إرْمِيا 17:4 - الكتاب المقدس بالعربي الدارجي هنا تشاد

⁴ وَ إِنْتُو بِنُفُوسْكُو تِخَلُّوا أَرْض وَرَثَتْكُو الْأَنَا أَنْطَيْتهَا لَيْكُو. وَ نِسَوِّيكُو عَبِيدْ لِعُدْوَانْكُو فِي بَلَدْ الْأَوَّلْ مَا تَعَرْفُوهَا أَشَانْ إِنْتُو قَبَّضْتُوا نَارْ غَضَبِي وَ تَاكُلْكُو دَايْماً.»

إرْمِيا 17:4 Referenca të Kryqëzuara

إرْمِيا 15:14

أَنَا نِسَوِّيكُو عَبِيدْ لِعُدْوَانْكُو فِي بَلَدْ الْمَا تَعَرْفُوهَا. وَ نَارْ غَضَبِي تِقَبِّضْ وَ تَاكُلْكُو.»

مَراثِي إرْمِيا 5:2

الْآخَرِينْ شَالَوْا وَرَثَةْ جُدُودْنَا وَ أَجْنَبِيِّينْ سَكَنَوْا فِي بُيُوتْنَا.

إرْمِيا 7:20

وَ فِي شَانْ دَا، دَاهُو اللّٰهْ الرَّبّ قَالْ: «غَضَبِي الْمُحْرِقْ يَنْزِلْ فِي الْبَكَانْ دَا، فِي النَّاسْ وَ الْحَيْوَانَاتْ وَ شَدَرْ الْغَابَةْ وَ إِنْتَاجْ الْأَرْض. وَ نَارْ غَضَبِي أَبَداً مَا تُمُوتْ.»

إشَعْيا 5:25

وَ بِسَبَبْ دَا، غَضَبْ اللّٰهْ يَنْزِلْ ضِدّ شَعَبَهْ. هُو يَرْفَعْ إِيدَهْ ضِدُّهُمْ لِيَضْرُبْهُمْ. وَ الْجِبَالْ يَرْجُفُوا وَ جَنَازَاتْ شَعَبَهْ يَبْقَوْا مِثِلْ وَسَخْ فِي أُسْط الشَّوَارِعْ. لَاكِنْ بَيْدَا كُلَ، مَا خَلَّى زَعَلَهْ وَ إِيدَهْ قَاعِدَةْ مَرْفُوعَةْ لِلْعِقَابْ.

إرْمِيا 16:13

وَ فِي شَانْ دَا، أَنَا نَخْطِفْكُو وَ نَزْرُقْكُو فِي بَلَدْ آخَرَةْ الْأَوَّلْ مَا تَعَرْفُوهَا وَ لَا إِنْتُو وَ لَا جُدُودْكُو. وَ هِنَاكْ، لَيْل وَ نَهَارْ تَعَبُدُوا إِلٰـهَاتْ آخَرِينْ وَ بَتَّانْ مَا تَلْقَوْا رَحْمَتِي.›»

إشَعْيا 14:3

يَوْم وَاحِدْ، اللّٰهْ يَنْطِيكُو الْجُمَّةْ مِنْ تَعَبْكُو وَ ضِيقِتْكُو وَ مِنْ الْعُبُودِيَّةْ الْقَاسِيَةْ الْفَرَضَوْهَا فَوْقكُو.

حِزْقِيال 21:31

وَ نِنَزِّلْ غَضَبِي فَوْقكُو وَ نَنْفُخْ فَوْقكُو نَارْ غَضَبِي وَ نِسَلِّمْكُو فِي إِيدْ النَّاسْ الْحَارِّينْ الْيَعَرْفُوا يِسَوُّوا الْخَرَابْ.

مَراثِي إرْمِيا 1:12

وَ لَيْكُو إِنْتُو كُلُّكُو التِّعَدُّوا بِالدَّرِبْ دَا، أَسْمَعَوْا وَ شِيفُوا! فِيَّهْ تَعَبْ زِيَادَةْ مِنْ تَعَبِي الْأَنَا عَايْشَةْ بَيَّهْ؟ وَ دَا التَّعَبْ الْجَابَهْ اللّٰهْ فِي يَوْم غَضَبَهْ الْمُحْرِقْ.

