إرْمِيا 12:1 - الكتاب المقدس بالعربي الدارجي هنا تشاد

¹ يَا اللّٰهْ، إِنْتَ عَادِلْ! وَ لَاكِنْ نِدَوْر نَشْكِي لَيْك. أَيْوَى، نِدَوْر نِحَجِّي مَعَاكْ فِي شَيّءْ بُخُصّ الشَّرِيعَةْ. مَالَا الْفَسْلِينْ يَنْجَحَوْا فِي خَطْوَاتْهُمْ؟ مَالَا الْخَايْنِينْ يَقْعُدُوا فِي الرَّاحَةْ بِخِيَانِتْهُمْ؟

إرْمِيا 12:1 Referenca të Kryqëzuara

مَلاخِـي 3:15

وَ هَسَّعْ، أَنِحْنَ نِنَادُوا الْمُسْتَكْبِرِينْ بَسْ الْمُبَارَكِينْ. أَيْوَى، الْيِسَوُّوا الْفَسَالَةْ يَنْجَحَوْا. هُمَّنْ جَرَّبَوْا الرَّبّ وَ بَيْدَا كُلَ، شَيّءْ مَا جَاءْ لَيْهُمْ.»

زَبُور 92:7

وَ كَنْ الْعَاصِيِينْ بَذَرَوْا مِثِلْ قَشّ أَخْضَرْ وَ كَنْ كُلَّ الْفَسْلِينْ نَوَّرَوْا كُلَ، خَلَاصْ فِي النِّهَايَةْ، يِدَّمَّرَوْا إِلَى الْأَبَدْ.

زَبُور 37:1

مَا تَزْعَلْ ضِدّ الْفَسْلِينْ وَ مَا تَحْسِدْ الْيِسَوُّوا الْفَسَالَةْ.

دَنْيال 9:7

إِنْتَ عَادِلْ، يَا رَبّ، وَ الْيَوْم الْعَيْب فَوْقنَا أَنِحْنَ نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ وَ كُلَّ بَنِي إِسْرَائِيلْ الْقَاعِدِينْ وَ الْمُشَتَّتِينْ فِي كُلَّ الْبُلْدَانْ. إِنْتَ طَرَدْتُهُمْ وَ وَدَّيْتهُمْ فِي الْبُلْدَانْ دَوْل بِسَبَبْ عِصْيَانْهُمْ لَيْك.

أيُّوب 12:6

وَ خِيَمْ الْمُخَرِّبِينْ قَاعِدِينْ بِهُدُوءْ وَ النَّاسْ الْيِغَضُّبُوا الرَّبّ قَاعِدِينْ بِأَمَانْ. وَ قُدْرِتْهُمْ بَسْ إِلٰـهُّمْ.

حَبَقُوق 1:4

وَ أَشَانْ دَا، مَا طَبَّقَوْا شُرُوطْ التَّوْرَاةْ وَ الْعَدَالَةْ أَبَداً مَا تِنْشَافْ. وَ الْعَاصِي قِدِرْ فِي الصَّالِحْ وَ أَشَانْ دَا بَسْ، الشَّرِيعَةْ بِقَتْ عَوْجَةْ.

زَبُور 51:4

ضِدَّكْ إِنْتَ وِحَيْدَكْ بَسْ، أَنَا أَذْنَبْت وَ سَوَّيْت شَيّءْ فَسِلْ قِدَّامَكْ. وَ فِي شَانْ دَا، إِنْتَ صَادِقْ وَكِتْ تِكَلِّمْ وَ عَادِلْ وَكِتْ تِحَاكِمْ.

زَبُور 37:35

أَنَا شِفْت الْعَاصِي سِيدْ الْعُنُفْ زَادْ مِثِلْ شَدَرَةْ خَضْرَةْ.

صَفَنْيا 3:5

وَ لَاكِنْ اللّٰهْ لِسَّاعْ قَاعِدْ فِي الْمَدِينَةْ، هُو عَادِلْ وَ مَا يِسَوِّي ظُلُمْ. وَ كُلِّ صَبَاحْ، هُو يِوَصِّفْ شَرِيعْتَهْ وَ أَبَداً مَا يِخَلِّيهَا. وَ لَاكِنْ الْمُجْرِمْ مَا يَعَرِفْ الْعَيْب.

إرْمِيا 11:20

يَا اللّٰهْ الْقَادِرْ، إِنْتَ التَّحْكِمْ بِالْعَدِلْ وَ تَكْشِفْ الْفِي الْقُلُوبْ وَ تَعَرِفْ الْفِي الْأَفْكَارْ! أَنَا نِدَوْر إِنْتَ تِشِيلْ فَوْقهُمْ التَّارْ وَ فِي شَانْ دَا، أَنَا شَكَيْت لَيْك.

إرْمِيا 12:6

«دَاهُو أَخْوَانَكْ عِيَالْ أَبُوكْ ذَاتْهُمْ يُخُونُوكْ. أَيْوَى، هُمَّنْ يِجْتَمُعُوا مَعَ نَاسْ آخَرِينْ وَرَاكْ. أَنْقَرِعْ، مَا تِآمِنْهُمْ حَتَّى كَنْ يِحَجُّوا لَيْك كَلَامْ حَلُو كُلَ.»

