يَعْقُوب 4:4 - الكتاب المقدس بالعربي الدارجي هنا تشاد

⁴ إِنْتُو شَعَبْ مُنَافِقِينْ! مَا تَعَرْفُوا كَدَرْ النَّاسْ الْيِحِبُّوا الدُّنْيَا عُدْوَانْ اللّٰهْ؟ وَ النَّادُمْ الْيِحِبّ الدُّنْيَا سَوَّى نَفْسَهْ عَدُو اللّٰهْ.

يَعْقُوب 4:4 Referenca të Kryqëzuara

رَوْمَا 8:7

أَشَانْ النَّادُمْ الْعَقْلَهْ ثَابِتْ فِي الْفِكِرْ الْإِنْسَانْ، هُو دَا عَدُو اللّٰهْ وَ مَا يِطَبِّقْ وَصَايَا اللّٰهْ. أَيْوَى، هُو مَا يَقْدَرْ يِطَبِّقْهُمْ.

غَلاطِية 1:10

شُنُو فِكِرْكُو فِي الْكَلَامْ دَا؟ نِدَوْر نَلْقَى بَيَّهْ رِضَى مِنْ النَّاسْ وَلَّا رِضَى مِنْ اللّٰهْ؟ نِدَوْر نَعَجِبْ النَّاسْ وَلَّا؟ نُقُولْ لَيْكُو كَنْ أَنَا لِسَّاعْ نِدَوْر نَعَجِبْ النَّاسْ، خَلَاصْ أَنَا مَا عَبْد الْمَسِيحْ.

يُوحَنَّا 15:19

كَنْ إِنْتُو مِنْ الدُّنْيَا، نَاسْ الدُّنْيَا يِحِبُّوكُو أَشَانْ إِنْتُو نَاسْهُمْ. لَاكِنْ هَسَّعْ إِنْتُو مَا مِنْ الدُّنْيَا أَشَانْ أَنَا عَزَلْتُكُو مِنْ أُسُطْ نَاسْ الدُّنْيَا لِتَبْقَوْا نَاسِي. وَ أَشَانْ دَا، نَاسْ الدُّنْيَا يَكْرَهَوْكُو.

مَتَّى 6:24

«مَا مُمْكِنْ نَادُمْ يَبْقَى عَبِدْ لِسِيَادْ إِتْنَيْن. أَشَانْ هُو يَكْرَهْ الْأَوَّلْ وَ يِرِيدْ التَّانِي وَلَّا يِحِبَّهْ لِلْأَوَّلْ بِكُلَّ قَلْبَهْ وَ يَحْقِرْ التَّانِي. وَ إِنْتُو كُلَ، مَا تَقْدَرَوْا تَبْقَوْا عَبِيدْ لِلّٰهْ وَ عَبِيدْ لِلْمَالْ.

يُوحَنَّا 17:14

أَنَا أَوْرَيْت نَاسِي بِكَلَامَكْ وَ نَاسْ الدُّنْيَا كِرْهَوْهُمْ أَشَانْ نَاسِي مَا هَنَا الدُّنْيَا مِثِلْ أَنَا كُلَ مَا هَنَا الدُّنْيَا.

يَعْقُوب 1:27

دَاهُو الدِّينْ الصَّافِي الْمَا عِنْدَهْ عَيْب قِدَّامْ أَبُونَا اللّٰهْ. عَاوُنُوا الْأَتَامَا وَ الْعَوِينْ الْأَرَامِلْ الْقَاعِدِينْ فِي التَّعَبْ. وَ أَقِيفُوا بَعِيدْ مِنْ الْأَشْيَاءْ الْيِنَجُّسُوا نَاسْ الدُّنْيَا.

رَوْمَا 5:10

وَ وَكِتْ أَنِحْنَ لِسَّاعْنَا عُدْوَانْ اللّٰهْ، مَوْت إِبْنَهْ صَالَحَانَا مَعَايَهْ. وَ بِمِثِلْ دَا، كَنْ عِنْدِنَا صُلُحْ مَعَايَهْ بِمَوْت إِبْنَهْ، أَكِيدْ نَنْجَوْا بِحَيَاةْ إِبْنَهْ.

مَتَّى 16:4

وَ نَاسْ الْوَكِتْ دَا فَسْلِينْ وَ خَايْنِينْ وَ يِدَوْرُوا دَلِيلْ أَشَانْ يِآمُنُوا. وَ اللّٰهْ مَا يَنْطِيهُمْ دَلِيلْ إِلَّا الدَّلِيلْ هَنَا النَّبِي يُونُسْ.» وَ خَلَاصْ، عِيسَى خَلَّاهُمْ وَ مَشَى.

هُوشَع 3:1

وَ اللّٰهْ قَالْ لَيِّ: «أَمْشِي حِبّ بَتَّانْ مَرْتَكْ الزَّانِيَةْ التِّحِبّ رَاجِلْ آخَرْ. وَ دَا مِثِلْ حُبِّي أَنَا اللّٰهْ لِبَنِي إِسْرَائِيلْ حَتَّى كَانْ هُمَّنْ مَشَوْا لِإِلٰـهَاتْ آخَرِينْ كُلَ وَ حَبَّوْا عَبُّودْ الْعِنَبْ الْقَدَّمَوْه لِلْإِلٰـهَاتْ دَوْل.»