إرْمِيا 12:7

وَ اللّٰهْ قَالْ: «أَنَا نِخَلِّي بَيْتِي وَ نَابَى شَعَبِي الْمِثِلْ وَرَثَتِي. وَ أُمَّتِي الْمَحْبُوبَةْ، أَنَا نِسَلِّمْهَا لِلْعَدُو.

إرْمِيا 5:29

هَلْ أَنَا مَا نِعَاقِبْ الْأَشْيَاءْ دَوْل؟ هَلْ مَا نِلْكَفَّى فِي الْأُمَّةْ الْمِثِلْ دِي؟ وَ دَا كَلَامْ اللّٰهْ.

إشَعْيا 66:24

وَ وَكِتْ يَمُرْقُوا، يِشِيفُوا جَنَازَاتْ النَّاسْ الْقَمَّوْا ضِدِّي. وَ الدُّودْ الْيَاكُلْهُمْ مَا يُمُوتْ وَ النَّارْ التَّحْرِقْهُمْ كُلَ مَا تُمُوتْ وَ يَبْقَوْا مَثَلْ مُخِيفْ لِكُلَّ النَّاسْ.»

إشَعْيا 30:33

وَ مِنْ وَكِتْ طَوِيلْ، نُقْرَةْ النَّارْ جَاهِزَةْ أَيْوَى، هِي جَاهِزَةْ لِمَلِكْ أَشُورْ! وَ النُّقْرَةْ دِي طَوِيلَةْ وَ وَسِيعَةْ وَ دَفَّقَوْا فَوْقهَا حَطَبْ كَتِيرْ. وَ بِنَفْخَةْ اللّٰهْ الْمِثِلْ سَيْل شَدِيدْ هَنَا كِبْرِيتْ، هُو يِقَبِّضْهَا نَارْ.

نَحَمْيا 9:28

وَ لَاكِنْ وَكِتْ هُمَّنْ لِقَوْا الرَّاحَةْ، بَتَّانْ كُلَ قَمَّوْا يِسَوُّوا الشَّرّ قِدَّامَكْ. وَ إِنْتَ بَتَّانْ سَلَّمْتُهُمْ فِي إِيدَيْن عُدْوَانْهُمْ وَ مَلَكَوْا فَوْقهُمْ. وَ وَكِتْ صَرَخَوْا لَيْك بَتَّانْ، إِنْتَ سِمِعْت صِرَاخْهُمْ مِنْ السَّمَاءْ وَ بِرَحْمَتَكْ نَجَّيْتهُمْ مَرَّاتْ كَتِيرَةْ.

2 مُلوك 25:21

وَ مَلِكْ بَابِلْ كَتَلَاهُمْ هِنَاكْ فِي رِبْلَةْ فِي بَلَدْ حَمَاتْ. وَ بِمِثِلْ دَا، كُلَّ نَاسْ بَلَدْ يَهُوذَا وَدَّوْهُمْ فِي الْغُرْبَةْ بَعِيدْ مِنْ أَرْضُهُمْ.

1 مُلوك 9:7

خَلَاصْ أَنَا نَطْرُدْكُو، يَا بَنِي إِسْرَائِيلْ، مِنْ الْأَرْض الْأَنَا أَنْطَيْتهَا لَيْكُو وَ نِبَعِّدْ مِنِّي الْبَيْت الْأَنَا قَدَّسْتَهْ لِأُسْمِي. وَ بَيْدَا، كُلَّ الشُّعُوبْ الْآخَرِينْ يِشَّمَّتَوْا فَوْقكُو وَ يِعَيُّرُوكُو.

تَثْنِية 28:25

وَ اللّٰهْ يَطْرُدْكُو قِدَّامْ عُدْوَانْكُو وَ إِنْتُو تَمُرْقُوا ضِدُّهُمْ بِدَرِبْ وَاحِدْ وَ لَاكِنْ تَجْرُوا قِدَّامْهُمْ بِسَبْعَةْ دُرُوبْ. وَ اللّٰهْ يِسَوِّيكُو مَثَلْ مُخِيفْ لِكُلَّ مَمَالِكْ الْأَرْض.