إرْمِيا 5:11

أَيْوَى، بَنِي إِسْرَائِيلْ وَ بَنِي يَهُوذَا خَانَوْنِي خِيَانَةْ كَبِيرَةْ.» وَ دَا كَلَامْ اللّٰهْ.

أيُّوب 13:3

لَاكِنْ نِدَوْر نِحَجِّي لِلرَّبّ الْقَادِرْ وَ نِدَوْر نِدَافِعْ لِنَفْسِي قِدَّامْ الرَّبّ.

عَزْرا 9:15

يَا اللّٰهْ إِلٰـهْ بَنِي إِسْرَائِيلْ، إِنْتَ صَادِقْ وَ خَلَّيْت الْفَضَّلَوْا مِنِّنَا عَايْشِينْ لَحَدِّي الْيَوْم. وَ دَاهُو أَنِحْنَ جِينَا قِدَّامَكْ مُذْنِبِينْ. وَ فِي شَانْ الشَّرّ السَّوَّيْنَاهْ دَا، مَا وَاجِبْ نَقِيفُوا قِدَّامَكْ.»

هُوشَع 6:7

«نَقَضَوْا الْمُعَاهَدَةْ فِي حِلَّةْ آدَمْ أَشَانْ فِي الْبَكَانْ دَا، خَانَوْنِي.

إشَعْيا 48:8

أَيْوَى، إِنْتُو مَا سِمِعْتُوا شَيّءْ وَ لَا عِرِفْتُوا شَيّءْ، وَ أَبَداً مَا خَطَّيْتُوا أُدْنَيْكُو! أَشَانْ أَنَا نَعَرِفْكُو إِنْتُو خَايْنِينْ وَ مِنْ فِي بُطُونْ أَمَّهَاتْكُو، يِنَادُوكُو مُتَمَرِّدِينْ.

إشَعْيا 41:21

وَ اللّٰهْ مَلِكْ شَعَبْ يَعْقُوبْ قَالْ: «إِنْتُو إِلٰـهَاتْ الْأُمَمْ، قَدُّمُوا شَكْوِتْكُو وَ جِيبُوا دَلِيلْكُو.

أمْثال 1:32

أَيِّ جَاهِلْ كَنْ يَابَى لُوَامْتِي، يُمُوتْ وَ أَيِّ مَطْمُوسْ كَنْ مَا يِهِمّ بَيِّ، يِوَدِّرْ.

زَبُور 145:17

اللّٰهْ صَادِقْ فِي كُلَّ دُرُوبَهْ وَ أَمِينْ فِي كُلَّ أَعْمَالَهْ.

زَبُور 119:137

يَا اللّٰهْ، إِنْتَ صَادِقْ وَ شَرِيعْتَكْ عَدِيلَةْ.

زَبُور 119:75

يَا اللّٰهْ، أَنَا نَعَرِفْ كَدَرْ شَرِيعْتَكْ عَادِلَةْ وَ بِأَمَانَكْ، إِنْتَ دَسَّيْتنِي فِي الْإِهَانَةْ.

تَثْنِية 32:4

هُو الْمَلْجَأْ وَ أَعْمَالَهْ تَمَامِينْ أَشَانْ دُرُوبَهْ كُلُّهُمْ عَدَالَةْ. هُو إِلٰـهْ أَمِينْ وَ مَا عِنْدَهْ أَيِّ ظُلُمْ وَ صَادِقْ وَ عَادِلْ.

تكوين 18:25

أَبَداً مَا تَقْدَرْ تِسَوِّيهْ، يَا رَبّ! إِنْتَ مَا تِدَمِّرْ الْعَدِيلِينْ مَعَ الْفَسْلِينْ! أَشَانْ النَّاسْ الْعَدِيلِينْ مَا مِثِلْ النَّاسْ الْفَسْلِينْ! هَلْ الْحَاكِمْ هَنَا كُلَّ الْأَرْض مَا يِسَوِّي الْعَدَالَةْ وَلَّا؟»

نَحَمْيا 9:33

إِنْتَ عَادِلْ وَ فِي كُلَّ شَيّءْ الْبِقِي لَيْنَا، إِنْتَ عَامَلْتِنَا بِالصِّدِقْ لَاكِنْ أَنِحْنَ سَوَّيْنَا الشَّرّ.

زَبُور 116:5

اللّٰهْ حَنُونْ وَ صَادِقْ، إِلٰـهْنَا هُو رَحِيمْ.

جامِعة 8:14

فِي الْأَرْض، فِيَّهْ شَيّءْ الزَّايِلْ سَاكِتْ وَ دَاهُو الشَّيّءْ دَا. فِي نَاسْ صَالِحِينْ، يِعَامُلُوهُمْ مِثِلْ يِعَامُلُوا الْفَسْلِينْ. وَ فِي نَاسْ فَسْلِينْ، يِعَامُلُوهُمْ مِثِلْ يِعَامُلُوا الصَّالِحِينْ. وَ أَنَا قُلْت بَتَّانْ: «دَا كُلَ زَايِلْ سَاكِتْ.»

