إرْمِيا 2:18 - الكتاب المقدس بالعربي الدارجي هنا تشاد

¹⁸ مَالَا مَشَيْتُوا بَلَدْ مَصِرْ لِتِفَتُّشُوا مُسَاعَدَتْهَا مِثِلْ عَطْشَانِينْ لِأَلْمِي النِّيلْ؟ وَ مَالَا مَشَيْتُوا بَلَدْ أَشُورْ لِتِفَتُّشُوا قُدْرِتْهَا مِثِلْ عَطْشَانِينْ لِأَلْمِي الْفُرَاتْ؟

إرْمِيا 2:18 Referenca të Kryqëzuara

يَشُوع 13:3

مِنْ وَادِي شِيحُورْ فِي حُدُودْ مَصِرْ لَحَدِّي حُدُودْ عَقْرُونْ فِي الْمُنْشَاقْ. وَ دَا تُرَابْ الْكَنْعَانِيِّينْ الْقَاعِدِينْ فَوْقَهْ خَمْسَةْ كُبَارَاتْ هَنَا الْفِلِسْطِيِّينْ. وَ هُمَّنْ كَبِيرْ غَزَّةْ وَ كَبِيرْ أَشْدُودْ وَ كَبِيرْ أَشْقَلُونْ وَ كَبِيرْ قَاتْ وَ كَبِيرْ عَقْرُونْ وَ كَبِيرْ الْعَوِّيِّينْ

هُوشَع 7:11

«نَاسْ أَفْرَايِمْ بِقَوْا مُغَفَّلِينْ مِثِلْ حَمَامْ الْمَا عِنْدَهْ رَاسْ. هُمَّنْ يِنَادُوا مَصِرْ لِتَفْزَعْهُمْ وَ يَجْرُوا وَرَاءْ أَشُورْ لِتِدَافِعْ لَيْهُمْ.

إرْمِيا 2:36

وَ بِسُهُولَةْ بَسْ تِغَيُّرُوا عَلَاقِتْكُو. وَ لَاكِنْ مَصِرْ تِعَيِّبْكُو مِثِلْ أَشُورْ عَيَّبَتْكُو زَمَانْ.

إشَعْيا 31:1

الْعَذَابْ لِلنَّاسْ الْيَنْزُلُوا فِي مَصِرْ لِلْفَزَعْ وَ يِنْتَكْلُوا عَلَيْ الْخَيْل وَ يِتْوَكَّلَوْا عَلَيْ عَرَبَاتْ الْحَرِبْ أَشَانْ هُمَّنْ كَتِيرِينْ وَ يِتْوَكَّلَوْا عَلَيْ سِيَادْ الْخَيْل أَشَانْ هُمَّنْ عِنْدُهُمْ قُدْرَةْ. وَ لَاكِنْ النَّاسْ دَوْل مَا عِنْدُهُمْ فِكِرْ فِي قُدُّوسْ إِسْرَائِيلْ وَ هُمَّنْ مَا يِفَتُّشُوا اللّٰهْ.

هُوشَع 5:13

نَاسْ أَفْرَايِمْ شَافَوْا مَرَضْهُمْ وَ بَنِي يَهُوذَا شَافَوْا عُوَارْهُمْ. وَ دَوَّرَوْا مُسَاعَدَةْ مِنْ بَلَدْ أَشُورْ وَ رَسَّلَوْا نَاسْ لِلْمَلِكْ الْكَبِيرْ. لَاكِنْ الْمَلِكْ دَا مَا يَقْدَرْ يَشْفِيهُمْ وَ مَا يَقْدَرْ يِدَاوِي عُوَارْهُمْ.

حِزْقِيال 17:15

«‹وَ لَاكِنْ الْمَلِكْ دَا أَتْمَرَّدْ ضِدّ مَلِكْ بَابِلْ. هُو رَسَّلْ نَاسَهْ لِمَصِرْ أَشَانْ يَنْطُوهْ خَيْل وَ عَسْكَرْ كَتِيرِينْ. هَلْ مَلِكْ مِثِلْ دَا يَنْجَحْ وَلَّا؟ هَلْ نَادُمْ السَّوَّى مُؤآمَرَةْ مِثِلْ دِي يَنْجَى وَلَّا؟ هَلْ هُو النَّقَضْ الْعَلَاقَةْ دِي يَنْجَى وَلَّا؟

مَراثِي إرْمِيا 4:17

أَنِحْنَ نِصَنْقُعُوا وَ نَرْفَعَوْا عُيُونَّا. مِنْ وَيْن الْفَزَعْ يَجِينَا؟ وَ فِي بَكَانَّا هَنَا الْحَرَاسَةْ، أَرَّجَّيْنَا أُمَّةْ الْمَا نَجَّتْنَا.

إشَعْيا 7:20

وَ فِي الْيَوْم دَا، الرَّبّ يِأَجِّرْ مُوسْ وَ هُو مَلِكْ بَلَدْ أَشُورْ. وَ يِجِيبَهْ مِنْ غَادِي لِبَحَرْ الْفُرَاتْ. وَ بَيَّهْ الرَّبّ يِزَيِّنْ الرَّاسْ وَ كُلَّ صُوفْ الْجِلِدْ وَ الدِّقِنْ كُلَ يِسِلَّهَا.

إشَعْيا 23:3

مَعَاشْ وَادِي مَصِرْ وَ دَرَتْ النِّيلْ وَ إِنْتَاجَهْ سَافَرَوْا فِي الْبَحَرْ وَ بِقَوْا تِجَارَةْ لِلْأُمَمْ.

حِزْقِيال 16:28

وَ إِنْتِ مَا شِبِعْتِ مِنْ الشَّرْمَطَةْ لَحَدِّي أَشَّرْمَطْتِ مَعَ نَاسْ بَلَدْ أَشُورْ. أَيْوَى، أَشَّرْمَطْتِ مَعَاهُمْ وَ بَيْدَا كُلَ، مَا شِبِعْتِ.

2 أخبار 28:16

وَ فِي الْوَكِتْ دَا، أَحَازْ مَلِكْ مَمْلَكَةْ يَهُوذَا رَسَّلْ لِمَلِكْ بَلَدْ أَشُورْ أَشَانْ يَجِي يَفْزَعَهْ.

إرْمِيا 31:22

لِمَتَى تِعِيرِي، يَا الْبِنَيَّةْ الْكَافْرَةْ؟ أَشَانْ اللّٰهْ يَخْلِقْ شَيّءْ جَدِيدْ فِي الْأَرْض. وَ دَا، إِنْتِ تِفَتِّشِي اللّٰهْ مِثِلْ مَرَةْ التِّقَرِّبْ لِرَاجِلْهَا.

مَراثِي إرْمِيا 5:6

لِلْمَصْرِيِّينْ وَ الْأَشُورِيِّينْ، مَدَّيْنَا إِيدَيْنَّا وَ دَوَّرْنَا مِنْهُمْ مَعَاشْنَا.

حِزْقِيال 23:30

وَ يِعَاقُبُوكِ مِثِلْ دَا أَشَانْ إِنْتِ أَشَّرْمَطْتِ وَكِتْ تَابَعْتِ الْأُمَمْ وَ نَجَّسْتِ نَفِسْكِ بِأَصْنَامْهُمْ.