إرْمِيا 15:10 - الكتاب المقدس بالعربي الدارجي هنا تشاد

¹⁰ وَ إِرْمِيَا قَالْ: «يَا خَسَارْتِي! مَالَا أَمِّي وِلْدَتْنِي لِنُكُونْ رَاجِلْ هَنَا مَشَاكِلْ وَ خِلَافْ فِي كُلَّ الْبَلَدْ. أَنَا وَ لَا دَيَّنْت فُضَّةْ وَ لَا دَيَّنَوْنِي وَ بَيْدَا كُلَ، النَّاسْ يَلْعَنَوْنِي.»

إرْمِيا 15:10 Referenca të Kryqëzuara

لُوقا 6:22

مَبْرُوكْ لَيْكُو إِنْتُو كَنْ النَّاسْ يَكْرَهَوْكُو وَ يَابَوْكُو وَ يِعَيُّرُوكُو وَ يِتَلُّفُوا أُسُمْكُو بِسَبَبِي أَنَا، إِبْن الْإِنْسَانْ.

خُروج 22:25

«كَنْ نَادُمْ وَاحِدْ مِنْ شَعَبِي مِسْكِينْ وَ قَاعِدْ مَعَاكْ وَ دَيَّنْتَهْ مَالْ، مَا تَرْبَحْ فَوْقَهْ يَعْنِي مَا تِدَيِّنَهْ بِرِبَا.

لُوقا 2:34

وَ سَمْعَانْ بَارَكَاهُمْ وَ كَلَّمْ لِمَرْيَمْ أَمّ عِيسَى وَ قَالْ: «أَكِيدْ مُقَدَّرْ لِلْوِلَيْد دَا، هُو يَبْقَى سَبَبْ هَلَاكْ لِنَاسْ كَتِيرِينْ مِنْ بَنِي إِسْرَائِيلْ وَ لِكَتِيرِينْ مِنْهُمْ يَبْقَى سَبَبْ نَجَاةْ. وَ هُو يَبْقَى لَيْهُمْ عَلَامَةْ وَ كَتِيرِينْ يَابَوْهَا.

مَتَّى 24:9

«وَ فِي الْوَكِتْ دَا، يِسَلُّمُوكُو لِلنَّاسْ الْيِعَذُّبُوكُو وَ يَكْتُلُوكُو وَ كُلَّ الْأُمَمْ يَكْرَهَوْكُو فِي شَانْ أُسْمِي.

مَتَّى 5:44

وَ لَاكِنْ أَنَا نُقُولْ لَيْكُو حِبُّوا عَدُوكُو وَ أَسْأَلَوْا اللّٰهْ بِالْخَيْر لِلنَّاسْ الْيِتَعُّبُوكُو وَ يَطُرْدُوكُو.

إرْمِيا 15:20

وَ قِدَّامْ النَّاسْ دَوْل، أَنَا نِسَوِّيكْ مِثِلْ دُرْدُرْ هَنَا نَحَاسْ الْأَبَداً مَا يِنْكَسِرْ. هُمَّنْ يِحَارُبُوكْ وَ لَاكِنْ مَا يِسَوُّوا لَيْك شَيّءْ أَشَانْ أَنَا نُكُونْ مَعَاكْ، نَحْمِيكْ وَ نِنَجِّيكْ. وَ دَا كَلَامْ اللّٰهْ.

أمْثال 26:2

اللَّعَنَةْ بَلَا سَبَبْ مَا تَلْحَقْ. هِي تِطِيرْ مِثِلْ أَبُنْ فِسَيْ وَ تُدُورْ مِثِلْ صَقُرْ.

زَبُور 109:28

هُمَّنْ يَلْعَنَوْا وَ لَاكِنْ إِنْتَ تِبَارِكْ وَ كَنْ يُقُمُّوا ضِدِّي كُلَ، يَلْقَوْا الْعَيْب وَ أَنَا عَبْدَكْ نَفْرَحْ.

