إرْمِيا 10:6 - الكتاب المقدس بالعربي الدارجي هنا تشاد

⁶ يَا اللّٰهْ! مَا فِي إِلٰـهْ مِثْلَكْ! إِنْتَ عَظِيمْ وَ عَظِيمْ أُسْمَكْ الْقَادِرْ.

إرْمِيا 10:6 Referenca të Kryqëzuara

خُروج 15:11

يَا اللّٰهْ، يَاتُو مِثْلَكْ إِنْتَ فِي إِلٰـهَاتْ الْقَبَايِلْ؟ يَاتُو مِثْلَكْ، يَا جَلِيلْ، يَا قُدُّوسْ؟ إِنْتَ الْوَاجِبْ لَيْك الشُّكُرْ وَ إِنْتَ الْقَادِرْ تِسَوِّي عَجَايِبْ.

زَبُور 96:4

أَشَانْ اللّٰهْ عَظِيمْ وَ وَاجِبْ لَيَّهْ الْحَمْد الْكَتِيرْ. هُو مُخِيفْ زِيَادَةْ وَ فَايِتْ كُلَّ الْإِلٰـهَاتْ.

زَبُور 48:1

اللّٰهْ هُو عَظِيمْ وَ وَاجِبْ لَيَّهْ الْحَمْد فِي مَدِينَةْ إِلٰـهْنَا، فِي جَبَلَهْ الْمُقَدَّسْ.

تَثْنِية 33:26

وَ مَا فِي شَبِيهْ لِلرَّبّ، هُو الْيَجِي يَفْزَعْكُو يَا إِسْرَائِيلْ. هُو رَاكِبْ فِي السَّمَاوَاتْ وَ بِعَظَمَتَهْ، فِي السَّحَابْ.

إشَعْيا 12:6

عِيطُوا بِفَرَحْ وَ زَغْرُطُوا، يَا سُكَّانْ صَهْيُون! أَشَانْ قُدُّوسْ إِسْرَائِيلْ الْقَاعِدْ فِي أُسُطْكُو، هُو عَظِيمْ.»

زَبُور 145:3

اللّٰهْ عَظِيمْ وَ وَاجِبْ لَيَّهْ الْحَمْد الْكَتِيرْ وَ عَظَمَتَهْ مَا عِنْدَهَا حَدّ.

دَنْيال 4:3

وَ عَلَامَاتَهْ كُبَارْ وَ عَجَايْبَهْ قَوِيِّينْ. وَ مُلْكَهْ يُدُومْ إِلَى الْأَبَدْ وَ سُلْطِتَهْ تَقْعُدْ مِنْ ذُرِّيَّةْ لِذُرِّيَّةْ.

زَبُور 147:5

رَبِّنَا هُو كَبِيرْ وَ قُدُرْتَهْ كُلَ كَتِيرَةْ وَ عِلْمَهْ مَا عِنْدَهْ حَدّ.

2 صَمُوِيل 7:22

يَا اللّٰهْ الرَّبّ، إِنْتَ الْأَكْبَرْ. إِنْتَ مَا عِنْدَكْ شَبِيهْ وَ أَبَداً مَا فِي إِلٰـهْ إِلَّا إِنْتَ. وَ دَا حَسَبْ كُلَّ الْكَلَامْ السِّمِعْنَاهْ.

إرْمِيا 32:18

وَ إِنْتَ بَسْ التِّوَصِّفْ خَيْرَكْ لِآلَافْ الذُّرِّيَّاتْ. وَ لَاكِنْ تَقْدَرْ تِعَاقِبْ الْعِيَالْ بِذُنُوبْ أَبَّهَاتْهُمْ، إِنْتَ الْإِلٰـهْ الْكَبِيرْ وَ الشَّدِيدْ وَ أُسْمَكْ اللّٰهْ الْقَادِرْ.

إشَعْيا 40:25

الْقُدُّوسْ قَالْ: «بِيَاتُو تِشَبُّهُونِي؟ وَ مَعَ يَاتُو تِسَاوُونِي؟»

خُروج 8:10

وَ الْمَلِكْ قَالْ لَيَّهْ: «خَلِّي يُكُونْ أَمْبَاكِرْ بَسْ.» وَ مُوسَى قَالْ: «تَمَامْ، يُكُونْ مِثِلْ إِنْتَ تِدَوْرَهْ وَ بَيْدَا، تَعَرِفْ كَدَرْ مَا فِي شَيّءْ الْيِقَادِرْ اللّٰهْ إِلٰـهْنَا.

مَلاخِـي 1:11

«مِنْ بَكَانْ طَلُوعْ الْحَرَّايْ لَحَدِّي بَكَانْ وَقُوعْهَا، أُسْمِي كَبِيرْ فِي أُسْط الْأُمَمْ. وَ فِي أَيِّ بَكَانْ، يِحَرُّقُوا لَيِّ بَخُورْ وَ يِجِيبُوا ضَحِيَّةْ طَاهِرَةْ أَشَانْ أُسْمِي كَبِيرْ فِي أُسْط الْأُمَمْ. وَ دَا، اللّٰهْ الْقَادِرْ بَسْ قَالَهْ.

