إرْمِيا 11:20 - الكتاب المقدس بالعربي الدارجي هنا تشاد

²⁰ يَا اللّٰهْ الْقَادِرْ، إِنْتَ التَّحْكِمْ بِالْعَدِلْ وَ تَكْشِفْ الْفِي الْقُلُوبْ وَ تَعَرِفْ الْفِي الْأَفْكَارْ! أَنَا نِدَوْر إِنْتَ تِشِيلْ فَوْقهُمْ التَّارْ وَ فِي شَانْ دَا، أَنَا شَكَيْت لَيْك.

إرْمِيا 11:20 Referenca të Kryqëzuara

إرْمِيا 20:12

يَا اللّٰهْ الْقَادِرْ! إِنْتَ بَسْ التَّكْشِفْ الصَّالِحْ وَ تِشِيفْ الْفِي قَلِبْ الْإِنْسَانْ وَ الْفِي دَاخِلَهْ. خَلِّي إِنْتَ تِشِيلْ لَيِّ التَّارْ فَوْقهُمْ أَشَانْ أَنَا خَطَّيْت شَكْوِتِي فِي إِيدَيْنَكْ.

إرْمِيا 17:10

إِلَّا أَنَا اللّٰهْ نِجَرِّبْ قَلِبْ الْإِنْسَانْ وَ نَكْشِفْ دَاخِلَهْ. وَ نِكَفِّيهْ نَتِيجَةْ عَمَلَهْ حَسَبْ دَرْبَهْ الْيِشِيلَهْ.

زَبُور 7:9

وَقِّفْ فَسَالَةْ الْعَاصِيِينْ! وَ ثَبِّتْ نَاسْ الصَّالِحِينْ! يَا الْإِلٰـهْ الصَّادِقْ! إِنْتَ التَّكْشِفْ الْقَلِبْ وَ فِكِرْ الْإِنْسَانْ.

1 صَمُوِيل 16:7

وَ لَاكِنْ اللّٰهْ قَالْ لِصَمُوِيلْ: «أَنَا رَفَضْتَهْ. وَ خَلِّي جَمَالَهْ وَ طُولَهْ مَا يَعَجُبُوكْ! أَشَانْ أَنَا مَا نِشِيفْ الْأَشْيَاءْ مِثِلْ الْإِنْسَانْ يِشِيفْهُمْ. الْإِنْسَانْ يِشِيفْ الظَّاهِرْ بَسْ وَ لَاكِنْ أَنَا اللّٰهْ نِشِيفْ الْفِي الْقَلِبْ.»

رُؤية 2:23

وَ نَضْرُبْ تَلَامِيذْهَا وَ يُمُوتُوا. وَ بَيْدَا، كُلَّ جَمَاعَاتْ الْمُؤمِنِينْ يَعَرْفُوا كَدَرْ أَنَا نَكْشِفْ قَلِبْ هَنَا أَيِّ نَادُمْ وَ نَعَرِفْ فِكْرَهْ. وَ يَعَرْفُوا كَدَرْ أَيِّ وَاحِدْ مِنْكُو نِجَازِيهْ.

إرْمِيا 17:18

وَ الْيِطَارُدُونِي، خَلِّي الْعَيْب يَكْرُبْهُمْ وَ لَاكِنْ مَا يَكْرُبْنِي أَنَا. وَ خَلِّي هُمَّنْ يِبَرْجُلُوا وَ لَاكِنْ أَنَا مَا نِبَرْجِلْ. وَ جِيبْ فَوْقهُمْ يَوْم الْفَسَالَةْ وَ دَمِّرْهُمْ مَرَّةْ وَاحِدْ.

إرْمِيا 15:15

وَ إِرْمِيَا قَالْ: «يَا اللّٰهْ! إِنْتَ تَعَرِفْنِي! فَكِّرْ فَوْقِي وَ حَاسِبْهُمْ. وَ كَفِّي لَيِّ التَّارْ فَوْق الْيِطَارُدُونِي. مَا تِخَلِّينِي نَبْقَى ضَحِيَّةْ صَبْرَكْ! وَ أَعَرِفْ كَدَرْ نِلْحَمَّلْ الْمُعْيَارْ فِي شَانَكْ إِنْتَ.

1 أخبار 29:17

وَ أَنَا نَعَرِفْ، يَا إِلٰـهِي، كَدَرْ إِنْتَ تَكْشِفْ الْفِي الْقَلِبْ وَ تِحِبّ الْعَدَالَةْ. وَ بِنِيَّةْ وَاحِدَةْ، أَنَا قَدَّمْت لَيْك كُلَّ الْأَشْيَاءْ دَوْل. وَ هَسَّعْ، دَاهُو شَعَبَكْ لَمَّوْا بِفَرْحَةْ وَ قَاعِدِينْ يِقَدُّمُوا لَيْك بِنِيَّةْ وَاحِدَةْ الْهَدَايَا دَوْل.

