يَعْقُوب 4:6 - الكتاب المقدس بالعربي الدارجي هنا تشاد

⁶ النِّعْمَةْ الْاللّٰهْ يَنْطِيهَا لَيْنَا كَبِيرَةْ زِيَادَةْ. وَ أَشَانْ دَا، الْكِتَابْ بُقُولْ: <اللّٰهْ يُقُمّ ضِدّ النَّاسْ الْيِسْتَكْبَرَوْا لَاكِنْ هُو يَنْطِي نِعْمَةْ لِلنَّاسْ الْيِمَسْكُنُوا نُفُوسْهُمْ.>

يَعْقُوب 4:6 Referenca të Kryqëzuara

مَتَّى 23:12

أَشَانْ أَيِّ نَادُمْ الْيِسَوِّي نَفْسَهْ كَبِيرْ، اللّٰهْ يِسَوِّيهْ صَغَيَّرْ وَ النَّادُمْ الْيِسَوِّي نَفْسَهْ صَغَيَّرْ، اللّٰهْ يِسَوِّيهْ كَبِيرْ.

أمْثال 3:34

يِشَّمَّتْ لِلشَّمَّاتِينْ وَ لَاكِنْ يَرْضَى لِلْمَسَاكِينْ.

1 بُطْرُس 5:5

وَ لَيْكُو إِنْتُو الشَّبَابْ كُلَ، أَسْمَعَوْا عَدِيلْ كَلَامْ كُبَارَاتْكُو. وَ نُقُولْ لَيْكُو كُلُّكُو، مَسْكُنُوا نُفُوسْكُو أَمْبَيْنَاتْكُو الْوَاحِدِينْ لِلْآخَرِينْ. أَشَانْ اللّٰهْ يُقُمّ ضِدّ النَّاسْ الْيِسْتَكْبَرَوْا لَاكِنْ هُو يَنْطِي نِعْمَةْ لِلنَّاسْ الْيِمَسْكُنُوا نُفُوسْهُمْ.

أمْثال 18:12

قَبُلْ الْخَرَابْ، الْإِسْتِكْبَارْ وَ قَبُلْ الشَّرَفْ، التَّوَاضُعْ.

زَبُور 138:6

اللّٰهْ قَاعِدْ فِي الْعَالِي وَ يِشِيفْ الْمِسْكِينْ وَ مِنْ بَعِيدْ، يَعَرِفْ الْمُسْتَكْبِرْ.»

أمْثال 29:23

الْيِعَظِّمْ نَفْسَهْ، يَرْمُوهْ وَ الْيِمَسْكِنْ نَفْسَهْ، يِشَرُّفُوهْ.

أمْثال 22:4

الْيِمَسْكِنْ نَفْسَهْ وَ يَخَافْ مِنْ اللّٰهْ يَلْقَى الْغُنَى وَ الشَّرَفْ وَ يِزِيدْ عُمْرَهْ.

لُوقا 14:11

أَشَانْ أَيِّ نَادُمْ الْيِسَوِّي نَفْسَهْ كَبِيرْ، اللّٰهْ يِسَوِّيهْ صَغَيَّرْ. وَ النَّادُمْ الْيِسَوِّي نَفْسَهْ صَغَيَّرْ، اللّٰهْ يِسَوِّيهْ كَبِيرْ.»

إشَعْيا 2:17

وَ خَلَاصْ، الْإِنْسَانْ الْفَشَّارْ يِدَلِّي رَاسَهْ وَ النَّادُمْ الْمُسْتَكْبِرْ، يِدَنْقِرْ. وَ فِي الْيَوْم دَا، اللّٰهْ وِحَيْدَهْ بَسْ يِعَظُّمُوهْ.

أيُّوب 22:29

وَ كَنْ نَاسْ وَاحِدِينْ يِلْمَسْكَنَوْا، إِنْتَ تُقُولْ: «قُمُّوا فَوْق!» أَشَانْ الرَّبّ يِنَجِّي الْمِسْكِينْ.

لُوقا 18:14

«وَ نُقُولْ لَيْكُو مِنْ النَّاسَيْن دَوْل، الرَّاجِلْ التَّانِي بَسْ قَبَّلْ فِي بَيْتَهْ وَ اللّٰهْ جَعَلَهْ صَالِحْ. أَشَانْ أَيِّ نَادُمْ الْيِسَوِّي نَفْسَهْ كَبِيرْ، اللّٰهْ يِسَوِّيهْ صَغَيَّرْ وَ النَّادُمْ الْيِسَوِّي نَفْسَهْ صَغَيَّرْ، اللّٰهْ يِسَوِّيهْ كَبِيرْ.»

دَنْيال 4:37

هَسَّعْ دَا، أَنَا نَبُوخَدْنَصَرْ نِغَنِّي بِأُسْمَهْ وَ نَشْكُرَهْ وَ نِمَجِّدْ اللّٰهْ مَلِكْ السَّمَاوَاتْ الْكُلَّ عَمَلَهْ صَحِيحْ وَ كُلَّ دُرُوبَهْ عِنْدُهُمْ عَدَالَةْ. وَ هُو قَادِرْ يِزِلّْ الْمُسْتَكْبِرِينْ.»

