إرْمِيا 1:17 - الكتاب المقدس بالعربي الدارجي هنا تشاد

¹⁷ «وَ لَاكِنْ إِنْتَ، يَا إِرْمِيَا! أَرْبُطْ صُلْبَكْ! قُمّ وَ بَلِّغْ لَيْهُمْ بِكُلَّ شَيّءْ النَّامُرَكْ بَيَّهْ. وَ مَا تَخَافْ مِنْهُمْ. كَنْ خُفْت، أَنَا نِخَوِّفَكْ زِيَادَةْ قِدَّامْهُمْ.

إرْمِيا 1:17 Referenca të Kryqëzuara

1 مُلوك 18:46

وَ إِيدْ اللّٰهْ كَانَتْ مَعَ إِلِيَاسْ وَ هُو رَبَطْ صُلْبَهْ وَ قَاعِدْ يَجْرِي قِدَّامْ أَخَابْ لَحَدِّي مَدَخَلْ حِلَّةْ يَزْرَعِيلْ.

1 بُطْرُس 1:13

أَشَانْ دَا، خُطُّوا بَالْكُو. أَقْعُدُوا ثَابْتِينْ. خُطُّوا عَشَمْكُو كُلَّ كَيْ فِي النِّعْمَةْ التَّلْقَوْهَا فِي الْيَوْم الْعِيسَى الْمَسِيحْ يِبِينْ فَوْقَهْ.

لُوقا 12:35

«أَقْعُدُوا جَاهِزِينْ لِلْخِدْمَةْ صَلَبَاكُو مَرْبُوطِينْ وَ فَوَانِيسْكُو مُوَلِّعِينْ.

إرْمِيا 23:28

خَلِّي النَّبِي الْعِنْدَهْ رُؤْيَةْ يِحَجِّي بِرُؤْيِتَهْ. وَ لَاكِنْ الْعِنْدَهْ كَلَامِي أَنَا، خَلِّي يِحَجِّي كَلَامِي بِأَمَانْ. أَشَانْ الْقَشّ وَ الْقَنَادِيلْ مَا سَوَا.» وَ دَا كَلَامْ اللّٰهْ.

خُروج 7:2

إِنْتَ تِحَجِّي لِهَارُونْ بِكُلَّ شَيّءْ الْأَنَا أَمَرْتَكْ بَيَّهْ. وَ هَارُونْ كَمَانْ يِحَجِّي لِلْمَلِكْ لِيِخَلِّي بَنِي إِسْرَائِيلْ يَمُرْقُوا مِنْ بَلَدَهْ.

أيُّوب 38:3

أَرْبُطْ صُلْبَكْ مِثِلْ رَاجِلْ فَحَلْ! وَ أَنَا نَسْأَلَكْ وَ إِنْتَ تُرُدّ لَيِّ!

أعمال الرُسُل 20:27

أَنَا بَلَّغْت لَيْكُو هَدَفْ اللّٰهْ كُلَّ كَيْ وَ مَا لَبَّدْت مِنْكُو شَيّءْ وَاحِدْ.

أعمال الرُسُل 20:20

وَ تَعَرْفُوا وَكِتْ أَنَا قَاعِدْ نِعَلِّمْكُو، أَنَا مَا لَبَّدْت لَيْكُو أَيِّ كَلَامْ هَنَا فَايْدِتْكُو وَ بَلَّغْت لَيْكُو نَفْس الْبِشَارَةْ كَنْ بَرَّا قِدَّامْ نَاسْ الْحِلَّةْ وَلَّا دَاخَلْ فِي بُيُوتْكُو.

خُروج 3:12

وَ الرَّبّ قَالْ: «أَنَا نُكُونْ مَعَاكْ وَ دِي هِي الْعَلَامَةْ التِّوَصِّفْ لَيْك كَدَرْ أَنَا بَسْ رَسَّلْتَكْ. وَ وَكِتْ إِنْتَ تَمْرُقْ بَنِي إِسْرَائِيلْ مِنْ مَصِرْ، إِنْتُو كُلُّكُو تَجُوا تَعَبُدُونِي فِي الْجَبَلْ دَا.»

1 كُرُنْتُس 9:16

صَحِيحْ، أَنَا قَاعِدْ نِبَلِّغْ بِشَارَةْ الْمَسِيحْ لَاكِنْ دَا مَا يَنْطِينِي سَبَبْ لِنِسْتَكْبَرْ بَيَّهْ. لَا! الْبَلِّغِينْ دَا، اللّٰهْ أَمَرَانِي بَيَّهْ. الْعَذَابْ لَيِّ كَنْ أَنَا مَا نِبَلِّغْ الْبِشَارَةْ دِي.

يُونُس 3:2

«قُمّ أَمْشِي فِي نِينَوَى، الْمَدِينَةْ الْكَبِيرَةْ. وَ خَبِّرْ نَاسْهَا بِالْكَلَامْ النُّقُولَهْ لَيْك.»

