إرْمِيا 11:13 - الكتاب المقدس بالعربي الدارجي هنا تشاد

¹³ «يَا بَنِي يَهُوذَا، إِلٰـهَاتْكُو أَكْتَرْ مِنْ حِلَّالْكُو. يَا سُكَّانْ مَدِينَةْ الْقُدُسْ، مَدَابِحْكُو أَكْتَرْ مِنْ شَوَارِعْكُو. وَ دَوْل الْمَدَابِحْ الْبَنَيْتُوهُمْ لِلْعَيْب وَ هُو إِلٰـهْ بَعَلْ التِّحَرُّقُوا لَيَّهْ الْبَخُورْ.

إرْمِيا 11:13 Referenca të Kryqëzuara

إرْمِيا 2:28

وَيْن إِلٰـهَاتْكُو الصَّنَعْتُوهُمْ؟ خَلِّي يُقُمُّوا كَنْ يَقْدَرَوْا يِنَجُّوكُو فِي الضِّيقَةْ. أَشَانْ إِلٰـهَاتْكُو بِقَوْا كَتِيرِينْ مِثِلْ مُدُنْكُو، يَا شَعَبْ يَهُوذَا.

2 مُلوك 23:13

وَ هُو نَجَّسْ كُلَّ الْبَكَانَاتْ الْعَالِيِينْ هَنَا الْعِبَادَةْ الْمُقَابِلِينْ مَدِينَةْ الْقُدُسْ بِنُصّ الزَّيْنَةْ هَنَا حَجَرْ الدَّمَارْ. وَ الْبَكَانَاتْ دَوْل، زَمَانْ سُلَيْمَانْ مَلِكْ بَنِي إِسْرَائِيلْ بَنَاهُمْ لِعَشْتَرُوتْ الْإِلٰـهَةْ الْمُحَرَّمَةْ هِنْت نَاسْ بَلَدْ صَيْدَا وَ لِكَمُوشْ الْإِلٰـهْ الْمُحَرَّمْ هَنَا نَاسْ بَلَدْ مُوَابْ وَ لِمِلْكُومْ الصَّنَمْ الْمَكْرُوهْ هَنَا بَنِي عَمُّونْ.

هُوشَع 12:11

أَكِيدْ، شَعَبْ قِلْعَادْ فَسْلِينْ وَ مَا عِنْدُهُمْ فَايْدَةْ أَشَانْ يِقَدُّمُوا تِيرَانْ ضَحَايَا فِي قِلْقَالْ. وَ بَيْدَا، مَدَابِحْهُمْ يِلْهَدَّمَوْا وَ يَبْقَوْا كَوْم هَنَا تُرَابْ فِي الزَّرَعْ الْمَحْرُوتْ.

إرْمِيا 32:35

وَ فِي وَادِي بَنِي هِنُّومْ بَنَوْا مَدْبَحْ لِبَعَلْ لِيِحَرُّقُوا فَوْقَهْ أَوْلَادْهُمْ وَ بَنَاتْهُمْ لِإِلٰـهُّمْ مُولَكْ. وَ دَا أَنَا مَا أَمَرْتُهُمْ بَيَّهْ وَ لَا فَكَّرْت فَوْقَهْ يَوْم وَاحِدْ. وَ بِالْمُحَرَّمَاتْ دَوْل، لَزَّوْا بَنِي يَهُوذَا فِي الذَّنِبْ.»

إرْمِيا 19:5

وَ بَنَوْا مَدْبَحْ لِيِقَدُّمُوا فَوْقَهْ أَوْلَادْهُمْ ضَحَايَا مُحَرَّقِينْ لِإِلٰـهْ بَعَلْ. وَ دَا، أَنَا مَا أَمَرْتُهُمْ بَيَّهْ وَ لَا كَلَّمْتُهُمْ بَيَّهْ وَ لَا فَكَّرْت فَوْقَهْ يَوْم وَاحِدْ.

