إرْمِيا 15:18 - الكتاب المقدس بالعربي الدارجي هنا تشاد

¹⁸ مَالَا تَعَبِي قَاعِدْ فَوْقِي دَايْماً؟ وَ مَالَا جِرَاحِي مَا يِلْعَالَجْ وَ أَبَى مَا يَبْرَى؟ أَكِيدْ إِنْتَ بِقِيتْ لَيِّ مِثِلْ عَيْن أَلْمِي الْمَا تِجِمّ عَدِيلْ وَ أَلْمِيهَا مَا مُؤَكَّدْ.»

إرْمِيا 15:18 Referenca të Kryqëzuara

إرْمِيا 30:15

وَ مَالْكِ تِكَوْرِكِي مِنْ وَجَعْ كَسِرْكِ وَ مِنْ وَجَعْكِ الْمَا يِلْعَالَجْ؟ أَنَا بَسْ سَوَّيْت لَيْكِ الشَّيّءْ دَا. وَ دَا، فِي شَانْ خَطَاكِ الْكَتِيرْ وَ ذَنِبْكِ الْمَا عِنْدَهْ حَدّ.

أيُّوب 34:6

وَ فِي شَرِيعْتِي، مَا يُقُولْ الصَّحِيحْ. وَ أَنَا مَا سَوَّيْت خَطَا وَ جَرَحَانِي جِرَاحْ هَنَا مَوْت.»

مِيخا 1:9

مَرَضْ السَّامِرَةْ مَا عِنْدَهْ عِلَاجْ وَ هُو لِحِقْ لَحَدِّي بَلَدْ يَهُوذَا. وَ لِحِقْ بِيبَانْ مَدِينَةْ شَعَبِي أَيْوَى، لِحِقْ أُسُطْ مَدِينَةْ الْقُدُسْ.

إرْمِيا 30:12

دَاهُو اللّٰهْ قَالْ: «يَا مَدِينَةْ الْقُدُسْ، كَسِرْكِ مَا يِرَّكَّبْ وَ جِرَاحْكِ مَا يِلْعَالَجْ.

إرْمِيا 20:7

يَا اللّٰهْ! إِنْتَ بَسْ سَوَّيْتنِي نَبِي بَلَا رَايّ وَ أَنَا مَا نَعَرِفْ شَيّءْ وَ قَصَّدْت. إِنْتَ قَوِي مِنِّي وَ غَلَبْتِنِي! وَ دَاهُو، طُولْ النَّهَارْ، أَنَا بِقِيتْ مَضْحَكَةْ وَ كُلَّ النَّاسْ يِشَّمَّتَوْا فَوْقِي.

إرْمِيا 14:19

وَ الشَّعَبْ قَالَوْا: «يَا اللّٰهْ! مَالَا رَفَضْت نَاسْ يَهُوذَا؟ وَ مَالَا كِرِهْت سُكَّانْ صَهْيُون؟ مَالَا ضَرَبْتِنَا بِالْمَرَضْ الْمَا يِلْعَالَجْ؟ أَوَّلْ عِنْدِنَا عَشَمْ فِي السَّلَامْ وَ لَاكِنْ مَا فِي خَيْر. وَ عِنْدِنَا عَشَمْ فِي وَكِتْ الْعِلَاجْ وَ لَاكِنْ جَاءْ الرُّعُبْ.

إرْمِيا 14:3

وَ الْكُبَارَاتْ يِرَسُّلُوا خَدَّامِينْهُمْ لِيِجِيبُوا أَلْمِي وَ لَاكِنْ وَكِتْ يَجُوا لِلْخَزَّانْ، مَا يَلْقَوْا شَيّءْ. وَ هُمَّنْ يِقَبُّلُوا مَوَاعِينْهُمْ يَابْسِينْ وَ عَشَمْهُمْ يِنْقَطِعْ وَ يَبْقَى لَيْهُمْ قَاسِي وَ يِدَنْقُرُوا رُوسَيْهُمْ.

زَبُور 6:3

أَنَا نِنْبَهِتْ زِيَادَةْ مِنْ دَاخَلْ قَلْبِي. وَ دَا لِمَتَى، يَا اللّٰهْ؟

مِيخا 1:14

وَ فِي شَانْ دَا، وَاجِبْ إِنْتُو تِنْفَرْقُوا مِنْ مُورَشَتْ قَاتْ. وَ حِلَّةْ أَكْزِيبْ تَكْدِبْ، مَا تِجِيبْ فَزَعْ لِمُلُوكْ إِسْرَائِيلْ.

أيُّوب 14:11

أَلْمِي يِكَمِّلْ مِنْ الْبَحَرْ وَ الْبَحَرْ يَيْبَسْ وَ يِجِفّ.

إرْمِيا 20:18

وَ مَالَا مَرَقْت مِنْ بَطُنْ أَمِّي لِنِشِيفْ التَّعَبْ وَ الضِّيقَةْ وَ نِعِيشْ كُلَّ أَيَّامِي فِي الْعَيْب؟