يَعْقُوب 5:3 - الكتاب المقدس بالعربي الدارجي هنا تشاد

³ دَهَبْكُو وَ فُضِّتْكُو، التُّرَابْ يَاكُلْهُمْ. وَ مَالْكُو يَشْهَدْ فَوْقكُو وَ يَاكُلْ جِلِدْكُو مِثِلْ النَّارْ. إِنْتُو لَايَمْتُوا مَالْ كَتِيرْ لَاكِنْ الدُّنْيَا قَرِيبْ تِكَمِّلْ.

يَعْقُوب 5:3 Referenca të Kryqëzuara

رَوْمَا 2:5

لَاكِنْ رَاسَكْ قَوِي وَ فِي قَلْبَكْ مَا تِدَوْر تُتُوبْ. وَ بَيْدَا، إِنْتَ قَاعِدْ تِزِيدْ الْعِقَابْ الْيَجِي فَوْقَكْ فِي يَوْم غَضَبْ اللّٰهْ. وَ دَا الْيَوْم الْاللّٰهْ يِحَاسِبْ فَوْقَهْ النَّاسْ بِالْحَقّ.

رُؤية 21:8

لَاكِنْ الْخَوَّافِينْ وَ الْمَا مُؤمِنِينْ وَ الْفَاسْدِينْ وَ كَتَّالِينْ الدِّمَمْ وَ الزَّنَّايِينْ وَ السَّحَّارِينْ وَ عَابِدِينْ الْأَصْنَامْ وَ كُلَّ الْكَدَّابِينْ، بَكَانْهُمْ يَبْقَى بَحَرْ النَّارْ وَ الْكِبْرِيتْ الْأَصْفَرْ. وَ دَا بَسْ الْمَوْت التَّانِي.»

رُؤية 20:15

وَ كَنْ أُسُمْ هَنَا أَيِّ نَادُمْ مَا مَكْتُوبْ فِي كِتَابْ الْحَيَاةْ، هُو رَمَوْه فِي بَحَرْ النَّارْ.

إشَعْيا 2:2

فِي آخِرْ الْوَكِتْ، جَبَلْ بَيْت اللّٰهْ يَثْبِتْ فِي رُوسَيْ الْجِبَالْ وَ يَبْقَى عَالِي مِنْ كُلَّ الْحُجَارْ. وَ كُلَّ الْأُمَمْ يَجُوا لَيَّهْ بِكَتَرَةْ مِثِلْ أَلْمِي الْجَارِي.

2 بُطْرُس 3:3

وَ دَاهُو أَوَّلْ شَيّءْ الْوَاجِبْ تَفْهَمَوْه. فِي الزَّمَنْ الْأَخِيرْ شَمَّاتِينْ يُقُمُّوا وَ يِشَّمَّتَوْا. وَ يِتَابُعُوا شَهْوَاتْهُمْ بَسْ.

2 تِمُوتَاوُس 2:17

وَ كَلَامْهُمْ يِشَتِّتْ بَيْن النَّاسْ مِثِلْ مَرَضْ السَّيْرَطَانْ فِي الْجِسِمْ. وَ مِنْهُمْ هَمَانِي وَ فِلِيتُسْ.

مِيخا 4:1

وَ فِي آخِرْ الْوَكِتْ، جَبَلْ بَيْت اللّٰهْ يَثْبِتْ فِي رُوسَيْ الْجِبَالْ وَ يَبْقَى عَالِي مِنْ كُلَّ الْحُجَارْ. وَ الشُّعُوبْ يَجُوا لَيَّهْ بِكَتَرَةْ مِثِلْ أَلْمِي الْجَارِي.

مِيخا 3:3

إِنْتُو تَاكُلُوا لَحَمْ شَعَبِي وَ تَسْلَخَوْا فَرْوِتْهُمْ وَ تِكَسُّرُوا عُضَامْهُمْ. وَ تِقَطُّعُوا لَحَمْ شَعَبِي مِثِلْ تُصُبُّوهْ فِي بُرْمَةْ وَ تِرَكُّبُوهْ فِي كَلَوْل.»

