إرْمِيا 11:16 - الكتاب المقدس بالعربي الدارجي هنا تشاد

¹⁶ وَ أَنَا اللّٰهْ جَعَلْتُهُمْ مِثِلْ شَدَرَةْ زَيْتُونْ خَضْرَةْ سَمْحَةْ وَ مُجَمَّلَةْ بِعِيَالْهَا. وَ لَاكِنْ هَسَّعْ، نِنَزِّلْ نَارْ التَّحْرِقْ وَرَقْهَا وَ تَاكُلْ فُرُوعْهَا لَحَدِّي يِسَوُّوا حَرَكَةْ شَدِيدَةْ.»

إرْمِيا 11:16 Referenca të Kryqëzuara

إشَعْيا 27:11

وَ وَكِتْ الْفُرُوعْ يَبْقَوْا يَابْسِينْ، الْعَوِينْ يِكَسِّرَنْهُمْ وَ يِأَوْقِدَنْهُمْ نَارْ. أَشَانْ الشَّعَبْ دَوْل مَا عِنْدُهُمْ مَعْرَفَةْ وَ الْخَلَقَاهُمْ مَا رَحَمَاهُمْ وَ الْكَوَّنَاهُمْ مَا حَنَّ فَوْقهُمْ.

زَبُور 52:8

لَاكِنْ أَنَا كَمَانْ مِثِلْ شَدَرَةْ زَيْتُونْ خَضْرَةْ فِي بَيْت اللّٰهْ وَ نِتْوَكَّلْ عَلَيْ رَحْمَةْ الرَّبّ إِلَى الْأَبَدْ.

زَبُور 80:16

النَّاسْ قَطَعَوْه وَ حَرَّقَوْه فِي النَّارْ. خَلِّي يِدَّمَّرَوْا قِدَّامْ غَضَبَكْ.

يُوحَنَّا 15:6

كَنْ نَادُمْ مَا قَاعِدْ ثَابِتْ فِيِي، هُو مِثِلْ فِرِعْ الْيَمُرْقُوهْ مِنْ الشَّدَرَةْ وَ يَزْقُلُوهْ وَ يَيْبَسْ. وَ الْفُرُوعْ دَوْل، يِلِمُّوهُمْ وَ يَزْقُلُوهُمْ فِي النَّارْ وَ يِحَرُّقُوهُمْ.

مَتَّى 3:10

شِيفُوا، الْفَاسْ جَاهِزَةْ لِتَقْطَعْ الشَّدَرَةْ مِنْ عِرِقْهَا. أَيِّ شَدَرَةْ الْمَا تَلْدَ عِيَالْ عَدِيلِينْ يَقْطَعَوْهَا وَ يَزْقُلُوهَا فِي النَّارْ.

إرْمِيا 21:14

وَ لَاكِنْ أَنَا نُقُمّ نِعَاقِبْكُو حَسَبْ نَتِيجَةْ عَمَلْكُو. وَ نِقَبِّضْ نَارْ فِي الْغَابَةْ وَ النَّارْ دِي تَاكُلْ كُلَّ الْحَوَالَيْهَا.» وَ دَا كَلَامْ اللّٰهْ.

زَبُور 83:2

أَشَانْ دَاهُو عُدْوَانَكْ قَاعِدِينْ يِسَوُّوا حَرَكَةْ وَ الْيَكْرَهَوْك يُقُمُّوا ضِدَّكْ.

رُؤية 11:4

وَ دَوْل هُمَّنْ شَدَرْ الزَّيْتُونْ الْإِتْنَيْن وَ الْفَانُوسْ الْإِتْنَيْن الْقَاعِدِينْ قِدَّامْ اللّٰهْ رَبّ الْأَرْض.

تَثْنِية 28:40

وَ تَلْقَوْا شَدَرْ الزَّيْتُونْ فِي كُلَّ بَلَدْكُو وَ لَاكِنْ مَا تَلْقَوْا دِهِنْ تِلْمَسَّحَوْا بَيَّهْ أَشَانْ عِيَالْ شَدَرْ الزَّيْتُونْ دَا يِدَفُّقُوا قَبُلْ مَا يَنْجَضَوْا.

أيُّوب 8:16

الْكَافِرْ أَخْضَرْ مِثِلْ شَدَرَةْ تِحِتْ الْحَرَّايْ. هِي مَدَّتْ فُرُوعْهَا وَ غَطَّتْ بَيْهُمْ الْجِنَيْنَةْ.

إرْمِيا 7:20

وَ فِي شَانْ دَا، دَاهُو اللّٰهْ الرَّبّ قَالْ: «غَضَبِي الْمُحْرِقْ يَنْزِلْ فِي الْبَكَانْ دَا، فِي النَّاسْ وَ الْحَيْوَانَاتْ وَ شَدَرْ الْغَابَةْ وَ إِنْتَاجْ الْأَرْض. وَ نَارْ غَضَبِي أَبَداً مَا تُمُوتْ.»

هُوشَع 14:6

وَ فُرُوعْهُمْ يُطُولُوا. وَ يَبْقَوْا جَمِيلِينْ مِثِلْ شَدَرَةْ الزَّيْتُونْ وَ رِيحِتْهُمْ حَلُوَّةْ مِثِلْ رِيحَةْ أَرْز لُبْنَانْ.

زَبُور 80:17

خُطّ إِيدَكْ فِي النَّادُمْ الْقَاعِدْ بِزَيْنَايْتَكْ، فِي الْإِنْسَانْ الْإِنْتَ ذَاتَكْ أَنْطَيْتَهْ قُدْرَةْ.

إرْمِيا 2:21

أَنَا مَقَّنْتُكُو مِثِلْ شَدَرَةْ عِنَبْ الْمَعْزُولَةْ مِنْ النَّوْع الْعَدِيلْ. كِكَّيْف قِدِرْتُوا أَلْغَيَّرْتُوا لِشَدَرَةْ عِنَبْ الْمَا مَعْرُوفَةْ؟