إرْمِيا 14:17 - الكتاب المقدس بالعربي الدارجي هنا تشاد

¹⁷ وَ اللّٰهْ أَمَرْ إِرْمِيَا يِكَلِّمْ لِلشَّعَبْ. «دُمُوعِي يِسِيلُوا لَيْل وَ نَهَارْ وَ مَا يَقِيفُوا. أَشَانْ دَمَارْ كَبِيرْ جَاءْ لِأُمَّتِي الْمِثِلْ بِنْت أَمِّي الْعُدْرِيَّةْ وَ دَمَارْهَا مِثِلْ الْجِرَاحْ الْمَا بِدَّاوَى.

إرْمِيا 14:17 Referenca të Kryqëzuara

إرْمِيا 8:21

وَ إِرْمِيَا قَالْ: «أَشَانْ أَنْجَرَحَتْ أُمَّتِي الْمِثِلْ بِنْت أَمِّي، أَنَا كُلَ أَنْجَرَحْت. أَنْبَهَتْ وَ حِزِنْ شَدِيدْ كَرَبْنِي.

مَراثِي إرْمِيا 2:13

يَا مَدِينَةْ الْقُدُسْ الْمِثِلْ بِنَيَّةْ، بِشُنُو نِشَبِّهْكِ؟ وَ شُنُو الْيِسَاوِيكِ وَ يِصَبِّرْكِ، يَا صَهْيُون الْمِثِلْ بِنَيَّةْ عُدْرِيَّةْ؟ دَمَارْكِ بِقِي وَسِيعْ مِثِلْ الْبَحَرْ وَ يَاتُو الْيَقْدَرْ يِسَاعِدْكِ؟

إرْمِيا 13:17

وَ كَنْ مَا تَسْمَعَوْا الْكَلَامْ دَا، أَنَا نَحْزَنْ فِي قَلْبِي دَاخَلْ بِسَبَبْ إِسْتِكْبَارْكُو. وَ نَبْكِي دَايْماً وَ دُمُوعِي يِسِيلُوا أَشَانْ غَنَمْ اللّٰهْ الْهُمَّنْ بَنِي إِسْرَائِيلْ كَرَبَوْهُمْ مَسَاجِينْ.»

إرْمِيا 9:1

خَلِّي رَاسِي يَبْقَى خَزَّانْ هَنَا دُمُوعْ وَ دُمُوعْ عُيُونِي يِسِيلُوا مِثِلْ عُيُونْ أَلْمِي أَشَانْ نَبْكِي لَيْل وَ نَهَارْ لِضَحَايَا أُمَّتِي الْمِثِلْ بِنْت أَمِّي.

مِيخا 6:13

وَ فِي شَانْ دَا، أَنَا ضَرَبْتُكُو بِمَرَضْ وَ خَرَّبْتُكُو بِسَبَبْ ذُنُوبْكُو.

مَراثِي إرْمِيا 2:18

سُكَّانْ الْمَدِينَةْ صَرَخَوْا لِلرَّبّ مِنْ دَاخَلْ قُلُوبْهُمْ. يَا دَرَادِرْ صَهْيُون! يَا مَدِينَةْ صَهْيُون الْمِثِلْ بِنَيَّةْ! دُمُوعْكِ سَالَوْا لَيْل وَ نَهَارْ وَ بِقَوْا مِثِلْ الْوُدْيَانْ. مَا تَنْطِي نَفِسْكِ رَاحَةْ وَ عُيُونْكِ كُلَ مَا يِنْجَمَّوْا.

إرْمِيا 10:19

وَ سُكَّانْ مَدِينَةْ الْقُدُسْ بَكَوْا وَ قَالَوْا: «يَا خَسَارِتْنَا، أَنِحْنَ أَنْجَرَحْنَا وَ جِرَاحْنَا أَبَداً مَا يَبْرَى. وَ قُلْنَا: ‹دَا بَسْ التَّعَبْ الْمُوَجَّهْ لَيْنَا وَ وَاجِبْ نَحْمَلَوْه.›

إشَعْيا 37:22

وَ إِشَعْيَا قَالْ بَتَّانْ: «دَاهُو كَلَامْ اللّٰهْ الْقَالَهْ ضِدّ سَنْحَرِيبْ: ‹صَهْيُون الْمِثِلْ بِنَيَّةْ عُدْرِيَّةْ تَحْقِرَكْ وَ تِشَّمَّتْ فَوْقَكْ! أَيْوَى! مَدِينَةْ الْقُدُسْ الْمِثِلْ بِنَيَّةْ تِهِزّ رَاسْهَا وَرَاكْ.

زَبُور 39:10

أَرْفَعْ مِنِّي ضَرَبَانَكْ أَشَانْ أَنَا أَدَّمَّرْت مِنْ هُجُومْ إِيدَكْ.

عَمُوس 5:2

«بَنِي إِسْرَائِيلْ الْمِثِلْ بِنَيَّةْ عُدْرِيَّةْ، هِي وَقَعَتْ مَا تَقْدَرْ تُقُمّ أَبَداً. هِي أَنْبَطَحَتْ فِي أَرْضَهَا وَ يَاتُو الْيَرْفَعْهَا؟»

زَبُور 119:136

مِنْ عُيُونِي، دُمُوعِي نَزَلَوْا مِثِلْ وُدْيَانْ أَشَانْ النَّاسْ مَا حَفَضَوْا تَوْرَاتَكْ.

إرْمِيا 8:18

قَلْبِي فِي دَاخِلِي حَزْنَانْ وَ لَاكِنْ حِزْنِي مَا عِنْدَهْ عِلَاجْ.

2 مُلوك 19:21

وَ إِشَعْيَا قَالْ بَتَّانْ: «دَاهُو كَلَامْ اللّٰهْ الْقَالَهْ ضِدّ سَنْحَرِيبْ: ‹صَهْيُون الْمِثِلْ بِنَيَّةْ عُدْرِيَّةْ تَحْقِرَكْ وَ تِشَّمَّتْ فَوْقَكْ! أَيْوَى! مَدِينَةْ الْقُدُسْ الْمِثِلْ بِنَيَّةْ تِهِزّ رَاسْهَا وَرَاكْ.

إرْمِيا 9:18

خَلِّي هِنَّ يِجَنْ بِسُرْعَةْ وَ يَبْكَنْ وَ يُنُوحَنْ لَيْنَا. خَلِّي عُيُونَّا يِدَمُّعُوا وَ خَلِّي دُمُوعْنَا يِسِيلُوا.

إرْمِيا 18:13

وَ فِي شَانْ دَا، دَاهُو اللّٰهْ قَالْ: «فَتُّشُوا وَ أَسْأَلَوْا فِي لُبّ الْأُمَمْ. هَلْ يَوْم وَاحِدْ سِمْعَوْا بِشَيّءْ مِثِلْ دَا وَلَّا؟ بَنِي إِسْرَائِيلْ الْمِثِلْ بِنَيَّةْ عُدْرِيَّةْ سَوَّوْا فَضِيحَةْ.

مَراثِي إرْمِيا 2:11

وَ عُيُونِي دُمُوعْهُمْ كَمَّلَوْا وَ بُطُونِي حِرْقَوْا وَ قُدُرْتِي بِقَتْ مَا فِيهَا بِسَبَبْ الدَّمَارْ اللِّحِقْ أُمَّتِي الْمِثِلْ بِنْت أَمِّي. وَكِتْ الْأَطْفَالْ وَ الْعِيَالْ الدُّقَاقْ قَاعِدِينْ يَغْمَرَوْا فِي شَوَارِعْ الْمَدِينَةْ،