إرْمِيا 1:16 - الكتاب المقدس بالعربي الدارجي هنا تشاد

¹⁶ وَ بَيْدَا، أَنَا نِحَاكِمْ شَعَبِي فِي شَانْ فَسَالِتْهُمْ. وَ فَسَالِتْهُمْ دِي، هُمَّنْ أَبَوْنِي أَنَا وَ حَرَّقَوْا بَخُورْ لِإِلٰـهَاتْ آخَرِينْ وَ سَجَدَوْا لِلْأَصْنَامْ السَّوَّوْهُمْ بِإِيدَيْهُمْ.

إرْمِيا 1:16 Referenca të Kryqëzuara

إرْمِيا 19:4

أَشَانْ هُمَّنْ أَبَوْنِي وَ نَكَرَوْا الْبَكَانْ دَا وَ حَرَّقَوْا بَخُورْ لِإِلٰـهَاتْ آخَرِينْ الْأَوَّلْ مَا يَعَرْفُوهُمْ وَ لَا هُمَّنْ وَ لَا جُدُودْهُمْ وَ لَا مُلُوكْ يَهُوذَا. وَ هُمَّنْ دَفَّقَوْا دَمّ الْبَرِيِّينْ وَ مَلَوْا بَيَّهْ الْبَكَانْ دَا.

إرْمِيا 7:9

إِنْتُو تَسُرْقُوا وَ تَكْتُلُوا وَ تَزْنَوْا وَ تَحَلْفُوا بِكِدِبْ وَ تِحَرُّقُوا بَخُورْ لِإِلٰـهْ بَعَلْ وَ تَجْرُوا وَرَاءْ إِلٰـهَاتْ آخَرِينْ الْأَوَّلْ مَا تَعَرْفُوهُمْ.

أعمال الرُسُل 7:41

وَ فِي الْوَكِتْ دَا، صَنَعَوْا الصَّنَمْ الْيِشَابِهْ عِجِلْ. وَ قَدَّمَوْا لَيَّهْ ضَحِيَّةْ وَ عَيَّدَوْا بِفَرْحَةْ قِدَّامْ الشَّيّءْ الْهُمَّنْ بَسْ سَوَّوْه.

إشَعْيا 2:8

الْبَلَدْ مَلَانَةْ بِالْإِلٰـهَاتْ وَ النَّاسْ يَسْجُدُوا لِلصَّنَعَوْه بِإِيدَيْهُمْ أَيْوَى، يَسْجُدُوا لِلسَّوَّوْه بِأَصَابِعْهُمْ.

تَثْنِية 28:20

وَ اللّٰهْ يِرَسِّلْ ضِدُّكُو اللَّعَنَةْ وَ الْبَرْجَالْ وَ التَّهْدِيدْ فِي كُلَّ شَيّءْ التِّسَوُّوهْ، لَحَدِّي تِدَّمَّرَوْا وَ لَحَدِّي تِكَمُّلُوا بِسُرْعَةْ بِسَبَبْ الْفَسَالَةْ السَّوَّيْتُوهَا وَكِتْ أَبَيْتُونِي.

هُوشَع 11:2

لَاكِنْ فِي كُلِّ وَكِتْ كَنْ أَنَا نَادَيْت شَعَبِي، هُمَّنْ يِبَعُّدُوا مِنِّي. يِقَدُّمُوا ضَحَايَا لِإِلٰـهْ بَعَلْ وَ يِحَرُّقُوا بَخُورْ لِلْأَصْنَامْ.

هُوشَع 8:6

عِجِلْكُو دَا مِنْكُو إِنْتُو بَنِي إِسْرَائِيلْ بَسْ وَ إِنْسَانْ بَسْ صَنَعَهْ. هُو مَا إِلٰـهْ! وَ فِي شَانْ دَا، عِجِلْ السَّامِرَةْ يِلْكَسَّرْ.

