إرْمِيا 12:11 - الكتاب المقدس بالعربي الدارجي هنا تشاد

¹¹ هُمَّنْ سَوَّوْهَا خَرَابْ وَ دَاهُو هِي قِدَّامِي يَابْسَةْ وَ خَرْبَانَةْ. أَيْوَى، الْبَلَدْ كُلَّهَا كَيْ خَرْبَانَةْ وَ مَا فِي نَادُمْ الْيِحِنّ فَوْقهَا.»

إرْمِيا 12:11 Referenca të Kryqëzuara

إرْمِيا 23:10

أَشَانْ الْبَلَدْ مَلَانَةْ بِنَاسْ الْيِسَوُّوا الزِّنَى. وَ الْبَلَدْ بِقَتْ جَفَافْ بِسَبَبْ اللَّعَنَةْ وَ بَكَانَاتْ السَّرْحَةْ يِبْسَوْا. وَ نِيِّتْهُمْ إِلَّا يِسَوُّوا الْفَسَالَةْ وَ عِنْدُهُمْ الْقُدْرَةْ لِيِسَوُّوا الظُّلُمْ بَسْ.»

إشَعْيا 42:25

خَلَاصْ فِي بَنِي إِسْرَائِيلْ، هُو نَزَّلْ غَضَبَهْ وَ نَارْ زَعَلَهْ الشَّدِيدْ هَنَا الْحَرْبَةْ. وَ النَّارْ دِي أَكَلَتْ كُلَّ حَوَالَيْهُمْ وَ هُمَّنْ مَا عِرْفَوْه وَ حَرَقَتْهُمْ وَ مَا لِقَوْا عِلِمْ.

إرْمِيا 14:2

وَ هُو قَالْ: «بَلَدْ يَهُوذَا يِبْسَتْ وَ مُدُنْهَا بِقَوْا مِثِلْ الْعَقَيْق الْعِطِشْ وَ جَفَّ وَ دَفَّقْ. وَ سُكَّانْهُمْ، الْحِزِنْ كَرَبْهُمْ وَ وَقَعَوْا فِي التُّرَابْ وَ كُرَوْرَاكْ نَاسْ مَدِينَةْ الْقُدُسْ أَنْسَمَعْ.

مَلاخِـي 2:2

وَ كَنْ مَا تَسْمَعَوْنِي وَ لَا تِذَّكَّرَوْنِي فِي قُلُوبْكُو لِتِمَجُّدُوا أُسْمِي، أَنَا نَلْعَنْكُو وَ نَجْعَلْ بَرَكَاتْكُو لَعَنَةْ. أَيْوَى، نَجْعَلْ بَرَكَاتْكُو لَعَنَةْ أَشَانْ إِنْتُو مَا كَرَّمْتُونِي فِي قُلُوبْكُو. وَ دَا، اللّٰهْ الْقَادِرْ بَسْ قَالَهْ.

زَكَرِيَّا 7:5

«قُولْ لِكُلَّ شَعَبْ الْبَلَدْ وَ لِرُجَالْ الدِّينْ: ‹وَكِتْ صُمْتُوا وَ حِزِنْتُوا فِي الشَّهَرْ الْخَامِسْ وَ السَّابِعْ، وَ دَا مِنْ مُدَّةْ 70 سَنَةْ، صِيَامْكُو دَا لَيِّ أَنَا وَلَّا؟

إرْمِيا 19:8

وَ نِسَوِّي الْمَدِينَةْ دِي تَبْقَى خَرَابْ وَ بَهِيتَةْ وَ أَيِّ نَادُمْ الْيُفُوتْ جَنْبَهَا يِلْعَجَّبْ وَ يِصَفِّرْ مِنْ الدَّمَارْ الْفَوْقهَا.

إرْمِيا 10:25

وَ خَلِّي غَضَبَكْ يَنْزِلْ فِي الْأُمَمْ الْمَا يَعَرْفُوكْ وَ فِي الْقَبَايِلْ الْمَا يِنَادُوا أُسْمَكْ. أَشَانْ هُمَّنْ دَمَّرَوْا ذُرِّيَّةْ يَعْقُوبْ وَ سَوَّوْهُمْ مَا فِيهُمْ وَ خَرَبَوْا مَسَاكِنْهُمْ.

إرْمِيا 10:22

أَسْمَعَوْا! فِيَّهْ حَرَكَةْ جَايِ قَرِيبْ وَ دِي حَرَكَةْ شَدِيدَةْ هَنَا دَيْش الْجَايِ مِنْ بَلَدْ الْمُنْشَاقْ لِيَخْرِبْ حِلَّالْ بَلَدْ يَهُوذَا. يِسَوِّيهُمْ كَدَادَةْ وَ مَرْقَدْ هَنَا بَعَاشِيمْ.»

