يَعْقُوب 4:10 - الكتاب المقدس بالعربي الدارجي هنا تشاد

¹⁰ مَسْكُنُوا نُفُوسْكُو قِدَّامْ اللّٰهْ وَ خَلَاصْ، هُو يَرْفَعْكُو.

يَعْقُوب 4:10 Referenca të Kryqëzuara

زَبُور 147:6

اللّٰهْ يِسَاعِدْ الْمَسَاكِينْ وَ يَرْمِي الْعَاصِيِينْ فِي التُّرَابْ.

مَتَّى 23:12

أَشَانْ أَيِّ نَادُمْ الْيِسَوِّي نَفْسَهْ كَبِيرْ، اللّٰهْ يِسَوِّيهْ صَغَيَّرْ وَ النَّادُمْ الْيِسَوِّي نَفْسَهْ صَغَيَّرْ، اللّٰهْ يِسَوِّيهْ كَبِيرْ.

1 بُطْرُس 5:6

خَلَاصْ، مَسْكُنُوا نُفُوسْكُو قِدَّامْ قُدْرَةْ اللّٰهْ وَ فِي الْوَكِتْ الْمُوَافِقْ، هُو بَسْ يَرْفَعْكُو.

لُوقا 14:11

أَشَانْ أَيِّ نَادُمْ الْيِسَوِّي نَفْسَهْ كَبِيرْ، اللّٰهْ يِسَوِّيهْ صَغَيَّرْ. وَ النَّادُمْ الْيِسَوِّي نَفْسَهْ صَغَيَّرْ، اللّٰهْ يِسَوِّيهْ كَبِيرْ.»

أيُّوب 22:29

وَ كَنْ نَاسْ وَاحِدِينْ يِلْمَسْكَنَوْا، إِنْتَ تُقُولْ: «قُمُّوا فَوْق!» أَشَانْ الرَّبّ يِنَجِّي الْمِسْكِينْ.

زَبُور 113:7

وَ هُو يِقَوِّمْ الْمِسْكِينْ مِنْ التُّرَابْ وَ يَرْفَعْ الْفَقْرِي مِنْ الرُّمَادْ.

لُوقا 1:52

هُو دَلَّى مُلُوكْ قَوِيِّينْ مِنْ كَرَاسِيهُمْ وَ رَفَعْ الْمَسَاكِينْ.

لُوقا 18:14

«وَ نُقُولْ لَيْكُو مِنْ النَّاسَيْن دَوْل، الرَّاجِلْ التَّانِي بَسْ قَبَّلْ فِي بَيْتَهْ وَ اللّٰهْ جَعَلَهْ صَالِحْ. أَشَانْ أَيِّ نَادُمْ الْيِسَوِّي نَفْسَهْ كَبِيرْ، اللّٰهْ يِسَوِّيهْ صَغَيَّرْ وَ النَّادُمْ الْيِسَوِّي نَفْسَهْ صَغَيَّرْ، اللّٰهْ يِسَوِّيهْ كَبِيرْ.»

زَبُور 27:6

وَ هَسَّعْ رَاسِي مَرْفُوعْ قِدَّامْ عُدْوَانِي الْمُحَوِّقِينِّي. وَ أَنَا نَدْبَحْ ضَحِيَّةْ فِي خَيْمِتَهْ بِزَغْرَاطْ وَ نِغَنِّي وَ نَمْدَحْ اللّٰهْ.

زَبُور 30:1

أَنَا نِعَظِّمَكْ، يَا اللّٰهْ، أَشَانْ إِنْتَ مَرَقْتِنِي مِنْ النُّقْرَةْ وَ مَا خَلَّيْت عُدْوَانِي يَفْرَحَوْا بِسَبَبِي.

1 صَمُوِيل 2:9

اللّٰهْ يَحْفَضْ النَّاسْ الصَّالِحِينْ وَ فِي الضَّلَامْ، يُمُوتُوا الْفَسْلِينْ. أَشَانْ الْإِنْسَانْ بِقُدُرْتَهْ مَا يِنَّصِرْ.

زَبُور 28:9

يَا رَبّ، نَجِّي شَعَبَكْ! هُمَّنْ الْوَرَثَتَكْ، بَارِكْهُمْ. أَبْقَى رَاعِيهُمْ وَ فَكِّرْ فَوْقهُمْ إِلَى الْأَبَدْ.

خُروج 10:3

وَ خَلَاصْ، مُوسَى وَ هَارُونْ مَشَوْا لِلْمَلِكْ وَ قَالَوْا لَيَّهْ: «دَاهُو اللّٰهْ رَبّ الْعِبْرَانِيِّينْ قَالْ: ‹لَحَدِّي مَتَى إِنْتَ تَابَى مَا تِدَنْقِرْ قِدَّامِي؟ خَلِّي شَعَبِي يَمُرْقُوا وَ يَمْشُوا لِيَعَبُدُونِي!

1 صَمُوِيل 2:7

اللّٰهْ يُفْقِرْ وَ يُغْنِي وَ يِزِلّْ وَ يِعِزّ.

2 أخبار 7:14

وَ كَنْ شَعَبِي الْيِنَادُوهُمْ بِأُسْمِي يِمَسْكُنُوا نُفُوسْهُمْ وَ يِصَلُّوا وَ يِوَجُّهُوا عَلَيِّ وَ يِقَبُّلُوا مِنْ دَرِبْهُمْ الْفَسِلْ، خَلَاصْ أَنَا اللّٰهْ مِنْ السَّمَاءْ نَسْمَعْهُمْ وَ نَغْفِرْ لَيْهُمْ ذُنُوبْهُمْ وَ نَعَمِرْ بَلَدْهُمْ.

أيُّوب 5:11

هُو يَرْفَعْ الْمَسَاكِينْ فَوْق، وَ الْقَاعِدِينْ فِي الضَّلَامْ يَلْقَوْا النَّجَاةْ.

أمْثال 29:23

الْيِعَظِّمْ نَفْسَهْ، يَرْمُوهْ وَ الْيِمَسْكِنْ نَفْسَهْ، يِشَرُّفُوهْ.

حِزْقِيال 21:26

دَاهُو اللّٰهْ الرَّبّ قَالْ: ‹خَلِّي يَمُرْقُوا مِنَّهْ الْكَدْمُولْ وَ يِسِلُّوا مِنَّهْ التَّاجْ. كُلَّ شَيّءْ يِغَيِّرْ، الْمِسْكِينْ يَرْفَعَوْه وَ الْقَوِي يِنَزُّلُوهْ.