تكوين 18:25

أَبَداً مَا تَقْدَرْ تِسَوِّيهْ، يَا رَبّ! إِنْتَ مَا تِدَمِّرْ الْعَدِيلِينْ مَعَ الْفَسْلِينْ! أَشَانْ النَّاسْ الْعَدِيلِينْ مَا مِثِلْ النَّاسْ الْفَسْلِينْ! هَلْ الْحَاكِمْ هَنَا كُلَّ الْأَرْض مَا يِسَوِّي الْعَدَالَةْ وَلَّا؟»

رُؤية 18:20

يَا سُكَّانْ السَّمَاوَاتْ، أَفْرَحَوْا بِدَمَارْهَا. يَا الرُّسُلْ وَ الْأَنْبِيَاء وَ الصَّالِحِينْ، أَفْرَحَوْا! أَشَانْ اللّٰهْ قَطَعْ لَيْكُو شَرِيعَةْ وَ عَاقَبَاهَا خَلَاصْ.»

1 بُطْرُس 2:23

وَكِتْ عَيَّرَوْه، هُو مَا رَدَّ لَيْهُمْ بِمُعْيَارْ. وَكِتْ تَعَّبَوْه، هُو مَا هَدَّدَاهُمْ. فِي بَدَلَهْ، هُو أَتْوَكَّلْ عَلَيْ اللّٰهْ الْيِحَاسِبْ بِالْحَقّ.

2 تِمُوتَاوُس 4:14

وَ إِسْكَنْدَرْ دَقَّاقْ النَّحَاسْ هُو سَوَّى لَيِّ فَسِلْ بِلْحَيْن. رَبِّنَا بَسْ يِجَازِيهْ فِي الشَّيّءْ السَّوَّاهْ لَيِّ.

فِلِبِّي 4:6

مَا تِهِمُّوا لِأَيِّ شَيّءْ لَاكِنْ فِي كُلِّ حَالْ، أَشْكُرُوا اللّٰهْ وَ قَدُّمُوا لَيَّهْ طَلَبْكُو بِصَلَاةْ وَ دُعَا.

أعمال الرُسُل 17:31

وَ اللّٰهْ قَطَعْ لَيْنَا يَوْم أَشَانْ يِحَاسِبْ فَوْقَهْ كُلَّ نَاسْ الدُّنْيَا بِالْعَدَالَةْ. وَ اللّٰهْ كَلَّفْ الْحِسَابْ دَا لِلرَّاجِلْ الْهُو عَزَلَهْ. وَ الرَّاجِلْ دَا، اللّٰهْ بَعَثَهْ مِنْ أُسْط الْمَيْتِينْ أَشَانْ كُلَّ النَّاسْ يَعَرْفُوا دَا بَسْ الرَّاجِلْ الْهُو عَزَلَهْ.»

إرْمِيا 12:1

يَا اللّٰهْ، إِنْتَ عَادِلْ! وَ لَاكِنْ نِدَوْر نَشْكِي لَيْك. أَيْوَى، نِدَوْر نِحَجِّي مَعَاكْ فِي شَيّءْ بُخُصّ الشَّرِيعَةْ. مَالَا الْفَسْلِينْ يَنْجَحَوْا فِي خَطْوَاتْهُمْ؟ مَالَا الْخَايْنِينْ يَقْعُدُوا فِي الرَّاحَةْ بِخِيَانِتْهُمْ؟

زَبُور 98:9

يِزَغْرُطُوا قِدَّامْ اللّٰهْ أَشَانْ يَجِي يَحْكِمْ الْأَرْض. هُو يَحْكِمْ الْعَالَمْ بِالْعَدَالَةْ وَ الشُّعُوبْ بِالْحَقّ.

زَبُور 57:1

حِنّ فَوْقِي، يَا رَبّ، حِنّ فَوْقِي! لَيْك إِنْتَ، أَنَا نَلْجَأْ. أَيْوَى، تِحِتْ جَنَاحَيْك أَنَا نَلْجَأْ لَحَدِّي يُفُوتْ الدَّمَارْ.

زَبُور 43:1

يَا رَبّ! إِنْتَ بَسْ شَارِعْنِي وَ شِيلْ ضَلِيمْتِي وَ فِي الْمُنَافِقِينْ، أَنْصُرْنِي وَ مِنْ أَيِّ غَشَّاشْ وَ مُجْرِمْ، خَلِّصْنِي.

