يَعْقُوب 4:11 - الكتاب المقدس بالعربي الدارجي هنا تشاد

¹¹ يَا أَخْوَانِي، مَا تُقُولُوا كَلَامْ فَسِلْ أَمْبَيْنَاتْكُو. أَيِّ نَادُمْ الْيَتْهَمْ أَخُوهْ وَلَّا يُقُولْ كَلَامْ فَسِلْ فَوْقَهْ، هُو دَا قَاعِدْ يَتْهَمْ وَصَايَا اللّٰهْ وَ يُقُولْ كَلَامْ فَسِلْ فَوْقهُمْ. وَ كَنْ إِنْتَ تُقُولْ كَلَامْ فَسِلْ فِي الْوَصَايَا دَوْل، خَلَاصْ إِنْتَ مَا قَاعِدْ تِطَبِّقْهُمْ لَاكِنْ سَوَّيْت نَفْسَكْ حَاكِمْ.

يَعْقُوب 4:11 Referenca të Kryqëzuara

1 بُطْرُس 2:1

أَشَانْ دَا، خَلُّوا مِنْكُو كُلَّ الْفَسَالَةْ وَ كُلَّ النَّجَاضَةْ وَ النِّفَاقْ وَ الْحُسُدْ وَ الْقَطِيعَةْ.

رَوْمَا 2:1

وَ إِنْتَ التُّلُومْ النَّاسْ، كَنْ إِنْتَ تَبْقَى يَاتُو كُلَ، مَا عِنْدَكْ كَلَامْ. فِي الشَّيّءْ التُّلُومْ فَوْقَهْ نَادُمْ آخَرْ، إِنْتَ قَاعِدْ تُلُومْ نَفْسَكْ أَشَانْ إِنْتَ التُّلُومْ أَخُوكْ، قَاعِدْ تِسَوِّي نَفْس الشَّيّءْ مِثْلَهْ.

يَعْقُوب 5:9

يَا أَخْوَانِي، مَا تِلْهَارَجَوْا أَمْبَيْنَاتْكُو أَشَانْ اللّٰهْ مَا يِحَاسِبْكُو. أَسْمَعَوْا كَلَامِي! الْيِحَاسِبْنَا دَا جَاهِزْ قِدَّامْ الْبَابْ.

لُوقا 6:37

«مَا تِحَاكُمُوا النَّاسْ أَشَانْ اللّٰهْ مَا يِحَاكِمْكُو إِنْتُو. مَا تَجْعَلَوْا النَّاسْ خَاطِيِّينْ أَشَانْ اللّٰهْ مَا يَجْعَلْكُو إِنْتُو خَاطِيِّينْ. سَامُحُوا النَّاسْ وَ اللّٰهْ يِسَامِحْكُو.

1 كُرُنْتُس 4:5

بِمِثِلْ دَا، مَا تِحَاسُبُوا خِدْمَةْ أَيِّ نَادُمْ قُبَّالْ يَوْم الْحِسَابْ. فِي الْيَوْم دَا، رَبِّنَا يَجِي وَ يِبَيِّنْ كُلَّ شَيّءْ الْمُلَبَّدْ فِي الضَّلَامْ وَ يَكْشِفْ نِيَّةْ النَّاسْ الْقَاعِدَةْ فِي قُلُوبْهُمْ. وَ أَيِّ نَادُمْ يَلْقَى رِضَى، مَا مِنْ النَّاسْ لَاكِنْ مِنْ اللّٰهْ.

زَبُور 140:11

خَلِّي اللِّسَانَهْ طَوِيلْ مَا يَقْعُدْ فِي الْبَلَدْ وَ الْفَسَالَةْ تِطَارِدْ سِيدْ الْعُنُفْ.»

أفَسُس 4:31

خَلِّي الزَّعَلْ وَ الْغَبِينَةْ وَ الْغَضَبْ وَ الْهُرَاجْ وَ الْقَطِيعَةْ يَبْقَوْا مَا فِيهُمْ أَمْبَيْنَاتْكُو وَ خَلُّوا مِنْكُو الْحَسِيفَةْ.

2 كُرُنْتُس 12:20

وَ هَسَّعْ أَنَا خَايِفْ أَشَانْ وَكِتْ نَجِيكُو، إِنْتُو مَا تُكُونُوا مِثِلْ أَنَا نِدَوْرَهْ وَ أَنَا كَمَانْ مَا نُكُونْ مِثِلْ إِنْتُو تِدَوْرُوهْ. أَكُونْ نَلْقَى أَمْبَيْنَاتْكُو الْهُرَاجْ وَ الْحُسُدْ وَ الزَّعَلْ وَ الْمُخَاصَمَةْ وَ الْبَغَاضَةْ وَ الْقُوَالَةْ وَ الْإِسْتِكْبَارْ وَ الْبَرْجَالْ.