إرْمِيا 19:9

وَ أَنَا نِنَزِّلْ لَيْهُمْ جُوعْ شَدِيدْ لَحَدِّي يَاكُلُوا أَوْلَادْهُمْ وَ بَنَاتْهُمْ وَ أَيِّ وَاحِدْ يَاكُلْ أَخُوهْ تِحِتْ الْحِصَارْ وَ الضِّيقَةْ. وَ عُدْوَانْهُمْ الْيِدَوْرُوا مَوْتهُمْ يِضَايُقُوهُمْ.

أيُّوب 16:8

وَ إِنْتَ خَطَّيْت أَلَمْ فِي جِسْمِي الْيَشْهَدْ فَوْقِي وَ بَطُولِي جَابْ التُّهْمَةْ فَوْقِي.

يَشُوع 24:27

وَ قَالْ لِكُلَّ الشَّعَبْ: «دَاهُو الْحَجَرْ يُكُونْ شَاهِدْ فَوْقنَا أَشَانْ هُو سِمِعْ كُلَّ كَلَامْ اللّٰهْ وَكِتْ كَلَّمْ مَعَانَا. وَ الْحَجَرْ دَا يَشْهَدْ فَوْقكُو أَشَانْ مَا تَنْكُرُوا إِلٰـهْكُو.»

تكوين 49:1

وَ بَعَدْ دَا، يَعْقُوبْ قَالْ لِعِيَالَهْ: «لِمُّوا تَعَالُوا، أَنَا نِبَارِكُّو وَ نِخَبِّرْكُو بِالشَّيّءْ الْبَعَدَيْن يُكُونْ لَيْكُو.

تكوين 31:52

الْكَوْم هَنَا الْحَجَرْ دَا شَاهِدْ وَ الْحَجَرْ الْإِنْتَ غَزَّيْتَهْ دَا، كُلَ شَاهِدْ. أَشَانْ أَنَا مَا نَزْحَفْ عَلَيْك غَادِي مِنْ الْكَوْم دَا وَ إِنْتَ كُلَ مَا تَزْحَفْ عَلَيِّ جَايِ مِنْ الْحَجَرْ دَا، لِمَا نِسَوُّوا أَمْبَيْنَاتْنَا شَيّءْ فَسِلْ.

رُؤية 17:16

وَ إِنْتَ شِفْت الْعَشَرَةْ قُرُونْ وَ الْحَيْوَانْ. وَ هُمَّنْ يَكْرَهَوْا الشَّرْمُوطَةْ وَ يِشِيلُوا مِنْهَا كُلِّ شَيّءْ الْعِنْدَهَا وَ يِشَرُّطُوا مِنْهَا كُلَّ لُبَاسْهَا وَ يَاكُلُوا لَحَمْهَا وَ يِحَرُّقُوهَا بِالنَّارْ.

تكوين 31:48

وَ لَابَانْ قَالْ: «الْكَوْم دَا يُكُونْ شَهَادَةْ الْمُعَاهَدَةْ بَيْنِي وَ بَيْنَكْ الْيَوْم.» أَشَانْ دَا، سَمَّوْه الْكَوْم قَلْعِيدْ (مَعَنَاتَهْ الْكَوْم الْيِفَكِّرْنَا فِي الْمُعَاهَدَةْ).

أعمال الرُسُل 2:17

هُو قَالْ: <فِي الزَّمَنْ الْأَخِيرْ، أَنَا نِنَزِّلْ رُوحِي فِي كُلَّ النَّاسْ. وَ دَا بَسْ كَلَامْ اللّٰهْ. أَوْلَادْكُو وَ بَنَاتْكُو يِتْنَبَّأَوْا وَ صُبْيَانْكُو يِشِيفُوا رُؤْيَةْ وَ شِيَّابْكُو يَحْلَمَوْا بِحِلِمْ.