إرْمِيا 44:17

وَ أَكِيدْ أَنِحْنَ نِطَبُّقُوا كُلَّ الْكَلَامْ الْمَرَقْ مِنْ خَشُمْنَا. وَ نِحَرُّقُوا بَخُورْ وَ نِقَدُّمُوا هَدِيَّةْ شَرَابْ لِإِلٰـهْنَا مَلِكَةْ السَّمَاءْ مِثِلْ أَوَّلْ أَنِحْنَ سَوَّيْنَاهْ، أَنِحْنَ وَ جُدُودْنَا وَ مُلُوكْنَا وَ كُبَارَاتْنَا فِي حِلَّالْ بَلَدْ يَهُوذَا وَ فِي شَوَارِعْ مَدِينَةْ الْقُدُسْ. وَ خَلَاصْ فِي الْوَكِتْ دَاكْ، أَنِحْنَ شِبِعْنَا وَ عِشْنَا فِي الرَّاحَةْ وَ أَبَداً مَا شِفْنَا تَعَبْ.

إرْمِيا 17:13

يَا اللّٰهْ! إِنْتَ عَشَمْ إِسْرَائِيلْ وَ كُلَّ الْيَابَوْك، الْعَيْب يِغَطِّيهُمْ. وَ الْيِبَعُّدُوا مِنَّكْ كَمَانْ يِلْعَاقَبَوْا أَشَانْ هُمَّنْ أَبَوْا عَيْن أَلْمِي الْحَيَاةْ وَ دَا إِنْتَ اللّٰهْ.

إرْمِيا 4:12

هِي رِيحْ شَدِيدَةْ بِلْحَيْن وَ جَايَةْ مِنْ هِنَاكْ بِأَمْرِي. وَ هَسَّعْ، أَنَا كُلَ نُقُمّ نِحَاكِمْهُمْ.»

إشَعْيا 37:19

وَ زَقَلَوْا إِلٰـهَاتْهُمْ فِي النَّارْ أَشَانْ هُمَّنْ أَصْنَامْ بَسْ السَّوَّوْهُمْ النَّاسْ بِإِيدَيْهُمْ مِنْ حَطَبْ وَ حَجَرْ. وَ مُلُوكْ أَشُورْ دَمَّرَوْهُمْ.

2 مُلوك 22:17

وَ دَا بِسَبَبْ هُمَّنْ أَبَوْنِي وَ حَرَّقَوْا بَخُورْ لِإِلٰـهَاتْ آخَرِينْ وَ غَضَّبَوْنِي بِكُلَّ عَمَلْهُمْ السَّوَّوْه. وَ غَضَبِي يَنْزِلْ فِي الْمَدِينَةْ دِي وَ أَنَا مَا نِوَقِّفَهْ.“›

يَشُوع 24:20

وَ وَكِتْ تَابَوْا اللّٰهْ وَ تَعَبُدُوا إِلٰـهَاتْ آخَرِينْ، هُو يُقُمّ ضِدُّكُو وَ يِعَاقِبْكُو وَ يِكَمِّلْكُو بَعَدْ هُو سَوَّى لَيْكُو كُلَّ الْخَيْر دَا.»

تَثْنِية 31:16

وَ اللّٰهْ قَالْ لِمُوسَى: «دَاهُو إِنْتَ تُمُوتْ وَ تَلْحَقْ أَبَّهَاتَكْ. وَ الشَّعَبْ دَوْل يُقُمُّوا يَعَبُدُوا إِلٰـهَاتْ الْأَجَانِبْ الْقَاعِدِينْ فِي الْبَلَدْ الْيَدْخُلُوا فَوْقهَا. وَ هُمَّنْ يِخَلُّونِي وَ يَقْطَعَوْا مُعَاهَدَتِي السَّوَّيْتهَا مَعَاهُمْ.

حِزْقِيال 24:14

وَ دَا، أَنَا اللّٰهْ بَسْ قُلْتَهْ. أَكِيدْ دَا يَجِي وَ أَنَا نِحَقِّقَهْ. مَا نِخَلِّي شَيّءْ وَ لَا نَرْحَمْ وَ لَا نِحِنّ. وَ يِحَاكُمُوكِ حَسَبْ عَمَلْكِ وَ دَرِبْكِ الشِّلْتِيهْ.» وَ دَا كَلَامْ اللّٰهْ الرَّبّ.