إشَعْيا 57:15

أَشَانْ دَاهُو كَلَامْ اللّٰهْ الْعَالِي الْقَاعِدْ فَوْق، هُو الْقَاعِدْ إِلَى الْأَبَدْ وَ أُسْمَهْ الْقُدُّوسْ. هُو قَالْ: «أَنَا قَاعِدْ فِي بَكَانْ عَالِي وَ مُقَدَّسْ وَ قَاعِدْ بَتَّانْ مَعَ نَاسْ الْقُلُوبْهُمْ تَعْبَانِينْ وَ رُوحْهُمْ مُتَوَاضِعَةْ لِنَحَيِي رُوحْ الْمُتَوَاضِعِينْ وَ نَحَيِي قُلُوبْ التَّعْبَانِينْ.

لُوقا 1:52

هُو دَلَّى مُلُوكْ قَوِيِّينْ مِنْ كَرَاسِيهُمْ وَ رَفَعْ الْمَسَاكِينْ.

أمْثال 15:33

الْخَوْف مِنْ اللّٰهْ يِزِيدْ حِكْمَتَكْ. كَنْ تِدَوْر الشَّرَفْ، مَسْكِنْ نَفْسَكْ.

2 أخبار 33:12

وَ وَكِتْ قَاعِدْ فِي الضِّيقَةْ، مَنَسَّى بَكَى لِلّٰهْ إِلٰـهَهْ وَ مَسْكَنْ نَفْسَهْ قِدَّامْ اللّٰهْ رَبّ جُدُودَهْ.

1 صَمُوِيل 2:3

«مَا تِكَلُّمُوا بِإِسْتِكْبَارْ زِيَادَةْ وَ مَا تَمُرْقُوا كَلَامْ بَلَا أَدَبْ. أَشَانْ اللّٰهْ هُو الْإِلٰـهْ الْعَالِمْ بِكُلَّ شَيّءْ وَ يَوْزِنْ أَعْمَالْ النَّاسْ فِي الْمِيزَانْ.

2 أخبار 34:27

وَ قَلْبَكْ خَافْ وَ إِنْتَ أَلْمَسْكَنْت قِدَّامِي أَنَا الرَّبّ وَكِتْ إِنْتَ سِمِعْت الْكَلَامْ الْأَنَا قُلْتَهْ ضِدّ مَدِينَةْ الْقُدُسْ وَ سُكَّانْهَا. وَ إِنْتَ مَسْكَنْت نَفْسَكْ قِدَّامِي وَ شَرَّطْت خُلْقَانَكْ مِنْ الْحِزِنْ وَ بَكَيْت قِدَّامِي. وَ أَنَا كُلَ سِمِعْتَكْ. وَ دَا كَلَامْ اللّٰهْ.

2 أخبار 32:26

وَ بَعَدْ دَا، حِزْقِيَّا وَ سُكَّانْ مَدِينَةْ الْقُدُسْ مَسْكَنَوْا نُفُوسْهُمْ مِنْ الْإِسْتِكْبَارْ. وَ بَيْدَا، اللّٰهْ مَا نَزَلْ غَضَبَهْ فَوْقهُمْ فِي مُدَّةْ حَيَاةْ حِزْقِيَّا.

مَتَّى 13:12

أَشَانْ يَنْطُوا النَّادُمْ الْعِنْدَهْ وَ يِزِيدْ لَيَّهْ. وَ لَاكِنْ النَّادُمْ الْمَا عِنْدَهْ، الشِّيَّةْ الْعِنْدَهْ كُلَ يِشِيلُوهْ مِنَّهْ.

2 أخبار 33:23

وَ لَاكِنْ آمُونْ مَا مَسْكَنْ نَفْسَهْ قِدَّامْ اللّٰهْ مِثِلْ أَبُوهْ مَنَسَّى سَوَّاهْ وَ هُو خَطَا زِيَادَةْ مِنْ أَبُوهْ.

خُروج 18:11

وَ هَسَّعْ أَنَا عِرِفْت كَدَرْ اللّٰهْ أَكْبَرْ مِنْ كُلَّ الْإِلٰـهَاتْ أَشَانْ هُو وَصَّفْ قُدُرْتَهْ لِلنَّاسْ الظَّلَمَوْا بَنِي إِسْرَائِيلْ.»

إشَعْيا 54:7

لِمُدَّةْ قِصَيْرَةْ بَسْ، أَنَا خَلَّيْتكِ وَ لَاكِنْ بِرَحْمَتِي الْوَسِيعَةْ، نِقَبِّلْكِ بَتَّانْ.

زَبُور 9:12

أَشَانْ هُو يِكَفِّي التَّارْ وَ يِذَّكَّرْ الْمَيِّتْ وَ مَا يَنْسَى صِرَاخْ الْمَسَاكِينْ.

2 أخبار 33:19

وَ صَلَاتَهْ الْقِبِلْهَا اللّٰهْ وَ ذُنُوبَهْ وَ عِصْيَانَهْ وَ الْبُنَى هَنَا الْبَكَانَاتْ الْعَالِيِينْ الْغَزَّ فَوْقهُمْ عِيدَانْ لِعِبَادَةْ أَشِيرَةْ وَ الْأَصْنَامْ، دَوْل كُلَّ مَكْتُوبِينْ فِي كِتَابْ الْأَنْبِيَاء الْيِشِيفُوا بِرُؤْيَةْ.

يَعْقُوب 4:10

مَسْكُنُوا نُفُوسْكُو قِدَّامْ اللّٰهْ وَ خَلَاصْ، هُو يَرْفَعْكُو.