زَبُور 35:2

شِيلْ دَرَقَتَكْ وَ دِرْعَكْ وَ قُمّ أَفْزَعْنِي!

أيُّوب 5:8

لَاكِنْ كَنْ لَيِّ أَنَا، نِفَتِّشْ الرَّبّ وَ لَيَّهْ هُو بَسْ نَرْفَعْ ضَلِيمْتِي.

1 أخبار 28:9

«وَ إِنْتَ، يَا وِلَيْدِي سُلَيْمَانْ، أَعَرِفْ اللّٰهْ رَبّ أَبُوكْ وَ أَعَبُدَهْ بِكُلَّ قَلْبَكْ وَ بِنِيَّةْ مُخْلِصَةْ. أَشَانْ اللّٰهْ يَكْشِفْ قَلِبْ الْإِنْسَانْ وَ يَعَرِفْ الْفِكِرْ هَنَا أَيِّ نَادُمْ. وَ كَنْ إِنْتَ تِفَتِّشَهْ، هُو يِخَلِّيكْ تَلْقَاهْ. وَ لَاكِنْ كَنْ أَبَيْتَهْ كَمَانْ، هُو كُلَ يَابَاكْ إِلَى الْأَبَدْ.

1 صَمُوِيل 24:15

وَ اللّٰهْ هُو الْحَاكِمْ وَ يَحْكِمْ بَيْنِي وَ بَيْنَكْ وَ يِشِيفْ مُشْكِلْتِي وَ يِدَافِعْ لَيِّ وَ يِبَرِّينِي وَ يِنَجِّينِي مِنْ إِيدَكْ إِنْتَ.»

زَبُور 7:8

يَا اللّٰهْ، إِنْتَ التِّشَارِعْ الشُّعُوبْ! يَا اللّٰهْ، شَارِعْنِي حَسَبْ عَدَالْتِي وَ كَمَالِي.

زَبُور 58:10

وَ الصَّالِحْ يَفْرَحْ أَشَانْ هُو شَافْ شَيْلِينْ التَّارْ وَ هُو يِغَسِّلْ رِجِلَيْنَهْ فِي دَمّ الْعَاصِيِينْ.

زَبُور 139:23

يَا رَبّ! أَكْشِفْ دَاخِلِي وَ أَعَرِفْ قَلْبِي وَ جَرِّبْنِي وَ أَعَرِفْ هَمِّي.

إرْمِيا 12:3

يَا اللّٰهْ! إِنْتَ تِشِيفْنِي وَ تَكْشِفْ الْفِي قَلْبِي وَ تَعَرِفْنِي كَدَرْ أَنَا مَعَاكْ. وَ لَاكِنْ لِلْفَسْلِينْ دَوْل، سُوقْهُمْ مِثِلْ غَنَمْ الْجُزُرْ الْمُخَصَّصِينْ لِيَوْم الدَّبِحْ.

حِزْقِيال 11:5

وَ رُوحْ اللّٰهْ نَزَلْ فَوْقِي وَ اللّٰهْ قَالْ لَيِّ: «حَجِّي وَ قُولْ: ‹دَاهُو اللّٰهْ قَالْ: ”يَا بَنِي إِسْرَائِيلْ، إِنْتُو حَجَّيْتُوا مِثِلْ دَا. وَ الْقَاعِدْ فِي فِكِرْكُو كُلَ، أَنَا نَعَرْفَهْ.

2 مُلوك 19:14

وَ حِزْقِيَّا شَالْ الْجَوَابْ مِنْ إِيدَيْ الْمُرَسَّلِينْ وَ قَرَاهْ. وَ مَشَى لِبَيْت اللّٰهْ وَ فَتَحْ الْجَوَابْ دَا قِدَّامْ اللّٰهْ.

زَبُور 7:10

الرَّبّ هُو دَرَقَتِي وَ مُنَجِّي الصَّالِحِينْ.

مَراثِي إرْمِيا 3:58

يَا رَبّ، إِنْتَ دَافَعْت لَيِّ وَ فَدَيْت حَيَاتِي.

مَراثِي إرْمِيا 3:59

إِنْتَ شِفْت كِكَّيْف ظَلَمَوْنِي. يَا اللّٰهْ، أَحْكِمْ وَ كَافِينِي ضَلِيمْتِي.

مَراثِي إرْمِيا 3:64

يَا اللّٰهْ! قَبِّلْ لَيْهُمْ فِي رَاسْهُمْ نَفْس الْعَمَلْ السَّوَّوْه.