إرْمِيا 17:8 - الكتاب المقدس بالعربي الدارجي هنا تشاد

⁸ وَ هُو مِثِلْ شَدَرَةْ الْقَايْمَةْ فِي خَشُمْ الْبَحَرْ وَ عُرُوقْهَا رَوْيَانِينْ أَلْمِي. هِي مَا تَخَافْ فِي وَكْت الصَّيْف وَ وَرْشَالْهَا دَايْماً أَخْضَرْ. وَ كَنْ تَجِي سَنَةْ كَامِلَةْ هَنَا جَفَافْ كُلَ، هِي مَا لَمَّاهَا وَ تَلْدَ عِيَالْهَا.

إرْمِيا 17:8 Referenca të Kryqëzuara

زَبُور 1:3

هُو مِثِلْ شَدَرَةْ الْقَايْمَةْ فِي خَشُمْ الْبَحَرْ وَ تَلْدَ فِي وَكِتْهَا وَ وَرْشَالْهَا دَايْماً أَخْضَرْ. وَ هُو يَنْجَحْ فِي كُلَّ شَيّءْ الْيِسَوِّيهْ.

إشَعْيا 58:11

وَ دَايْماً اللّٰهْ يُقُودَكْ وَ يَشْبِعَكْ فِي الْأَرْض الْجَفَافْ وَ يِقَوِّيكْ. وَ إِنْتَ تَبْقَى مِثِلْ جِنَيْنَةْ الْمَزْقِيَّةْ وَ مِثِلْ عَيْن أَلْمِي الدَّايْماً جَارِيَةْ.

حِزْقِيال 47:12

وَ فِي خَشُمْ الْوَادِي جَايْ وَ جَايْ، يُقُمّ نَفَرْ كَتِيرْ هَنَا شَدَرْ الْعِنْدُهُمْ عِيَالْ. وَرْشَالْهُمْ أَبَداً مَا يَيْبَسْ وَ عِيَالْهُمْ مَا يِكَمُّلُوا. وَ هُمَّنْ يَلْدَوْا فِي أَيِّ شَهَرْ أَشَانْ الْأَلْمِي دَا مَارِقْ مِنْ الْبَيْت الْمُقَدَّسْ. وَ عِيَالْهُمْ، يَاكُلُوهُمْ وَ وَرْشَالْهُمْ يَنْطِي الْعَافَيْ.»

أيُّوب 8:16

الْكَافِرْ أَخْضَرْ مِثِلْ شَدَرَةْ تِحِتْ الْحَرَّايْ. هِي مَدَّتْ فُرُوعْهَا وَ غَطَّتْ بَيْهُمْ الْجِنَيْنَةْ.

أيُّوب 29:19

نَبْقَى مِثِلْ شَدَرَةْ الْعُرُوقْهَا رَوْيَانِينْ أَلْمِي وَ بِلَيْل، التَّلَجْ يَنْزِلْ فِي فُرُوعِي.

أمْثال 11:28

الْيِنْتَكِلْ فِي مَالَهْ، يَرْمِي نَفْسَهْ وَ لَاكِنْ الصَّالِحِينْ يُقُمُّوا مِثِلْ قَشّ الْخَرِيفْ.

إشَعْيا 61:3

هُو رَسَّلَانِي لِنَاسْ صَهْيُون الْقَاعِدِينْ فِي الْحِزِنْ أَشَانْ نَنْطِيهُمْ كَدْمُولْ جَمِيلْ بَدَلْ الرُّمَادْ الْفِي رَاسْهُمْ وَ دِهِنْ السُّرُورْ بَدَلْ الْحِزِنْ وَ لُبَاسْ الشُّكُرْ بَدَلْ الرُّوحْ الضَّعِيفَةْ. وَ يِسَمُّوهُمْ شَدَرْ الْعَدَالَةْ الْاللّٰهْ مَقَنَهْ لِيِوَصِّفْ مَجْدَهْ.

إرْمِيا 39:18

وَ أَكِيدْ أَنَا نِنَجِّيكْ. إِنْتَ مَا تُمُوتْ فِي الْحَرِبْ وَ تِعِيشْ وَ تَبْقَى فَرْحَانْ أَشَانْ لِقِيتْ الْحَيَاةْ وَ دَا بِسَبَبْ إِنْتَ أَتْوَكَّلْت عَلَيِّ.“›» وَ دَا كَلَامْ اللّٰهْ.

حِزْقِيال 31:3

إِنْتَ تِشَابِهْ أَرْز لُبْنَانْ الْعِنْدَهْ فُرُوعْ جَمِيلِينْ. هُو شَدَرْ عِنْدَهْ ضُلّ وَ طَوِيلْ وَ طُولَهْ لِحِقْ السَّحَابْ.