إرْمِيا 2:14

وَ اللّٰهْ قَالْ: «هَلْ بَنِي إِسْرَائِيلْ بِقَوْا عَبِيدْ وَلَّا؟ هَلْ وِلْدَوْهُمْ فِي الْعُبُودِيَّةْ وَلَّا؟ وَ كَنْ لَا، مَالَا نَهَبَوْهُمْ؟

إرْمِيا 18:23

«يَا اللّٰهْ! إِنْتَ تَعَرِفْ نِيِّتْهُمْ الْفَسْلَةْ الْبَيْهَا يِدَوْرُوا يَكْتُلُونِي. مَا تَغْفِرْ لَيْهُمْ خَطَاهُمْ وَ مَا تُقُشّ مِنْ قِدَّامَكْ ذَنِبْهُمْ. قُمّ ضِدُّهُمْ، يَا اللّٰهْ! خَلِّي يَقَعَوْا قِدَّامَكْ فِي وَكِتْ غَضَبَكْ.»

إرْمِيا 21:12

وَ يَا ذُرِّيَّةْ دَاوُدْ، دَاهُو اللّٰهْ قَالْ: «سَوُّوا الْعَدَالَةْ كُلَّ يَوْم وَ نَجُّوا الْمَظْلُومْ مِنْ إِيدَيْن الظَّالِمْ. كَنْ مَا كَيْ دَا، غَضَبِي يَنْزِلْ مِثِلْ النَّارْ التَّحْرِقْ وَ مَا فِي نَادُمْ الْيَقْدَرْ يَكْتُلْهَا أَشَانْ دَا بِسَبَبْ عَمَلْكُو الْفَسِلْ.»

إرْمِيا 22:28

مَالَا الْمَلِكْ دَا بِقِي مِثِلْ جَرّ مُكَسَّرْ مَا يَنْفَعْ؟ وَ مَالَا يُيَكِينْ بِقِي مِثِلْ مَاعُونْ الْمَا يِدَوْرُوهْ؟ وَ مَالَا هُو وَ عِيَالَهْ وَدَّوْهُمْ بَعِيدْ وَ زَقَلَوْهُمْ فِي بَلَدْ الْأَوَّلْ مَا يَعَرْفُوهَا؟

إشَعْيا 50:11

وَ كَنْ لَيْكُو إِنْتُو كُلُّكُو الْأَوْقَدْتُوا نَارْ وَ سَوَّيْتُوا مَشَاهِيبْ، يَلَّا أَمْشُوا فِي ضَيّ نَارْكُو وَ فِي أُسُطْ مَشَاهِيبْ الْإِنْتُو أَوْقَدْتُوهُمْ! اللّٰهْ يِسَوِّيكُو تُمُوتُوا فِي التَّعَبْ!

إرْمِيا 5:19

يَا إِرْمِيَا، النَّاسْ يَسْأَلَوْك وَ يُقُولُوا: ‹فِي شَانْ شُنُو اللّٰهْ إِلٰـهْنَا يِتَعِّبْنَا مِثِلْ دَا؟› وَ إِنْتَ قُولْ لَيْهُمْ: ‹إِنْتُو أَبَيْتُوا اللّٰهْ وَ عَبَدْتُوا إِلٰـهَاتْ آخَرِينْ فِي بَلَدْكُو. وَ بِمِثِلْ دَا، إِنْتُو كُلَ تَبْقَوْا عَبِيدْ لِلْأَجَانِبْ فِي بَلَدْ الْمَا هِنْتُكُو.›»

حِزْقِيال 7:24

وَ نِجِيبْ أَفْسَلْ أُمَمْ أَشَانْ يِشِيلُوا بُيُوتْهُمْ. وَ نِوَقِّفْ إِسْتِكْبَارْ الْقَوِيِّينْ وَ بَكَانَاتْهُمْ هَنَا الْعِبَادَةْ يِنَّجَّسَوْا.