إرْمِيا 9:11

وَ اللّٰهْ قَالْ: «أَنَا نِسَوِّي مَدِينَةْ الْقُدُسْ كَوْم هَنَا تُرَابْ وَ مَرْقَدْ هَنَا بَعَاشِيمْ. وَ حِلَّالْ بَلَدْ يَهُوذَا يَخْرَبَوْا وَ يَفْضَوْا مِنْ سُكَّانْهُمْ.»

إرْمِيا 6:8

يَا مَدِينَةْ الْقُدُسْ، أَنْقَرْعِي! مَا تِقِلِّي أَدَبْكِ! كَنْ مَا كَيْ دَا، نِخَلِّيكِ وَ تَبْقَيْ صَحَرَاء وَ أَرْض مَا مَسْكُونَةْ.»

إشَعْيا 57:1

الصَّالِحْ يِدَّمَّرْ وَ مَا فِي نَادُمْ الْيِهِمّ بِدَمَارَهْ. نَاسْ الْخَيْر يُمُوتُوا وَ مَا فِي نَادُمْ يَفْهَمْ كَدَرْ وَكِتْ الصَّالِحْ يُمُوتْ دَا لِيِبَعِّدَهْ مِنْ الشَّرّ.

جامِعة 7:2

الْمَشِي لِبَكَانْ الْمَوْت أَخَيْر مِنْ الْمَشِي لِبَكَانْ الْعَازُومَةْ. أَشَانْ الْمَوْت وَاجِبْ لِكُلِّ إِنْسَانْ وَ الْحَيِّينْ، وَاجِبْ يِفَكُّرُوا فَوْقَهْ.

رَوْمَا 8:22

نَعَرْفُوا كَدَرْ لَحَدِّي الْيَوْم الْخَلِيقَةْ كُلَّهَا قَاعِدَةْ تَتْعَبْ بِتَعَبْ مِثِلْ وَجَعْ الطَّلَقَةْ.

لاوِيِّين 26:32

وَ أَنَا ذَاتِي نِجِيبْ الْحِزِنْ فِي الْبَلَدْ وَ عُدْوَانْكُو الْيَسْكُنُوهَا يِنْبَهْتُوا.

إرْمِيا 4:20

وَ يِعِيطُوا وَ يُقُولُوا: ‹دَمَارْ فِي دَمَارْ!› أَيْوَى، كُلَّ الْبَلَدْ خِرْبَتْ. بِغَفْلَةْ، خِيَمْنَا أَدَّمَّرَوْا وَ بُيُوتْنَا أَلْهَدَّمَوْا فِي وَكِتْ قَلِيلْ.

إرْمِيا 4:27

وَ دَاهُو اللّٰهْ قَالْ: «كُلَّ الْأَرْض تَخْرَبْ وَ لَاكِنْ بَيْدَا كُلَ، أَنَا مَا نِدَمِّرْهَا مَرَّةْ وَاحِدْ.

إرْمِيا 4:28

وَ بِسَبَبْ دَا، الْأَرْض تَيْبَسْ وَ السَّمَاءْ فَوْق تِضَلِّمْ. أَشَانْ الْخَرَابْ دَا، أَنَا بَسْ قَرَّرْتَهْ، مَا نِخَلِّيهْ وَ مَا نِقَبِّلْ مِنَّهْ.»

إرْمِيا 25:11

وَ الْبَلَدْ دِي كُلَّهَا نِسَوِّيهَا كَوْم هَنَا تُرَابْ وَ أَرْض خَرَابْ. وَ كُلَّ الْأُمَمْ دَوْل يَبْقَوْا عَبِيدْ لِمَلِكْ بَابِلْ لِمُدَّةْ 70 سَنَةْ.

يُوِيل 1:10

وَ الزِّرَاعَةْ أَدَّمَّرَتْ وَ الْأَرْض يِبْسَتْ مِثِلْ مَرَةْ حَزْنَانَةْ. أَشَانْ الْقَمَحْ أَدَّمَّرْ وَ الْخَمَرْ كَمَّلْ وَ الدِّهِنْ بِقِي مَا فِيهْ.

إرْمِيا 9:9

هَلْ أَنَا مَا نِعَاقِبْهُمْ بِسَبَبْ الْأَشْيَاءْ دَوْل وَلَّا؟ أَوْ مَا نِلْكَفَّى فِي الْأُمَّةْ الْمِثِلْ دِي وَلَّا؟» وَ دَا كَلَامْ اللّٰهْ.

إرْمِيا 9:10

فِي الْجِبَالْ، أَنَا نَحْزَنْ وَ نَبْكِي وَ فِي مَرَاعِي الْكَدَادَةْ، أَنَا نُنُوحْ أَشَانْ الْأَرْض حِرْقَتْ وَ مَا فِي نَادُمْ الْيَجِي فَوْقهَا. وَ حِسّ هَنَا بَهِيمَةْ كُلَ مَا يِنْسَمِعْ وَ الطُّيُورْ وَ الْوُحُوشْ كُلُّهُمْ عَرَّدَوْا مِنْهَا.