إرْمِيا 3:7

وَ أَنَا نَحْسِبْ بَعَدْ هِي سَوَّتْ كُلَّ الشَّيّءْ دَا، هِي تِقَبِّلْ لَيِّ وَ لَاكِنْ هِي مَا قَبَّلَتْ لَيِّ. وَ أَخُتْهَا يَهُوذَا الْخَايْنَةْ شَافَتْ فِعِلْهَا.

إرْمِيا 3:20

وَ لَاكِنْ إِنْتُو خُنْتُونِي، يَا نَاسْ إِسْرَائِيلْ، مِثِلْ مَرَةْ خَانَتْ رَاجِلْهَا. وَ دَا كَلَامْ اللّٰهْ.

إرْمِيا 9:2

وَ كَنْ فِيَّهْ لِقْدَابَةْ فِي الصَّحَرَاء لِلْمُسَافِرِينْ، أَنَا نَجْرِي نَقْعُدْ فَوْقهَا بَعِيدْ مِنْ شَعَبِي وَ نِخَلِّيهُمْ. أَشَانْ كُلُّهُمْ زَنَّايِينْ وَ خَايْنِينْ.

إرْمِيا 32:16

وَ بَعَدْ أَمَّنْت مَكَاتِيبْ الْمُبَايَعَةْ لِبَرُوكْ وِلَيْد نَرِيَّا، أَنَا إِرْمِيَا صَلَّيْت لِلّٰهْ وَ قُلْت:

مَراثِي إرْمِيا 1:18

وَ مَدِينَةْ الْقُدُسْ قَالَتْ: «اللّٰهْ عَادِلْ أَشَانْ أَنَا عِصِيتْ أَمْرَهْ. أَسْمَعَوْا، يَا كُلَّ الشُّعُوبْ، وَ شِيفُوا تَعَبِي. كُلَّ صُبْيَانِي وَ بَنَاتِي كَرَبَوْهُمْ وَ وَدَّوْهُمْ فِي الْغُرْبَةْ.

حِزْقِيال 18:25

«وَ لَاكِنْ إِنْتُو تُقُولُوا: ‹الشَّيّءْ الرَّبّ قَاعِدْ يِسَوِّي دَا مَا عَدِيلْ!› أَسْمَعَوْا، يَا بَنِي إِسْرَائِيلْ. هَلْ الشَّيّءْ الْأَنَا قَاعِدْ نِسَوِّي دَا مَا عَدِيلْ وَلَّا؟ الشَّيّءْ الْإِنْتُو قَاعِدِينْ تِسَوُّوهْ دَا بَسْ مَا عَدِيلْ.

أيُّوب 8:17

وَ عُرُوقْهَا يِشَّرْبَكَوْا فِي كَوْم الْحَصْحَصْ وَ يُشُقُّوا الْحُجَارْ.

أيُّوب 24:12

وَ فِي دَاخَلْ الْمَدِينَةْ، التَّعْبَانِينْ يَقُنْتُوا وَ الْمَجْرُوحِينْ يِكَوْرُكُوا لِلْفَزَعْ وَ لَاكِنْ الرَّبّ مَا يَسْمَعْهُمْ.

أيُّوب 24:23

الرَّبّ يِخَلِّيهُمْ فِي الْأَمَانْ وَ لَاكِنْ هُو يِرَاقِبْ دُرُوبْهُمْ.

زَبُور 51:6

لَاكِنْ إِنْتَ تَفْرَحْ بِالْحَقّ الْفِي دَاخَلْ الْقَلِبْ. فِي دَاخِلِي، عَرِّفْنِي الْحِكْمَةْ.

دَنْيال 9:14

يَا اللّٰهْ، إِنْتَ بَسْ جَهَّزْت الْمَصِيبَةْ دِي حَسَبْ ذُنُوبْنَا وَ نَزَّلْتَهَا فَوْقنَا. يَا اللّٰهْ إِلٰـهْنَا، إِنْتَ دَايْماً عَادِلْ فِي كُلَّ شَيّءْ التِّسَوِّيهْ لَاكِنْ أَنِحْنَ مَا سِمِعْنَا كَلَامَكْ.

مَلاخِـي 2:17

وَ زَعَّلْتُوا اللّٰهْ بِكَلَامْكُو الْكَتِيرْ. وَ إِنْتُو قُلْتُوا: «كِكَّيْف زَعَّلْنَاهْ بِكَلَامْنَا؟» وَ زَعَّلْتُوهْ بِكَلَامْكُو الْبُقُولْ: «أَيِّ نَادُمْ كَنْ يِسَوِّي فَسِلْ، دَا عَدِيلْ قِدَّامْ اللّٰهْ وَ النَّاسْ الْمِثِلْ دَوْل بَسْ اللّٰهْ يِرِيدْهُمْ!» وَ بَتَّانْ قُلْتُوا: «الْإِلٰـهْ الْيَحْكِمْ بِالْعَدَالَةْ دَا قَاعِدْ يِسَوِّي شُنُو؟»