زَبُور 15:5

قُرْسَهْ بِرِبَا مَا يِدَيِّنَهْ وَ مَا يِشِيلْ رَشْوَةْ وَ لَا يَظْلُمْ الْبَرِي فِي الشَّرِيعَةْ. النَّادُمْ الْيِسَوِّي مِثِلْ دَا يِعِيشْ دَايْماً بِأَمَانْ.

1 مُلوك 22:8

وَ مَلِكْ مَمْلَكَةْ إِسْرَائِيلْ قَالْ لِيَهُوشَفَطْ: «فِيَّهْ نَادُمْ وَاحِدْ الْيَقْدَرْ يَسْأَلْ لَيْنَا اللّٰهْ. وَ لَاكِنْ أَنَا نَكْرَهَهْ أَشَانْ هُو مَا يِتْنَبَّأْ بَيِّ بِالْخَيْر لَاكِنْ دَايْماً يِتْنَبَّأْ بَيِّ بِالْفَسَالَةْ. وَ النَّادُمْ دَا، هُو مِيكَا وِلَيْد يِمْلَا.» وَ يَهُوشَفَطْ قَالْ: «خَلِّي الْمَلِكْ مَا يِحَجِّي كَلَامْ مِثِلْ دَا!»

1 مُلوك 21:20

وَ أَخَابْ قَالْ لِإِلِيَاسْ: «إِنْتَ جِيتْ لِقِيتْنِي وَلَّا، يَا عَدُويِ؟» وَ إِلِيَاسْ قَالْ لَيَّهْ: «أَيْوَى! أَنَا جِيتْ لِقِيتَكْ أَشَانْ إِنْتَ شِلْت نِيَّةْ تِسَوِّي الْفَسَالَةْ قِدَّامْ اللّٰهْ.

لاوِيِّين 25:36

مَا تِشِيلْ فَايْدَةْ وَ لَا رِبَا مِنْ أَخُوكْ. وَ بَيْدَا، تِوَصِّفْ خَوْفَكْ مِنِّي أَنَا إِلٰـهَكْ وَ تِخَلِّي أَخُوكْ يِعِيشْ جَنْبَكْ.

أعمال الرُسُل 28:22

لَاكِنْ نِدَوْرُوا نَسْمَعَوْا كَلَامَكْ وَ نَعَرْفُوا فِكْرَكْ. وَ كَنْ لِمَجْمُوعِتْكُو دِي، نَعَرْفُوا كَدَرْ فِي كُلِّ بَكَانْ النَّاسْ قَاعِدِينْ يَشْكُوا مِنْهَا.»

لاوِيِّين 25:37

وَ كَنْ دَيَّنْت أَخُوكْ قُرُسْ، مَا تِدَيِّنَهْ بِرِبَا. وَ كَنْ أَنْطَيْتَهْ مَعَاشْ، مَا تِشِيلَهْ مِنَّهْ بِفَايْدَةْ.

زَبُور 69:4

الْيَكْرَهَوْنِي بَلَا سَبَبْ، هُمَّنْ أَكْتَرْ مِنْ صُوفْ رَاسِي. وَ الْيِدَوْرُوا يِدَمُّرُونِي، هُمَّنْ شُدَادْ. وَ بَلَا سَبَبْ بِقَوْا عُدْوَانِي. وَ الشَّيّءْ الْأَنَا مَا سِرِقْتَهْ، نَقْدَرْ نِقَبِّلَهْ وَلَّا؟

حَبَقُوق 1:3

مَالَا تِوَصِّفْنِي الْفَسَالَةْ وَ التَّعَبْ؟ وَ هَلْ تِشِيفْ الْخَرَابْ وَ الْعُنُفْ الْقَاعِدِينْ دَايْماً قِدَّامِي؟ وَ الْمَشَاكِلْ وَ الْهُرَاجْ كُلَ زَادَوْا.