إرْمِيا 51:17

وَ أَيِّ نَادُمْ مُغَفَّلْ مَا عِنْدَهْ مَعْرَفَةْ. وَ أَيِّ صَيَّاغِي هَنَا صَنَمْ، الْعَيْب يَكُرْبَهْ أَشَانْ تِمْثَالَهْ دَا غَشّ، مَا عِنْدَهْ رُوحْ.

إرْمِيا 16:11

وَ خَلَاصْ، إِنْتَ رُدّ وَ قُولْ لَيْهُمْ: ‹أَشَانْ جُدُودْكُو أَبَوْنِي أَنَا اللّٰهْ وَ جَرَوْا وَرَاءْ إِلٰـهَاتْ آخَرِينْ لِيَعَبُدُوهُمْ وَ يَسْجُدُوا قِدَّامْهُمْ. وَ لَيِّ أَنَا كَمَانْ، أَبَوْنِي وَ وَصِيَّاتِي كُلَ مَا كَرَبَوْهُمْ قَوِي. وَ دَا كَلَامْ اللّٰهْ.

إرْمِيا 15:6

إِنْتِ بَسْ أَبَيْتِينِي وَ أَنْطَيْتِينِي ضَهَرْكِ وَ فِي شَانْ دَا، أَنَا مَدَّيْت إِيدِي لِنَضْرُبْكِ. أَشَانْ أَنَا مَا نَقْدَرْ بَتَّانْ، صَبَرْت لَيْكِ كَتِيرْ. وَ دَا كَلَامْ اللّٰهْ.

إرْمِيا 11:17

«وَ أَنَا اللّٰهْ الْقَادِرْ بَسْ مَقَّنْتَهَا وَ قَرَّرْت نِسَوِّي لَيْهَا الْفَسَالَةْ، بِسَبَبْ الْفَسَالَةْ السَّوَّوْهَا بَنِي إِسْرَائِيلْ وَ بَنِي يَهُوذَا. وَ هُمَّنْ غَضَّبَوْنِي وَكِتْ حَرَّقَوْا بَخُورْ لِإِلٰـهْ بَعَلْ.»

إرْمِيا 11:12

نَاسْ حِلَّالْ بَلَدْ يَهُوذَا وَ سُكَّانْ مَدِينَةْ الْقُدُسْ يَمْشُوا يِكَوْرُكُوا يِدَوْرُوا الْفَزَعْ مِنْ الْإِلٰـهَاتْ الْهُمَّنْ يِحَرُّقُوا لَيْهُمْ الْبَخُورْ. وَ لَاكِنْ الْإِلٰـهَاتْ دَوْل مَا يَقْدَرَوْا يِنَجُّوهُمْ مِنْ الْفَسَالَةْ دِي.

إرْمِيا 10:15

الْأَصْنَامْ زَايْلِينْ وَ هُمَّنْ عَمَلْ الْيِجِيبْ الشَّمَاتَةْ. وَ وَكِتْ الْعِقَابْ يَجِي، هُمَّنْ يِدَّمَّرَوْا.

إرْمِيا 5:29

هَلْ أَنَا مَا نِعَاقِبْ الْأَشْيَاءْ دَوْل؟ هَلْ مَا نِلْكَفَّى فِي الْأُمَّةْ الْمِثِلْ دِي؟ وَ دَا كَلَامْ اللّٰهْ.

إرْمِيا 5:9

هَلْ أَنَا مَا نِعَاقِبْ الْأَشْيَاءْ دَوْل؟ هَلْ مَا نِلْكَفَّى فِي الْأُمَّةْ الْمِثِلْ دِي؟ وَ دَا كَلَامْ اللّٰهْ.

إرْمِيا 4:28

وَ بِسَبَبْ دَا، الْأَرْض تَيْبَسْ وَ السَّمَاءْ فَوْق تِضَلِّمْ. أَشَانْ الْخَرَابْ دَا، أَنَا بَسْ قَرَّرْتَهْ، مَا نِخَلِّيهْ وَ مَا نِقَبِّلْ مِنَّهْ.»

إرْمِيا 2:17

يَا بَنِي إِسْرَائِيلْ، إِنْتُو بَسْ جِبْتُوهْ فِي رَاسْكُو أَشَانْ إِنْتُو أَبَيْتُوا اللّٰهْ إِلٰـهْكُو وَكِتْ هُو قَاعِدْ يُقُودْكُو فِي الدَّرِبْ الْعَدِيلْ.