إرْمِيا 7:9

إِنْتُو تَسُرْقُوا وَ تَكْتُلُوا وَ تَزْنَوْا وَ تَحَلْفُوا بِكِدِبْ وَ تِحَرُّقُوا بَخُورْ لِإِلٰـهْ بَعَلْ وَ تَجْرُوا وَرَاءْ إِلٰـهَاتْ آخَرِينْ الْأَوَّلْ مَا تَعَرْفُوهُمْ.

إرْمِيا 3:24

وَ مِنْ أَنِحْنَ صُغَارْ، الْعِبَادَةْ الْعَايْبَةْ هِنْت الْأَصْنَامْ خَسَّرَتْ جُدُودْنَا وَ دَمَّرَتْ غَنَمْهُمْ وَ بَقَرْهُمْ وَ أَوْلَادْهُمْ وَ بَنَاتْهُمْ.

إشَعْيا 2:8

الْبَلَدْ مَلَانَةْ بِالْإِلٰـهَاتْ وَ النَّاسْ يَسْجُدُوا لِلصَّنَعَوْه بِإِيدَيْهُمْ أَيْوَى، يَسْجُدُوا لِلسَّوَّوْه بِأَصَابِعْهُمْ.

إرْمِيا 11:17

«وَ أَنَا اللّٰهْ الْقَادِرْ بَسْ مَقَّنْتَهَا وَ قَرَّرْت نِسَوِّي لَيْهَا الْفَسَالَةْ، بِسَبَبْ الْفَسَالَةْ السَّوَّوْهَا بَنِي إِسْرَائِيلْ وَ بَنِي يَهُوذَا. وَ هُمَّنْ غَضَّبَوْنِي وَكِتْ حَرَّقَوْا بَخُورْ لِإِلٰـهْ بَعَلْ.»

إرْمِيا 19:4

أَشَانْ هُمَّنْ أَبَوْنِي وَ نَكَرَوْا الْبَكَانْ دَا وَ حَرَّقَوْا بَخُورْ لِإِلٰـهَاتْ آخَرِينْ الْأَوَّلْ مَا يَعَرْفُوهُمْ وَ لَا هُمَّنْ وَ لَا جُدُودْهُمْ وَ لَا مُلُوكْ يَهُوذَا. وَ هُمَّنْ دَفَّقَوْا دَمّ الْبَرِيِّينْ وَ مَلَوْا بَيَّهْ الْبَكَانْ دَا.

إرْمِيا 44:21

«الْبَخُورْ الْأَوَّلْ إِنْتُو حَرَّقْتُوهْ فِي حِلَّالْ بَلَدْ يَهُوذَا وَ فِي شَوَارِعْ مَدِينَةْ الْقُدُسْ، إِنْتُو وَ جُدُودْكُو وَ مُلُوكُّو وَ كُبَارَاتْكُو وَ شَعَبْ الْبَلَدْ، تَحْسُبُوا اللّٰهْ مَا شَافَهْ وَ مَا فَكَّرْ فَوْقَهْ وَلَّا؟

إرْمِيا 48:35

«أَنَا نِدَمِّرْ فِي مُوَابْ النَّاسْ الْيِقَدُّمُوا ضَحَايَا فِي الْبَكَانْ الْعَالِي وَ يِحَرُّقُوا بَخُورْ لِإِلٰـهَاتْهُمْ.» وَ دَا كَلَامْ اللّٰهْ.

حِزْقِيال 16:24

وَ إِنْتِ بَنَيْتِ لِقْدَابَةْ وَ سَوَّيْتِ بَكَانْ عَالِي هَنَا عِبَادَةْ فِي أَيِّ نَقَعَةْ.