إرْمِيا 17:18

وَ الْيِطَارُدُونِي، خَلِّي الْعَيْب يَكْرُبْهُمْ وَ لَاكِنْ مَا يَكْرُبْنِي أَنَا. وَ خَلِّي هُمَّنْ يِبَرْجُلُوا وَ لَاكِنْ أَنَا مَا نِبَرْجِلْ. وَ جِيبْ فَوْقهُمْ يَوْم الْفَسَالَةْ وَ دَمِّرْهُمْ مَرَّةْ وَاحِدْ.

2 مُلوك 4:29

وَ أَلْيَسَعْ قَالْ لِقِحَازِي: «قُمّ أَرْبُطْ صُلْبَكْ وَ شِيلْ عَصَاتِي دِي فِي إِيدَكْ وَ أَمْشِي! وَ كَنْ لَمَّيْت مَعَ نَادُمْ فِي الدَّرِبْ، مَا تِسَلِّمَهْ وَ كَنْ نَادُمْ سَلَّمَاكْ كُلَ، مَا تُرُدّ لَيَّهْ. وَ خُطّ عَصَاتِي دِي فِي وِجْه الْوِلَيْد.»

1 تَسَلونِيكِي 2:2

تَعَرْفُوا كَدَرْ جِينَا لَيْكُو مِنْ حِلَّةْ فِلِبِّي التَّعَّبَوْنَا وَ عَيَّرَوْنَا فَوْقهَا بِلْحَيْن. لَاكِنْ اللّٰهْ أَنْطَانَا شَجَاعَةْ وَ قَمَّيْنَا نِبَلُّغُوا لَيْكُو بِشَارَةْ اللّٰهْ، حَتَّى كَانْ النَّاسْ خَالَفَوْنَا بِشِدَّةْ كُلَ.

2 مُلوك 9:1

وَ النَّبِي أَلْيَسَعْ نَادَى صَبِي وَاحِدْ مِنْ مَجْمُوعَةْ الْأَنْبِيَاء وَ قَالْ لَيَّهْ: «أَرْبُطْ صُلْبَكْ وَ شِيلْ الْقَزَّازَةْ هِنْت الدِّهِنْ دِي فِي إِيدَكْ وَ أَمْشِي حِلَّةْ رَامُوتْ الْفِي قِلْعَادْ.

2 مُلوك 1:15

وَ فِي الْبَكَانْ دَا، مَلَكْ اللّٰهْ حَجَّى لِإِلِيَاسْ وَ قَالْ لَيَّهْ: «أَنْزِلْ وَ أَمْشِي مَعَايَهْ، مَا تَخَافْ مِنَّهْ.» وَ خَلَاصْ، إِلِيَاسْ نَزَلْ وَ مَشَى مَعَ الْقَايِدْ دَا بَكَانْ الْمَلِكْ.

إرْمِيا 1:18

وَ الْيَوْم، أَنَا نِسَوِّيكْ قَوِي مِثِلْ مَدِينَةْ قَوِيَّةْ الْعِنْدَهَا عَمَدْ هَنَا حَدِيدْ وَ دَرَادِرْ هَنَا نَحَاسْ. وَ دَا لِتَبْقَى قَوِي قِدَّامْ كُلَّ بَلَدْ يَهُوذَا بِمُلُوكْهَا وَ كُبَارَاتْهَا وَ رُجَالْ دِينْهَا وَ شَعَبْهَا.

إرْمِيا 26:2

وَ دَاهُو اللّٰهْ قَالْ لَيَّهْ: «أَمْشِي أَقِيفْ فِي فَضَايَةْ بَيْت اللّٰهْ وَ حَجِّي لِلنَّاسْ الْيَجُوا مِنْ حِلَّالْ بَلَدْ يَهُوذَا لِيَعَبُدُوا فِي بَيْت اللّٰهْ. وَ حَجِّي لَيْهُمْ كُلَّ الْكَلَامْ الْأَنَا أَمَرْتَكْ لِتُقُولَهْ لَيْهُمْ، مَا تَنْقُصْ مِنَّهْ شَيّءْ.

إرْمِيا 26:12

وَ إِرْمِيَا قَالْ لِلْكُبَارَاتْ وَ لِكُلَّ الشَّعَبْ: «اللّٰهْ بَسْ رَسَّلَانِي لِنِتْنَبَّأْ ضِدّ الْبَيْت دَا وَ ضِدّ الْمَدِينَةْ دِي بِالْكَلَامْ الْإِنْتُو سِمِعْتُوهْ.

إرْمِيا 36:8

وَ خَلَاصْ، بَرُوكْ طَبَّقْ كُلَّ الْكَلَامْ الْأَمَرَهْ بَيَّهْ النَّبِي إِرْمِيَا. هُو مَشَى بَيْت اللّٰهْ لِيَقْرِي الْكِتَابْ الْمَلْفُوفْ الْفَوْقَهْ كَلَامْ اللّٰهْ.

مَراثِي إرْمِيا 3:57

وَكِتْ نَادَيْتَكْ، إِنْتَ قَرَّبْت لَيِّ وَ قُلْت لَيِّ: «مَا تَخَافْ!»