بَيْت النَّادُمْ الْيَحْلِفْ بِأُسْمِي بِكِدِبْ. وَ تِدَمِّرْ الْبَيْت لَحَدِّي مَرَادِيسَهْ وَ أَسَاسَهْ.›»

زَبُور 97:7

الْعَيْب لِكُلَّ عَابِدِينْ الْأَصْنَامْ، هُمَّنْ الْيَشْكُرُوا إِلٰـهَاتْهُمْ. وَ إِنْتُو كُلُّكُو الْإِلٰـهَاتْ، أَسْجُدُوا لِلّٰهْ!

إشَعْيا 44:9

الْيَصْنَعَوْا الْأَصْنَامْ، كُلُّهُمْ مَا يَنْفَعَوْا. عَمَلْهُمْ الْغَالِي لَيْهُمْ كُلَ مَا عِنْدَهْ فَايْدَةْ. شُهُودْهُمْ عَمْيَانِينْ وَ مَا يَعَرْفُوا شَيّءْ. وَ فِي شَانْ دَا، يَلْقَوْا الْعَيْب.

إشَعْيا 44:11

وَ دَاهُو كُلَّ الْيَعَبُدُوهُمْ يَلْقَوْا الْعَيْب وَ الْيَصْنَعَوْهُمْ، هُمَّنْ نَاسْ بَسْ! خَلِّي كُلُّهُمْ يِلِمُّوا وَ يَجُوا وَ كُلُّهُمْ سَوَا يَرْجُفُوا وَ يَلْقَوْا الْعَيْب.

إرْمِيا 4:9

وَ دَاهُو كَلَامْ اللّٰهْ: «فِي الْيَوْم دَا، الْمَلِكْ وَ كُبَارَاتَهْ يِوَدُّرُوا شَجَاعِتْهُمْ وَ رُجَالْ الدِّينْ يَرْجُفُوا وَ الْأَنْبِيَاء يِنْبَهْتُوا.»

إرْمِيا 22:22

وَ هَسَّعْ خَلَاصْ، كُلَّ رُعْيَانْكِ يُرُوحُوا فِي الرِّيحْ وَ دَوْل كُبَارَاتْكِ الْيِشِتُّوا فِي أَيِّ بَكَانْ. وَ صُدْقَانْكِ يَكُرْبُوهُمْ وَ يِوَدُّوهُمْ مَسَاجِينْ. وَ إِنْتِ تَقْعُدِي فِي الْعَيْب وَ الْإِهَانَةْ وَ دَا بِسَبَبْ فَسَالِتْكِ.