إرْمِيا 11:5 - الكتاب المقدس بالعربي الدارجي هنا تشاد

⁵ وَ خَلَاصْ بَيْدَا، أَنَا طَبَّقْت الْكَلَامْ الْحَلَفْت بَيَّهْ لِجُدُودْكُو وَ قُلْت نَنْطِيهُمْ الْبَلَدْ الْمَلَانَةْ بِاللَّبَنْ وَ الْعَسَلْ. دَاهُو إِنْتُو عَايْشِينْ فَوْقهَا الْيَوْم!›» وَ أَنَا إِرْمِيَا رَدَّيْت وَ قُلْت: «آمِينْ، يَا اللّٰهْ.»

إرْمِيا 11:5 Referenca të Kryqëzuara

إرْمِيا 28:6

وَ إِرْمِيَا قَالْ: «آمِينْ! خَلِّي اللّٰهْ يِسَوِّي مِثِلْ دَا! خَلِّي اللّٰهْ يِحَقِّقْ كُلَّ الْكَلَامْ الْإِنْتَ أَتْنَبَّأْت بَيَّهْ وَ يِقَبِّلْ مِنْ بَابِلْ الْمُعِدَّاتْ هَنَا بَيْت اللّٰهْ وَ كُلَّ النَّاسْ الْوَدَّوْهُمْ فِي الْغُرْبَةْ وَ يِجِيبْهُمْ فِي الْبَكَانْ دَا.

1 كُرُنْتُس 14:16

وَ كَنْ إِنْتَ تَشْكُرْ اللّٰهْ بِلُغَّاتْ الْيَجُوا مِنْ الرُّوحْ، النَّادُمْ الْمَا يَفْهَمْ كَلَامَكْ دَا، يَبْقَى لَيْك مِثِلْ أَجْنَبِي. هُو مَا يَفْهَمْ الْكَلَامْ الْإِنْتَ تُقُولَهْ وَ أَشَانْ دَا، مَا يَقْدَرْ يُقُولْ: «آمِينْ.»

مَتَّى 6:13

مَا تِدِسِّنَا فِي التَّجْرِبَةْ لَاكِنْ نَجِّينَا مِنْ شَرّ إِبْلِيسْ. وَ لَيْك إِنْتَ بَسْ الْمُلُكْ وَ الْقُدْرَةْ وَ الْمَجْد دَايْماً وَ إِلَى الْأَبَدْ. آمِينْ.

تَثْنِية 6:3

أَسْمَعَوْا! يَا بَنِي إِسْرَائِيلْ، أَحْفَضَوْا الشُّرُوطْ وَ الْوَصَايَا وَ طَبُّقُوهُمْ. وَ دَا أَشَانْ تَلْقَوْا الْخَيْر وَ تَبْقَوْا كَتِيرِينْ مِثِلْ قَالَهْ لَيْكُو اللّٰهْ رَبّ جُدُودْكُو فِي الْبَلَدْ الْمَلَانَةْ بِاللَّبَنْ وَ الْعَسَلْ.

لاوِيِّين 20:24

«وَ أَنَا قُلْت لَيْكُو: ‹إِنْتُو بَسْ تَوْرُثُوا أَرْضُهُمْ وَ أَنَا نَنْطِيهَا لَيْكُو مِثِلْ وَرَثَةْ. وَ دِي الْبَلَدْ الْمَلَانَةْ بِاللَّبَنْ وَ الْعَسَلْ.› «وَ أَنَا اللّٰهْ إِلٰـهْكُو الْعَزَلْتُكُو مِنْ كُلَّ الشُّعُوبْ.

خُروج 13:5

اللّٰهْ حَلَفْ لِجُدُودْكُو وَ قَالْ يَنْطِيكُو بَلَدْ الْمَلَانَةْ بِاللَّبَنْ وَ الْعَسَلْ. وَ دِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْحِوِّيِّينْ وَ الْيَبُوسِيِّينْ. وَ وَكِتْ اللّٰهْ وَدَّاكُو هِنَاكْ، فِي كُلِّ سَنَةْ وَاجِبْ تِعَيُّدُوا فِي نَفْس الشَّهَرْ.

إرْمِيا 32:22

وَ أَنْطَيْتهُمْ الْبَلَدْ الْإِنْتَ حَلَفْت لِجُدُودْهُمْ وَ قُلْت تَنْطِيهَا وَ هِي الْبَلَدْ الْمَلَانَةْ بِاللَّبَنْ وَ الْعَسَلْ.

2 أخبار 6:17

وَ هَسَّعْ، يَا اللّٰهْ إِلٰـهْ بَنِي إِسْرَائِيلْ، خَلِّي كَلَامَكْ دَا يِلْحَقَّقْ مِثِلْ إِنْتَ قُلْتَهْ لِعَبْدَكْ دَاوُدْ.

زَبُور 105:8

هُو يِذَّكَّرْ دَايْماً فِي مُعَاهَدَتَهْ وَ فِي كَلَامَهْ الْأَمَرْ بَيَّهْ لِأَلِفْ ذُرِّيَّةْ.

إرْمِيا 19:12

وَ دَا بَسْ الشَّيّءْ النِّسَوِّيهْ فِي الْمَدِينَةْ دِي وَ فِي سُكَّانْهَا. وَ نِسَوِّي الْمَدِينَةْ دِي مِثِلْ تُوفَةْ. وَ دَا كَلَامْ اللّٰهْ.