إرْمِيا 2:13

وَ شَعَبِي سَوَّوْا فَسَالَةْ إِتْنَيْن. أَبَوْنِي أَنَا اللَّيْهُمْ مِثِلْ عَيْن أَلْمِي الْحَيَاةْ وَ مَشَوْا لِإِلٰـهَاتْ آخَرِينْ. الْإِلٰـهَاتْ دَوْل مِثِلْ خَزَّانَاتْ النَّكَتَوْهُمْ وَ أَشَّقَّقَوْا، مَا يَكُرْبُوا أَلْمِي.›»

إشَعْيا 65:3

هُمَّنْ شَعَبْ الدَّايْماً يِغَضُّبُونِي بِنِيِّتْهُمْ. وَ يَدْبَحَوْا لِإِلٰـهَاتْهُمْ فِي الْجِنَيْنَاتْ وَ يِحَرُّقُوا لَيْهُمْ بَخُورْ فِي دِرِنْقَيْل!

إشَعْيا 44:15

وَ دَوْل يَبْقَوْا لِلْإِنْسَانْ حَطَبْ لِلنَّارْ وَ يِشِيلْهُمْ وَ يِدَّفَّ بَيْهُمْ وَ يِدِسُّهُمْ فِي النَّارْ لِيِسَوِّي بَيْهُمْ أَكِلْ. وَ بِالْفَضَّلْ مِنْ الْحَطَبْ، يِسَوِّي إِلٰـهْ وَ يَرْكَعْ لَيَّهْ. أَيْوَى! يِسَوِّي صَنَمْ وَ يَسْجُدْ قِدَّامَهْ!

2 أخبار 34:25

وَ دَا فِي شَانْ شَعَبِي أَبَوْنِي وَ حَرَّقَوْا بَخُورْ لِإِلٰـهَاتْ آخَرِينْ وَ غَضَّبَوْنِي بِكُلَّ عَمَلْهُمْ السَّوَّوْه. وَ غَضَبِي يَنْزِلْ فِي الْمَدِينَةْ دِي وَ أَنَا مَا نِوَقِّفَهْ.“›

2 أخبار 15:2

وَ مَشَى بَكَانْ آسَا وَ قَالْ لَيَّهْ: «أَسْمَعَوْنِي، يَا آسَا وَ نَاسْ قَبَايِلْ يَهُوذَا وَ بَنْيَامِينْ. اللّٰهْ مَعَاكُو كَنْ إِنْتُو مَعَايَهْ. وَ كَنْ إِنْتُو تِفَتُّشُوهْ، هُو يِخَلِّيكُو تَلْقَوْه. وَ لَاكِنْ كَنْ إِنْتُو تَابَوْه، هُو كُلَ يَابَاكُو.

2 أخبار 7:19

«وَ لَاكِنْ كَنْ إِنْتَ وَ شَعَبَكْ أَبَيْتُوا مَا تِطَبُّقُوا قَوَانِينِي وَ لَا تَحْفَضَوْا وَصِيَّاتِي الْأَنَا أَمَرْتُكُو بَيْهُمْ وَ كَنْ تَمْشُوا تَعَبُدُوا إِلٰـهَاتْ آخَرِينْ وَ تَسْجُدُوا لَيْهُمْ،

يُوِيل 2:11

اللّٰهْ يَرْفَعْ حِسَّهْ قِدَّامْ دَيْشَهْ وَ عَسْكَرَهْ كُبَارْ وَ شُدَادْ يِطَبُّقُوا كَلَامَهْ. يَوْم اللّٰهْ عَظِيمْ وَ مُخِيفْ مَرَّةْ وَاحِدْ. يَاتُو يَقْدَرْ يَحْمَلَهْ؟

رُؤية 9:20

وَ النَّاسْ الْفَضَّلَوْا الْمَا مَاتَوْا بِالْوَبَاءْ دَوْل مَا تَابَوْا مِنْ ذُنُوبْهُمْ. هُمَّنْ مَا خَلَّوْا مِنْهُمْ عِبَادِتْهُمْ لِلشَّوَاطِينْ وَ لَا سُجُودْهُمْ لِلْأَصْنَامْ الصَّنَعَوْهُمْ مِنْ دَهَبْ وَ فُضَّةْ وَ نَحَاسْ وَ حَجَرْ وَ حَطَبْ. وَ أَصْنَامْهُمْ دَوْل مَا يَقْدَرَوْا يِشِيفُوا وَ لَا يَسْمَعَوْا وَ لَا يُرُوغُوا.