2 تِمُوتَاوُس 3:3

وَ مَا عِنْدُهُمْ مَحَنَّةْ وَ يَابَوْا مَا يِسَامُحُوا. وَ يَبْقَوْا قَطَّاعِينْ وَ مَا قَادْرِينْ يِثَبُّتُوا نُفُوسْهُمْ وَ يَبْقَوْا كَشْرَانِينْ وَ يَكْرَهَوْا الْخَيْر.

1 تِمُوتَاوُس 3:11

وَ نَفْس الشَّيّءْ لِعَوِينْهُمْ. وَاجِبْ مَرِةْ الْمُعَاوِنْ تَبْقَى مُحْتَرَمَةْ وَ مَا قَوَّالَةْ لَاكِنْ عَاقْلَةْ وَ أَمِينَةْ فِي كُلِّ شَيّءْ.

رَوْمَا 7:7

وَ كَنْ نُقُولُوا شُرُوطْ التَّوْرَاةْ سَبَّبَوْا فَوْقنَا ذُنُوبْ، فِي الْكَلَامْ دَا نُقُولُوا التَّوْرَاةْ وَ الذُّنُوبْ هُمَّنْ سَوَا وَلَّا؟ لَا! أَشَانْ أَوَّلْ أَنَا مَا عِرِفْت الذَّنِبْ لَاكِنْ التَّوْرَاةْ بَسْ عَرَّفَانِي بَيَّهْ. أَوَّلْ كَنْ التَّوْرَاةْ مَا قَالْ: <مَا تَطْمَعْ>، أَنَا مَا نَعَرِفْ الطَّمَعْ.

رَوْمَا 2:13

أَشَانْ النَّاسْ الصَّالِحِينْ قِدَّامْ اللّٰهْ، هُمَّنْ مَا النَّاسْ الْيَعَرْفُوا شُرُوطْ التَّوْرَاةْ، لَاكِنْ هُمَّنْ النَّاسْ الْيِطَبُّقُوا شُرُوطْ التَّوْرَاةْ. هُمَّنْ بَسْ النَّاسْ الْاللّٰهْ يَجْعَلْهُمْ صَالِحِينْ.

يَعْقُوب 1:25

وَ لَاكِنْ كَنْ نَادُمْ يُخُطّ بَالَهْ عَدِيلْ فِي وَصَايَا اللّٰهْ الْكَامِلِينْ الْيَنْطُونَا الْحُرِّيَّةْ وَ يِنْكَرِبْ فَوْقهُمْ وَ مَا يَسْمَعْهُمْ لِيَنْسَاهُمْ وَ يِطَبِّقْهُمْ، خَلَاصْ النَّادُمْ دَا، اللّٰهْ يِبَارِكَهْ فِي كُلِّ شَيّءْ الْيِسَوِّيهْ.

تِيطُس 2:3

وَ وَصِّي الْعَجَايِزْ كُلَ أَشَانْ حَالْهِنْ تَبْقَى تَقِيَّةْ وَ مَا يَبْقَنْ قَوَّالَاتْ وَ لَا سَكَّارِيَّاتْ. خَلِّي يِعَلِّمَنْ أَخْوَاتْهِنْ كِكَّيْف يِسَوَّنْ الْخَيْر.

يَعْقُوب 1:16

يَا أَخْوَانِي النِّحِبُّكُو، مَا تُغُشُّوا نُفُوسْكُو.

يَعْقُوب 1:19

يَا أَخْوَانِي النِّحِبُّكُو، فَكُّرُوا عَدِيلْ. خَلِّي أَيِّ نَادُمْ يُكُونْ دَايْماً جَاهِزْ لِيَسْمَعْ. خَلِّي مَا يِحَجِّي عَجَلَةْ وَ مَا يَزْعَلْ عَجَلَةْ

يَعْقُوب 2:8

بِالصَّحِيحْ، دَا عَدِيلْ كَنْ إِنْتُو قَاعِدِينْ تِتَابُعُوا شُرُوطْ التَّوْرَاةْ هَنَا مَمْلَكَةْ اللّٰهْ الْقَاعِدِينْ فِي الْكِتَابْ الْبُقُولُوا: <حِبّ أَخُوكْ مِثِلْ تِحِبّ نَفْسَكْ.>

يَعْقُوب 5:7

يَا أَخْوَانِي، أَصْبُرُوا لَحَدِّي رَبِّنَا عِيسَى يَجِي. فَكُّرُوا فِي الْحَرَّاتِينْ. هُمَّنْ يَرْجَوْا الْخَرِيفْ لِيِتَيْرُبُوا الْغَلَّةْ الْمُهِمَّةْ لِحَيَاتْهُمْ. مِنْ تَيْرَبَوْهَا، يَرْجَوْا أَلْمِي يُصُبّ لِلْغَلَّةْ تُقُمّ وَ يَصْبُرُوا لَحَدِّي تَنْجَضْ.

يَعْقُوب 5:10

يَا أَخْوَانِي، شِيلُوا مَثَلْ هَنَا الْأَنْبِيَاء الْكَلَّمَوْا بِأُسُمْ اللّٰهْ. فَكُّرُوا فِي تَعَبْهُمْ وَ صَبُرْهُمْ.