إرْمِيا 17:16 - الكتاب المقدس بالعربي الدارجي هنا تشاد

¹⁶ أَنَا مَا طَلَبْت تِنَزِّلْ فَوْقهُمْ الْفَسَالَةْ وَ لَا أَتْمَنَّيْت يَوْم الضِّيقَةْ يَنْزِلْ فَوْقهُمْ. الْيَمْرُقْ مِنْ خَشْمِي دَايْماً إِنْتَ تَسْمَعَهْ وَ تَعَرْفَهْ، يَا اللّٰهْ!

إرْمِيا 17:16 Referenca të Kryqëzuara

أعمال الرُسُل 20:27

أَنَا بَلَّغْت لَيْكُو هَدَفْ اللّٰهْ كُلَّ كَيْ وَ مَا لَبَّدْت مِنْكُو شَيّءْ وَاحِدْ.

أعمال الرُسُل 20:20

وَ تَعَرْفُوا وَكِتْ أَنَا قَاعِدْ نِعَلِّمْكُو، أَنَا مَا لَبَّدْت لَيْكُو أَيِّ كَلَامْ هَنَا فَايْدِتْكُو وَ بَلَّغْت لَيْكُو نَفْس الْبِشَارَةْ كَنْ بَرَّا قِدَّامْ نَاسْ الْحِلَّةْ وَلَّا دَاخَلْ فِي بُيُوتْكُو.

يَعْقُوب 3:1

يَا أَخْوَانِي، خَلِّي كَتِيرِينْ مِنْكُو مَا يَبْقَوْا مُعَلِّمِينْ أَشَانْ تَعَرْفُوا كَدَرْ اللّٰهْ يِحَاسِبْنَا أَنِحْنَ الْمُعَلِّمِينْ شَدِيدْ مِنْ النَّاسْ الْآخَرِينْ.

يَعْقُوب 1:19

يَا أَخْوَانِي النِّحِبُّكُو، فَكُّرُوا عَدِيلْ. خَلِّي أَيِّ نَادُمْ يُكُونْ دَايْماً جَاهِزْ لِيَسْمَعْ. خَلِّي مَا يِحَجِّي عَجَلَةْ وَ مَا يَزْعَلْ عَجَلَةْ

2 كُرُنْتُس 2:17

نَاسْ كَتِيرِينْ قَاعِدِينْ يِخَلْبُطُوا كَلَامْ اللّٰهْ وَ يِتَاجُرُوا بَيَّهْ وَ أَنِحْنَ مَا مِثِلْهُمْ. أَنِحْنَ نِكَلُّمُوا بِنِيَّةْ مُخْلِصَةْ. أَنِحْنَ نَاسْ الْمَسِيحْ وَ اللّٰهْ رَسَّلَانَا وَ قِدَّامْ اللّٰهْ نِكَلُّمُوا لِلنَّاسْ.

2 كُرُنْتُس 1:12

وَ أَنِحْنَ فَرْحَانِينْ أَشَانْ قُلُوبْنَا قَاعِدِينْ يِأَكُّدُوا لَيْنَا كَدَرْ عِشْنَا مَعَ كُلَّ نَاسْ الدُّنْيَا وَ خَاصَّةً مَعَاكُو إِنْتُو بِقَلِبْ أَبْيَضْ وَ بِنِيَّةْ مُخْلِصَةْ الْاللّٰهْ يَرْضَى بَيْهُمْ. مَا عِشْنَا حَسَبْ فِكِرْ نَاسْ الدُّنْيَا لَاكِنْ عِشْنَا بِرَحْمَةْ اللّٰهْ.

إرْمِيا 20:9

وَ كَنْ نُقُولْ فِي نَفْسِي مَا نِفَكِّرْ لِلّٰهْ وَ لَا نِحَجِّي بَتَّانْ بِكَلَامَهْ الْأَمَرَانِي بَيَّهْ، خَلَاصْ دَا يَبْقَى لَيِّ مِثِلْ نَارْ تَحْرِقْنِي فِي دَاخِلِي وَ مِثِلْ جَمُرْ فِي عُضَامِي. وَ دَا فَاتَانِي، مَا نَقْدَرْ نَحْمَلَهْ.

إرْمِيا 18:20

هَلْ الْخَيْر يِكَفُّوهْ بِالشَّرّ وَلَّا؟ هُمَّنْ نَكَتَوْا لَيِّ نُقْرَةْ لِيَرْمُونِي فَوْقهَا. يَا اللّٰهْ! أَذَّكَّرْ يَوْم أَنَا وَقَفْت قِدَّامَكْ وَ دَافَعْ لَيْهُمْ لِنِقَبِّلْ غَضَبَكْ مِنْهُمْ.

إرْمِيا 13:17

وَ كَنْ مَا تَسْمَعَوْا الْكَلَامْ دَا، أَنَا نَحْزَنْ فِي قَلْبِي دَاخَلْ بِسَبَبْ إِسْتِكْبَارْكُو. وَ نَبْكِي دَايْماً وَ دُمُوعِي يِسِيلُوا أَشَانْ غَنَمْ اللّٰهْ الْهُمَّنْ بَنِي إِسْرَائِيلْ كَرَبَوْهُمْ مَسَاجِينْ.»

إرْمِيا 9:1

خَلِّي رَاسِي يَبْقَى خَزَّانْ هَنَا دُمُوعْ وَ دُمُوعْ عُيُونِي يِسِيلُوا مِثِلْ عُيُونْ أَلْمِي أَشَانْ نَبْكِي لَيْل وَ نَهَارْ لِضَحَايَا أُمَّتِي الْمِثِلْ بِنْت أَمِّي.

إرْمِيا 12:3

يَا اللّٰهْ! إِنْتَ تِشِيفْنِي وَ تَكْشِفْ الْفِي قَلْبِي وَ تَعَرِفْنِي كَدَرْ أَنَا مَعَاكْ. وَ لَاكِنْ لِلْفَسْلِينْ دَوْل، سُوقْهُمْ مِثِلْ غَنَمْ الْجُزُرْ الْمُخَصَّصِينْ لِيَوْم الدَّبِحْ.

عَمُوس 5:10

إِنْتُو تَبْغُضُوا الشَّاهِدْ الْيُقُولْ الصَّحِيحْ فِي الشَّرِيعَةْ وَ تَجْعَلْ النَّادُمْ الْيُقُولْ الصَّحِيحْ مِثِلْ مُحَرَّمْ.

إرْمِيا 15:15

وَ إِرْمِيَا قَالْ: «يَا اللّٰهْ! إِنْتَ تَعَرِفْنِي! فَكِّرْ فَوْقِي وَ حَاسِبْهُمْ. وَ كَفِّي لَيِّ التَّارْ فَوْق الْيِطَارُدُونِي. مَا تِخَلِّينِي نَبْقَى ضَحِيَّةْ صَبْرَكْ! وَ أَعَرِفْ كَدَرْ نِلْحَمَّلْ الْمُعْيَارْ فِي شَانَكْ إِنْتَ.

إرْمِيا 20:7

يَا اللّٰهْ! إِنْتَ بَسْ سَوَّيْتنِي نَبِي بَلَا رَايّ وَ أَنَا مَا نَعَرِفْ شَيّءْ وَ قَصَّدْت. إِنْتَ قَوِي مِنِّي وَ غَلَبْتِنِي! وَ دَاهُو، طُولْ النَّهَارْ، أَنَا بِقِيتْ مَضْحَكَةْ وَ كُلَّ النَّاسْ يِشَّمَّتَوْا فَوْقِي.