إرْمِيا 13:24 - الكتاب المقدس بالعربي الدارجي هنا تشاد

²⁴ أَنَا نِشَتِّتْكُو مِثِلْ الْقَشّ الشَّايْلَةْ الرِّيحْ فِي الصَّحَرَاء.

إرْمِيا 13:24 Referenca të Kryqëzuara

زَبُور 1:4

وَ لَاكِنْ النَّاسْ الْهَوَانِينْ مَا مِثِلْ دَا. هُمَّنْ مِثِلْ الْأُتَّابْ التِّشِيلَهْ الرِّيحْ.

لاوِيِّين 26:33

وَ كَنْ لَيْكُو إِنْتُو، نِجِيبْ لَيْكُو الْحَرِبْ وَ نِشَتِّتْكُو فِي لُبّ الْأُمَمْ. وَ بَلَدْكُو تَبْقَى خَرَابْ وَ مُدُنْكُو يِلْهَدَّمَوْا.

هُوشَع 13:3

وَ بِسَبَبْ دَا، هُمَّنْ يَبْقَوْا مِثِلْ سَحَابْ الْفَجُرْ الْيُفُوتْ وَ مِثِلْ كَرَنْج الصَّبَاحْ الْمَا يِطَوِّلْ. يَبْقَوْا مِثِلْ أُتَّابْ الْمَدَقّ التِّشِيلَهْ الرِّيحْ وَ مِثِلْ الدُّخَّانْ الْيَمْرُقْ مِنْ الشُّبَّاكْ.

حِزْقِيال 5:12

وَ تِلِتْ سُكَّانْكِ يُمُوتُوا بِالْوَبَاءْ وَ الْجُوعْ يِكَمِّلْهُمْ فِي أُسُطْكِ. وَ التِّلِتْ يُمُوتُوا بِالْسَّيْف فِي حَوَالَيْكِ وَ التِّلِتْ نِشَتِّتْهُمْ فِي الرِّيحْ وَ نَطْرُدْهُمْ بِالْسَّيْف.

حِزْقِيال 5:2

وَ وَكِتْ أَيَّامْ الْحِصَارْ يِكَمُّلُوا، شِيلْ تِلِتْ الصُّوفْ دَا وَ حَرِّقَهْ فِي أُسُطْ صُورَةْ الْمَدِينَةْ دِي. وَ التِّلِتْ، أَضُرْبَهْ بِسَيْفَكْ وَ حَوِّقْ بَيَّهْ صُورَةْ الْمَدِينَةْ. وَ التِّلِتْ، شَتِّتَهْ فِي الرِّيحْ أَشَانْ أَنَا نَطْرُدْ شَعَبِي بِسَيْفِي.

لُوقا 21:24

يُمُوتُوا بِالْسَّيْف وَ يِوَدُّوهُمْ مَسَاجِينْ فِي أُسْط كُلَّ الْأُمَمْ. وَ نَاسْ الْأُمَمْ يَمُلْكُوا مَدِينَةْ الْقُدُسْ وَ يِفَجُّقُوهَا لَحَدِّي وَكِتْهُمْ يِكَمِّلْ.

صَفَنْيا 2:2

قَبُلْ مَا تَبْقَوْا مِثِلْ الْأُتَّابْ الشَّايْلَةْ الرِّيحْ وَ قَبُلْ غَضَبْ اللّٰهْ الْمُحْرِقْ مَا يَلْحَقْكُو وَ قَبُلْ مَا يَجِي الْيَوْم الْيَنْزِلْ فَوْقَهْ غَضَبْ اللّٰهْ،

حِزْقِيال 17:21

وَ الْمُعَرِّدِينْ مِنْ كُلَّ عَسْكَرَهْ يُمُوتُوا بِالْسَّيْف وَ الْفَضَّلَوْا يِشِتُّوا فِي الرِّيحْ. وَ بَيْدَا، إِنْتُو تَعَرْفُوا كَدَرْ دَا، أَنَا اللّٰهْ بَسْ قُلْتَهْ.»