يُوحَنَّا 7:7

نَاسْ الدُّنْيَا مَا يَكْرَهَوْكُو وَ لَاكِنْ يَكْرَهَوْنِي أَنَا أَشَانْ أَنَا شَاهِدْ فَوْقهُمْ وَ نُقُولْ عَمَلْهُمْ فَسِلْ.

زَبُور 73:27

أَشَانْ الْيِبَعُّدُوا مِنَّكْ يِدَّمَّرَوْا وَ إِنْتَ تَهْلِكْ أَيِّ وَاحِدْ الْيَابَاكْ.

لُوقا 19:27

وَ خَلَاصْ، وَيْن عُدْوَانِي دَوْل الْمَا دَوَّرَوْا أَنَا نَبْقَى فَوْقهُمْ مَلِكْ؟ جِيبُوهُمْ هِنِي وَ أَكْتُلُوهُمْ قِدَّامِي!›»

مَتَّى 12:39

وَ عِيسَى رَدَّ لَيْهُمْ وَ قَالْ: «نَاسْ الْوَكِتْ دَا فَسْلِينْ وَ خَايْنِينْ وَ يِدَوْرُوا دَلِيلْ أَشَانْ يِآمُنُوا. وَ اللّٰهْ مَا يَنْطِيهُمْ دَلِيلْ إِلَّا الدَّلِيلْ هَنَا النَّبِي يُونُسْ.

زَبُور 21:8

يَا رَبّ! إِيدَكْ تَلْحَقْ كُلَّ عُدْوَانَكْ وَ إِيدَكْ الزَّيْنَةْ تَلْحَقْ الْيَكْرَهَوْك.

إرْمِيا 9:2

وَ كَنْ فِيَّهْ لِقْدَابَةْ فِي الصَّحَرَاء لِلْمُسَافِرِينْ، أَنَا نَجْرِي نَقْعُدْ فَوْقهَا بَعِيدْ مِنْ شَعَبِي وَ نِخَلِّيهُمْ. أَشَانْ كُلُّهُمْ زَنَّايِينْ وَ خَايْنِينْ.

إشَعْيا 57:3

كَنْ لَيْكُو إِنْتُو، قَرُّبُوا تَعَالُوا هِنِي! يَا عِيَالْ الْمَرَةْ التِّحَجِّي بِعِلِمْ الْغَيْب! يَا إِنْتُو ذُرِّيَّةْ الزَّانِيَةْ الشَّرْمُوطَةْ!

زَبُور 50:18

وَ كَنْ إِنْتَ شِفْت سَرَّاقْ، تِسْتَفِقْ مَعَايَهْ وَ تَمْشِي مَعَ الزَّنَّايِينْ.

إرْمِيا 2:2

«أَمْشِي أَوْرِي نَاسْ مَدِينَةْ الْقُدُسْ وَ قُولْ لَيْهُمْ: ‹دَاهُو اللّٰهْ قَالْ: ”أَنَا نِذَّكَّرْ أَمَانْكُو فِي وَكِتْ شَبَابْكُو وَ حُبُّكُو لَيِّ مِثِلْ الْمَرَةْ الدَّهَابْهَا أَخَدَتْ وَ إِنْتُو تَابَعْتُونِي فِي الصَّحَرَاء وَ هِي أَرْض بُورَةْ.

تكوين 3:15

إِنْتَ وَ الْمَرَةْ تَبْقَوْا عُدْوَانْ وَ ذُرِّيّتَكْ وَ ذُرِّيِّتْهَا يَبْقَوْا عُدْوَانْ. وَ وَاحِدْ مِنْهُمْ يِكَسِّرْ رَاسَكْ وَ إِنْتَ تِعَضِّيهْ فِي كَعَبَهْ.»

حِزْقِيال 16:32

لَا! إِنْتِ مِثِلْ مَرَةْ زَانِيَةْ التِّفَتِّشْ رُجَالْ آخَرِينْ بَلَا رَاجِلْهَا!

1 كُرُنْتُس 1:20

وَ هَسَّعْ دَا، وَيْن الْحَكِيمْ؟ وَيْن الْعَالِمْ؟ وَيْن الْمُتَكَلِّمْ الْيِرِيدُوهْ نَاسْ الدُّنْيَا؟ خَلَاصْ، اللّٰهْ وَصَّفْ كَدَرْ حِكْمَةْ نَاسْ الدُّنْيَا بَاطْلَةْ.

1 كُرُنْتُس 1:21

أَشَانْ اللّٰهْ سَوَّى كُلَّ شَيّءْ حَسَبْ حِكْمَتَهْ وَ لَاكِنْ نَاسْ الدُّنْيَا مَا أَعْتَرَفَوْا بَيَّهْ. وَ خَلَاصْ اللّٰهْ شَالْ نِيَّةْ أَشَانْ يِنَجِّي النَّاسْ الْيِآمُنُوا بَيَّهْ بِطَرِيقْ الْبِشَارَةْ، حَتَّى كَانْ نَاسْ الدُّنْيَا يِشِيفُوهْ كَلامْ بَاطِلْ كُلَ.