هُوشَع 9:10

«زَمَانْ، أَنَا لِقِيتْ بَنِي إِسْرَائِيلْ مِثِلْ عِنَبْ لَذِيذْ فِي الصَّحَرَاءْ. وَ شِفْت جُدُودْهُمْ حَلُوِينْ مِثِلْ فَوَاكِهْ الْأَوَّلْ فِي شَدَرَةْ التِّينْ. وَ لَاكِنْ وَكِتْ هُمَّنْ وِصْلَوْا فِي بَعَلْ فَعُورْ، عَبَدَوْا الصَّنَمْ الْيِجِيبْ الْعَيْب. وَ بِقَوْا مَكْرُوهِينْ مِثِلْ الصَّنَمْ الْمُحَرَّمْ الْعَبَدَوْه.

2 أخبار 28:25

وَ بَنَى بَكَانَاتْ عَالِيِينْ فِي كُلَّ حِلَّالْ بَلَدْ يَهُوذَا لِيِحَرُّقُوا فَوْقهُمْ الْبَخُورْ لِإِلٰـهَاتْ آخَرِينْ. وَ بِمِثِلْ دَا، هُو غَضَّبْ اللّٰهْ رَبّ جُدُودَهْ.

إرْمِيا 3:25

أَنِحْنَ رَاقْدِينْ فِي الْعَيْب وَ مُلْغَطِّيِينْ بِالشَّمَاتَةْ. أَشَانْ أَنِحْنَ وَ أَبَّهَاتْنَا أَذْنَبْنَا ضِدَّكْ إِنْتَ اللّٰهْ إِلٰـهْنَا مِنْ أَنِحْنَ صُغَارْ لَحَدِّي الْيَوْم. وَ مَا سِمِعْنَا كَلَامَكْ، إِنْتَ اللّٰهْ إِلٰـهْنَا.»

إرْمِيا 17:1

وَ اللّٰهْ قَالْ: «ذَنِبْ بَنِي يَهُوذَا مَنْقُوشْ بِمُنْقَاشْ هَنَا حَدِيدْ الْخَشْمَهْ قَوِي مِثِلْ الْمَاسّ. وَ مَكْتُوبْ فِي قُلُوبْهُمْ مِثِلْ فِي لَوْح وَ فِي قُرُونْ مَدَابِحْهُمْ.

إرْمِيا 18:15

وَ لَاكِنْ شَعَبِي نِسَوْنِي وَ حَرَّقَوْا بَخُورْ لِإِلٰـهَاتْ الْمَا يَنْفَعَوْا، الْيِتَرْتُعُوهُمْ فِي دَرِبْهُمْ. وَ فِي شَانْ الْإِلٰـهَاتْ دَوْل، هُمَّنْ أَبَوْا دَرِبْهُمْ الْعَدِيلْ هَنَا زَمَانْ لِيَمْشُوا فِي دَبَالِيْ الْكَدَادَةْ.

إرْمِيا 44:5

وَ لَاكِنْ هُمَّنْ مَا خَطَّوْا أَدَانْهُمْ وَ مَا سِمْعَوْنِي وَ مَا تَابَوْا مِنْ الْفَسَالَةْ الْقَاعِدِينْ يِسَوُّوهَا. وَ مَا وَقَّفَوْا حَرِقِينْ الْبَخُورْ لِلْإِلٰـهَاتْ الْآخَرِينْ.

هُوشَع 10:1

بَنِي إِسْرَائِيلْ وِلْدَوْا زِيَادَةْ مِثِلْ شَدَرَةْ عِنَبْ التَّلْدَ كَتِيرْ. وَ لَاكِنْ وَكِتْ عِيَالْهُمْ كِتْرَوْا، هُمَّنْ كَتَّرَوْا مَدَابِحْ لِإِلٰـهَاتْهُمْ. وَ وَكِتْ أَرْضُهُمْ بِقَتْ جَمِيلَةْ، جَمَّلَوْا الْحُجَارْ الْغَزَّوْهُمْ لِلْعِبَادَةْ.