إرْمِيا 19:11 - الكتاب المقدس بالعربي الدارجي هنا تشاد

¹¹ وَ قُولْ لَيْهُمْ: ‹دَاهُو اللّٰهْ الْقَادِرْ قَالْ: ”أَنَا نِكَسِّرْ الشَّعَبْ دَا وَ الْمَدِينَةْ دِي مِثِلْ كَسَّرْت الْإِبْرِيقْ دَا وَ هُو بَتَّانْ مَا يِلْعَدَّلْ. وَ يَدْفُنُوا الْجَنَازَاتْ فِي تُوفَةْ لَحَدِّي تِنْمَلِي وَ مَا تَقْدَرْ تِشِيلْهُمْ.

إرْمِيا 19:11 Referenca të Kryqëzuara

زَبُور 2:9

وَ تَحْكِمْ فَوْقهُمْ بِمُلُكْ شَدِيدْ وَ تِكَسِّرْهُمْ مِثِلْ جِرَارْ الطِّينَةْ.»

إشَعْيا 30:14

وَ يِلْكَسَّرْ مَرَّةْ وَاحِدْ مِثِلْ كَسِّرِينْ الْجَرّ الْمَا بِلْعَدَّلْ. مَا تِفَضِّلْ مِنَّهْ شِقْفَةْ الْيَقْدَرَوْا يِشِيلُوا فَوْقهَا نَارْ وَ لَا يِجِيبُوا بَيْهَا أَلْمِي مِنْ الرَّهَدْ.»

مَراثِي إرْمِيا 4:2

وَ عِيَالْ صَهْيُون الْغَالِيِّينْ كُلَ مِثِلْ الدَّهَبْ الصَّافِي. وَ مَالَا بِقَوْا مِثِلْ جِرَارْ الطِّينَةْ السَّوَّوْهُمْ الْحَدَّادْ؟

رُؤية 2:27

وَ هُو يَحْكِمْ فَوْقهُمْ بِعَصَاةْ هَنَا حَدِيدْ وَ يِكَسِّرْهُمْ مِثِلْ جِرَارْ الطِّينَةْ.

إرْمِيا 13:14

نَضْرُبْ الْبُخْسَةْ الْوَاحِدَةْ بِالْآخَرَةْ. وَ مِثِلْ دَا، نَضْرُبْ الْأَبَّهَاتْ بِأَوْلَادْهُمْ. وَ فِي الْيَوْم دَاكْ، وَ لَا نِحِنّ فَوْقهُمْ وَ لَا نَرْحَمْهُمْ. وَ نُقُشُّهُمْ وَ مَا فِي شَيّءْ يَدْحَرْنِي مِنْهُمْ.›» وَ دَا كَلَامْ اللّٰهْ.

إرْمِيا 19:6

وَ فِي شَانْ دَا يَجِي يَوْم وَاحِدْ، بَتَّانْ مَا يِنَادُوا الْبَكَانْ دَا تُوفَةْ وَ لَا وَادِي بَنِي هِنُّومْ. وَ لَاكِنْ يِنَادُوهْ وَادِي الْجَنَازَاتْ.“› وَ دَا كَلَامْ اللّٰهْ.

أعمال الرُسُل 21:11

وَ هُو شَالْ حِزَامْ هَنَا بُولُسْ وَ رَبَطْ بَيَّهْ إِيدَيْنَهْ وَ رِجِلَيْنَهْ وَ قَالْ: «الرُّوحْ الْقُدُّوسْ يُقُولْ: ‹مِثِلْ دَا، الْيَهُودْ فِي مَدِينَةْ الْقُدُسْ يَرْبُطُوا سِيدْ الْحِزَامْ دَا وَ يِسَلُّمُوهْ لِلنَّاسْ الْمَا مُؤمِنِينْ.›»

أمْثال 6:15

بِالسَّبَبْ دَا، دَمَارَهْ يَجِي عَجَلَةْ. يِنْرَحِكْ مَرَّةْ وَاحِدْ وَ بَتَّانْ مَا يَلْقَى عِلَاجْ.

إرْمِيا 19:12

وَ دَا بَسْ الشَّيّءْ النِّسَوِّيهْ فِي الْمَدِينَةْ دِي وَ فِي سُكَّانْهَا. وَ نِسَوِّي الْمَدِينَةْ دِي مِثِلْ تُوفَةْ. وَ دَا كَلَامْ اللّٰهْ.

إرْمِيا 48:38

وَ فِي رُوسَيْ كُلَّ بُيُوتْ مُوَابْ وَ فِي كُلَّ شَوَارِعْهَا مَا فِي شَيّءْ آخَرْ إِلَّا النُّوَاحْ. «أَنَا كَسَّرْت مُوَابْ مِثِلْ جَرّ الْمَا يَنْفَعْ.» وَ دَا كَلَامْ اللّٰهْ.

إرْمِيا 51:63

وَكِتْ تِكَمِّلْ مِنْ قِرَايِةْ الْكِتَابْ دَا، أَرْبُطْ فَوْقَهْ حَجَرْ وَ أَرْمِيهْ فِي لُبّ بَحَرْ الْفُرَاتْ.

إرْمِيا 25:34

أَصْرَخَوْا، يَا رُعْيَانْ غَنَمِي! كَوْرُكُوا وَ أَلْمَرْمَغَوْا فِي التُّرَابْ، يَا كُبَارَاتْ شَعَبِي! أَشَانْ يَوْم مَوْتكُو قَرَّبْ. يَكْتُلُوكُو وَ يِشَتُّتُوا جَنَازَاتْكُو وَ تَقَعَوْا وَ تِلْكَسَّرَوْا مِثِلْ السُّونِي.