حِزْقِيال 6:8

«وَ لَاكِنْ أَنَا نِفَضِّلْ مِنْكُو نَاسْ حَيِّينْ مَا يُمُوتُوا فِي الْحَرِبْ وَ نِشَتِّتْهُمْ فِي أُسْط الْأُمَمْ.

إشَعْيا 41:16

إِنْتَ تِغَرْبِلْهُمْ وَ الرِّيحْ تِشِيلْهُمْ وَ الزَّوْبَعَانَةْ تِشَتِّتْهُمْ. وَ لَاكِنْ إِنْتَ تَفْرَحْ بَيِّ أَنَا اللّٰهْ وَ تَشْكُرْ قُدُّوسْ إِسْرَائِيلْ.

إشَعْيا 17:13

وَ حَرَكَةْ الشُّعُوبْ مِثِلْ حَرَكَةْ أَلْمِي الْكَتِيرْ. وَكِتْ الرَّبّ يُقُمّ ضِدُّهُمْ، هُمَّنْ يِعَرُّدُوا بَعِيدْ، مَطْرُودِينْ مِثِلْ أُتَّابْ قِدَّامْ رِيحْ مِنْ الْجِبَالْ وَ مِثِلْ حَسْكَنِيتْ قِدَّامْ أَمْ زَوْبَعَانَةْ.

تَثْنِية 32:26

وَ أَنَا نُقُشُّهُمْ بِنَفْخَةْ وَاحِدَةْ وَ نِوَدِّرْ ذِكِرْهُمْ مِنْ أُسْط النَّاسْ.

تَثْنِية 28:64

وَ اللّٰهْ يِشَتِّتْكُو فِي لُبّ الشُّعُوبْ مِنْ طَرَفْ الْأَرْض لِطَرَفْهَا الْآخَرْ. وَ هِنَاكْ تَعَبُدُوا إِلٰـهَاتْ آخَرِينْ هَنَا حَطَبْ وَ حَجَرْ وَ دَوْل إِلٰـهَاتْ الْأَوَّلْ مَا تَعَرْفُوهُمْ وَ لَا إِنْتُو وَ لَا جُدُودْكُو.

تَثْنِية 4:27

وَ اللّٰهْ يِشَتِّتْكُو فِي لُبّ الْأُمَمْ وَ تِفَضِّلْ مِنْكُو أُمَّةْ صَغَيْرَةْ بَسْ فِي لُبّ الْأُمَمْ الْاللّٰهْ يِوَدِّيكُو فِي بَكَانْهُمْ.

إرْمِيا 9:16

وَ أَنَا نِشَتِّتْهُمْ بَيْن الْأُمَمْ الْأَبَداً مَا يَعَرْفُوهُمْ وَ لَا هُمَّنْ وَ لَا جُدُودْهُمْ. وَ نِجِيبْ الْحَرِبْ فِي أُسُطْهُمْ لَحَدِّي نِكَمِّلْهُمْ.»

إرْمِيا 18:17

وَ أَنَا نِشَتِّتْهُمْ قِدَّامْ الْعَدُو مِثِلْ شَالَتْهُمْ رِيحْ الصَّبَاحْ الشَّدِيدَةْ. وَ فِي يَوْم دَمَارْهُمْ، نَنْطِيهُمْ ضَهَرِي وَ أَبَداً وِجْهِي مَا يِشِيفُوهْ.»

مَراثِي إرْمِيا 1:15

وَ الرَّبّ أَبَى كُلَّ رُجَالِي الْفُرَّاسْ الْقَاعِدِينْ مَعَايِ وَ جَابْ ضِدِّي دَيْش لِيَكْتُلْ شَبَابِي. وَ خَطَّ بَلَدْ يَهُوذَا الْمِثِلْ بِنَيَّةْ عُدْرِيَّةْ بَيْن الْمُرْحَاكَةْ وَ بِنْتَهَا لِيَرْحَكْهَا.