إرْمِيا 16:20 - الكتاب المقدس بالعربي الدارجي هنا تشاد

²⁰ هَلْ الْإِنْسَانْ يَقْدَرْ يِسَوِّي لِنَفْسَهْ إِلٰـهَاتْ وَلَّا؟ لَا! هُمَّنْ بِصَحِيحْ مَا يَبْقَوْا إِلٰـهْ.»

إرْمِيا 16:20 Referenca të Kryqëzuara

إشَعْيا 37:19

وَ زَقَلَوْا إِلٰـهَاتْهُمْ فِي النَّارْ أَشَانْ هُمَّنْ أَصْنَامْ بَسْ السَّوَّوْهُمْ النَّاسْ بِإِيدَيْهُمْ مِنْ حَطَبْ وَ حَجَرْ. وَ مُلُوكْ أَشُورْ دَمَّرَوْهُمْ.

غَلاطِية 4:8

فِي الْوَكِتْ الْفَاتْ، مَا عِرِفْتُوا اللّٰهْ وَ إِنْتُو عَبِيدْ لِلْإِلٰـهَاتْ الْمَا إِلٰـهَاتْ بِالصَّحِيحْ.

إرْمِيا 2:11

هَلْ فِي أُمَّةْ بَدَّلَتْ إِلٰـهَّا بِإِلٰـهْ آخَرْ؟ وَ دَوْل مَا إِلٰـهَاتْ صَحِيحْ كُلَ. وَ لَاكِنْ شَعَبِي بَدَّلَوْنِي أَنَا مَجْدُهُمْ بِشَيّءْ مَا يَنْفَعْ.

غَلاطِية 1:8

وَ لَاكِنْ كَنْ أَيِّ نَادُمْ مِنِّنَا وَلَّا مَلَكْ مِنْ مَلَائِكَةْ اللّٰهْ يَجِي يِبَلِّغْ لَيْكُو بِشَارَةْ بِالْمَسِيحْ شِقْ مِنْ الْبِشَارَةْ الْبَلَّغْنَاهَا لَيْكُو دِي، خَلِّي اللّٰهْ يَلْعَنَهْ.

أعمال الرُسُل 19:26

وَ شِفْتُوا وَ سِمِعْتُوا كِكَّيْف بُولُسْ دَا غَشَّ نَاسْ كَتِيرِينْ. وَ مَا غَشَّ نَاسْ هَنَا أَفَسُسْ بَسْ لَاكِنْ قَرِيبْ كُلَّ النَّاسْ الْقَاعِدِينْ فِي بَلَدْ آسِيَا. بُولُسْ قَالْ لَيْهُمْ كَدَرْ الْإِلٰـهَاتْ النَّاسْ صَنَعَوْهُمْ مَا إِلٰـهَاتْ بِالصَّحِيحْ. وَ جَابْ نَاسْ كَتِيرِينْ فِي دَرْبَهْ.

إشَعْيا 36:19

وَ وَيْن إِلٰـهَاتْ حَمَاتْ وَ أَرْفَدْ؟ وَ وَيْن إِلٰـهَاتْ سَفَرْوَايِمْ؟ هَلْ هُمَّنْ قِدْرَوْا نَجَّوْا مَدِينَةْ السَّامِرَةْ مِنْ إِيدِي وَلَّا؟

إرْمِيا 5:7

وَ اللّٰهْ قَالْ: «بِالْحَالَةْ دِي، كِكَّيْف نَغْفِرْ لَيْكُو؟ عِيَالْكُو أَبَوْنِي وَ يَحَلْفُوا بِالْأَصْنَامْ الْمَا إِلٰـهْ. النَّاسْ الْأَنَا شَبَّعْتُهُمْ يِسَوُّوا زِنَى وَ يِزَّاحَمَوْا فِي بَيْت الشَّرْمُوطَةْ.

دَنْيال 3:1

وَ بَعَدْ دَا، الْمَلِكْ نَبُوخَدْنَصَرْ سَوَّى صَنَمْ هَنَا دَهَبْ طُولَهْ 60 دُرَاعْ وَ عُرْضَهْ 6 دُرَاعْ. وَ خَطَّاهْ فِي السَّهَلَةْ الْأُسُمْهَا دُورَا فِي وُلَايَةْ بَابِلْ.

2 مُلوك 19:18

وَ زَقَلَوْا إِلٰـهَاتْهُمْ فِي النَّارْ أَشَانْ هُمَّنْ أَصْنَامْ بَسْ السَّوَّوْهُمْ النَّاسْ بِإِيدَيْهُمْ مِنْ حَطَبْ وَ حَجَرْ. وَ مُلُوكْ أَشُورْ دَمَّرَوْهُمْ.