دَنْيال 4:34

وَ نَبُوخَدْنَصَرْ قَالْ: «بَعَدْ السَّبْعَةْ سِنِينْ الْمُحَدَّدِينْ، أَنَا رَفَعْت عُيُونِي لِلسَّمَاءْ وَ عَقْلِي جَاءْ فَوْقِي بَتَّانْ. وَ خَلَاصْ، أَنَا شَكَرْت اللّٰهْ الْعَالِي وَ غَنَّيْت بِأُسْمَهْ وَ مَجَّدْتَهْ هُو اللّٰهْ الْحَيّ الدَّايِمْ. هُو يَمْلُكْ دَايْماً وَ إِلَى الْأَبَدْ وَ مُلْكَهْ قَاعِدْ مِنْ ذُرِّيَّةْ لِذُرِّيَّةْ.

إشَعْيا 46:9

فَكُّرُوا فِي الْأَشْيَاءْ الْبِقَوْا أَوَّلْ مِنْ زَمَانْ. أَشَانْ أَنَا اللّٰهْ وَ لَا إِلٰـهْ إِلَّا أَنَا وَ مَا فِي إِلٰـهْ مِثْلِي أَنَا.

إشَعْيا 46:5

بِيَاتُو تِشَبُّهُونِي؟ وَ مَعَ يَاتُو تِسَاوُونِي؟ وَ مَعَ يَاتُو تِقَادُرُونِي أَشَانْ نُكُونُوا سَوَا؟

إشَعْيا 40:18

بِيَاتُو تِسَاوُوا الرَّبّ؟ وَ بِصُورَةْ الْوَيْنِي تِشَبُّهُوهْ؟

زَبُور 35:10

وَ فِي نَفْسِي نُقُولْ: «يَا اللّٰهْ، يَاتُو مِثْلَكْ؟ إِنْتَ تِنَجِّي الْمِسْكِينْ مِنْ الْقَوِي مِنَّهْ وَ تِنَجِّي الْمِسْكِينْ وَ الضَّعِيفْ مِنْ الْيَقْلَعْ مِنْهُمْ.»

نَحَمْيا 9:32

«هَسَّعْ، يَا رَبِّنَا، إِنْتَ الْإِلٰـهْ الْكَبِيرْ وَ الْقَادِرْ وَ الْعَظِيمْ وَ إِنْتَ تَحْفَضْ الْمُعَاهَدَةْ السَّوَّيْتهَا بِأَمَانْ. يَا رَبِّنَا، الضِّيقَةْ الْجَاتْ فِي مُلُوكْنَا وَ كُبَارَاتْنَا وَ رُجَالْ الدِّينْ هَنَانَا وَ أَنْبِيَائْنَا وَ جُدُودْنَا وَ كُلَّ شَعَبَكْ دَا مِنْ زَمَنْ الْمُلُوكْ هَنَا بَلَدْ أَشُورْ لَحَدِّي الْيَوْم، الضِّيقَةْ دِي مَا تِشِيفْهَا هَيْنَةْ.

نَحَمْيا 4:14

وَ شِفْت كُلَّ بَكَانَاتْ مُقْعَدْهُمْ وَ قُلْت لِلْكُبَارَاتْ وَ الْمَسَائِيلْ وَ الشَّعَبْ: «مَا تَخَافَوْا مِنْهُمْ! فَكُّرُوا فِي رَبِّنَا الْكَبِيرْ وَ الْعَظِيمْ وَ دَاوُسُوهُمْ أَشَانْ تَحْمُوا أَخْوَانْكُو وَ أَوْلَادْكُو وَ بَنَاتْكُو وَ عَوِينْكُو وَ بُيُوتْكُو.»

تَثْنِية 32:31

أَشَانْ مَلْجَئْهُمْ مَا مِثِلْ مَلْجَئْنَا وَ عُدْوَانَّا يَعَرْفُوهْ.

خُروج 9:14

وَ فِي الْمَرَّةْ دِي، كَنْ إِنْتَ أَبَيْت أَنَا نِنَزِّلْ كُلَّ نَفَرْ هَنَا وَبَاءْ فَوْقَكْ إِنْتَ وَ فِي خَدَّامِينَكْ وَ فِي شَعَبَكْ. وَ بَيْدَا، إِنْتَ تَعَرِفْ كَدَرْ مَا فِي إِلٰـهْ مِثْلِي أَنَا فِي كُلَّ الْأَرْض.

1 كُرُنْتُس 8:6

وَ لَاكِنْ لَيْنَا أَنِحْنَ الْمُؤمِنِينْ، اللّٰهْ وَاحِدْ بَسْ. وَ هُو أَبُونَا الْخَلَقْ كُلَّ شَيّءْ وَ أَنِحْنَ نَحْيَوْا لَيَّهْ هُو. وَ الرَّبّ وَاحِدْ بَسْ وَ هُو عِيسَى الْمَسِيحْ وَ بَيَّهْ هُو كُلَّ شَيّءْ مَوْجُودْ وَ بَيَّهْ هُو أَنِحْنَ حَيِّينْ.

إرْمِيا 10:16

وَ إِلٰـهْ يَعْقُوبْ مَا مِثِلْهُمْ أَشَانْ هُو بَسْ خَلَقْ كُلَّ شَيّءْ. هُو عَزَلْ قَبِيلَةْ بَنِي إِسْرَائِيلْ لِيَبْقَوْا شَعَبَهْ الْمِثِلْ وَرَثَتَهْ وَ أُسْمَهْ اللّٰهْ الْقَادِرْ.

1 أخبار 16:25

أَشَانْ اللّٰهْ عَظِيمْ وَ وَاجِبْ لَيَّهْ الْحَمْد الْكَتِيرْ. هُو مُخِيفْ زِيَادَةْ وَ فَايِتْ كُلَّ الْإِلٰـهَاتْ.