إرْمِيا 2:28

وَيْن إِلٰـهَاتْكُو الصَّنَعْتُوهُمْ؟ خَلِّي يُقُمُّوا كَنْ يَقْدَرَوْا يِنَجُّوكُو فِي الضِّيقَةْ. أَشَانْ إِلٰـهَاتْكُو بِقَوْا كَتِيرِينْ مِثِلْ مُدُنْكُو، يَا شَعَبْ يَهُوذَا.

إرْمِيا 10:3

أَشَانْ عَادَاتْ الشَّعَبْ دَوْل زَايْلِينْ. هُمَّنْ يَمْشُوا فِي الْغَابَةْ وَ يَقْطَعَوْا شَدَرْ وَ النَّجَّارْ يَنْجُرَهْ بِقَدُّومْ.

2 أخبار 28:2

وَ لَاكِنْ هُو تَابَعْ دَرِبْ مُلُوكْ مَمْلَكَةْ إِسْرَائِيلْ وَ هُو كُلَ سَوَّى أَصْنَامْ لِعِبَادَةْ الْإِلٰـهْ بَعَلْ.

إرْمِيا 2:19

وَ خَلِّي فَسَالِتْكُو تِقَبِّلْ لَيْكُو فِي رَاسْكُو وَ كُفُرْكُو يِعَاقِبْكُو. وَ أَعَرْفُوا كِكَّيْف الشَّيّءْ دَا فَسِلْ وَ مُرّ كَدَرْ تَابَوْنِي أَنَا اللّٰهْ إِلٰـهْكُو وَ أَبَداً مَا تَخَافَوْا مِنِّي.» وَ دَا كَلَامْ اللّٰهْ الرَّبّ الْقَادِرْ.

إرْمِيا 7:17

إِنْتَ مَا قَاعِدْ تِشِيفْ الشَّيّءْ الْقَاعِدِينْ يِسَوُّوهْ فِي حِلَّالْ بَلَدْ يَهُوذَا وَ شَوَارِعْ مَدِينَةْ الْقُدُسْ وَلَّا؟

إرْمِيا 7:18

الْعِيَالْ يِلَقُّطُوا حَطَبْ وَ الْأَبَّهَاتْ يِقَبُّضُوا نَارْ وَ الْعَوِينْ يِعَجِّنَنْ دَقِيقْ لِيِسَوَّنْ كَعَكْ الْيِقَدُّمُوهْ لِصَنَمْ الْأُسْمَهْ مَلِكَةْ السَّمَاءْ. هُمَّنْ قَاعِدِينْ يِقَدُّمُوا هَدِيَّةْ شَرَابْ لِإِلٰـهَاتْ آخَرِينْ وَ بَيْدَا، يِغَضُّبُونِي أَنَا.

إرْمِيا 18:15

وَ لَاكِنْ شَعَبِي نِسَوْنِي وَ حَرَّقَوْا بَخُورْ لِإِلٰـهَاتْ الْمَا يَنْفَعَوْا، الْيِتَرْتُعُوهُمْ فِي دَرِبْهُمْ. وَ فِي شَانْ الْإِلٰـهَاتْ دَوْل، هُمَّنْ أَبَوْا دَرِبْهُمْ الْعَدِيلْ هَنَا زَمَانْ لِيَمْشُوا فِي دَبَالِيْ الْكَدَادَةْ.

حِزْقِيال 16:18

وَ شِلْتِ خُلْقَانْكِ الْمُكَلَّفِينْ وَ لَبَّسْتِيهُمْ لِلْأَصْنَامْ دَوْل وَ قَدَّمْتِ لَيْهُمْ دِهْنِي وَ بَخُورِي.